Mino-ayaawin Akiing Gaa-anokaadang: Peter Hill
Mii awe Peter Hill anishinaabe Mino-ayaawin Akiing Gaa-anokaadang, aabiding e-ayaad imaa Ningodwaaso Ishkoniganan imaa Gichi-Ziibiing gaye Mishizaaga'igan Anishinaabeg Credit Anishinaabeg. Waabamig enanokiid, epiichi-gichi-inenimaad ini anishinaabe' gaye e-inendang eminochiged.
Mino-ayaawin Akiing Gaa-anokaadang: Peter Hill
Owe gaa-mazinaateseg waabanjigaade YouTube-ing mashkiigoomobii'igaade, Innu'ibii'igaade, gaye Montaaniyebii'igaade, anishinaabebii'igaade moohwaakibii'igaade, miigmaakibii'igaade, gaye anishininiibii'igaade.
Gaa-izhising ate: Mino-ayaawin Akiing Gaa-anokaadang: Peter Hill
Nidizhinikaaz Peter Hill.
Niin naadowe, Mikinaak ndoodem.
Akii-mino-ayaawin ndanokiitaan.
Anishinaabe Wiiji'iwewin Canada ndayaa.
Lake Erie imaa Niagara ngii-ombigi'igoo.
Ngii-nitaa-gwaashkwebijigemin niin zhigo miinawaa niwiijiiwaaganag.
Six Nations Gichi-Ziibiing gii-nitaawigiwag niniigi'igoog, gaye imaa izhi-dibendaagoziwag.
Geniin imaa ndibendaagoz.
Anishinaabe Wiiji'iwewin Canada ndayaa 26 biboon ndanokii imaa aazha.
Six Nations Gichi-Ziibi gaye Mississaugas Credit Anishinaabe ndizhi-ayaa.
Niibiwa ndinawemaaganag gaye niwiijiiwaaganag daawag imaa gaa-gii-izhi-nitaawigiwaad giniigi'igoog.
Ji-waabandaman ji-noondaman ewiiji'ad awiya minwendaagwan Biizhaayin ishkoniganing minwendamoog awiyag waabamaawaad anishinaaben anokiinid.
Nawach wii-bizindamoog, ayaayin iwe dinookaan wiijiiwidiwin gidazhiikewining onizhishin.
Onizhishin gii-wiijiiwadwaa awiyag ji-gashkitooyin gidanokiiwin, Akii-Mino-ayaawin odanokiig gitaabadiziwag.
niwiijiiwaanaanig ji-gikino'amawangidwaa ji-dazhiikamaang nibi gaa-minikwaadeg.
ji-waabandamaang gaa-izhi-waanikewaad gii-ozhitoowaad ge-ondinigaadeg.
gii-ozhitoowaad ge-ondinigaadegnibi anaamakamig.
Ji-waabandmaang waakaa'iganan giishpin ji-agwaakosingin biindig, gaye gaa-bagidanaamoyin biindig, gaye gaa-bagidanaamoyin biindig, Gaye gaa-inaazhigawig moowaabo biindig ndazhiikaamin, Ji-waabandmaang waakaa'iganan.
giishpin ji-agwaakosingin biindig, gaye gaa-bagidanaamoyin biindig.
Gaye gaa-inaazhigawig moowaabo biindig ndazhiikaamin giishpin biigoseg gemaa ozhichigaadeg.
Gaye ni-waabandaamin gikino'amaadiiwigamigoon gaye abinoojiiwigamigoon.
Anishinaabe-ishkoniganan ani-michaawan Gichi-inendaagwan dash mino-ayaawin.
Ji-mino-bimaadiziwaad gaa-daawaaa imaa, gegoon ji-izhisesigwaa Igi dash ge-wiiji'iwewaapan mino-ayaawin odanokaadaanaawaa.
Giiyaabi ayaamagan anokiiwin.
Gegoon ji-izhisesigwaa, giiyaabi ayaamagan ge-naagajichigaadeg ji-waabanjigaadeg. Onizhishin ji-ayaawaad igi Anishinaabe Mino-ayaawin, ge-anokaadamowaad.
Ozhibii’igaade imaa:
Nimboozhoo'igonaanig Credit Anishinaabeg gaye Ngodwaaso Ishkoniganan Gichi-Ziibiing.
Miigwech ndinaanaanig ebagidiniwewaad ji-mazinaatesijigeyaang imaa.
Miigwech/Niá:wen.
EPHO
Environmental Public Health Officer
Anokiiwin gaa-wiiji'iwemagak aki, nibi gaye dazhiikewinan
- Agpii agaa aanjchigaadeg: