Aen pomonik par Lee zawnfawn: Kishkayista etamahchihouwina, weepat natouna pishkaymouwin
Lee zawnfawn, sourtoo aykwawniki awnter sa lawzh saenk, nawaciko si riskee di shooshkwawchikou anavawn kawmshi-awhkoushihk, kanipahikouhk itouwahk ouschi aen pomonik (TB) awhkoushiwin keeshpin namou weepat en tretmawn.
Aen Niskimoo pi Li promyeen Nawsyoon lee zawnfawn chikee moushistawwuk mishtahi ikouhk aen pomonik, akouz ouschi kaw-weekihk daw alawntour avek oushawmiyawak ita kaw-weekihk pi namou iyikouhk la sawntee nakatouhkaywin.
Aen pomonik awshoohikawtayw daw layr ishpee awiyek awhkoushiw avek aen pomonik ohtstootamouwin, chawhchamow, keema peekishkwayw. Aen pomonik nawaciko wayschi awshoohikawtayw ishpee araw kaw-weekihk.
Kaw-ashwayistamin pi weepat kipihtinamouwin, kaw-kee-manachihawak lee zawnfawn sa la sawntee pi miywayawin.
Aen pomonik chikee nanatawistawn pi keekayhiwaywin avek katawa li michin. Peekishkwawta toon la sawntee nakatouhkayw pi kakwaychim ouschi aen pomonik wawpastamouwin, nishtawinumouwin, pi nahayhtawinawkwun nakahtoohkaywin.
Keeshpin toon zawnfawn ayow etamahchihouwina keema kee-outishkawayshkam aen pomonik, kawiya paykow pi wawpanikay anoush!
Pishkawpasta oohin etamahchihouwina ishi lee zawnfawn:
- trou maegr keema namou ahkikiwuk kaw-ishi ihkatayistakwahk
- keeshouhkipakitatawmoow
- ohtstootamouwin namou kaw-namatakoun
- ohtstootam li krashaw keema li sawn
- li fyayv keema ou swayr apwayshouwin
- nayhtoushinouwin keema awyimihow
Poor ayiwawk weehstamakaywin: Aen pomonik daw Indigene alawntour (Namou ihtakwan ishi aen Niskimoo la lawngaezh)
- Keestwawm mowatakwashtaywin: