ᐃᑲᔪᖅᓱᐃᓂᖅ ᐃᓄᖕᓂᒃ ᓄᑕᖃᓂᒃ

ᐃᓄᐃᑦ ᓄᑕᖅᑲᑦ ᓯᕗᓪᓕᐅᔪᑦ ᐱᓕᕆᐊᖑᕙᓪᓕᐊᓂᖏᑦ ᐅᔾᔨᖅᑐᕈᑕᐅᕗᑦ ᐃᓄᐃᑦ ᓄᑕᕋᖏᑦ ᐱᔪᓐᓇᖃᑦᑕᕆᐊᖃᕐᓂᖅ ᒐᕙᒪᒃᑯᓐᓄᑦ ᐊᑐᐃᓐᓇᐅᑎᑕᐅᕙᒃᑐᓂᒃ ᐃᑲᔫᑎᒃᓴᓂᒃ ᐋᓐᓂᐊᖅᑐᓕᕆᓂᕐᒧᑦ, ᐃᓄᓕᕆᔭᐅᓂᕐᒧᑦ ᐊᒻᒪᓗ ᐃᓕᓐᓂᐊᖅᑐᓕᕆᓂᕐᒧᑦ ᓴᕿᑎᑕᐅᓯᒪᔪᓂᒃ, ᐱᔨᑦᑎᕋᐅᑎᓂᒃ ᐊᒻᒪᓗ ᐃᑲᔫᑎᒃᓴᓂᒃ ᐱᖃᑦᑕᕆᐊᖃᖅᑕᖏᓐᓂᒃ, ᐱᔭᕆᐊᖃᓕᕌᖓᒥᒋᑦ ᐱᔪᓐᓇᖃᑦᑕᕐᓗᓂᒋᑦ.

ᓄᕙᒡᔪᐊᕐᓂᖅ-19: ᓄᑖᙳᕆᐊᖅᓯᒍᑦ

ᖃᓂᒪᓐᓇᖅᑐᖅ ᓄᕙᒡᔪᐊᕐᓇᖅ-19 ᓯᐊᒻᒪᒃᓯᒪᑎᓪᓗᒍ, ᑖᓐᓇ ᐃᓄᐃᑦ ᓄᑕᖅᑲᑦ ᓯᕗᓪᓕᐅᔪᑦ ᐃᑲᔫᑎᒃᓴᖏᑦ ᑲᔪᓰᖕᓇᖅᑐᑦ ᐃᑲᔪᓯᓪᓗᑎᑦ ᐃᓄᐃᑦ ᓄᑕᖅᑲᓂᒃ ᑲᓇᑕᒥᐅᑕᐅᔪᓂᒃ ᐱᒍᓐᓇᖅᑎᒃᓯᓪᓗᑎᑦ ᓱᓇᒃᑯᑖᓂᒃ, ᐱᔨᒃᓯᕋᐅᑎᓂᒃ ᐃᑲᔫᑎᒃᓴᓂᓪᓗ ᐱᒋᐊᓕᖕᒥᓂ. ᒪᑯᐊ ᐃᓚᐅᒍᖕᓇᖅᑐᑦ, ᐆᒃᑑᑎᒋᓗᒋᑦ, ᖃᕆᑕᐅᔭᕋᓛᑦ, ᑎᒍᒥᐊᒐᐃᑦ ᖃᕆᑕᐅᔭᕋᓛᑦ ᐅᒡᕙᓘᖕᓃᑦ ᐊᓯᖏᑦ ᖃᕆᑕᐅᔭᒃᑯᑦ ᐃᓕᓐᓂᐊᕈᑕᐅᒍᖕᓇᖅᑐᑦ, ᓇᓗᓇᐃᖅᑕᐅᓯᒪᒍᑎᑦ ᐃᓗᓯᓕᕆᓂᒃᑯᑦ, ᐃᓕᓐᓂᐊᕐᓂᒃᑯᑦ ᐃᓅᖃᑎᒌᓐᓂᒃᑯᓪᓘᓐᓃᑦ ᐱᒋᐊᖃᕐᓂᖏᓐᓂᒃ. ᒫᖕᓇᒃᑯᑦ, ᖃᐅᔨᒪᔨᑕᕆᔭᒻᒪᕆᐅᔪᑦ ᐊᑐᐃᖕᓇᐅᙱᑐᐃᓐᓇᕆᐊᓖᑦ ᐱᕕᐅᒍᖕᓇᕐᓗᑎᑦ ᐃᑲᔪᖅᑐᐃᒍᑎᓂᒃ ᐸᐃᒃᐹᕐᓂᒃ ᐱᔭᐅᒋᐊᖃᓲᖑᒐᓗᐊᖅᑐᓂᒃ ᑐᒃᓯᕋᐅᑎᓕᐅᖅᑐᓄᑦ. ᑕᒪᓐᓇ ᖃᐅᔨᒪᒋᐊᕐᓂᐊᖅᑕᕗᑦ ᕿᒥᕐᕈᓕᕈᒃᑕ ᑐᒃᓯᕋᐅᑎᓕᐊᕆᓯᒪᔭᒃᓯᖕᓂᒃ. ᐃᓚᖓᒍᑦ, ᑐᓂᔭᐅᒍᖕᓇᖅᑐᒍᑦ ᐃᑭᐊᖅᑭᕕᒃᑯᑦ ᑎᑎᕋᐅᑎᐅᓯᒪᔪᓂᒃ ᖃᐅᔨᒪᔨᑕᒻᒪᕆᐅᔪᓄᑦ ᐅᒡᕙᓘᓐᓃᑦ ᐸᐃᒃᐹᑦ ᐃᑲᔪᖅᓯᒍᑎᒃᓴᐃᑦ ᑐᓂᔭᐅᒍᖕᓇᖅᑐᑦ ᑭᖑᓂᐊᒍᑦ ᑐᒃᓯᕋᐅᑎᓕᐅᕇᖅᓯᒪᓂᐅᑉ. ᖃᐅᔨᒋᐊᒃᑲᖕᓂᕈᒪᒍᕕᑦ, ᑐᓴᕆᐊᕐᕕᒋᓗᒍ regional focal point (ᐊᕕᒃᑐᖅᓯᒪᔪᓂ ᑐᒃᑕᕐᕕᐅᔪᑦ). ᐃᑲᔪᕆᐊᖅᑕᐅᓂᕐᒧᑦ ᒫᓐᓇᕐᓂᓴᐅᓂᖅᓴᓂᓪᓗ ᑐᑭᓯᒋᐊᕈᑎᖃᕈᒪᒍᕕᑦ ᓄᕙᒡᔪᐊᕐᓇᖅ-19 ᒥᒃᓵᓄᑦ, ᐅᖃᖃᑎᒋᓗᒋᑦ ᓄᓇᓕᒃᓯᖕᓂ ᓯᕗᓕᖅᑎᐅᔪᑦ ᐅᒡᕙᓘᖕᓃᑦ ᐃᑭᐊᖅᑭᕕᒃᑯᑦ ᑕᑯᓂᐊᕐᓗᒍ COVID-19 and Indigenous communities (ᓄᕙᒡᔪᐊᕐᓇᖅ-19 ᓄᓇᖃᖅᑳᖅᓯᒪᔪᐃᓪᓗ ᓄᓇᓕᖏᑦ).

ᐊᑐᓂ ᑕᒪᐃᓐᓂ ᑲᓇᑕᐅᑉ ᐊᕕᒃᑐᖅᓯᒪᓂᖏᓐᓂ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓᑕ ᐊᕕᒃᑐᖅᓯᒪᓂᖏᓐᓂ ᑐᒃᑕᕐᕕᐅᔪᒧᑦ ᐃᑲᔪᖅᑎᐅᔪᓂᒃ ᐆᒃᑐᕈᓐᓇᖅᑐᓂᒃ ᐃᑲᔪᖅᑕᐅᔪᒪᓂᕐᒧᑦ ᑕᒪᒃᑯᓂᖓ ᐃᓄᐃᑦ ᓄᑕᖅᑲᑦ-ᓯᕗᓪᓕᐅᔪᑦ ᐱᒋᐊᖅᑎᑕᐅᓯᒪᓂᖏᓐᓂ. ᐊᑏᑐᖅ ᑐᔪᐃᖃᑦᑕᕐᓂᐊᕐᐳᓯ ᖃᐃᑎᖃᑦᑕᕐᓗᓯ ᑐᒃᓯᕋᐅᑎᔅᓯᓂᒃ ᐃᓄᖕᓄᑦ ᓄᑕᕋᓄᑦ ᐃᑲᔪᖅᑕᐅᔾᔪᑎᒃᓴᐅᓕᖅᑐᓄᑦ ᑕᒡᕘᓇ ᓄᓇᖃᖅᑐᑐᖃᐃᑦ ᐱᔨᑦᑎᕋᖅᑕᐅᕝᕕᖓᒍᑦ ᑲᓇᑕᒥ ᐅᓇ ᖃᕆᑕᐅᔭᒃᑯᑦ ᑐᕌᕈᑎᓕᒃ ᐊᖅᑯᑎᒋᓗᒍ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᑲᓇᑕᒥ ᐅᑭᐅᖅᑕᖅᑐᖅᐸᓯᐅᓂᖓᑕ ᐊᕕᒃᑐᖅᓯᒪᓂᖓᓂ ᑐᒃᑕᕐᕕᐅᔪᒧᑦ. ᐃᓄᐃᑦ ᓄᓇᖅᑲᑦ-ᓯᕗᓪᓕᐅᑎᑕᐅᓂᖏᓐᓂᒃ ᐋᕿᐅᒪᔭᐅᓂᖏᑦ ᐃᑲᔪᖅᓱᐃᒐᒥᒃ ᑕᐃᔭᐅᔪᓂᒃ ᒪᓕᒐᕐᓂᒃ ᔾᔪᐊᑕᓐ ᒪᓕᒐᓕᐅᕈᑕᐅᓯᒪᓂᖓᓂᒃ, ᐱᐅᓯᖃᕐᒪᑕ ᐅᒃᐱᕆᔭᖃᕐᓂᖅ ᑐᖓᕕᐅᓂᖏᓐᓂᒃ ᑕᐃᒃᑯᓇᓂ ᐊᔾᔨᒌᔭᐅᑲᓴᒃᑐᓂᒃ ᖃᓄᐃᓕᐅᕈᑕᐅᔭᕆᐊᖃᕐᓂᖏᓐᓂᒃ ᓄᑕᕋᐃᑦ. ᑕᐃᒃᑯᐊ ᒪᓕᒃᑕᐅᔪᒃᓴᐃᑦ ᖃᓄᐃᓕᐅᕈᓐᓇᕐᓂᕐᒧᑦ ᐆᒃᑐᕐᓂᔅᓯᓐᓂ ᐊᑖᓂ ᐅᓂᒃᑳᖅᑕᐅᓯᒪᑦᑎᐊᖅᐳᑦ ᐃᓄᐃᑦ ᓄᑕᖅᑲᑦ-ᓯᕗᓪᓕᐅᑎᑕᐅᓂᖏᓐᓄᑦ ᑐᕌᖓᓪᓗᑐᕐᒪᑕ ᐃᓄᐃᑦ ᓄᑕᕋᖏᓐᓄᑦ, ᐊᕕᒃᑐᖅᓯᒪᓂᕆᔅᓯᓐᓂᓗ ᑐᒃᑕᕐᕕᐅᔪᒧ ᑐᑭᓯᑎᑦᑎᒋᐊᑦᑎᐊᒃᑲᓐᓂᕈᓐᓇᖅᓱᓂ ᐃᑲᔪᕈᓐᓇᖅᓱᓂᓗ ᐃᓕᖕᓂᒃ ᖃᐃᑦᑎᔪᓐᓇᕐᓂᖅ ᑐᒃᓯᕋᐅᑎᒃᓴᓂᖕᓂᐊᖅᑕᔅᓯᓐᓂᒃ.

ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᖃᖅᐳᑦ ᑕᐱᕆᓕᖅᑕᒥᓂᒃ ᐃᓄᖕᓂᒃ, ᑲᓇᑕᐅᑉ ᐊᕕᒃᑐᖅᓯᒪᓂᖏᓐᓂᒃ ᓄᓇᓕᒡᔪᐊᖑᓂᖏᓐᓂᒃ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓᓂ ᐊᕕᒃᑐᖅᓯᒪᓂᖏᓐᓂᒃ ᓴᕿᐅᒪᑎᑦᑎᓂᕐᒧᑦ ᐊᑯᓂᐅᓂᐊᖅᑐᖅ ᐃᓄᖕᓄᑦ-ᑐᕋᖓᔪᓂᒃ ᖃᓄᐃᓕᐅᕈᑎᒃᓴᓂᒃ ᐱᐅᓂᖅᓴᓂᒃ ᖃᓄᖅᑑᕈᑕᐅᔪᓐᓇᕐᓂᐊᕐᒪᑕ ᐊᔾᔨᒋᔭᐅᖏᓂᖏᑦ ᐋᓐᓂᐊᖅᑐᓕᕆᔭᐅᕙᖕᓂᖏᓐᓄᑦ, ᐃᓄᓕᕆᔭᐅᕙᖕᓂᖏᓐᓄᑦ ᐊᒻᒪᓗ ᐃᓕᓐᓂᐊᕈᑎᒃᓴᖃᕆᐊᖃᕐᓂᖏᓐᓄᑦ ᐃᓄᐃᑦ ᓄᑕᕋᖏᑦ.

ᖃᐃᑦᑎᔪᒪᒍᕕᑦ ᑐᓂᓯᓗᑎᑦ ᑐᒃᓯᕋᐅᑎᓂᒃ ᐆᒃᑐᕈᑎᓂᒃ:

ᐊᑐᕆᐊᖃᖅᑕᐃᑦ 1. ᖃᓄᐃᑦᑐᓂᒃ ᐃᑲᔫᑎᒃᓴᓂᒃᑕᐅᓯᔪᓐᓇᕐᓂᖅ

ᓄᑕᕋᐃᑦ ᖃᓄᐃᓕᖓᕙᖕᓂᖏᑦ ᐊᔾᔨᒋᓲᖑᖏᒻᒪᑕ. ᐊᑏᑐᖅ ᐅᖃᕐᕕᒋᓂᐊᖅᐸᐃᑦ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᐅᖃᐅᓯᕆᓗᒋᑦ ᖃᓄᐃᑦᑐᓂᒃ ᐃᑲᔫᑎᒃᓴᖃᕈᓐᓇᕐᒪᖔᑦ ᓄᑕᕋᕕᑦ ᐱᔭᕆᐊᖃᖅᑕᖏᓐᓂᒃ.

ᐃᓚᖏᓐᓂᒃ ᐆᒃᑐᑎᒋᑐᐃᓐᓇᕐᓗᑎᒃ ᑮᓇᐅᔭᒃᓴᓂᒃᑕᐅᔪᓐᓇᖅᑐᑦ ᒪᑯᓂᖓ ᐃᓚᖃᓲᖑᕗᑦ:

ᐋᓐᓂᐊᖅᑐᓕᕆᓂᕐᒥᒃ

  • ᐃᒃᓯᕙᐅᑕᒃᑯᑦ ᐃᖏᕐᕋᔾᔪᑎᓖᑦ ᓇᐅᒃᑰᕐᕕᒃᓴᖃᕆᐊᖃᕐᓂᖏᓐᓄᑦ
  • ᐅᐃᕆᓯᒪᓂᕐᒧᑦ ᓄᖃᕈᓐᓇᐃᓕᓯᒪᓂᕐᒧᑦ ᐃᑲᔪᖅᑕᐅᕝᕖᑦ
  • ᐃᓕᖅᑯᓯᑐᖃᓕᕆᓂᕐᒥᒃ ᐃᑲᔪᖅᑕᐅᔾᔪᑎᑦᑦ ᐃᓐᓇᑐᖃᕐᓂᒃ
  • ᐃᓱᒪᒃᑯᑦ ᖃᓄᐃᑦᑐᓐᓃᕈᒪᓂᕐᒧᑦ ᐅᖃᕐᕕᒃᓴᐃᑦ
  • ᖃᐅᔨᓴᖅᑕᐅᓂᕐᒧᑦ ᐊᔾᔨᓕᐅᖅᑕᐅᔪᓐᓇᕐᓂᕐᒧᓪᓗ ᖃᐅᔨᒋᐊᖅᑕᐅᓂᖏᓐᓄᑦ
  • ᐊᓐᓂᐊᕐᓂᕐᒧᑦ ᐊᑐᒐᒃᓴᐃᑦ ᐱᖁᑏᓪᓗ
  • ᐊᔪᕈᓐᓃᖅᓴᐅᑎᒃᓴᐃᑦ ᑎᒥᒃᑯᑦ ᐱᔨᑦᑎᕋᐅᑏᑦ (ᐅᖃᕆᐅᖅᓴᓂᕐᒧᑦ, ᑎᒥᒃᑯᑦ ᐊᔪᕈᓐᓃᖅᓴᓂᕐᒧᑦ, ᐃᖃᓇᐃᔮᒥᓄᑦ ᐱᓕᕆᕕᖕᒥᓄᑦ ᑎᒥᒃᑯᑦ ᐊᔪᕈᓐᓃᒃᑲᓐᓂᕋᓱᐊᕈᑎᑦ)

ᐃᓄᓯᕐᒧᑦ

  • ᓄᓇᒦᖃᑕᐅᓗᑎᒃ ᖃᓄᐃᓕᐅᕈᑎᑦᒃᓴᐃᑦ
  • ᐃᑲᔫᑎᒃᓴᓪᓗᑐᐃᑦ ᐊᐅᔭᒃᑯᑦ ᐊᐅᓪᓚᖅᓯᒪᕕᒃᓴᓄᑦ
  • ᐃᖕᒥᓂᒃ ᖃᓄᐃᑦᑐᓐᓃᖅᐸᓪᓕᐊᔪᓐᓇᕐᓂᕐᒧᑦ ᐊᑐᒐᒃᓴᐃᑦ ᒪᓕᒃᑐᑦ ᐃᓕᖅᑯᓯᑐᖃᕆᔭᐅᔪᓂᒃ ᐅᒃᐱᕆᔭᐅᔪᑐᖃᕐᓂᒃ ᐊᒻᒪᓗ ᐱᐅᓯᕆᔭᐅᔪᑐᖃᕐᓂᒃ

ᐃᓕᓐᓂᐊᖅᑐᓕᕆᓂᖅ

  • ᐊᑕᐅᓯᐅᓇᖅᑎᖅᓯᒪᔪᓂᒃ ᐊᒥᓲᖏᓈᖅᑕᐅᓯᒪᔪᓐᓇᖅᑐᓂᒡᓗᓐᓃᑦ ᐃᓕᓴᖅᑕᐅᔪᓐᓇᕐᓂᕐᒧᑦ ᐱᔨᑦᑎᕋᐅᑎᑦ
  • ᐃᓕᓐᓂᐊᖅᑎᑕᐅᓂᖏᓐᓄᑦ ᐃᑲᔪᖅᑎᒃᓴᐃᑦ
  • ᐊᑐᖅᑕᐅᒐᔪᐃᓂᖅᓴᓂᒃ ᐃᓕᓐᓂᐊᕆᐊᖃᕐᓂᕐᒧᑦ ᐊᒡᔭᖅᑕᐅᖃᑦᑕᕐᓂᕐᒧᑦ ᐃᖏᕐᕋᔾᔪᑎᑦ
  • ᐃᓱᒪᓕᕆᓂᕐᒧᑦ-ᐃᓕᓐᓂᐊᖅᓯᒪᓂᕐᒧᑦ ᖃᐅᔨᓴᕈᑎᑦ
  • ᐊᑐᒐᒃᓴᐃᑦ ᓴᓇᕐᕈᑎᒃᓴᓂᒃᑕᐅᓯᒪᕙᓕᖅᑐᑦ ᐊᒻᒪᓗ ᖃᕆᑕᐅᔭᓖᑦ

ᐊᑐᕆᐊᖃᖅᑕᐃᑦ 2. ᑭᓇᒃᑯᑦ ᐆᒃᑐᕈᓐᓇᓂᖏᑦ

ᑕᒪᕐᒥᒃ ᐃᓄᐃᑦ ᓄᑕᕋᖏᑦ, ᓇᓂ ᓄᓇᖃᕋᓗᐊᕈᑎᒃ ᑲᓇᑕᒥ, ᑐᒃᓯᕋᕈᓐᓇᖅᑐᑦ ᑮᓇᐅᔭᒃᓴᓂᒃᑕᐅᖁᔨᔪᓐᓇᕐᓂᖅ ᐃᓄᐃᑦ ᓄᑕᖅᑲᑦ-ᓯᕗᓪᓕᐅᔪᑦ ᐱᓕᕆᐊᖑᓕᕐᓂᖏᓐᓄᑦ. ᐃᒪᓐᓇᐃᓐᓇᓕᖓᔭᕆᐊᖃᖅᐳᑦ:

ᐊᒻᒪᓗ

ᐊᑐᕆᐊᖃᖅᑕᐃᑦ 3. ᑭᓇᒃᑯᑦ ᐅᖃᕐᕕᐅᔭᕆᐊᖃᕐᓂᖏᑦ

ᐅᖃᕐᕕᒋᓗᒍ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᐅᕝᕙᓗᓐᓃᑦ ᑲᓇᑕᓕᒫᒥ ᐅᖄᓚᕕᐅᕙᒃᑐᖅ ᐅᖄᓚᕕᒋᓗᒍ ᐅᓇ 1-855-572-4453, ᐊᑐᐃᓐᓇᐅᔪᖃᓲᖑᖕᒪᑕ 24-ᓂᒃ ᐃᑲᕐᕋᓂᒃ ᖃᐅᑕᒫᖅ, 7-ᓂᒃ ᐅᓪᓗᓂᒃ ᐱᓇᓱᐊᕈᓯᑕᒫᖅ.

ᐊᑐᕆᐊᖃᖅᑕᐃᑦ 4. ᑭᓇᒃᑯᑦ ᑐᔪᐃᔪᓐᓇᕐᒪᖔᑕ ᑐᓂᓯᓗᑎᑦ ᑐᒃᓯᕋᐅᑎᓂᒃ

ᑐᒃᓯᕋᐅᑏᑦ ᖃᐃᑕᐅᔪᓐᓇᖅᑐᑦ ᐃᒪᓐᓇ:

ᑐᒃᓯᕋᐅᑎᑦ ᐱᔾᔪᑎᖃᖅᑐᑦ ᐊᑕᐅᓯᐅᖏᑦᑐᒧᑦ, ᐊᒥᓱᓄᑦ ᓄᑕᕋᓄᑦ, ᐊᔾᔨᒌᒐᓚᒃᑐᓂᒃ ᐃᑲᔪᖅᑕᐅᔭᕆᐊᖃᖅᑐᓂᒃ ᐊᒥᓱᓂᒃ ᐃᓚᒌᒃᑐᓂᖔᖅᑐᓂᒃ ᐅᕝᕙᓗᓐᓃᑦ ᐸᖅᑭᔨᐅᔪᓂᖔᖅᑐᓂᒃ ᑐᓂᔭᐅᓯᒪᔪᓐᓇᖅᐳᑦ ᓄᓇᓕᖕᒥᐅᑕᐅᔪᓂᒃ ᐅᕝᕙᓗᓐᓃᑦ ᐱᔨᑦᑎᕋᐃᔨᐅᕙᒃᑐᓂᒃ ᐱᓕᕆᔨᐅᔪᓂᖔᕈᓐᓇᖅᓱᑎᒃ. ᐆᒃᑑᑎᒋᓗᒋᑦ ᒪᑯᓂᖓ ᐱᔨᑦᑎᕋᐃᔨᓂᖔᖅᑐᑦ ᑐᒃᓯᕋᐅᑎᖃᕈᓐᓇᖅᐳᑦ ᒪᑯᓂᖓ:

ᐊᑐᕆᐊᖃᖅᑕᐃᑦ 5. ᖃᓄᖅ ᑐᓂᓯᔪᓐᓇᕐᓂᖅ ᑐᒃᓯᕋᐅᑎᓂᒃ ᐆᒃᑐᕈᑎᓂᒃ

ᑐᒃᓯᕋᕈᒪᓂᐊᖅᑕᕐᓂᒃ ᐱᒋᐊᖅᑎᑦᑎᓂᐊᕈᕕᑦ, ᐅᖃᕐᕕᒋᓂᐊᖅᐸᐃᑦ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᐅᕝᕙᓗᓐᓃᑦ ᑲᓇᑕᓕᒫᒥ ᐅᖄᓚᕕᐅᕙᒃᑐᖅ ᐅᖄᓚᕕᒋᓗᒍ ᐅᓇ 1-855-572-4453, ᐊᑐᐃᓐᓇᐅᔪᖃᓲᖑᖕᒪᑕ 24-ᓂᒃ ᐃᑲᕐᕋᓂᒃ ᖃᐅᑕᒫᖅ, 7-ᓂᒃ ᐅᓪᓗᓂᒃ ᐱᓇᓱᐊᕈᓯᑕᒫᖅ. ᑕᒫᓃᓐᓇᑦᑕ ᐃᑲᔪᖅᑎᐅᖁᔭᐅᓪᓗᑕ.

ᖃᐅᔨᒪᔭᐅᕆᐊᖃᕐᓂᐊᖅᑐᓂᒃ ᐊᑐᐃᓐᓇᐅᑎᑦᑎᕙᒌᖃᑦᑕᕐᓂᖅ ᐅᕙᑦᑎᓐᓄᑦ ᐅᖃᕌᖓᔅᓯ ᐃᑲᔪᓂᖃᕈᓐᓇᖅᐳᖅ ᐅᕙᑦᑎᓐᓂᒃ ᐱᓇᓱᖕᓂᐊᕈᕕᑦ ᑮᓇᐅᔭᒃᓴᓂᒃᑕᐅᖁᔨᓂᖅ ᐊᑭᓖᖁᔨᓂᕐᓗᓐᓃᑦ ᐱᖁᑎᓄᑦ, ᐱᔨᑦᑎᕋᐅᑎᓄᑦ ᐅᕝᕙᓗᓐᓃᑦ ᐃᑲᔫᑎᒃᓴᓄᑦ.

ᖃᐅᔨᔭᐅᖃᑦᑕᕈᒪᓲᑦ ᐃᓕᖕᓂᒃ ᒪᑯᓂᖓ ᐃᓚᖃᓲᖑᕗᑦ:

ᐊᑐᕆᐊᖃᖅᑕᐃᑦ 6. ᑲᒪᒋᔭᐅᕙᓪᓕᐊᓲᖑᓂᖏᑦ ᑐᒃᓯᕋᐅᑏᑦ ᖃᐃᑕᐅᓯᒪᔪᑦ

Regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᕿᒥᕐᕈᐊᕐᓂᐊᖅᑐᑦ ᐱᔭᕇᖅᑕᐅᓯᒪᔪᓂᒃ ᑐᒃᓯᕋᐅᑎᓂᒃ. ᐃᓱᒪᓕᐅᕈᑕᐅᓯᒪᓂᖏᓐᓂᒃ ᐃᓕᖕᓄᑦ ᑐᔪᐃᓂᐊᖅᑐᑦ ᑎᑎᖃᑎᒍᑦ ᑲᒪᒋᔭᐅᕌᓂᒃᑯᑎᒃ. ᑐᒃᓯᕋᐅᑎᒋᔭᖏᑦ ᐊᖏᖅᑕᐅᓂᖏᑉᐸᑦ, ᓴᖑᓐᓂᐊᕋᓱᐊᕈᓐᓇᖅᑐᑎᑦ ᖃᖓᑐᐃᓐᓇᖅ ᐊᑕᐅᓯᕐᒥᒃ ᐊᕐᕋᒎᑉ ᐃᓗᐊᓂ ᐱᒋᐊᕐᕕᖃᖅᑐᒥᒃ ᑕᐃᑲᖓᑦ ᐅᓪᓗᕆᓚᐅᖅᑕᖓᓂᒃ ᐊᖏᖅᑕᐅᓚᐅᖏᓐᓂᖓᓂᒃ ᐱᒋᐊᕐᓗᒍ.

ᑮᓇᐅᔭᒃᓴᓂᒃᑕᐅᓯᒪᔪᓐᓇᖅᑐᑦ ᐊᖏᕈᑕᐅᓯᒪᔪᑦ ᑐᒃᓯᕋᐅᑎᑦ ᐊᑕᐅᓯᕐᒥᒃ ᐅᑯᓇᖓᑦ ᒪᕐᕉᖕᓂᒃ ᐊᑐᖅᑕᐅᓲᖑᔪᓂᒃ:

  1. ᑮᓇᐅᔭᒃᓴᓂᒃᓯᕙᒃᑐᒍᑦ ᐱᖁᑎᓄᑦ, ᐱᔨᑦᑎᕋᐅᑎᓄᑦ ᐃᑲᔫᑎᒃᓴᓄᓪᓗᓐᓃᑦ ᓄᑕᕋᒧᑦ ᓄᑕᕋᕐᓄᓪᓗᓐᓃᑦ ᐊᑐᖅᑕᐅᓂᐊᖅᑐᓂᒃ.
  2. ᐃᓚᒋᔭᐅᔪᖅ, ᐸᖅᑭᔨᐅᔪᖅ, ᓄᑕᕋᖅ ᐅᕝᕙᓗᓐᓃᑦ ᐱᔪᓐᓇᐅᑎᖃᖅᑎᑕᐅᔪᖅ ᓄᑕᕋᒥᒃ ᑭᒡᒐᖅᑐᐃᔨᐅᔪᖅ ᐊᑭᓖᕙᒌᖅᓯᒪᒃᐸᑦ ᐊᖏᕈᑕᐅᓯᒪᔪᓂᒃ ᐱᖁᑎᓂᒃ, ᐱᔨᑦᑎᕋᐅᑎᓂᒃ ᐅᕝᕙᓗᓐᓃᑦ ᐃᑲᔫᑎᒃᓴᓂᒃ, ᐅᑎᕐᕕᐅᔪᓐᓇᖅᑐᑦ ᑕᒪᒃᑯᓄᖓ ᐊᑭᓖᓯᒪᔭᖏᓐᓄᑦ.

ᐊᑐᕆᐊᖃᖅᑕᐃᑦ 7. ᐅᑎᕐᕕᐅᔪᓐᓇᕐᓂᖅ ᐅᑎᒧᓪᓗ ᑕᐃᔅᓱᒪᓂᑲᓐᓂᐅᔪᓂᒃ ᐱᒋᐊᕐᕕᖃᖅᑐᒥᒃ ᐅᑎᕐᕕᐅᔪᓐᓇᕐᓂᕐᒧᑦ ᑐᒃᓯᕋᐅᑎᑦ

ᐊᑐᓂ ᓄᑕᕋᐃᑦ ᖃᓄᐃᓕᖓᓂᖏᑦ ᐊᔾᔨᒌᖏᑦᑐᐃᓐᓇᐅᖕᒪᑕ. ᑕᒪᒃᑯᐊ ᐱᔾᔪᑕᐅᓪᓗᑎᒃ ᐱᒻᒪᕆᐊᓘᕙᒃᐳᖅ ᓇᓗᓇᐃᔭᐃᑦᑎᐊᕆᐊᖃᕐᓂᖅ ᑲᒪᔨᐅᔪᒧᑦ Regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ).

ᑐᒃᓯᕋᐅᓯᐅᕐᓂᖅ ᐅᑎᕐᕕᐅᔪᒪᓂᕐᒧᑦ

ᐅᑎᕐᕕᐅᔪᓐᓇᕐᓂᖅ ᑲᔪᓯᑎᑕᐅᓇᔭᖅᐳᖅ ᑕᐃᒃᑯᐊ ᐊᖏᕈᑕᐅᓯᒪᓂᖏᑦ ᐱᖁᑎᑦ, ᐱᔨᑦᑎᕋᐅᑏᑦ ᐃᑲᔫᑎᒃᓴᐃᓪᓗᓐᓃᑦ ᐊᑭᓕᐊᓂᒃᓯᒪᓕᕈᑎᒃ ᐃᓚᒋᔭᐅᔪᒧᑦ ᐅᕝᕙᓗᓐᓃᑦ ᐱᔨᑦᑎᕋᐃᔨᐅᕙᒃᑐᓄᑦ/ᓂᐅᕕᖅᑎᓄᑦ ᐊᓂᒍᖅᓯᒪᓕᖅᑎᓪᓗᒍ ᔫᓂ 19, 2018.

ᑎᑎᕋᕐᕕᒃᓴᖃᕆᐊᖃᖅᐳᑦ ᑕᑕᑎᕆᐊᓕᖕᓂᒃ.

  • ᑐᒃᓯᕋᐅᑕᐅᓂᐊᖅᑐᓂᒃ ᐅᑎᕐᕕᐅᔪᒪᓂᕐᒧᑦ ᐊᑭᓕᐊᓂᒃᓯᒪᔭᒥᓄᑦ
  • ᐱᔨᑦᑎᕋᐃᔩᑦ ᐅᕝᕙᓗᓐᓃᑦ ᓂᐅᕕᖅᑏᑦ ᑐᒃᓯᕋᕈᓐᓇᖅᑐᑦ ᓇᖕᒥᓂᖅ ᐊᑭᓕᖅᑕᐅᔪᒪᓂᖅ ᐱᔨᑦᑎᕋᐃᓯᒪᓂᖏᓐᓄᑦ

ᒪᓕᒡᓗᒋᑦ ᐅᑯᐊ ᐱᖓᓱᑦ ᐊᑐᖅᑕᐅᔭᕆᐊᓖᑦ ᑐᒃᓯᕋᕐᓂᐊᕐᓗᓂ ᐅᑎᕐᕕᐅᔪᒪᓂᖅ ᑮᓇᐅᔭᓂᒃ:

  1. ᐅᖃᕐᕕᒋᓗᒍ ᑕᐃᓐᓇ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᐅᕝᕙᓗᓐᓃᑦ ᐅᖄᓚᕕᐅᓗᓂ ᐅᕙᓂ 1-855-572-4453-ᒥᒃ ᑕᐃᒫ ᐃᓕᖕᓂᒃ ᐃᑲᔪᕐᓂᐊᕐᒪᑕ ᐱᒋᐊᖅᑎᑦᑎᔪᓐᓇᕐᓂᖅ ᑲᒪᒋᔭᐅᓂᖏᓐᓂᒃ ᓇᓗᓇᐃᖅᑕᐅᓂᖏᓐᓄᓪᓗ ᐱᖁᑏᓪᓗᓐᓃᑦ, ᐱᔨᑦᑎᕋᐅᑏᓪᓗᓐᓃᑦ, ᐃᑲᔫᑎᒃᓴᐃᓪᓗᓐᓃᑦ ᑮᓇᐅᔭᓂᒃᑕᐅᔪᓐᓇᕐᓂᖏᑦ.
  2. ᐱᔭᕇᖅᑕᐅᓯᒪᓗᑎᒃ ᐅᑎᕐᕕᐅᔪᒪᓂᕐᒧᑦ ᑕᑕᑎᒐᒃᓴᐃᑦ ᑎᑎᕋᕐᕕᒃᓴᖏᑦ (ᑐᔪᖅᑕᐅᔪᓐᓇᕐᓂᐊᖅᑐᑎᑦ ᑎᑎᕋᕐᕕᒃᓴᓂᒃ ᑕᑕᑎᖅᓯᒪᔭᕆᐊᖃᖅᑐᓂᒃ ᐊᒻᒪᓗ ᐃᑲᔪᖅᑕᐅᔪᓐᓇᖅᓱᑎᑦ ᑕᑕᑎᖅᑕᐅᕙᓪᓕᐊᓂᖏᓐᓂ).
  3. ᑐᔪᕐᓗᒋᑦ ᐱᔭᕇᖅᑕᐅᓯᒪᓕᖅᑐᑦ ᐅᑎᕐᕕᐅᔪᒪᓂᕐᒧᑦ ᑎᑎᕋᕐᕕᒃᓴᐃᑦ ᑕᑕᑎᖅᓯᒪᓕᖅᑐᑦ ᑕᐃᔅᓱᒧᖓ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᐃᓚᖃᕐᓗᑎᒃ ᑕᒪᐃᓐᓂᒃ ᐱᑕᖃᕆᐊᖃᖅᑐᐃᓐᓇᐅᔪᓂᒃ ᑎᑎᖃᖁᑎᒋᔭᐅᔪᓂᒃ ᐃᑲᔫᑎᒃᓴᐅᓂᐊᖅᑐᓂᒃ.

ᑮᓇᐅᔭᖅᑖᕈᑕᐅᓂᖅ

ᑐᒃᓯᕋᐅᑎᑦ ᓄᑕᕋᕐᒧᑦ ᓄᑕᖃᓄᓪᓗᓐᓃᑦ ᐃᓚᒌᒃᑐᐃᓐᓇᐅᓂᖏᓐᓂ ᐅᕝᕙᓗᓐᓃᑦ ᐱᓯᒪᔭᐅᔪᓂᒃ ᑕᐃᔅᓱᒧᖓᑦᓴᐃᓐᓇᖅ ᐸᕿᔨᐅᑎᑕᐅᔪᒧᑦ:

  • ᐊᖓᔪᖄᕆᔭᐅᔪᖅ ᐸᖅᑭᔨᐅᔪᕐᓗᓐᓃᑦ ᑮᓇᐅᔭᖅᑕᖅᑎᑕᐅᕙᒃᐳᑦ ᓄᑕᕋᖅ ᐅᑭᐅᖃᖅᐳᖅ ᐃᓐᓇᕈᖅᓯᒪᖏᓂᕐᒥᒃ ᓄᓇᖓᓂ ᑲᓇᑕᐅᑉ ᐊᕕᒃᑐᖅᓯᒪᓂᖓᓄ/ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐅᓂᖓᑕ ᐊᕕᒃᑐᖅᓯᒪᓂᖓᓂ
  • ᓄᑕᕋᐃᑦ ᒪᒃᑯᒃᑐᑦ ᐅᑭᐅᓖᑦ 16-ᓂᒃ ᐅᖓᑖᓂᓗ ᐊᑭᓕᖅᑕᐅᔪᓐᓇᖅᑐᑦ ᑐᓂᓯᓯᒪᒍᑎᒃ ᑐᒃᓯᕋᐅᑎᓂᒃ
  • ᓂᐅᕕᖅᑎᐅᔪᖅ ᐱᔨᑦᑎᕋᐃᔨᐅᔪᕐᓗᓐᓃᑦ ᐊᑭᓕᖅᑕᐅᑲᐅᑎᒋᔪᓐᓇᖅᑐᖅ ᓇᖕᒥᓂᖅ

ᑐᒃᓯᕋᖅᓯᒪᔪᑦ ᐊᒥᓱᓂᒃ ᓄᑕᕋᒐᓴᖕᓂᒃ ᐱᔾᔪᔾᔨᓗᑎᒃ ᐃᓚᒌᒃᑐᓂᒃ ᐅᕝᕙᓗᓐᓃᑦ ᐊᒥᓱᓂᒃ ᐸᖅᑭᔨᒋᔭᐅᔪᓂᒃ:

  • ᑮᓇᐅᔭᖅᑖᖅᑎᑕᐅᓂᐊᖅᑐᑦ ᓄᓇᓕᖓ ᑎᒥᖁᑎᒋᔭᐅᔪᓪᓗᓐᓃᑦ ᑐᒃᓯᕋᖅᓯᒪᔪᑦ
  • ᓂᐅᕕᖅᑏᑦ ᐱᔨᑦᑎᕋᐃᔩᓗᓐᓃᑦ ᐊᑭᖅᑕᐅᔪᓐᓇᕐᒥᔪᑦ ᓇᖕᒥᓂᖅ

ᐊᑐᕆᐊᖃᖅᑕᐃᑦ 8. ᖃᓄᖅ ᓴᖑᓐᓂᐊᕈᓐᓇᕐᓂᖅ ᐃᓱᒪᓕᐅᕈᑕᐅᓯᒪᔪᓂᒃ

ᑐᒃᓯᕋᐅᑎᒋᔭᐃᑦ ᐊᖏᖅᑕᐅᓂᖏᒃᑯᓂ, ᖃᖓᑐᐃᓐᓇᖅ ᐱᒋᐊᖅᑎᑦᑎᔪᓐᓇᖅᑐᑦ ᓴᖑᓂᐊᖅᑎᑦᑎᓇᖕᓂᖅ ᐃᓗᐊᓂ ᐊᑕᐅᓯᐅᑉ ᐊᕐᕋᒍᒥ, ᐱᒋᐊᕐᕕᖃᖅᑐᒥᒃ ᐅᓪᓗᖓᓂᒃ ᐊᖏᖅᑕᐅᓚᖏᓂᖓᓂᒃ.

ᑕᐃᒪᐃᓐᓂᐊᕈᕕᑦ, ᐊᑏᑐᖅ ᑎᑎᕋᖅᓯᒪᔪᓂᒃ ᑐᒃᓯᕋᐅᑎᓂᒃ ᑐᓂᓯᓂᐊᖅᐳᑎᑦ ᑕᐃᔅᓱᒧᖓ ᐊᕕᒃᑐᖅᓯᒪᓂᔅᓯᓐᓄᑦ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ)ᒧᑦ, ᐃᓕᖕᓂᒃ ᐱᓕᕆᖃᑎᖃᕐᓂᐊᕐᒪᑦ ᐊᑐᕆᐊᖃᖅᑕᕐᓂᒃ ᐊᑐᕐᓗᓯᒃ.

ᑕᒪᕐᒥᒃ ᑐᒃᓯᕋᐅᑏᑦ ᓴᖑᓐᓂᐊᖅᑕᐅᖁᔨᓂᒧᑦ ᐃᓚᖃᕆᖃᖅᑐᑦ ᒪᑯᓂᖓ ᑕᒪᒃᑯᓂᖓᑑᖏᑦᑐᓐᓇᕐᒥᔪᓂᒃ:

ᐱᔭᕆᐊᖃᖅᑎᑕᐅᖏᒃᑲᓗᐊᖅᑎᓪᓗᒋᑦ ᐱᒋᐊᖅᑎᑦᑎᔪᓐᓇᕐᓂᕐᒧᑦ ᓴᖑᓐᓂᐊᖅᑕᐅᖁᔭᕐᓄᑦ, ᐱᖃᓯᐅᔾᔨᓯᒪᔪᓐᓇᕐᒥᔪᑎᑦ ᐊᓯᒃᑲᓐᓂᖏᓐᓂᒃ ᖃᐅᔨᒪᑎᑦᑎᒃᑲᓐᓂᕈᑕᐅᔪᓐᓇᖅᑐᓂᒃ, ᓲᕐᓗ ᖃᐅᔨᒪᔨᑕᕐᓄᑦ ᖃᐅᔨᓴᖅᑕᐅᓯᒪᔾᔪᑎᕕᓂᖏᓐᓂᒃ ᐅᕝᕙᓗᓐᓃᑦ ᖃᐅᔨᒪᔾᔪᑎᒃᓴᓂᒃ ᐅᓂᒃᑳᖅᑐᓂᒃ ᓇᐃᓈᖅᑕᐅᓯᒪᔪᓂᒃ ᓄᑕᕋᕕᑦ ᖃᓄᐃᓕᐅᖃᑦᑕᖅᓯᒪᓂᖓᓂᒃ ᐊᒻᒪᓗ ᐊᔾᔨᒋᔭᐅᖏᑦᑐᓂᒃ ᐱᔭᕆᐊᖃᖅᑕᖏᓐᓂᒃ.

ᓴᖑᓐᓂᐊᕈᑏᑦ ᑲᒪᒋᔭᐅᓂᖏᓐᓂ ᐊᑯᓂᐅᑎᖃᖅᑎᒋᔪᓐᓇᖅᐳᑦ 30-ᓂᒃ ᐃᖃᓇᐃᔭᕐᓇᐅᔪᓂ ᐃᓕᕆᓐᓇᐅᔪᓂ ᐅᓪᓗᓂᒃ.

ᑐᔪᐃᔪᓐᓇᕐᓂᖅ ᓴᖑᓐᓂᐊᕈᓐᓇᕐᓂᖅ ᐃᓱᒪᓕᐅᕈᑕᐅᓯᒪᔪᓂᒃ

ᑭᓇᑐᐃᓐᓇᖅ ᐃᓄᒃ ᓴᖑᓐᓂᐊᖅᑕᐅᑎᑦᑎᔪᓐᓇᖅᐳᖅ ᐃᓱᒪᓕᐅᕈᑕᐅᓯᒪᔪᓂᒃ ᐃᒪᓐᓇᐃᓕᖓᒍᑎᒃ:

  • ᐊᖓᔪᖄᕆᔭᐅᒍᓂ ᐸᖅᑭᔨᐅᒍᓂᓗᓐᓃᑦ ᐃᓄᖕᒥᒃ ᓄᑕᕋᒥᒃ
  • ᐃᓅᓗᓂ ᓄᑕᕋᖅ ᒪᒃᑯᒃᑑᒍᓂ 16-ᓂᒃ ᐅᖓᑖᓂᓗᓐᓃᑦ ᐅᑭᐅᖃᕈᓂ
  • ᐊᖏᑕᐅᓯᒪᒍᑦ ᐃᓕᑕᕆᔭᐅᓯᒪᓂᖅ ᑭᒡᒐᖅᑐᐃᔨᐅᓂᖅ ᓄᑕᕋᒥᒃ, ᐊᖓᔪᖄᕆᔭᐅᒍᓂᓗᓐᓃᑦ, ᐸᖅᑭᔨᐅᒍᓂᓗᓐᓃᑦ

ᑐᒃᓯᕋᐅᑎᓂᑦ ᓴᖑᓐᓂᐊᖅᑕᐅᖁᔨᓂᕐᒧᑦ ᐊᒥᓱᓂᒃ ᓄᑕᕋᒐᓴᖕᓂᒃ ᐱᔾᔪᔾᔨᓗᑎᒃ ᐊᒥᓱᓂᒃ ᐃᓚᒌᒃᑐᓂᒃ ᐅᕝᕙᓗᓐᓃᑦ ᐸᖅᑭᔨᐅᔪᓂᒃ ᑐᓂᓯᖃᑦᑕᕈᓐᓇᖅᑐᑦ ᐃᒪᓐᓇᐃᓕᐅᕐᓗᑎᒃ;

  • ᓄᓇᓕᐅᒍᑎᒃ ᑎᒥᖁᑎᒋᔭᐅᒍᑎᒡᓗᓐᓃᑦ ᑐᓂᓯᓚᐅᖅᑐᑦ ᑐᒃᓯᕋᐅᑎᓂᒃ

ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ

ᐊᑏᑐᖅ ᐅᖃᕐᕕᒋᓂᐊᖅᐸᐃᑦ regional focal point (ᐊᑐᐃᓐᓇᐅᔪᖅᑕᖃᙱᒃᑐᖅ ᐃᓄᒃᑑᖅᑐᒥᒃ) ᐅᕝᕙᓗᓐᓃᑦ ᐅᖄᓚᕕᒋᓗᒋᑦ1-855-572-4453 ᐃᒪᐃᓐᓇᓕᖓᒍᕕᑦ ᖃᓄᑐᐃᓐᓇᖅ ᐊᐱᖁᑎᒃᓴᖃᕈᕕᑦ.

ᐅᕙᑦᑎᓐᓄᑦᑕᐅᖅ ᐅᖃᕈᓐᓇᕐᒥᔪᑎᑦ ᐊᑐᕐᓗᑎᒃ ᓇᕿᒃᑕᖅᐸᓪᓕᐊᑲᐅᑎᒋᔪᓐᓇᖅᑐᓂᒃ ᐅᖃᐅᓯᕆᕙᓪᓕᐊᔭᕐᓂᒃ ᐅᕘᓇ ᐅᖄᓚᐅᑎᒃᑯᑦ: 1-866-553-0554.

ᖃᕆᑕᐅᔭᕐᓄᑦ ᐃᓕᐊᓪᓚᓚᐅᕐᓗᒍ ᐃᓄᐃᑦ ᓄᑕᖅᑲᑦ ᓯᕗᓪᓕᐅᑎᓗᒍ ᐱᓕᕆᐊᒃᓴᕐᒧᑦ ᐊᑭᓐᓇᕐᒥᐅᑕᖅ

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:
sasasas