ᓄᓇᕘᒥ ᑎᒍᓯᓂᕐᓄᑦ ᐊᑐᖅᑐᐊᕐᓂᕐᓄᓪᓗ ᐱᓕᕆᔪᓄᑦ ᐅᓂᒃᑳᖅ
ᐊᐃᕐᕆᓕ 1, 2020ᒥᑦ ᒫᔾᔨ 31, 2021ᒧᑦ
ᑎᑎᕋᖅᑕᐅᔪᑦ ᓄᓇᖃᖅᑳᖅᑐᓄᑦ ᐱᔨᑦᑎᕋᕐᓃᑦ ᑲᓇᑕᒥᒃᑯᓐᓂᑦ
ᑕᕝᕙᓂ ᒪᒃᐱᒐᕐᒥ
ᓯᕗᓕᖅᑎᓂᑦ ᓇᐃᓈᖅᓯᒪᔪᑦ
ᑖᓐᓇ ᐅᓂᒃᑳᖅ ᐅᖃᐅᓯᓕᒃ ᖃᐅᔨᒪᔭᐅᔪᓂᒃ ᒐᕙᒪᓂᑦ ᑳᓐᑐᕌᓄᑦ, ᐱᖃᓯᐅᖦᖢᒋᑦ ᓄᓇᓄᑦ ᐊᑐᖅᑐᐊᕈᑏᑦ, ᐅᖃᐅᓯᐅᔪᑦ ᐃᓗᐊᓂ ᑮᓇᐅᔭᓕᕆᓂᕐᓄᑦ ᑲᑎᒪᔨᖏᑕ ᑎᓕᐅᕈᑎᖓᓂ ᒐᕙᒪᓄᑦ ᑳᓐᑐᕌᓄᑦ, ᐱᖃᓯᐅᖦᖢᒋᑦ ᓄᓇᓄᑦ ᐊᑐᖅᑐᐊᕈᑏᑦ, ᓄᓇᕘᑖᕐᕕᖕᒥ (ᑎᓕᐅᕈᑎ).
ᑲᓇᑕᐅᑉ ᒐᕙᒪᖓ ᐊᖏᖅᓯᒪᕗᖅ ᓈᒻᒪᒃᓯᖁᓪᓗᒋᑦ ᑎᒍᓯᓂᕐᓄᑦ ᐊᖏᖅᓯᒪᔭᓂ ᐃᓗᐊᓂ ᓄᓇᕘᑖᕈᑎᐅᑉ. ᐊᑐᓕᖅᑎᑕᐅᓂᖓ ᑎᓕᐅᕈᑎᐅᑉ ᐃᑲᔪᖅᐳᖅ ᒐᕙᒪᑕ ᑲᓇᑕᐅᑉ ᐊᖏᖅᓯᒪᔭᕐᒥᓄᑦ ᐃᓗᐊᓂ ᓇᓗᓇᐃᕈᑎ 24 (ᒐᕙᒪᓂᑦ ᑳᓐᑐᕌᑦ) (not available in Inuktitut) ᓄᓇᕘᑖᕈᑎᒥ ᓈᒻᒪᒃᑐᓂᒃ ᐃᑲᔪᕐᓗᑎᒃ ᐃᓄᐃᑦ ᑎᒥᖏᓐᓂᒃ ᐊᑭᑦᑐᕋᐅᑎᖃᑕᐅᔪᓐᓇᕐᓂᐊᕐᒪᑕ ᒐᕙᒪᓂᑦ ᑳᓐᑐᕌ ᓂᒃ (ᐱᖃᓯᐅᖦᖢᒋᑦ ᓄᓇᓄᑦ ᐊᑐᖅᑐᐊᕈᑏᑦ). ᒐᕙᒪᓂᑦ ᑳᓐᑐᕌᖅᓯᓂᖅ ᐊᐅᓚᑕᐅᓗᓂ ᐱᑦᑎᐊᖅᑐᒃᑯᑦ, ᓴᖅᑭᔮᖅᑐᒃᑯᑦ, ᓴᖅᑭᔮᖅᑎᑦᑎᓗᓂ ᐸᖅᑭᑦᐊᖅᑎᐅᓂᕐᓂᒃ ᐃᓄᓕᒫᓄᑦ ᑮᓇᐅᔭᓂᒃ ᐃᑲᔪᕐᓗᓂᓗ ᖃᐅᔨᔭᐅᔪᓂᒃ ᑲᓇᑕᒥᐅᓕᒫᓄᑦ ᑐᓂᔭᐅᓂᖏᑎᒍᑦ ᐱᓕᕆᓃᑦ ᐱᔨᑦᑎᕋᕐᓃᓪᓗ.
ᑖᓐᓇ ᐅᓂᒃᑳᖅ ᐱᖃᓯᐅᔾᔨᔪᖅ ᖃᐅᔨᒪᔭᐅᔪᓂᒃ ᑳᓐᑐᕌᓄᑦ (ᐱᖃᓯᐅᖦᖢᒋᑦ ᐋᖅᑭᒋᐊᕈᑏᑦ) ᐊᑭᖃᖅᑎᑕᐅᔪᑦ ᐅᖓᑖᓂ $10,000 ᓄᓇᓄᑦ ᐊᑐᖅᑐᐊᕈᑏᓪᓗ ᐊᑭᖃᖅᑎᑕᐅᔪᑦ ᐅᖓᑖᓂ $100,000. ᕿᒥᕐᕈᓃᑦ ᖃᐅᔨᒪᔭᐅᔪᓂᒃ ᐊᕕᒃᓯᒪᕗᑦ ᑮᓇᐅᔭᑦ ᐅᓄᕐᓂᖏᓐᓄᑦ, ᐅᓄᕐᓂᖏᑎᒍᑦ ᑭᓲᓂᖏᑎᒍᓪᓗ, ᐃᓄᐃᑦ ᑎᒥᖏᓐᓄᑦFootnote 1 ᑎᒥᓄᓪᓗ ᐊᑎᖃᖏᑦᑐᓄᑦ (IFR) ᐱᖃᓯᐅᖦᖢᒋᑦ ᑎᒍᓯᓇᓱᒍᑏᑦ (ᓲᕐᓗᑐᑦ, ᐃᓚᐃᓐᓇᖓᓄᑦ ᐊᑭᑦᑐᕋᐅᑎᔪᑦ ᐃᓄᐃᑦ ᑎᒥᖏᓐᓄᑦ), ᐱᓕᕆᕝᕕᒃᑎᒍᓪᓗ. ᐱᓕᕆᑦᑎᐊᖅᓯᒪᕗᑦ ᐱᓕᕆᕝᕖᑦ ᓇᓗᓇᐃᕐᓗᒋᑦ ᓱᓕᓂᖏᑦ ᖃᐅᔨᔭᐅᔪᓂᒃ ᑲᑎᖅᓱᖅᑕᒥᓂᑦ. ᓇᐃᓈᖅᖢᒋᑦ:
- 244 ᑳᓐᑐᕌᑦ, ᐱᖃᓯᐅᖦᖢᒋᑦ ᐋᖅᑭᒋᐊᕈᑏᑦ, ᑐᓂᔭᐅᓚᐅᖅᑐᑦ ᐃᓗᐊᓂ ᑎᓕᐅᕈᑎᐅᑉ, ᑲᑎᑦᑐᑦ ᐅᓄᕐᓂᖃᖅᖢᑎᒃ $22,917,291ᓂᒃ; 207 ᑳᓐᑐᕌᑦ ᓇᓗᓇᐃᖅᑕᐅᓯᒪᒐᓗᐊᖅᑎᓪᓗᒋᑦ ᑳᓐᑐᕌ ᑎᑐᑦ, 22 ᓇᓗᓇᐃᖅᑕᐅᓯᒪᓚᐅᖅᑐᑦ ᑳᓐᑐᕌᑎᑐᑦ ᐋᖅᑭᒋᐊᕈᑎᑐᓪᓗ (ᑳᓐᑐᕌᑦ ᑐᓂᔭᐅᓪᓗᑎᒃ ᐋᖅᑭᒋᐊᖅᑕᐅᓪᓗᑎᒡᓗ ᐃᓗᐊᓂ ᑮᓇᐅᔭᑦ ᐊᕐᕌᒍᐊᓂ 2020/2021) 15ᓗ ᓇᓗᓇᐃᖅᑕᐅᓯᒪᓚᐅᖅᑐᑦ ᐋᖅᑭᒋᐊᕈᑎᑐᐊᖅᑎᑐᑦ
- $12,779,081(55.8%) ᑲᑎᑦᑐᓂᑦ ᐅᓄᕐᓂᖃᖅᖢᑎᒃ ᑳᓐᑐᕌᑦ ᐋᖅᑭᒋᐊᕈᑏᓪᓗ ᑐᓂᔭᐅᓚᐅᖅᑐᑦ ᐃᓄᐃᑦ ᑎᒥᖏᓐᓄᑦ, ᐊᒥᐊᒃᑯᖏᑦ $10,138,210 (44.2%) ᑐᓂᔭᐅᓚᐅᖅᑐᑦ ᑎᒥᓄᑦ ᐊᑎᖃᖏᑦᑐᓄᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᖕᒥ, ᑕᑯᒍᒃ ᓇᓗᓇᐃᖅᓯᒪᔪᑦ 1 ᑲᓇᓂ ᐃᓗᓕᖏᓐᓄᑦ.
| ᑭᓲᓂᖓ ᑮᓇᐅᔭᓕᐅᕈᑎᐅᑉ | ᑎᒦᑦ ᐊᑎᖃᖏᑦᑐᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊᓂ | ᐃᓄᐃᑦ ᑎᒥᖏᑦ | ᐳᓴᓂᒃ ᐃᓄᐃᑦ ᑎᒥᖏᓐᓂ |
|---|---|---|---|
| ᐱᔨᑦᑎᕋᕐᓃᑦ | $6,491,300 | $9,400,341 | 59.2% |
| ᓂᖀᑦ | $3,349,090 | $1,676,123 | 33.4% |
| ᐃᒡᓗᓕᐅᕐᓃᑦ | $297,819 | $1,702,617 | 85.1% |
| ᑲᑎᑦᑐᑦ | $10,138,210 | $12,779,081 | 55.7% |
ᐅᖃᐅᓯᕆᓗᒋᑦ ᓄᓇᐃᑦ, ᑲᑎᑦᑐᑦ 37 ᓄᓇᓄᑦ ᐊᑐᖅᑐᐊᕐᓃᑦ ᐅᖃᐅᓯᕆᔭᐅᓚᐅᖅᑐᑦ ᑮᓇᐅᔭᑎᒍᑦ ᐊᑭᖃᖅᑐᑦ $25,299,139. 37ᓂᑦ ᓄᓇᓄᑦ ᐊᑐᖅᑐᐊᕐᓃᑦ, 5 13.5ᓘᓐᓃᑦ ᐳᓴᓂᒃ ᓄᓇᓄᑦ ᐊᑐᖅᑐᐊᕐᓃᑦ ᑐᓂᔭᐅᔪᑦ ᑎᒥᓄᑦ ᐊᑎᖃᖅᑐᓄᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊᓂ. ᑲᑎᑦᑐᑦ ᐅᓄᕐᓂᖏᑦ ᒐᕙᒪᓂᑦ ᓄᓇᓄᑦ ᐊᑐᖅᑐᐊᕐᓃᑦ ᑐᓂᔭᐅᔪᑦ ᐃᓄᐃᑦ ᑎᒥᖏᓐᓄᑦ $4,405,852 ᐃᓗᐊᓂ ᑮᓇᐅᔭᑦ ᐊᕐᕌᒍᐊᓂ 2020-2021.
1. ᐊᑑᑎᖃᑦᑎᐊᖅᑐᑦ ᖃᐅᔨᔭᐅᔪᑦ ᐅᓂᒃᑳᒥᑦ
ᐅᖓᑖᓂ ᑮᓇᐅᔭᑦ ᐊᕐᕌᒍᐊᓂ 2020-2021 ᑲᑎᑦᑐᑦ 244 ᒐᕙᒪᓂᑦ ᑳᓐᑐᕌᑦ ᐋᖅᑭᒋᐊᕈᑏᓪᓗ (ᑲᑎᑦᑐᑦ ᐅᓄᕐᓂᖃᖅᖢᑎᒃ $22,917,291) ᑐᓂᔭᐅᓚᐅᖅᑐᑦ ᐃᓗᐊᓂ ᑎᓕᐅᕈᑎᐅᑉ.
- ᑲᑎᑦᑐᑦ $12,779,081 (55.8%) ᑲᑎᑦᑐᓂᑦ ᐅᓄᕐᓂᓕᖕᓂᑦ ᑳᓐᑐᕌᓂᑦ ᐋᖅᑭᒋᐊᕈᑎᓂᓪᓗ ᑐᓂᔭᐅᔪᓄᑦ ᐃᓄᐃᑦ ᑎᒥᖏᓐᓄᑦ, ᐊᒥᐊᒃᑯᐊ $10,138,210 (44.2%) ᑐᓂᔭᐅᓪᓗᑎᒃ ᑎᒥᓄᑦ ᐊᑎᖃᖏᑦᑐᓄᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊᓂ.
- ᑲᑎᑦᑐᑦ 87 ᑳᓐᑐᕌᑦ (35.7%) ᑐᓂᔭᐅᓚᐅᖅᑐᑦ ᐃᓄᐃᑦ ᑎᒥᖏᓐᓄᑦ, ᐊᒥᐊᒃᑯᐊ 157 ᑳᓐᑐᕌᑦ (64.3%) ᑐᓂᔭᐅᓚᐅᖅᑐᑦ ᑎᒥᓄᑦ ᐊᑎᖃᖏᑦᑐᓄᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊᓂ.
- ᐱᓕᕆᕝᕕᖕᓂᑦ ᐅᓂᒃᑳᑦ ᐅᖃᖅᐳᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊ ᑐᓴᖅᑎᑕᐅᓚᐅᖅᑐᑦ 83.2 ᐳᓴᓄᑦ (114 137ᓂᑦ ᐊᑭᑦᑐᕋᐅᑎᔪᓄᑦ ᑳᓐᑐᕌ ᓄᑦ ᑐᓂᔭᐅᔪᓄᑦ, ᐱᓇᒋᑦ ᐋᖅᑭᒋᐊᕈᑏᑦ), ᖃᐅᔨᓇᓱᒃᑎᓪᓗᒋᑦ ᑭᓱᓕᕆᔨᓂᒃ ᐱᑕᖃᕐᓂᕐᓂᒃ.
- ᖃᐅᔨᔭᐅᔪᑦ ᐅᖃᖅᐳᑦ ᐃᓄᐃᑦ ᑎᒥᖏᑦ ᓇᓗᓇᐃᖅᑕᐅᓚᐅᖅᑐᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊᓂ 84ᓄᑦ ᑳᓐᑐᕌ ᓄᑦ (114ᓂᑦ ᑳᓐᑐᕌ ᓂᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊᓂᒃ ᐃᓱᒪᒋᔭᐅᓪᓗᓂ ᑐᓴᖅᑎᑦᑎᓪᓗᑎᒡᓗ ᐱᕕᒃᓴᒥᒃ 78ᓄᑦ ᑖᒃᑯᓇᓂ ᑳᓐᑐᕌ ᓂ (92.9%)Footnote 2.
- 6 ᑳᓐᑐᕌ ᓄᑦ (7.1%) ᑐᓴᖅᑎᑦᑎᔾᔪᑕᐅᖏᑦᑐᓄᑦ ᐱᕕᒃᓴᒥᒃ:
- ᑎᓴᒪᑦ ᑳᓐᑐᕌᑦ ᑐᓂᔭᐅᔪᓂᑦ ᐃᓄᐃᑦ ᑎᒥᖏᓐᓄᑦ ᒪᕐᕉᒡᓗ ᑐᓂᔭᐅᓚᐅᖅᑐᑦ ᑎᒥᓄᑦ ᐊᑎᖃᖏᑦᑐᓄᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊᓂ.
- ᐱᔨᑦᑎᕋᕐᓂᕐᓄᑦ ᑳᓐᑐᕌᑦ ᑭᒡᒐᖅᑐᐃᕗᑦ 69.3 ᐳᓴᓂᒃ ᑲᑎᑦᑐᓂᑦ ᐅᓄᕐᓂᖃᖅᑐᓂᑦ ᑳᓐᑐᕌᑦ ($15.9 ᒥᓕᐊᓐ). ᓂᖀᑦ ᐃᒡᓗᓕᐅᕐᓃᓪᓗ ᑭᒡᒐᖅᑐᐃᕗᑦ 21.9 ᐳᓴᓂᒃ ($5 ᒥᓕᐊᓐ) 8.7 ᐳᓴᓂᒃ ᑲᑎᑦᑐᑦ ᐅᓄᕐᓂᖏᓐᓂᑦ ($2 ᒥᓕᐊᓐ) ᐊᑐᓂᒧᑦ.
- ᑲᑎᑦᑐᓂᑦ ᑮᓇᐅᔭᑎᒍᑦ ᐅᓄᕐᓂᕐᓂᑦ ᑳᓐᑐᕌᓂᑦ ᑐᓂᔭᐅᔪᓄᑦ ᐃᓄᐃᑦ ᑎᒥᖏᓐᓄᑦ, $9.4 ᒥᓕᐊᓐ ᐱᔨᑦᑎᕋᕐᓂᕐᓅᓪᓗᓂ, $1.7ᒥᓕᐊᓐ ᓂᕿᓄᑦ, $1.7 ᒥᓕᐊᓐᓗ ᐃᒡᓗᓕᐅᕐᓂᕐᓄᑦ.
- 106ᖑᓚᐅᖅᑐᑦ ᑳᓐᑐᕌᑦ (ᐱᓇᒋᑦ ᐋᖅᑭᒋᐊᕈᑏᑦ), ᑲᑎᑦᑐᑦ ᑮᓇᐅᔭᑎᒍᑦ ᐅᓄᕐᓂᖃᖅᖢᑎᒃ $4,383,528 ᓈᒻᒪᓚᐅᖅᑐᓄᑦ ᐃᓚᐃᓐᓇᓄᑦ ᐊᑭᑦᑐᕋᐅᑎᔪᓄᑦ (LB), ᐋᒃᑳᖅᑳᕈᓐᓇᕐᓂᕐᒧᓪᓘᓐᓃᑦ (ROFR) ᒪᓕᒋᐊᓕᖕᓄᑦ ᓴᓇᔭᐅᔪᓄᑦ ᑎᓕᐅᕈᑎᒧᑦ. ᑖᒃᑯᓇᙵᑦ ᑳᓐᑐᕌᓂᑦ:
- 100 ᑳᓐᑐᕌᑦ ᓈᒻᒪᓚᐅᖅᑐᑦ ᐃᓚᐃᓐᓇᓄᑦ ᐊᑭᑦᑐᕋᐅᑎᔪᓄᑦ ᒪᓕᒋᐊᓕᖕᓄᑦ - 82 ᑳᓐᑐᕌᓄᑦ ᐊᑭᖃᓚᐅᖅᑐᑦ ᐊᑯᓐᓂᖓᓂ $10,000 $25,000ᓗ (ᑲᑎᑦᑐᑦ $1,248,743) ᐅᖃᐅᓯᕆᓪᓗᒋᓪᓗ ᐊᑕᐅᓯᖅ ᐅᖓᑖᓂᓘᓐᓃᑦ ᐃᓄᐃᑦ ᑎᒥᖏᓐᓄᑦ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊᓄᑦ. ᐊᓯᖏᑦ 18 ᑳᓐᑐᕌᑦ ᐊᑭᓕᖕᓄᑦ ᐅᖓᑖᓂ $25,000 (ᑲᑎᑦᑐᑦ $2,888,511) ᐅᖃᐅᓯᖃᓚᐅᖅᑐᑦ ᒪᕐᕉᖕᓂᒃ ᐅᖓᑖᓂᓘᓐᓃᑦ ᐃᓄᐃᑦ ᑎᒥᖏᓐᓂᒃ ᐃᓄᐃᑦ ᑎᒥᖏᓐᓄᑦ ᐊᑎᖃᕐᕕᐊᓂ ;
- 6 ᑳᓐᑐᕌᑦ ᓇᓗᓇᐃᖅᑕᐅᓚᐅᖅᑐᑦ ᐊᑐᖅᑐᓂᒃ ᐋᒃᑳᖅᑳᕈᓐᓇᕐᓂᒃ ($246,274).
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: