ᑲᒪᒋᓗᒋᑦ ᓴᙱᔪᑦ ᐃᓱᒪᔮᕐᓂᕐᒧᑦ ᖃᓄᐃᓐᓂᕆᔭᑎᑦ
ᑖᕙᑎ ᒪᒃᐃᒐᕐᒥᑦ
ᐅᖃᓕᒫᒐᖅ
ᐃᓕᖕᓂᒃ ᐱᑦᑎᐊᕐᓗᑎᑦ
ᐃᓱᒪᒋᓪᓗᒋᑦ ᖃᓄᖅ ᐃᓕᓐᓂᐊᕆᐊᖅᑎᑕᐅᓚᐅᖅᓯᒪᓂᖅ ᐊᒃᑐᐃᓯᒪᖕᒪᖔᑦ ᐃᓕᖕᓂᒃ ᑐᕌᖅᑎᑦᑎᔪᓐᓇᕐᐳᖅ ᐱᐅᔪᓄᑦ ᐅᕝᕙᓘᓐᓃᑦ ᐱᐅᖏᑦᑐᓄᑦ ᐃᓱᒪᒋᔭᕐᓄᑦ ᐅᕝᕙᓘᓐᓃᑦ ᐃᖅᑲᐃᓐᓇᖅᑐᓄᑦ. ᑕᒃᑯᐊ ᐅᖃᓕᒫᒐᕋᓛᑦ ᑐᕌᒐᖃᕐᑐᑦ ᐃᓕᖕᓂᒃ ᐃᑲᔪᕈᓐᓇᕐᓗᑎᒃ ᐃᓕᓴᕆᔪᓐᓇᕐᓗᒋᑦ ᖃᓄᐃᓐᓂᕆᔭᑎᑦ ᐱᓯᒪᑐᐃᓐᓇᕆᐊᖃᕐᑕᑎᑦ.
ᐃᖅᑲᒃᑲᓐᓂᖅᖢᒋᑦ ᐋᓐᓂᕐᓇᖅᑐᑦ ᐃᖅᑲᐅᒪᔭᑎᑦ ᐱᒻᒪᕆᐅᔪᒃᑯᑦ ᓯᕗᒧᐊᕈᑕᐅᔪᓐᓇᕐᑐᑦ ᒪᒥᓴᖅᐸᓪᓕᐊᓂᐅᑉ ᐱᕙᓪᓕᐊᓂᖓᓂ. ᑐᕌᖅᑎᑦᑎᔪᓐᓇᕐᒥᔪᑦ ᐱᔭᕐᓂᖏᑦᑐᓂᒃ ᐃᓱᒪᖃᕐᓂᐅᔪᓂᒃ, ᐃᒃᐱᒍᓱᖕᓂᐅᔪᓂᒃ ᐊᒻᒪᓗ ᐊᐅᓚᓂᐅᔪᓂᒃ. ᐃᓄᖕᓄᑦ ᐃᓚᖏᓐᓄᑦ, ᓴᙱᔪᑦ ᐃᓱᒪᒧᑦ ᖃᓄᐃᓘᕐᓂᐅᔪᑦ ᐊᔾᔨᐅᔪᑦ. ᑕᐃᒪᐃᑦᑐᓐᓇᖅᑐᖅ ᑕᕝᕙᙵᑲᐅᑎᒋ, ᐅᕝᕙᓘᓐᓃᑦ ᐃᑲᕐᕋᒐᓴᖕᓂ, ᐅᓪᓗᓂ ᐅᕝᕙᓘᓐᓃᑦ ᐱᓇᓱᐊᕈᓯᕐᓄᑦ ᑭᖑᓂᐊᒍᑦ.
ᐊᐅᓚᓂᕆᔭᐃᑦ ᐃᓕᖕᓂᒃ ᑲᒪᑎᑦᑎᔪᓐᓇᕐᑐᖅ ᐊᒡᓛᑦ. ᐊᓂᒍᖅᓯᒪᔪᑦ ᐃᓱᒫᓗᖕᓇᖅᑐᑦ ᐅᕝᕙᓘᓐᓃᑦ ᐃᖅᑲᐅᒪᓇᖅᑐᑦ ᐊᐅᓚᔾᔭᒑᖓᑕ, ᐃᓕᖕᓂᒃ ᐱᑦᑎᐊᕆᐊᖃᕐᑐᑎᑦ ᐊᒻᒪᓗ ᐊᓯᖕᓂᒃ. ᐃᑲᔪᕈᓐᓇᕐᑐᖅ ᑕᐅᑐᙳᐊᖅᑕᖃᕈᕕᑦ ᖃᓄᖅ ᐃᓕᖕᓂᒃ ᑲᒪᒋᔪᓐᓇᖔᖅᐱᑦ ᐊᑐᕐᓗᒍ ᑲᔪᓯᖁᓪᓗᒋᑦ ᐊᑐᖅᓯᒪᔭᑎᑦ.
ᐃᓱᒪᔮᕐᓂᕐᒧᑦ ᐃᑲᔪᖅᑕᐅᓂᖅ
ᑎᑭᐅᑎᓯᒪᓪᓗᓂ ᐃᓱᒪᔮᕐᓂᕐᒧᑦ, ᐊᖏᒐᓗᐊᖅᐸᑦ, ᒥᑭᒃᑲᓗᐊᖅᐸᑦ, ᐃᑲᔪᕈᓐᓇᖅᐳᖅ ᐊᑐᕐᓗᑎᑦ ᐃᒃᐱᒡᓇᖅᑐᓂᒃ ᐊᑲᐅᔪᒃᑯᑦ.
ᐊᓐᓇᒃᓯᒪᓂᑰᕖᑦ ᐅᕝᕙᓘᓐᓃᑦ ᐃᓚᒋᔭᐅᕕᑦ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᕕᓂᕐᒧᑦ?
ᑕᐃᒪᐃᑉᐸᑦ, ᐃᓕᖅᑯᓯᓕᕆᓂᕐᒧᑦ ᐊᒻᒪᓗ ᐃᓱᒪᔮᕐᓂᕐᒧᑦ ᐃᑲᔪᖅᑕᐅᓂᖅ, ᐊᒻᒪᓗ ᐱᓕᕆᔨᒻᒪᕆᖕᒥᑦ ᐃᓱᒪᓕᕆᔩᑦ ᐅᖃᓪᓚᐅᔾᔨᔩᑦ ᐊᑐᐃᓐᓇᐅᔪᑦ ᐃᓕᖕᓄᑦ.
ᐃᑲᔪᖅᑕᐅᔪᓐᓇᖅᐳᑎᑦ ᐃᓕᖅᑯᓯᓕᕆᓂᕐᒧᑦ ᐃᑲᔪᖅᑕᐅᓂᒃᑯᑦ ᓲᕐᓗ ᐃᓐᓇᕐᓂᑦ ᐅᕝᕙᓘᓐᓃᑦ ᖃᐅᔨᒪᓂᐅᔪᒥᒃ ᐸᐸᑦᑎᔨᓂᑦ, ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᓂ ᐃᖅᑲᓇᐃᔭᖅᑎᓂᑦ ᓈᓚᒍᓐᓇᕐᑐᑦ, ᐅᖃᓪᓚᖃᑎᒋᔭᒃᓴᐃᑦ, ᐊᒥᖅᑳᕐᓗᑎᒃ ᐃᓂᐅᔪᒥᒃ, ᐊᒻᒪᓗ ᐃᑲᔪᖅᑐᐃᓗᑎᒃ.
ᐱᒻᒪᕆᐅᔪᑦ ᖃᐅᔨᒪᔭᐅᔪᒃᓴᑦ
ᓇᓕᐊᖕᓂᑐᐃᓐᓇᖅ ᐊᑐᖅᑕᐅᓯᒪᔪᓂᒃ ᑕᕝᕙᓂ ᐅᖃᓕᒫᒐᕋᓛᕐᒥ, ᖃᐅᔨᒪᓂᐊᖅᐳᑎᑦ ᑕᒪᓐᓇ ᐊᔾᔨᐅᑐᐃᓐᓇᖅᑐᖅ. ᑕᒃᑯᐊ ᐃᒃᐱᒋᔭᑎᑦ ᐊᑯᓂᐅᓂᖅᓴᐅᒃᐸᑕ ᐱᓇᓱᐊᕈᓰᑦ ᑎᓴᒪᑦ ᐅᖓᑖᓄᑦ, ᐅᖃᓪᓚᖃᑎᖃᕈᒪᓚᐅᕐᓂᐊᖅᐳᑎᑦ ᑭᓇᑐᐃᓐᓇᕐᒥᒃ ᐃᑲᔪᕈᓐᓇᖅᑐᒥᒃ ᐃᓕᖕᓂᒃ.
ᐱᒻᒪᕆᐅᔪᖅ ᐃᑲᔪᖅᑕᐅᔪᒪᓗᓂ ᐊᒻᒪᓗ ᐅᖃᓪᓚᖃᑎᖃᕐᓗᓂ ᐊᓯᖕᓂᒃ ᐃᑲᔪᖅᑕᐅᖁᓪᓗᑎᑦ ᐊᓂᒍᐃᔪᓐᓇᖁᓪᓗᑎᑦ ᑖᒃᑯᓂᖓ ᐃᓱᒪᒋᔭᕐᓂᒃ ᐊᑲᐅᔪᒃᑯᑦ.
- ᐃᓄᑑᑦᑕᐃᓕᓗᑎᑦ ᐃᓱᒪᖃᕈᕕᑦ ᐃᓕᖕᓂᒃ ᐋᓐᓂᕈᒪᓗᑎᑦ ᐅᕝᕙᓘᓐᓂᑦ ᐋᓐᓂᖅᓯᔪᒪᓗᑎᑦ ᐊᓯᖕᓂᒃ.
- ᐅᖃᕐᓗᑎᑦ ᑭᓇᑐᐃᓐᓇᒧᑦ ᓴᐃᓕᓇᕆᔭᕐᓄᑦ. ᑕᒪᒃᑯᐊ ᐃᓱᒪᒋᔭᐅᓲᑦ ᕿᓚᒻᒥᐅᒐᔪᒃᑐᑦ ᐊᒻᒪᓗ ᐅᖃᓪᓚᖃᑎᖃᕈᕕᑦ ᑕᑎᒋᔭᕐᓂᒃ ᐃᑲᔫᑎᖃᕈᓐᓇᓪᓚᕆᒃᑐᖅ.
- ᐃᓛᓐᓂᒃᑯᑦ ᐱᔭᕐᓂᖏᑦᑐᓐᓇᕋᓗᐊᖅᖢᓂ, ᐋᓐᓂᕐᓇᖅᖢᓂᓗ, ᒪᒥᓴᕐᓂᖅ ᐊᔪᕐᓇᖏᑦᑐᖅ. ᒪᒥᓴᕐᓂᖅ ᐃᖏᕐᕋᓂᐅᖕᒪᑦ ᐊᒻᒪᓗ ᐃᑲᔫᑕᐅᔪᓐᓇᕐᑐᓂᒃ ᐱᑕᖃᕐᖢᓂ ᐱᓱᖃᑕᐅᔪᓐᓇᕐᑐᑦ ᓴᓂᖕᓂ.
ᐃᓚᖏᑦ ᐊᑐᖅᑕᐅᒐᔭᖅᑐᑦ ᐊᑐᑐᐃᓐᓇᕆᐊᖃᖅᑕᑎᑦ:
ᐅᒃᐱᕐᓂᕐᒧᑦ
- ᐊᒃᓱᕈᕐᓂᖅ
- ᐊᐱᖅᑯᑏᑦ ᐅᒃᐱᕐᓂᖅᐱᑦ ᒥᒃᓵᓄᑦ
- ᓇᓗᓕᖅᖢᒋᑦ ᐱᒻᒪᕆᐅᒋᔭᑎᑦ
- ᐃᓅᓯᐅᑉ ᐱᐅᓂᖓ ᐅᒃᐱᕆᔪᓐᓃᖅᖢᒍ
- ᐃᓄᑑᖅᑯᐃᔨᓪᓗᑎᑦ
ᐊᐅᓚᓂᕆᔭᐃᑦ
- ᐃᖅᑲᐃᑳᓚᖕᓃᑦ
- ᓂᙵᒃᓴᕋᐃᓐᓃᑦ
- ᓂᕆᔪᒪᔪᓐᓃᕐᓃᑦ
- ᐊᔪᓪᓕᓯᒪᓃᑦ
- ᓂᙵᑲᐅᖅᑐᓲᖅ
- ᐊᕗᑎᓯᒪᓂᖅ
- ᐃᒃᐱᒋᔭᑎᑦ ᐊᓯᔾᔨᑳᓪᓚᒃᐸᒃᖢᑎᒃ
- ᑕᐸᐃᕐᓂᖅ
- ᐊᐃᑉᐸᖃᕐᓂᕐᒧᑦ ᐊᑲᐅᙱᓕᐅᕈᑏᑦ
- ᐃᓱᒪᑦᑎᐊᕈᓐᓇᖏᓐᓂᖅ
ᑎᒥᒃᑯᑦ
- ᓯᓂᒍᓐᓇᖏᓐᓂᖅ
- ᓯᓐᓇᒃᑐᓂᕐᓗᖕᓃᑦ
- ᓈᙳᓂᖅ
- ᒥᕆᐊᙳᓂᖅ
- ᑎᒥᐅᑉ ᐋᓐᓂᐊᒐᔪᖕᓂᖏᑦ
- ᓂᐊᖁᙳᓃᑦ
- ᕿᐊᓂᖅ
- ᐅᐃᒻᒪᑳᓪᓚᖕᓃᑦ
ᐃᓱᒪᒃᑯᑦ
- ᓄᒫᓱᖕᓂᖅ
- ᓂᙵᐅᒪᓂᖅ
- ᓴᐱᓕᕐᓂᖅ
- ᐃᓄᑑᖅᑯᐃᔨᓂᖅ
- ᑕᑎᖃᖏᓐᓂᒃ ᐊᓯᒥᒃ
- ᐸᓯᔭᒃᓴᐅᖅᑯᐃᔨᓂᖅ
- ᑕᓗᕈᒃᑯᑎᓂᖅ
- ᐸᓯᒃᖠᕐᓂᖅ
- ᑲᑉᐱᐊᓱᖕᓂᖅ
- ᖁᓱᓂᖅ
- ᐱᔭᐅᓗᐊᓕᕐᓂᖅ
ᐃᓚᖏᑦ ᐃᒻᒥᒧᑦ-ᑲᒪᒋᔭᖃᕐᓂᕐᒧᑦ ᐊᑐᖅᑕᐅᔪᓐᓇᖅᑐᑦ
ᑭᓱᕙᑦ ᐃᒻᒥᒧᑦ-ᑲᒪᒋᔭᖃᕐᓂᕐᒧᑦ ᑕᐅᑐᙳᐊᖅᑕᑎᑦ?
ᖃᓄᐃᓘᕈᓐᓇᖅᐱᑦ ᐃᑲᔪᕐᓗᑎᑦ ᐃᓕᖕᓂᒃ ᐊᑐᕈᓐᓇᖁᓪᓗᑎᑦ ᐃᓱᒪᒋᔭᕐᓂᒃ ᐊᑲᐅᔪᒃᑯᑦ?
- ᑲᒪᒋᑦᑎᐊᕐᓗᑎᑦ ᐃᓕᖕᓂᒃ ᑕᐃᒪᐃᒃᑲᔭᕋᕕᐅᒃ ᐱᖃᓐᓇᕆᔭᐃᑦ
- ᐊᑐᕐᓗᑎᑦ ᐃᓅᓯᖃᑦᑎᐊᕐᓇᖅᑐᒥᒃ (ᐊᑐᖏᓪᓗᒋᑦᐊᔪᓪᓕᔾᔪᑕᐅᔪᓐᓇᕐᑐᑦ)
- ᐱᓱᒃᐸᒡᓗᑎᑦ ᐊᒻᒪᓗ ᐃᖃᐃᓕᓴᕐᓗᑎᑦ
- ᐊᐅᓪᓚᕐᓗᑎᑦ ᓄᓇᒧᑦ
- ᐳᔫᖅᑎᑦᑎᕕᒋᓗᑎᑦ, ᑐᒃᓯᐊᕐᓗᑎᑦ, ᐃᙱᕐᓗᑎᑦ
- ᒥᖅᓱᕐᓗᑎᑦ, ᕿᓚᐅᔾᔭᕐᓗᑎᑦ, ᒧᒥᕐᓗᑎᑦ
- ᐱᖃᑎᒋᓗᒋᑦ ᐃᓚᒋᔭᑎᑦ ᐊᒻᒪᓗ ᐱᖃᓐᓇᕆᔭᑎᑦ
- ᐃᒡᓚᕐᓗᑎᒃ, ᕿᐊᓗᑎᑦ, ᐅᖃᓪᓚᒡᓗᑎᑦ
- ᐃᓱᒪᐃᑦ ᓴᓗᒻᒪᖅᓴᕐᓗᒍ, ᓯᓂᒡᓗᑎᑦ- ᑕᖃᐃᖅᓯᑦᑎᐊᕐᓗᑎᑦ
- ᐅᒃᐱᕐᓂᕐᒧᑦ ᐃᑲᔪᖅᑕᐅᔪᒪᓗᑎᑦ
- ᓂᕿᑦᑎᐊᕙᖕᓂᒃ ᓂᕆᕙᒡᓗᑎᑦ
- ᐃᑲᔪᖅᑕᐅᔪᒪᓗᑎᑦ
- ᐅᖃᓪᓚᖃᑎᒃᓴᒥᒃ ᕿᓂᕐᓗᑎᑦ
ᐊᔾᔨᖑᐊᓕᒃ ᑎᑎᖃᐅᓯᐊᒃᓴᖅ
ᐊᓪᓚᓄᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᖃᓄᐃᖏᑦᑎᐊᕐᓂᕐᒧᑦ ᐃᑲᔪᖅᑕᐅᓂᕐᒧᑦ ᐊᑲᐅᓯᒋᐊᖅᑎᑦᑎᓂᕐᒧᑦ ᐱᓕᕆᐊᖅ ᐊᒃᓱᕉᓴᒃᑐᓄᑦ ᐅᖄᓚᕕᒃᓴᒧᑦ 24 ᐃᑲᕐᕋᐃᑦ ᐅᓪᓗᕐᒥ, 7 ᐅᓪᓗᐃᑦ ᐱᓇᓱᐊᕈᓯᕐᒥ
24-ᒫᓐᓇᑲᐅᑎᒋ ᐃᒃᐱᖕᓂᐊᓂᒃᑯᑦ ᐃᑲᔪᖅᑕᐅᔪᒪᒍᕕᑦ ᑲᓇᑕᒥ
ᐅᖄᓚᕕᒃᓴᒧᑦ: 1-866-925-4419
ᓂᕆᐅᖕᓂᖃᕐᓂᖅ ᖃᓄᐃᖏᑦᑎᐊᕐᓂᕐᒧᑦ ᐃᑲᔪᖅᑕᐅᕝᕕᒃ
ᐅᖄᓚᓗᑎᑦ ᐊᑭᖃᖏᑦᑐᒧᑦ: 1-855-242-3310
ᖃᕋᓴᐅᔭᒃᑯᑦ ᐅᖃᓪᓚᖃᑎᖃᕐᓂᖅ: www.hopeforwellness.ca
ᔭᒐᐅᖅᑲᔪᑦ, ᐃᓄᐊᖅᑕᐅᓂᑯᑦ, ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓵᑦ ᐊᒃᓱᕉᓴᒃᑐᓄᑦ ᐅᖄᓚᕝᕕᒃᓴᖅ
ᐅᖄᓚᓗᑎᑦ ᐊᑭᖃᖏᑦᑐᒧᑦ: 1-844-413-6649
ᐊᓪᓚᓄᑦ ᐃᓕᓐᓂᐊᕆᐊᖅᑎᑕᐅᓚᐅᖅᓯᒪᒍᕕᑦ, ᐃᕝᕕᑦ ᐃᓚᑎᓪᓗ ᐃᑲᔪᖅᑕᐅᔪᓐᓇᑐᐃᓐᓇᕆᐊᖃᕐᐳᑎᑦ ᖃᓄᐃᖏᑦᑎᐊᕐᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᔨᑦᑎᕋᕐᓂᐅᔪᓄᑦ, ᓲᕐᓗ:
ᐃᓕᖅᑯᓯᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ
ᐃᓄᑐᖃᐃᑦ ᒪᒥᓴᐃᔾᔪᓯᑐᖃᖏᑦ, ᖁᕕᐊᓲᑎᖃᕐᓂᐅᔪᓄᑦ ᐅᕝᕙᓘᓐᓃᑦ ᐃᓕᓴᐃᓂᐅᔪᓄᑦ
ᐃᓱᒪᔮᕐᓂᕐᒧᑦ ᐃᑲᔪᖅᑕᐅᓂᕐᒧᑦ
ᐊᑲᐅᓯᒋᐊᖅᑎᑦᑎᓂᕐᒧᑦ ᖃᓄᐃᖏᑦᑎᐊᕐᓂᕐᒧᑦ ᐃᑲᔪᖅᑏᑦ ᐃᖅᑲᓇᐃᔭᖅᑏᑦ ᓈᓚᒍᓐᓇᖅᑐᖅ, ᐅᖃᓪᓚᖃᑎᒋᓗᒋᑦ ᐊᒻᒪᓗ ᐃᑲᔪᖅᑐᐃᓗᑎᒃ
ᐱᓕᕆᔨᒻᒪᕆᖕᒥᒃ ᐅᖃᓪᓚᖃᑎᖃᕐᓃᑦ
ᐃᓱᒪᓕᕆᔨᒥᒃ ᐅᕝᕙᓘᓐᓃᑦ ᐃᓄᓕᕆᔨᒥᒃ ᐃᓄᑐᐊᓄᑦ ᐅᕝᕙᓘᓐᓃᑦ ᐃᓚᒌᓄᑦ
ᐃᖏᕐᕋᔾᔪᑎᓄᑦ
ᐃᑲᔪᖅᑕᐅᔪᓐᓇᑐᐃᓐᓇᕆᐊᖃᕐᐳᑎᑦ ᐃᖏᕐᕋᔪᓕᕆᓂᕐᒧᑦ ᐱᓕᕆᔨᒻᒪᕆᖕᒥᒃ ᐅᖃᓪᓚᖃᑎᖃᕈᓐᓇᖏᒃᑯᕕᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᔨᑦᑎᕋᕈᑏᑦ ᓄᓇᓕᖕᓂ ᐊᑐᐃᓐᓇᐅᕙᒌᖏᑉᐸᑕ
ᐊᑐᐃᓐᓇᖃᕐᓂᕐᒧᑦ ᖃᓄᐃᖏᑦᑎᐊᕐᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᔨᑦᑎᕋᕐᓂᐅᔪᓄᑦ, ᐊᒻᒪᓗ ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖄᓚᕕᒋᓗᒍ ᐊᑭᖃᖏᑦᑐᖅ ᐃᓂᒋᔭᕐᓂ ᐊᕕᒃᑐᖅᓯᒪᔪᒥ/ ᐊᒡᒍᖅᑐᖅᓯᒪᔪᒥ:
ᓅᕙ ᔅᑰᓴ, ᓂᐅ ᐳᕋᓐᔅᐅᐃᒃ, ᐳᕆᓐᔅ ᐊᑦᐅᑦ ᐊᐃᓚᓐᑦ, ᓂᐅᕙᓐᓛᓐ ᓛᐳᕆᑑᐊᓗ 1-866-414-8111
ᑯᐸᒃ 1-877-583-2965
ᐊᓐᑕᐅᕆᐅ 1-888-301-6426
ᒫᓂᑑᐸ 1-866-818-3505
ᓴᔅᑳᑦᓱᕆᐊᓐ 1-888-250-1529
ᐊᓪᐴᑕ 1-888-495-6588
ᐳᕆᑎᔅ ᑲᓚᒻᐱᐊ (ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖃᕐᓇᖏᑦᑐᓕᕆᔩᑦ) 1-877-477-0775
ᓄᓇᖅᓯᐊᖅ, ᔫᑳᓐ, ᓄᓇᕗᑦ 1-800-464-8106
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: