ᒐᕙᒪᑐᖃᒃᑯᓂ ᓂᐅᕕᖃᑦᑕᕐᓂᖅ ᐃᓄᐃᑦ ᓄᓇᖁᑎᖏᓐᓂ
ᒐᕙᒪᑐᖃᒃᑯᓂᑦ ᓂᐅᕕᖃᑦᑕᕐᓂᖅ ᐱᔨᑦᑎᕋᖃᑦᑕᕐᓂᖅᐃᓄᐃᑦ ᓄᓇᖁᑎᖏᓐᓂ ᐊᑐᖅᓯᑦᑎᐊᕆᐊᖃᖅᑐᑦ ᑲᓇᑕᐅᑉ ᒐᕙᒪᒃᑯᑦ ᐊᑐᕆᐊᖃᖅᑎᑕᖏᒃ ᐊᑖᒍᑦ ᑐᑭᒧᐊᒃᑎᑦᑎᔾᔪᑎᖏᓐᓂ ᒐᕙᒪᒃᑯᓂ ᑳᓂᑐᕌᖕᓂ, ᑕᒪᒃᑯᐊ ᐃᒡᓗᓕᒃ ᐊᑐᕐᓂᖅ, ᐃᓄᐃᑦ ᓄᓇᖁᑎᖏᓐᓂ ᑎᑎᕋᖅᓯᒪᔪᖅ ᐊᖏᕈᑎ 24 ᓄᓇᕗᑦ ᐊᖏᕈᑎᖏᓐᓂ.
ᑕᕝᕙᓂ ᒪᒃᐱᒐᕐᒥ
ᐅᖃᐅᓯᖃᖅᑐᖅ ᒐᕙᒪᑐᖃᒃᑯᓂᑦ ᓂᐅᕕᖃᑦᑕᕐᓂᖅ ᐱᔨᑦᑎᕋᖃᑦᑕᕐᓂᖅ ᐊᑐᕆᐊᖃᖅᑎᑕᖏᑦ ᐃᓄᐃᑦ ᓄᓇᖁᑎᖏᓐᓂ
ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᖃᖅᐸᒃᑐᑦ ᓇᖕᒥᓂᖃᖅᑐᓂᒃ ᐃᓄᐃᑦ ᓄᓇᖁᑎᖏᓐᓂ. ᐅᓇ ᑐᓂᓯᓯᒪᔪᖅ ᐃᓄᖕᓂᒃ ᓇᖕᒥᓂᖁᑎᖃᖅᑐᓂᒃ ᓵᓚᐅᑦᑕᐃᓕᒪᓪᓗᑎᒃ ᓴᒡᕙᐃᓯᒪᓲᑦ ᑳᓐᑐᕌᒃᓴᒥᖕᓂᒃ, ᑕᒪᒃᑯᐊᓗ ᐊᑐᖅᑐᐊᖅᑎᑦᑎᓂᖅ ᐃᒡᓗᓕᒃ ᓄᓇᓕᒡᓗ. ᐅᓇ ᓴᕿᑦᑎᓯᒪᔪᖅ ᐱᕕᖃᕐᑎᑦᑎᓪᓗᓂ ᐃᓄᖕᓂᒃ ᐃᖅᑲᓇᐃᔮᒃᓴᖃᖅᑎᓪᓗᒋᑦ, ᐱᔭᕆᐅᖅᓴᓪᓗᒋᑦ, ᐊᒻᒪᓗ ᓇᖕᒥᓂᖁᑎᖃᖅᑐᑦ ᖃᓄᐃᓕᐅᖅᑎᓪᓗᒋᑦ. ᐊᑖᒍᑦ 24 ᓄᓇᕗᑦ ᐊᖏᕈᑎᓂ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᑐᓂᓯᔭᕆᐊᖃᖅᑐᑦ ᓈᒻᒪᒃᑐᓂᒃ ᐃᑲᔪᕐᓗᒋᑦ ᐃᓄᐃᑦ ᓇᖕᒥᓂᖃᖅᑐᑦ ᑕᐃᒪᓗ ᐱᓇᓱᖃᑕᐅᖃᑦᑕᕐᓂᐊᕐᒪᑕ ᓵᒡᕙᐃᓗᑎᒃ ᑳᓐᑐᕌᒃᓴᒥᖕᓂᒃ.
ᐅᑯᐊ ᑲᓇᑕᐅᑉ ᒐᕙᒪᒃᑯᑦ ᐊᑐᕆᐊᖃᖅᑎᑕᖏᒃ ᐊᑖᒍᑦ ᑐᑭᒧᐊᒃᑎᑦᑎᔾᔪᑎᖏᓐᓂ ᒐᕙᒪᒃᑯᓂ ᑳᓂᑐᕌᖕᓂ, ᑕᒪᒃᑯᐊ ᐃᒡᓗᓕᒃ ᐊᑐᕐᓂᖅ, ᐃᓄᐃᑦ ᓄᓇᖁᑎᖏᓐᓂ (not available in Inuktitut) ᓇᓗᓇᐃᔭᐃᖅᓯᒪᑦᑎᐊᖅᑐᒥ ᐊᑐᕆᐊᖃᖅᑎᑕᒥᖕᓂᒃ ᐊᒻᒪᓗ ᓴᕿᑦᑕᕆᐊᖃᖅᑕᒥᖕᓂᒃ ᓄᑖᑎᒍᑦ ᒐᕙᒪᒃᑯᑦ ᑳᓐᑐᕌᒃᓯᒐᓗᐊᕐᒪᖔᑕ ᐃᓄᐃᑦ ᓄᓇᖁᑎᖏᓐᓂ ᐊᑐᖅᓯᓗᑎᒃ ᑐᕌᖅᑕᒥᖕᓂᒃ ᓄᓇᕗᑦ ᐊᖏᕈᑎᑦᑎᒍᑦ.
ᐅᑯᐊ ᑐᑭᒧᐊᒍᑎᑦ ᓂᕆᐅᒋᔭᐅᔪᑦ ᐋᕿᐅᑎᓗᑎᒃ ᐊᑐᕆᐊᖃᖅᑕᒥᖕᓂ ᐊᖏᕈᑎ 24, ᐅᑯᐊᖑᕗᑦ:
- ᐅᓄᕐᓂᖅᓴᐅᓗᑎᒃ ᐃᓄᐃᑦ ᓇᖕᒥᓂᖃᖅᑐᑦ ᐱᓕᕆᖃᑕᐅᔪᑦ ᐃᓄᐃᑦ ᓄᓇᖁᑎᖏᓐᓂ ᒪᑭᒪᓇᓱᐊᕈᑎᓂᒃ
- ᐱᐅᓯᕚᓪᓕᕐᓂᐊᕐᒪᑕ ᐱᓕᕆᕝᕕᖃᖅᑐᑦ ᐃᓄᐃᑦ ᓇᖕᒥᓂᖃᖅᑐᑦ ᓴᒡᕙᐃᖃᑦᑕᕐᒥᓗᑎᒃ ᒐᕙᒪᒃᑯᓂ ᑳᓐᑐᕌᒃᓴᓄᑦ ᐊᒻᒪᓗ ᐃᒡᓗᓕᒃ ᓄᓇᓂᒡᓗ ᐊᑐᖅᑎᑦᑎᓂᖅ ᐃᓄᐃᑦ ᓄᓇᖁᑎᖏᓐᓂ
- ᐅᓄᖅᓯᒋᐊᕐᓗᒋᑦ ᐃᓄᐃᑦ ᐃᖅᑲᓇᐃᔭᖅᑐᑦ ᐃᓄᐃᑦ ᓄᓇᖁᑎᖏᓐᓂ ᐃᖅᑲᓇᐃᔭᕐᕕᑦ ᐃᓗᐊᓂ ᐊᑐᖁᔭᖏᓐᓂᒃ ᒪᓕᑦᑎᐊᕐᓗᑎᒃ ᓄᓇᖃᖅᑐᑎᒍᑦ.
ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᐃᑲᔪᖅᑐᑦ ᐊᓯᖏᓐᓂᒃ ᒐᕙᒪᑐᖃᒃᑯᓂᒃ ᐊᒻᒪᓗ ᑎᒥᖁᑎᖏᓐᓂᒃ ᐊᑐᖅᓯᓂᐊᕐᒪᑕ ᐊᖏᕈᑎ 24 ᓂᐅᕕᖃᑦᑕᕐᓂᖅ ᒐᕙᒪᒃᑯᓂᑦ ᐊᑐᕆᐊᖃᖅᑎᑕᖏᑦ ᐃᒪᓐᓇ:
- ᑐᓴᕐᑎᑦᑎᓗᑎᒃ ᑐᓴᒐᒃᓴᓂᒃ ᐱᔾᔪᑎᒋᓪᓗᒋᑦ ᒐᕙᒪᑐᖃᒃᑯᓂᑦ ᓂᐅᕕᖃᑦᑕᕐᓂᖅ ᐱᔨᑦᑎᕋᖃᑦᑕᕐᓂᖅ ᐱᔭᒃᓴᕆᔭᐅᔪᑦ ᐃᓄᐃᑦ ᓄᓇᖁᑎᖏᓐᓂ
- ᓴᓇᖃᑎᒋᓗᒋᑦ ᐊᓯᖏᑦ ᐊᐅᓚᑦᓯᕕᑦ ᐱᔭᕆᐅᖅᓴᑎᑦᑎᓗᑎᒃ ᐅᑯᐊᓗ ᐋᕿᒃᓯᒪᓂᐊᕐᒪᑕ ᐃᖅᐸᖅᓯᒪᔪᑦ ᓇᓂᔭᐅᓯᒪᔪᑦ ᐊᖏᕈᑎ 24 ᑎᑎᕋᖅᓯᒪᔪᓂ ᓈᓴᖅᓯᒪᔪᓂᑦ
ᑐᑭᓯᑎᑦᑎᒃᑲᓐᓂᕐᓗᑎᒃ ᖃᓄᖅ ᒐᕙᒪᑐᖃᒃᑯᓂᑦ ᓂᐅᕕᖃᑦᑕᕐᓂᖅ ᐱᔨᑦᑎᕋᖃᑦᑕᕐᓂᖅ ᐋᕿᒃᓯᒪᖕᒪᖔᑦ ᐊᒻᒪᓗ ᖃᓄᖅ ᐃᓚᐅᔪᓐᓇᕐᒪᖔᑕ ᐃᓄᐃᑦ ᓇᖕᒥᓂᖃᖅᑐᑦ ᐊᑏ ᖃᕆᓴᐅᔭᒃᑯᑦ ᒪᑐᐃᕐᓗᒍ ᓂᐅᕕᖃᑦᑕᖅᑐᓕᕆᓂᖅ ᐱᔨᑦᑎᕋᖃᑦᑕᖅᑐᓕᕆᓂᕐᓗ ᖃᐅᔨᒪᔭᐅᔭᕆᐊᖃᖅᑐᑦ ᑎᑎᕋᖅᓯᒪᔪᑦ ᑐᕌᖅᑐᑦ ᐃᓄᐃᑦ ᓇᖕᒥᓂᖁᑎᖃᖅᑐᑦ (not available in Inuktitut).
ᐅᓂᒃᑳᓕᐅᕐᓂᖅ
ᐊᑖᒍᑦ ᑐᑭᒧᐊᒃᑎᑕᐅᓪᓗᑎᒃ, ᒐᕙᒪᑐᖃᒃᑯᑦ ᐊᒻᒪᓗ ᑎᒥᖁᑎᖏᑦ ᐅᓂᒃᑳᓕᐅᕆᐊᖃᖅᑐᑦ ᑖᒃᑯᓄᖓ ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᐃᓄᐃᑦ ᓄᓇᖁᑎᖏᓐᓂ ᑎᑎᕋᖅᓯᒪᔪᒋᑦ ᓈᓴᖅᓯᒪᔪᖏᑦ ᑳᓐᑐᕌᓕᕆᓂᖏᑦᑕ ᐊᒻᒪᓗ ᐃᒡᓗᓂᒃ ᓄᓇᓂᒡᓗ ᐊᑐᕐᓂᖓ ᐃᓄᐃᑦ ᓄᓇᖁᑎᖏᓐᓂ ᑎᑎᕋᖅᓯᒪᔭᖏᑦ ᑯᐊᑕ ᐊᕐᕌᒍᒥ ᐊᕕᒃᑐᖅᓯᒪᔪᑦ ᐊᒻᒪᓗ ᐊᕐᕌᒍᑕᒫᖅᑕᖅᓯᒪᓪᓗᓂ ᒪᓕᑦᑎᐊᖅᑐᑦ ᐊᑖᓂ ᑎᑎᕋᖅᓯᒪᔪᑦ ᐃᓱᓕᕕᓕᖅᓯᒪᓪᓗᑎᒃ:
| ᐅᓂᒃᑳᖅ ᖃᖓ ᐊᕐᕌᒍᒥ | ᐃᓱᓕᕕᖓ |
|---|---|
| 1-ᐊᕐᕌᒍᒥ ᑯᐊᑕ (ᐊᐃᕆᓕ 1-ᒥᑦ ᔫᓐ 30-ᒧᑦ) | ᔪᓚᐃ 30 |
| 2-ᐊᕐᕌᒍᒥ ᑯᐊᑕ (ᔪᓚᐃ 1-ᒥᑦ ᓯᑎᐱᕆ 30-ᒧᑦ) | ᐅᒃᑑᐸ 31 |
| 3-ᐊᕐᕌᒍᒥ ᑯᐊᑕ (ᐅᒃᑑᐸ 1-ᒥᑦ ᑎᓯᐱᕆ 31-ᒧᑦ) | ᔮᓄᐊᕆ 31 |
| 4-ᐊᕐᕌᒍᒥ ᑯᐊᑕ (ᔮᓄᐊᕆ 1-ᒥᑦ ᒫᑦᓯ 31-ᒧᑦ) | ᒪᐃ 30 |
| ᐊᕐᕌᒍᓕᒫᒧᑦ | ᓯᑎᐱᕆ 30 |
ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᐊᑐᖅᓯᓲᑦ ᑖᒃᑯᓇᖓᑦ ᖃᐅᔨᓴᕈᑎᑖ ᒪᓕᒃᖢᒋᑦ ᑎᑎᕋᕐᓂᐊᕋᒥ ᐊᕐᕌᒍᑕᒫᖅᓯᐅᑎᑦ ᐅᓂᒃᑳᒥᒃ ᑕᑯᓐᓇᖅᑐᖅ ᒐᕙᒪᑐᖃᒃᑯᑦ ᑳᓐᑐᕌᖏᓐᓂᒃ (ᐃᓚᒋᔭᐅᔪᑦ ᐋᕿᒋᐊᕆᐊᖃᖅᑐᑦ) ᐊᑭᖏᑦ ᑎᑭᐅᒪᔪᓄᑦ $10,000 ᐅᕝᕙᓘᓐᓃᑦ ᐊᑭᑐᓂᖅᓴᑦ ᐊᒻᒪᓗ ᐃᒡᓗᓂᒃ ᓄᓇᓂᒡᓗ ᐊᑐᕈᑎᑦ (ᐃᓚᓕᐅᑎᓯᒪᓗᑎᒃ ᐋᕿᒋᐊᕈᑎᔪᑦ) ᐊᑭᖏᑦ ᑎᑭᐅᒪᔪᓄᑦ $100,000 ᐅᕝᕙᓘᓐᓃᑦ ᐊᑭᑐᓂᖅᓴᐃᑦ. ᐅᓇ ᐅᓂᒃᑳᖅ ᑐᕌᖅᑐᖅ ᖃᐅᔨᓴᐅᑎᒃᓴᓄᑦ ᐊᕐᕌᒍᓕᒫᒥ ᑳᓐᑐᕌᒃᓯᒪᖃᑦᑕᓚᐅᖅᑕᒥᖕᓂᒃ ᑖᒃᑯᓄᖓ ᐃᓄᐃᑦ ᓄᓇᖁᑎᖏᓐᓂ ᐃᑲᔪᖅᑐᑦ ᐃᓄᖕᓂᒃ ᓇᖕᒥᓂᖃᖅᑐᓂᒃ ᐱᓇᓱᖃᑕᐅᓗᑎᒃᑕᐅᖅ ᒐᕙᒪᑐᖃᒃᑯᑦ ᑳᓐᑐᕌᖏᓐᓂᒃ. ᐊᕐᕌᒍᑕᒫᑦ ᐱᔭᕇᖅᓯᒪᓕᖅᑎᓪᓗᒍ ᐅᓂᒃᑳᖅ, ᐊᑎᖏᑦ ᐃᓄᐃᑦ ᓇᖕᒥᓂᖃᖅᑐᑦ ᑐᓂᔭᐅᓯᒪᔪᑦ ᑳᓐᑐᕌᖕᓂᒃ ᐅᓂᒃᑳᓕᐅᕐᓇᐅᑎᓪᓗᒍ ᑮᓇᐅᔭᓕᐊᕕᓂᑦ ᐊᒻᒪᓗ ᑐᓂᔭᐅᓂᐊᕐᒥᔪᑦ ᓄᓇᕗᑦ ᑐᓐᖓᕕᒃ ᑎᒥᖓ ᐊᒻᒪᓗ ᐃᓄᐃᑦ ᓇᖕᒥᓂᖁᑎᖃᖅᑐᑦ ᐊᑎᖃᖅᑐᑦ ᑕᐃᑲᓂ ᐃᓄᐃᑦ ᓇᖕᒥᓂᖁᑎᖃᖅᑐᑦ ᐊᑎᖏᑦ (not available in Inuktitut).
ᓇᐃᓈᖅᓯᒪᔪᑦ ᑭᖑᓂᑦᑎᓐᓂ ᐅᓂᒃᑳᓕᐅᖅᓯᒪᔪᑦ ᐊᑐᐃᓐᓇᐅᔪᑦ ᐊᑖᓂ ᑎᑎᕋᖅᓯᒪᕗᑦ:
- ᑲᓇᑕᐅᑉ ᒐᕙᒪᒃᑯᓂ ᓂᐅᕕᖃᑦᑕᕐᓂᖅ ᐱᔨᑦᑎᕋᕐᓂᕐᓗ ᐊᒻᒪᓗ ᐊᑐᖅᑐᐊᕐᓂᖅ ᐃᒡᓗᓂᒃ ᓄᓇᓂᒡᓗ ᐅᓂᒃᑳᖅ ᑕᐃᑲᓂ ᓄᓇᕗᑦ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ 2023-24
- ᑲᓇᑕᐅᑉ ᒐᕙᒪᒃᑯᓂ ᓂᐅᕕᖃᑦᑕᕐᓂᖅ ᐱᔨᑦᑎᕋᕐᓂᕐᓗ ᐊᒻᒪᓗ ᐊᑐᖅᑐᐊᕐᓂᖅ ᐃᒡᓗᓂᒃ ᓄᓇᓂᒡᓗ ᐅᓂᒃᑳᖅ ᑕᐃᑲᓂ ᓄᓇᕗᑦ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ 2022-23
- ᑲᓇᑕᐅᑉ ᒐᕙᒪᒃᑯᓂ ᓂᐅᕕᖃᑦᑕᕐᓂᖅ ᐱᔨᑦᑎᕋᕐᓂᕐᓗ ᐊᒻᒪᓗ ᐊᑐᖅᑐᐊᕐᓂᖅ ᐃᒡᓗᓂᒃ ᓄᓇᓂᒡᓗ ᐅᓂᒃᑳᖅ ᑕᐃᑲᓂ ᓄᓇᕗᑦ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ 2021-22
- ᑲᓇᑕᐅᑉ ᒐᕙᒪᒃᑯᓂ ᓂᐅᕕᖃᑦᑕᕐᓂᖅ ᐱᔨᑦᑎᕋᕐᓂᕐᓗ ᐊᒻᒪᓗ ᐊᑐᖅᑐᐊᕐᓂᖅ ᐃᒡᓗᓂᒃ ᓄᓇᓂᒡᓗ ᐅᓂᒃᑳᖅ ᑕᐃᑲᓂ ᓄᓇᕗᑦ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ 2020-21
ᑐᒃᓯᕋᕐᓗᑎᑦ ᑕᒪᐃᓐᓂᒃ ᑎᑎᕋᖅᓯᒪᔪᑦ ᑕᕐᕋᖏᓐᓂᒃ ᑖᒃᑯᐊ ᐅᓂᒃᑳᑦ, ᐅᖃᕐᕕᒋᑎᒍᑦ ᐅᕘᓇ article24@sac-isc.gc.ca.
ᐅᓂᒃᑳᓕᐅᕈᓯᑦ ᓂᐅᕕᖃᑦᑕᕐᓂᕐᒧᑦ ᐱᔨᑦᑎᕋᕐᓂᕐᓗ ᑳᓐᑐᕌᖏᓂᑦ ᐊᒻᒪᓗ ᐃᒡᓗᓂᒃ ᓄᓇᓕᒡᓗ ᐊᑐᖅᑐᐊᕐᓂᖅ ᐊᑐᐃᓐᓇᐅᕗᑦ ᐊᑖᓂ ᓇᕿᑦᑎᕕᒋᓗᒍ:
- ᓄᓇᕗᑦ ᑐᑭᒧᐊᒍᑖ ᓂᐅᕕᖃᑦᑕᕐᓂᒃᒧᑦ ᐱᔨᑦᑎᕋᕐᓂᕐᓗ ᑳᓐᑐᕌᖏᓂᑦ ᐅᓂᒃᑳᓕᐅᕈᓯᖅ MS Excel-ᑯᑦ (not available in Inuktitut) (609 ᑭᑲᐸᐃᑦ)
- ᓄᓇᕗᑦ ᐃᒡᓗᓂᒃ ᓄᓇᓂᒡᓗ ᐊᑐᖅᑐᐊᖅᑎᑦᑎᓂᕐᒧᑦ ᐅᓂᒃᑳᓕᐅᕈᓯᖅ MS Excel-ᑯᑦ (not available in Inuktitut) (521 ᑭᑲᐸᐃᑦ)
ᑮᓇᐅᔭᒃᓴᐃᑦ ᐃᓄᖕᓄᑦ ᓇᖕᒥᓂᖃᖅᑐᓄᑦ
ᐊᑖᒍᑦ ᑐᑭᒧᐊᒃᑎᑕᐅᓯᒪᔪᑦ, ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᐱᑎᑕᐅᓲᑦ $1.125 ᒥᓕᐊᓐ ᐊᕐᕌᒍᑕᒫᑦ ᑮᓇᐅᔭᒃᓴᖃᕐᑎᑦᑎᓂᐊᕐᒪᑕ ᓴᓇᔭᐅᔪᓂᒃ ᐅᓇᓗ ᐅᓄᖅᓯᒋᐊᖅᑎᑦᑎᓗᓂ ᐃᓄᖕᓂᒃ ᓇᖕᒥᓂᖃᖅᑐᓂᒃ ᐱᕕᖃᖅᑎᑦᑎᓂᖓ ᐃᓗᐊᓂ ᐃᓄᐃᑦ ᓄᓇᖁᑎᖏᓐᓂ, ᐃᓄᐃᑦ ᓄᓇᖁᑎᖏᓐᓂ ᐃᖅᑲᓇᐃᔭᕐᕕᐅᑉ ᐃᓗᐊᓂ. ᐱᐅᓯᕚᓪᓕᕐᓗᑎᒃ ᐱᓕᕆᓂᖅᓴᐅᔪᓐᓇᖅᑐᑦ ᐃᓄᐃᑦ ᓇᖕᒥᓂᖃᖅᑐᑦ ᐱᓇᔪᖃᑕᐅᓗᑎᒃ ᒐᕙᒪᒃᑯᑦ ᑳᓐᑐᕌᖏᓐᓂᒃ, ᐊᒻᒪᓗ ᐅᓄᖅᓯᒋᐊᖅᑎᑦᑎᓗᑎᒃ ᐃᖅᑲᓇᐃᔭᖅᑎᑦᑎᓂᖓᑦ ᐃᓄᖕᓂᒃ ᑭᒡᒐᖅᑐᖅᑎᖃᕐᓂᒃᑯᑦ.
ᐱᓕᕆᐊᖑᔪᒪᔪᑦ ᑐᓂᔭᐅᓗᑎᒃ ᕿᒥᕐᕈᐊᖅᑕᐅᓂᐊᕐᒪᑕ ᓄᓇᕗᒻᒥ ᓇᖕᒥᓂᖃᖅᑐᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᖃᑭᔾᔪᑎᒃᓴᓕᐅᖅᑎᑦ ᑲᑎᒪᔨᕋᓛᑦ, ᒐᕙᒪᒃᑯᑦ- ᐃᓄᐃᑦ ᐱᓇᓱᖃᖅᑎᖏᑦ. ᐱᔭᕇᖅᑎᓪᓗᒋᑦ ᑲᑎᒪᔨᕋᓛᑦ ᕿᒥᕐᕈᐊᕐᓂᖏᑦ ᐊᒻᒪᓗ ᐊᖏᖅᓯᓗᑎᒃ, ᑮᓇᐅᔭᒃᓴᖃᖅᑎᑦᑎᓗᑎᒃ ᐊᒻᒪᓗ ᑐᓂᐅᖃᐃᓗᑎᒃ ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕᒃᑯᑦ ᓄᓇᖅᑲᖅᑳᖅᓯᒪᔪᑦ ᓇᖕᒥᓂᖁᑎᖃᕈᓐᓇᕐᓂᕐᒧᑦ ᐱᓕᕆᑎᑦᑎᔾᔪᑎᖓᑦ (not available in Inuktitut) ᐅᕗᖓ.
ᐅᖃᕐᕕᒋᑎᒍᑦ
ᒪᑭᒪᔾᔪᑎᒃᓴᓄᑦ ᐱᓕᕆᑎᑦᑎᔾᔪᑕᐅᔪᑦ ᐊᒻᒪᓗ ᐊᐅᓚᑦᑎᔾᔪᑕᐅᔪᑦ
ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ
200 Sacré-Coeur Blvd.
ᑲᑎᓄ, ᑯᐸᐃᒃ K1A 0H4
ᖃᕆᓴᐅᔭᒃᑯᑦ: article24@sac-isc.gc.ca
ᐅᖃᐅᓯᐅᔪᒧᑦ ᐊᑕᔪᑦ ᖃᕆᓴᐅᔭᒃᑯᑦ
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: