katōhpinīwin awāsisak kā-kahchitinikocik: kiskīthihta kā-isi-mōsihtāyin, sīmāk nātawihikawi
awāsisak, aniki īkā cīskwa niyānan kītahtwāskīwinīcik, nawac iyakonik kita-kī-sohkīskākwak katōhpinīwin kīspin namowitha sīmāk nātawihāwak.
wāhthaw kīwītinohk ohci ithiniwak mīna nīhithawak nawac iyakonik kita-pakamiskākwak katōhpinīwin, ayāhk ohci kā-mihcīticik ita kā-wīkicik īkwa īkā sīmāk maskihkiwithiniwa i-kī-wāpimācik.
katōhpinīwin wihci kahcitinam awiyak kā-otostotahk, kā-āyithimot, awīkācī kā-ayamit. katōhpinīwin wihci āsōwipathin kīspin kisiwāk wīcāyāmitowak athisithiniwak.
kīspin sīmāk kipihtīn ōma ācimowin īkwa kiwaskawītotīn, kakī-wīcihāw kicawāsimis īkwa kita-mithwāyāw.
katōhpinīwin kita-kī-nātawihikātīw kīspin katawa maskihkiya āpacihtāniwinwa. sīwipitamaw maskihkīwiskwīw īkwa kakwīcihkīmow katōhpinīwin kita-nitawāpīnikātīk, katawa kita-isi-nānākacihtāniwik mīna kwayask kita-isi-pamihisot otāhkosiw.
kīspin kicawāsimis kāhcitam katōhpinīwinīwin awīkācī kisiwāk īkota awiya kā-ayāthit ayāthiwa ī- katōhpinīthit, kāwitha piho, sīmāk nitwāpīnikī.
kwayask nākatīthim kicawāsimis:
- kīspin ati pāwanīw awīkācī namowitha ohpikiw
- kīspin sihtitāhtam
- kīspin īkā wī-poni-otostotahk
- kīspin otostotam awīkācī mithko pāpathihtāw
- kisisow awīkācī apwīsiw
- nistosiw īkwa āthimisiw
kīspin kiyāpic kinohtī-kiskīthihtīn ōtī sīwipicikī: katōhpinīwin nīhithaw ihtāwinihk (namôtha astiw sakâwîthinîw)
- Ihuaqhiyauyuq ublua: