Waani zhiwebag aapiji mina naawg'wat: Hiawatha Entam'gaab'widjig bkinaage'wag nibi nji
Hiawatha Entamgaabwidjig shki nbiish mshkikii'kaadeg gamig miinwaa waa ni zhi sa'we'joong eni naawk'mog megwaa miigwen ngoding shi nswi oowe oodenwinhs menez'waat nbiish wenjishing wii mnikweng mii gwa shkin'tam ooshmi nsamdana nsa bibon. Maanda nakii'win, gii maaj'taamgad Niizhwaas'waag shi niishtana shi zhaangswi bibongag, da waankiim'gad dash maanda kitchi gbe'ying wii temgag baan'naw'gog miinwaa e'waankiim'gag nbiish zhinda oodenwinhsing.
Maanda nakiiwin aawan aapiji dbendizwag miinwaa kshkew'ziwag oodenwising gii niigaaniiwag miinwaa niiwe gaa'naad'maag'waad'jin. Zhinda niigaa'niiwin gonda Hiawatha Entam'gaab'wid'jig gaa zhich'ge'yaad waa zhinaag'wag miinwaa waa zhi zhigeng wii kitchi maanda mshkikii kaadeg nbiish gaming miinwaa wii sawe'joong gaawii gweta man'daaw'naa'gwag gii miigwen waa zhi minabdeg oowe kitchi gbeying gaa nishis'nog wenjishing nbiish wii yaam'waat miidash gwa gii gshki'too'waad wii bin'moowaad miinwaa wii min'zhaand'moo'waat niwe kina gegoo nakaaz'winan.
Maanda nbiish mshkikii kaadeg gaming naaniib'wim'gad nango ken'daag'wag ge kshkitch'gaa'deg'ba temgag, oodenwinhs niigaan'ziwin, wiidok'daad'win miinwaa go deb'wend'mo'win mina maadziwin miinwaa mina waan'goz'win bemaadzidjig nji.
Waabam mzin'chi'gaanhsag wii kendman ooshmi
Mzin’chi’gan’ag Zhi’noo’maa’geng
"Maanda kshkit’maa’win nda miin’go’naa kitchi nend’mo’win miinwaa zhi’noo’maa’gem’gad wii aabiji nakiit’maang mina zheyaa’win nwiiji be’maad’zii’naa ge. Nbiish aawan maadziwin, aabdig dash wii maam’wi nakii’yaang wii zhaab’wii’too’waang nbi, memaanji gaasing go nbi, nbi’kaag, ziibiing, zaagig’ning, minwaa kitchi gaming. Ndoo daawng’genaa maanda aki miinwaa nbi nzaam gonda nooshenhs’naanig, miinwaa dash aabdeg wii gina’wend’maang maanda mingo’wew’ziiwin miinwaa aab’deg waa zhich’ge’yaang enendaawg’zii’yaang."
- Chief Laurie Carr, Hiawatha First Nation
John Tourangeau, Hiawatha Entam’gaab’widjig Nbiish Nyaag’den’dang miigwen oode’too’win zhiwe nbiish mshkikii’kaadeg gaming zhiwe ooden’wising end’nakii’jig.
Shkwe’yaang enaa’niib’widjig nmanj’nike’yaa piinish zha’we’ying: Mackenzie Brown (Colliers Project Leaders), Zeeshan Merchant (Arcadis), John Tourangeau (Hiawatha First Nation Water Operator), Kyle Keenliside (Arcadis), Alper Ozer (Team Lead, Colliers Project Leaders), Drew Hill (Director of Engineering & Infrastructure, OFNTSC)
Niigaan enaa’niib’widjig nmanj nike’yaa piinish shaweying: Shawn Dubeau with Nash (Hiawatha First Nation Water Operator), Yousry Hamdy (Arcadis), Hayley Vogler (Hiawatha First Nation Capital Projects Manager), Julie Thompson (Hiawatha First Nation Capital Projects Assistant)
"Zhinda oodenwising, aawan maanda debwendaaswin eyaaw’yaang Anishinaabeg bemaadzidjig. Ngitchi deb’zi’mi go yaa’maang baan’naaw’gog nbi, pooch dash wiigwa aadziwin ji yaam’waa’pa baan’naag’wag nbiish mem’di’ge go pii manidoo’keng."
- Ellisa Johnson, Hiawatha First Nation Cultural Coordinator
Maanda miikan wii yaa’maang baa’naag’wag nbiish zhinda Hiawatha Entamgaab’widjig aawan dibaaj’moowin temgad naadmaadwin miinwaa kitchi zhich’ge’win nji waa bi yaam’gag. Aa’wan maanda chi’gaadeg wii tko’kiim’gag mina maadziwin, kshkew’ziwin minwaa mina naawg’ziwin - da’ni kendaaw’gwat go kitchi gbe’ying. Maanda Nbi mshkikii kaadeg megwaa nakiimgad niimdana shi niizh wiigwaaman naawk’ni’gaa’de dash wiigwa yaabi ngodwaag shi nsamdana yaabi wiibi temgag.
"The project has been an incredible journey for our team. Our water treatment team is thrilled to be able to operate the new system and serve our community."
- Hayley Vogler, Hiawatha First Nation Capital Projects Manager
- Agpii agaa aanjchigaadeg: