ᒥᓂᓯᑕ ᒎᓪ-ᒫᔅᑎ ᐅᖃᐅᓯᖃᓚᐅᕐᐳᖅ ᓄᑖᒥᒃ ᐃᓄᐃᑦ ᐃᑲᔪᕐᑕᐅᒍᑎᖏᓐᓂᒃ ᐊᒻᒪᓗ ᓲᖑᓯᑎᑕᐅᒋᐊᕈᑎᒃᓴᖏᓐᓂᒃ ᐅᑭᐅᕐᑕᑐᒥ ᓄᓇᓕᐅᔪᐃᑦ

ᐅᖃᐅᓯᐅᔪᕕᓃᑦ

"ᐃᓄᐃᑦ ᑕᐱᕇᑦ ᑲᓇᑕᒥ ᑐᖕᖓᓱᒃᑎᑦᓯᕗᑦ ᐅᖃᐅᓯᐅᔪᓂᒃ ᖃᐅᔨᒋᐊᕐᕕᓴᐅᔪᓂᒃ, ᑕᒪᓐᓇᓗ ᑲᔪᓯᔪᒥᒃ ᐱᕙᓪᓕᐊᑎᑦᓯᓂᒃᓴᒧᑦ ᐱᓇᓱᐊᕐᓂᖃᕐᑎᑦᓯᓚᖓᑦᓱᓂ ᐱᒍᑦᔨᓂᕐᒧᑦ ᐱᔭᕆᐊᖃᓪᓚᕆᒃᑐᓄᑦ ᐃᓄᐃᑦ ᖃᓄᐃᖏᑦᓯᐊᕈᑎᒃᓴᖏᓐᓄᑦ. ᑕᒪᒃᑯᐊ ᑮᓇᐅᔭᖃᕐᑎᑕᐅᒍᑏᑦ ᐊᑑᑎᑎᑕᐅᒐᓱᐊᓚᖓᕗᑦ ᓯᕕᑐᔪᒧᑦ ᑐᕌᖓᔪᒥᒃ ᑮᓇᐅᔭᖃᕐᑎᑦᓯᒍᑕᐅᓗᑎᒃ ᑐᕌᖓᓗᑎᒃ ᐃᓄᐃᑦ ᓄᓇᖓᑦᑕ ᓂᕿᖃᕐᑎᑕᐅᓂᖏᓐᓄᑦ ᐱᕕᑦᓴᖃᖏᓪᓗᐊᕐᐸᒐᑦᑕ ᐊᔪᕐᓴᓇᕐᑐᑰᖃᑦᑕᓱᑕᓗ, ᐳᕙᓪᓗᓇᐅᔪᓄᓪᓗ ᐊᒃᓱᕈᕐᓇᑐᓄᑦ ᐊᒃᑐᐊᔭᐅᖏᓐᓇᖃᑦᑕᓱᑕ. ᑲᔪᓯᓗᑕ ᐱᓇᓱᐊᖃᑎᖃᓚᖓᕗᒍᑦ ᑲᕙᒪᒃᑯᓐᓂᒃ ᐃᓄᓐᓂᒃ ᐱᓇᓱᐊᖃᑎᖃᕐᓗᑕ ᐃᓄᐃᑦ ᓯᕗᓪᓕᐅᑎᔭᐅᒋᐊᓕᖁᑎᖏᓐᓂᒃ ᑲᔪᓯᔪᒥᓪᓗ ᐊᔪᕐᓴᕈᓐᓃᑎᑦᓯᖁᓪᓗᒋᑦ ᐃᓄᐃᑦ ᓄᓇᓕᒫᖏᓐᓂ ᓇᓂᓕᒫᖅ."

"ᑐᖕᖓᓱᒃᑎᑦᓯᕗᒍᑦ ᑕᒪᒃᑯᓂᖓ ᐱᓪᓚᕆᐊᓘᔪᓂᒃ ᑮᓇᐅᔭᖃᕐᑎᑕᐅᒍᑎᓂᒃ ᑲᕙᒪᑐᖃᒃᑯᓐᓂᑦ ᑲᓇᑕᒥ ᓯᕗᓪᓕᐅᑎᔭᐅᒋᐊᓕᓐᓄᑦ ᐅᐃᒪᓇᕐᑐᓄᑦ ᐃᓄᐃᑦ ᖃᓄᐃᖏᑦᓯᐊᕈᑎᒃᓴᖏᓐᓄᑦ ᒪᑭᕝᕕᒃᑯᓪᓗ ᑲᔪᓯᔪᒥᒃ ᐱᓇᓱᐊᖃᑦᑕᑕᖏᑦ ᑲᔪᓯᑎᑕᐅᔪᓐᓇᓯᖁᓪᓗᒋᑦ. ᑕᒪᓐᓇ ᐱᓪᓚᕆᐅᕗᖅ ᑮᓇᐅᔭᕐᑖᑎᑕᐅᓂᖅ ᐃᓕᑕᕆᔭᐅᖁᓪᓗᒍ ᓯᕗᓂᖃᕐᓂᐊᒪᑦ ᐃᓄᓐᓄᑦ ᐊᐅᓚᑕᐅᔪᓄᑦ ᑲᒪᒋᔭᐅᖁᓪᓗᒍ: ᓄᓇᓕᑦᑎᓐᓄᑦ ᐊᐅᓚᑕᐅᓗᓂ, ᖃᐅᔨᒪᔭᑦᑎᓐᓂᒃ ᑐᖕᖓᕕᖃᕐᓗᓂ, ᓯᕗᓪᓕᐅᑎᔭᐅᖁᔭᑦᑎᓐᓄᓪᓗ ᑐᕌᖓᓗᓂ.

ᑕᒪᓐᓇ ᑮᓇᐅᔭᖃᕐᑎᑕᐅᓂᖅ ᐊᑑᑎᖃᒻᒪᕆᓐᓂᐊᐳᖅ ᐊᓯᑦᔨᑎᑦᓯᓗᓂ ᐱᐊᕋᕗᑦᑕ ᐃᓅᓯᖏᓐᓂᒃ ᐊᒻᒪᓗ ᐃᓚᒌᖑᔪᓂᒃ. ᑭᓯᐊᓂᓕ, ᐱᓇᓱᐊᕆᐊᓕᕗᑦ ᓱᓕ ᑲᔪᓯᔭᕆᐊᖃᕐᖁᖅ ᐊᑯᑦᑐᔫᒻᒪᑦ ᐊᒃᑐᐊᖃᑦᑕᐅᑎᖏᓐᓂᕗᑦ ᑐᓴᐅᒪᖃᑦᑕᐅᑎᒍᓐᓇᖏᓐᓂᕗᓪᓗ ᐃᓄᓐᓄᑦ ᓵᖕᖓᔭᐅᒋᐊᖃᓲᖑᔪᖅ. ᑲᔪᓯᓗᑕ ᐱᓇᓱᐊᓚᖓᕗᒍᑦ ᐱᓇᓱᐊᖃᑎᖃᑦᓯᐊᓗᑕ ᑲᓇᑕᒥᐅᓂᒃ ᐱᕕᑦᓴᖃᕐᑎᑦᓯᓗᑕ ᐃᓄᐃᑦ ᐃᒻᒥᓐᓂᒃ ᒪᑭᒋᐊᕈᑎᖏᓐᓂᒃ ᑕᒪᓐᓇ ᑲᔪᓯᑐᐊᕐᖃᑦ ᓄᓇᓕᒋᔭᕗᑦ ᓲᖑᓯᑎᑕᐅᒐᔭᕐᒪᑕ ᐃᓅᓯᕗᓪᓗ ᒪᑭᒋᐊᕐᑎᑕᐅᒐᔭᕐᓱᓂ ᐃᓄᐃᑦ ᐅᓪᓗᒥ ᓯᕗᓂᒃᓴᖏᓐᓂ ᑭᖑᕚᑦᓴᖏᓪᓗ."

"ᐊᑕᐅᑦᓯᒃᑯᑦ, ᐱᒋᐊᕐᑎᑦᓯᒍᓐᓇᖁᒍᑦ ᐱᕕᑦᓴᕆᔭᑦᑎᓐᓂᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ ᓄᓇᓕᖏᑦᑕᓗ ᐱᕙᓪᓕᕈᑎᒃᓴᖏᓐᓂᒃ ᓯᕗᓂᑦᓴᓕᐅᕐᓗᑎᓪᓗ ᐃᒻᒥᓐᓂᒃ. ᑖᒃᑯᐊ ᑮᓇᐅᔭᖃᕐᑎᑕᐅᓃᑦ ᓄᐃᑦᓯᕗᑦ ᐊᔪᐃᓐᓇᓂᑦᑎᓐᓂᒃ ᓯᕕᑐᔪᒧᑦ ᑐᕌᖓᔪᒥᒃ ᐊᒃᑐᐊᒍᑎᖏᓐᓂᐅᔪᒥᒃ ᓵᖕᖓᓯᒋᐊᕐᓂᐅᓗᓂ ᓄᓇᓖᑦ ᖃᓄᐃᖏᑦᓯᐊᕐᓂᒃᓴᖏᑦᑕᓗ ᐱᒍᑦᔭᐅᓂᖏᓐᓂᒃ, ᐃᓄᓐᓄᑦ ᐊᐅᓚᑕᐅᔪᓂᒃ ᓯᕗᓪᓕᐅᑦᔨᓗᑕ ᑐᖕᖓᕕᖃᕐᓗᑕ ᓲᖑᓯᒋᐊᕐᓂᒥᒃ ᒪᑭᑕᑦᓯᐊᕐᓂᒥᒃ, ᖃᓄᐃᖏᑦᓯᐊᕐᓂᒥᒃ ᓄᓇᓕᓐᓄᑦ ᐅᑭᐅᕐᑕᑐᒥ."

"ᑮᓇᐅᔭᖃᕐᑎᑦᓯᓂᖅ ᑐᕌᖓᓂᐊᕐᑐᓂᒃ ᑭᖕᖒᒪᒋᔭᐅᔪᓄᑦ ᓄᓇᓕᓐᓂᑦ ᐅᑭᐅᕐᑕᑐᒥ ᓲᖑᓯᒋᐊᕐᑎᑦᓯᓂᐅᕗᖅ ᖃᓄᐃᖏᑦᓯᐊᕐᑎᑦᓯᓇᓱᐊᕐᓂᒧᑦ ᐱᕕᑦᓴᖃᕐᑎᑦᓯᑦᓱᓂᓗ ᐅᑭᐅᕐᑕᑐᓕᒫᒥ. ᑕᒪᒃᑯᐊ ᓄᓇᓕᐅᔪᐃᑦ ᐃᑲᔪᕐᑕᐅᕗᑦ ᐃᓄᐃᑦ ᐱᐊᕋᖏᑦ ᐃᓚᒌᖑᔪᐃᓪᓗ, ᓄᓇᓕᐅᔪᓄᑦ ᐊᐅᓚᑕᐅᕙᒃᑐᐃᑦ ᓯᕗᓪᓕᐅᑎᔭᐅᖁᓪᓗᒋᑦ, ᐊᒻᒪᓗ ᓲᖑᓂᕐᓴᒥᒃ ᑐᖕᖓᕕᖃᑦᓯᐊᓕᖁᓪᓗᒋᑦ ᐃᓕᓴᕐᓂᐅᔪᐃᑦ, ᑮᓇᐅᔭᖃᕐᓂᒧᑦ ᐱᕙᓪᓕᐊᑎᑦᓯᓂᕐᒥᒃ, ᐱᐅᓯᕆᔭᐅᔪᐃᓪᓗ ᐱᕙᓪᓕᐊᑎᑕᐅᒍᑎᑦᓴᖏᓐᓄᑦ. ᐱᓇᓱᐊᖃᑎᖃᕐᓗᓂ ᐃᓄᐃᑦ ᓯᕗᓕᕐᑎᖏᓐᓂᒃ, ᑕᒐ ᐃᑲᔪᕐᐳᒍᑦ ᐱᕙᓪᓕᐊᑎᑦᓯᓪᓗᑕ ᐊᖑᒪᔭᐅᒍᓐᓇᓂᕐᓴᒥᒃ ᐱᕙᓪᓕᕈᑕᐅᒐᔭᕐᑐᒥᒃ ᐅᑭᐅᕐᑕᑐᒥ."

"ᐃᓄᐃᑦ ᓄᓇᖓᑦᑕ ᐃᓕᓴᕕᑦᔪᐊᖓ ᐱᕙᓪᓕᐊᑎᑦᑕᐅᓂᐊᕐᐳᖅ ᐃᓄᐃᑦ ᐱᕙᓪᓕᐊᑎᑕᐅᒍᑎᒃᓴᖏᓐᓄᑦ ᐃᓄᓐᓄᑦ ᐊᐅᓚᑕᐅᔪᒥᒃ ᐃᓕᓴᐅᑎᒃᓴᖃᕐᓗᓂ ᐊᒻᒪᓗ ᓄᓇᓖᑦ ᖃᓄᐃᖏᑦᓯᐊᕈᑎᒃᓴᖏᓐᓄᑦ, ᐊᒻᒪᓗ ᓯᕕᑐᔪᒧᑦ ᑐᕌᖓᔪᒥᒃ ᑮᓇᐅᔭᑎᒍᑦ ᒪᑭᒪᒐᓱᐊᕐᓂᒧᑦ ᐃᓅᓯᐅᔪᓂᒡᓗ ᐱᕙᓪᓕᐊᑎᑦᓯᓂᐅᓗᓂ ᐃᓄᐃᑦ ᓄᓇᓕᒫᖓᓂ. ᐃᓕᓴᕐᓗᑎᒃ ᐱᓇᓱᐊᕐᓗᑎᓪᓗ ᐊᓂᕐᕋᒥᓐᓂ ᑐᑭᖃᕐᒪᑦ ᐃᓄᐃᑦ ᐱᕕᑦᓴᖃᕐᓂᓴᐅᓂᒃᓴᖏᓐᓂᒃ ᐱᕈᕐᐸᓪᓕᐊᓂᕐᒧᑦ ᐃᓄᐃᑦ ᓄᓇᖓᓐᓂ. ᑲᕙᒪᕗᑦ ᐅᐱᒪᕗᖅ ᐃᑲᔪᕆᐊᒥᒃ ᑕᒪᑦᓱᒥᖓ ᐱᓇᓱᐊᕐᓂᐅᓂᐊᕐᑐᒥᒃ, ᐃᑲᔪᓚᖓᑦᓱᓂᓗ ᑮᓇᐅᔭᖃᕐᑎᑦᓯᓗᓂ ᑐᕌᒐᓕᐊᖑᓯᒪᔪᓂᑦ 2025-ᒥ ᓄᓇᓖᑦ ᑮᓇᐅᔭᖃᕐᑎᑕᐅᓕᖁᓪᓗᒋᑦ ᐊᖏᓂᕐᓴᒥᒃ."

ᓱᖃᑦᑐᒥᒃ ᖃᐅᔨᓕᒋᐊᕐᕕᓴᖅ

• 2018-ᒥ, ᐃᓄᐃᑦ ᑕᐱᕇᑦ ᑲᓇᑕᒥ ᑲᓇᑕᐅᓪᓗ ᑲᕙᒪᒃᑯᖏᑦ ᐊᖏᖃᑎᒌᓚᐅᕐᐳᑦ ᐳᕙᓪᓗᓇᐅᔪᒥᒃ ᓄᕐᖃᑎᑦᓯᒐᓱᐊᕈᒪᑦᓱᑎᒃ ᐃᓄᐃᑦ ᓄᓇᖓᓐᓂ 2030-ᒧᑦ ᑎᑭᓚᐅᖏᓐᓂᑦᑎᓐᓂ.
• ᐃᓄᐃᑦ ᐱᐊᕋᖏᑦ ᓯᕗᓪᓕᐅᑦᔭᐅᖁᓪᓗᒋᑦ ᐱᕕᑦᓴᖃᕐᑎᑕᐅᖁᓪᓗᒋᓪᓗ ᖃᓄᐃᖏᑦᓯᐊᕈᑎᒃᓴᖏᓐᓄᑦ, ᐃᓅᓯᖃᑦᓯᐊᕐᓂᒧᑦ ᐃᓕᓴᕐᕕᖃᑦᓯᐊᓂᒧᓪᓗ ᐱᒍᑦᔭᐅᓗᑎᒃ ᑭᖕᖒᒪᒋᔭᖏᓐᓂᒃ, ᑭᖕᖒᒪᒃᓯᑐᐊᕐᐸᑕ ᑕᒪᑦᓱᒥᖓ.
• ᓂᕿᑦᓴᖃᑦᓯᐊᕐᑎᑦᓯᓂᖅ ᑲᓇᑕᐅᑉ ᐅᑭᐅᕐᑕᑐᖓᓂᒃ ᐃᑲᔪᕐᓯᔭᐅᒍᑎᒃᓴᖏᓐᓄᑦ ᐊᑭᑐᓗᐊᕐᑐᐃᑦ ᐊᑭᑭᓕᒋᐊᕈᑎᒃᓴᖏᓐᓄᑦ ᒪᑯᐊ ᓱᕈᔭᑦᑐᐃᑦ ᐊᓯᖏᓪᓗ ᑭᖕᖒᒪᓇᕐᐸᑐᐃᑦ, ᐅᑭᐅᕐᑕᑐᒥ ᓄᓇᓕᓐᓄᑦ, ᐃᓄᐃᑦ ᓄᓇᓕᖏᑦ ᐱᖃᑕᐅᑎᓪᓗᒋᑦ.
• ᐃᓄᐃᑦ ᓄᓇᖓᑦᑕ ᐃᓕᓴᕕᑦᔪᐊᖓ ᐃᓄᓐᓄᑦ ᐊᐅᓚᑕᐅᓗᓂ ᐱᒋᐊᕐᑎᑕᐅᓯᒪᔪᖅ ᐃᓄᐃᑦ ᑕᐱᕇᑦ ᑲᓇᑕᒥᐅᒃᑯᑦ ᐱᒋᐊᕐᑎᑦᓯᖁᔨᓯᒪᒻᒪᑕ ᓯᕗᓪᓕᐹᒥ ᐃᓕᓴᕕᑦᔪᐊᑕᖃᓕᖁᓪᓗᒍ ᑲᓇᑕᒥ ᐱᒋᐊᕐᑎᑕᐅᓗᓂ, ᐊᐅᓚᑕᐅᓗᓂᓗ ᑲᒪᒋᔭᐅᓗᓂᓗ ᐃᓄᓐᓄᑦ. ᐃᓕᓴᕕᑦᔪᐊᖑᔪᖅ ᐃᓄᓐᓂᒃ ᐱᕕᑦᓴᑖᕐᑎᑦᓯᓚᖓᒻᒪᑦ ᐃᒻᒥᓐᓂᒃ ᒪᑭᒋᐊᕐᓂᒥᒃ ᐃᓕᓴᕐᓂᓕᕆᓂᕐᒧᑦ, ᐃᓄᒃᑎᑐᓪᓗ ᐅᖃᐅᓯᕐᒥᒃ ᓲᖑᓯᒋᐊᕐᑎᑦᓯᓂᐅᓗᓂ, ᐃᓄᐃᓪᓗ ᖃᐅᔨᒪᔭᖏᓐᓂᒃ ᐃᑲᔪᕐᓯᒋᐊᕈᑕᐅᓗᓂ ᑕᒪᓐᓇ ᐊᖏᓂᕐᐸᐅᓚᖓᑎᓪᓗᒍ ᖃᐅᔨᓇᓱᐊᕐᓂᐅᔪᒥᒡᓗ ᐃᓚᖃᕐᒥᑎᓪᓗᒍ.

ᑲᑐᑦᔨᖃᑎᒌᑦᑐᓄᑦ ᐱᑐᕝᕕᓴᐅᔪᐃᑦ

• ᐳᕙᓪᓗᓇᐅᔪᖅ ᓄᓇᖃᕐᖄᓯᒪᔪᐃᑦ ᓄᓇᓕᖏᓐᓂ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
• ᐃᑲᔪᕐᓗᒋᑦ ᐃᓄᐃᑦ ᐱᐊᕋᖏᑦ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)
• ᓂᕿᖃᕐᑎᑦᓯᑦᓯᐊᕐᓂᐅᔪᖅ ᐅᑭᐅᕐᑕᑐᒥ ᑲᓇᑕᒥ (ᐊᑐᐃᓐᓇᐅᙱᑦᑐᑦ ᐃᓄᒃᑎᑐᑦ)

ᖃᐅᔨᒋᐊᕐᕕᒃᓴᐃᑦ