ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᓄᓇᖃᖅᑳᖅᑐᓄᑦ ᐱᔨᑦᑎᕋᑦᑎᒃᑯᑦ ᑐᓴᕐᑎᑦᑎᕗᑦ ᐱᕙᓪᓕᐊᑎᑕᐅᖁᓪᓗᒍ ᓄᑖᖅ ᐃᓄᖕᓅᖓᔪᖅ-ᐱᓯᒪᔪᖅ ᓯᕗᓪᓕᐅᑎᑦᑎᓂᖅ ᓄᑕᖅᑲᓂᑦ ᐃᖏᕐᕋᓯᑎᑕᐅᓯᒪᔪᖅ, ᐊᒻᒪᓗ ᐱᒋᐊᕐᓂᖓ ᐆᒃᑑᑕᐅᔪᑦ ᐃᑲᔪᕐᓗᒋᑦ ᐃᓄᐃᑦ ᓄᑕᖅᑲᑦ.
ᐃᓄᖕᓅᖓᔪᑦ ᐊᕙᓗᒃᓴᖓ ᖃᓄᐃᓕᐅᕈᑕᐅᓂᐊᖅᑐᓄᑦ ᒫᓐᓇ ᓴᓇᔭᐅᕙᓪᓕᐊᔪᖅ, ᐱᔭᕇᖅᑕᐅᒋᐊᒃᓵᖅᑐᖅ ᐅᑭᐊᒃᓵᖅ.
ᓯᑎᐱᕆ 10, 2018 − ᐋᑐᕚ, ᐋᓐᑎᐅᕆᐅ − ᓄᓇᖃᖅᑳᖅᑐᓄᑦ ᐱᔨᑦᑎᕋᑦᑎᒃᑯᑦ ᑲᓇᑕᒥ
ᐅᑯᐊ ᑕᒪᕐᒥᒃ ᐃᓄᐃᑦ ᓄᑕᖅᑲᑦᑦ ᐊᑐᕆᐊᖃᕐᒥᔪᑦ ᐊᔾᔨᒌᒥᒃ ᐱᔪᓐᓇᕐᓗᑎᒃ ᐱᒻᒪᕆᐅᔪᓂᒃ ᐱᔨᑦᑎᕋᐅᑎᓂᒃ ᐊᒻᒪᓗ ᐃᑲᔪᕐᓗᑎᒃ ᑭᖑᕙᖅᓯᒪᓂᖃᙱᓪᓗᑎᒃ. ᐅᑯᐊ ᐊᔪᕈᓐᓃᖅᑎᑦᑎᓯᒪᔪᖅ ᐲᔭᖅᖢᒋᑦ ᑐᓗᖅᑕᐅᑎᖏᑦ ᐅᑯᐊ ᐊᒥᓱᑦ ᐃᓄᐃᑦ ᓄᑕᖅᑲᑦ ᓵᓯᒪᖃᑦᑕᖅᑕᖏᑦ ᐊᑐᕋᓱᒡᖢᑎᒃ ᐱᔨᑦᑎᕋᐅᑎᓂᒃ ᐊᒻᒪᓗ ᐅᑯᐊ ᐋᖅᑭᑦᑎᐊᖅᓯᒪᓗᑎᒃ ᑖᒃᑯᓄᖔᐅᔪᑦ ᐊᑐᐊᒐᐃᑦ ᐅᑯᐊᓗ ᐊᑐᖅᓯᔪᑦ ᖃᓄᐃᓕᖓᓪᓚᑦᑖᕐᓂᖏᓐᓂᒃ ᓵᓯᒪᔭᖏ ᐃᓄᐃᑦ ᐃᓚᒌᑦ.
ᐅᓪᓗᒥ, ᒥᓂᔅᑕ ᓄᓇᒃᑲᖅᑳᖅᑐᓄᑦ ᐱᔨᑦᑎᕋᑦᑎᒃᑯᑦ, ᔭᐃᓐ ᕕᓪᐹᑦ, ᐊᒻᒪᓗ ᐊᖓᔪᖅᑳᖓᑦ ᐃᓄᐃᑦ ᑕᐱᕇᑦ ᑲᓇᑕᒥ, ᓈᑖᓐ ᐆᐱᑦ, ᑐᓴᕐᑎᑦᑎᔪᑦ ᐅᑯᐊ ᐃᓄᖕᓅᖓᔪᖅ-ᐱᓯᒪᔪᖅᓄᑕᖅᑲᓂᒃ ᓯᕗᓪᓕᐅᑎᑦᑎᓂᖅ ᐃᖏᕐᕋᓯᑎᑕᐅᓯᒪᔪᑦ ᐊᒻᒪᓗ ᖃᓄᐃᓕᐅᕈᑕᐅᓂᐊᖅᑐᓄᑦ ᐊᕙᓗᒋᓂᐊᖅᑕᖓᑦ ᑕᐃᒫ ᐱᕙᓪᓕᐊᑎᑕᐅᔪᖅ ᐊᒻᒪᓗ ᐱᒋᐊᖅᐸᓪᓕᐊᓗᒋᑦ ᐆᒃᑐᕈᑕᐅᓂᐊᖅᑐᑦ ᐊᑐᐃᓐᓇᐅᓂᐊᖅᑐᑦ ᐃᓄᖕᓄᑦ ᐃᓚᒌᓄᑦ ᑐᓂᓯᓗᑎᒃ ᑐᒃᓯᕋᐅᑎᓂᒃ ᓄᓇᖃᖅᑳᖅᑐᓄᑦ ᐱᔨᑦᑎᕋᑦᑎᒃᑯᓐᓄᑦ ᑲᓇᑕᒥ ᑭᒡᒐᖅᑐᖅᖢᒋᑦ ᐃᓄᐃᑦ ᓄᑕᖃᑦ ᐊᑐᕆᐊᖃᖅᑐᑦ ᐋᓐᓂᐊᕕᒃᑎᒍᑦ, ᐃᓄᓕᕆᔨᒃᑯᑎᒍᑦ ᐊᒻᒪᓗ ᐃᓕᓐᓂᐊᕐᕕᒃᑎᒍᑦ ᑭᓱᖏᓐᓂᒃ, ᐱᔨᑦᑎᕋᐅᑎᓂᒃ ᐊᒻᒪᓗ ᐃᑲᔫᑎᓂᒃ ᑭᙴᒪᒋᔭᖏᓐᓂᒃ.
ᐃᓚᒌᑦ ᐃᓄᐃᑦ ᓄᑕᖅᑲᑦ, ᓄᓇᖃᖅᑐᑦ ᓇᒥᑐᐃᓐᓇᖅ ᑲᓇᑕᒥ, ᐅᑯᐊᓗ ᐊᑐᕆᐊᖃᑦᑐᑦ ᑕᒪᒃᑯᓂᖓ ᐱᔨᑦᑎᕋᐅᑎᓂᒃ, ᕿᓂᑲᓐᓂᕈᓐᓇᖅᑐᑦ ᑐᑭᓯᒋᐊᑲᓐᓂᕈᒪᒍᑎ ᐅᑯᑎᒍᑦ:
- ᐅᓇ ᖃᕆᓴᐅᔭᖃᕐᕕᒃ ᒪᑐᐃᕐᓗᒍ (https://www.sac-isc.gc.ca/iku/1536348095773) ᑕᐃᒪᓗ ᐃᓚᖃᖅᑐᑦ ᐊᑎᖏᓐᓂᒃ ᐊᕕᒃᑐᖅᓯᒪᔪᓂ ᑭᒡᒐᖅᑐᖅᑎᓂᒃ ᐅᖃᖃᑎᒋᔭᐅᔪᓐᓇᖅᑐᑦ
- ᓄᓇᓕᖕᓂ ᐱᔨᑦᑎᕋᕐᑎ ᑲᒪᔨᖏᑦ - ᐅᖃᖃᑎᒋᓗᒍ ᖃᐅᔨᒪᑎᑦᑎᕕᐅᔪᓐᓇᖅᑐᖅ ᐊᑐᐃᓐᓇᐅᔪᖅ ᑕᒪᐅᓐᓇ ᐊᕕᒃᑐᖅᓯᒪᔪᓂ ᑭᒡᒐᖅᑐᖅᑎᐅᔪᓂ
- ᐅᖃᓗᒡᕕᒋᓗᒋᑦ:
ᖃᓪᓗᓈᑎᑐᑦ: 1-855-572-4453
ᐅᐃᕖᑎᑐᑦ: 1-833-753-6326 - ᑐᓵᙱᑦᑐᓄᑦ: 1-866-553-0554
ᑕᐃᑲᓂ ᐱᒋᐊᕐᐸᓪᓕᐊᓂᖓᓂ ᖃᓄᐃᓕᐅᕈᑕᐅᓂᐊᖅᑐᑦ ᐋᕿᒃᓯᒪᕙᒌᖅᑐᑦ, ᓴᓇᔭᐅᓂᖓ ᑲᔪᓯᓗᓂ ᐃᓄᖕᓂ ᐱᓇᓱᐊᖃᑎᒋᔭᑦᑎᓂᑦ, ᐊᒻᒪᓗ ᑲᓇᑕᒥ ᐊᕕᒃᑐᖅᓯᒪᔪᑦ ᐊᒻᒪᓗ ᑎᐅᓕᑐᐊᓕᔅ ᓴᖅᑮᑎᓪᓗᑎᒃ ᐊᒻᒪᓗ ᐱᔭᕇᖅᓯᔾᔪᑎᒃᓴᓂᒃ ᐊᕙᓗᒃᓴᓄᑦ ᖃᓄᐃᓕᐅᕈᑕᐅᓂᐊᖅᑐᓄᑦ ᐃᓄᖕᓅᖓᔪᓄᑦ ᓄᑕᖅᑲᓂᒃ ᓯᕗᓪᓕᐅᑎᑦᑎᓂᖅ ᐃᖏᕐᕋᓯᑎᑕᐅᓯᒪᔪᖅ.
ᐅᖃᐅᓯᑦ
"ᐅᓪᓗᒥ ᓇᓗᓇᐃᖅᑐᖅ ᐱᒻᒪᕆᐅᔪᒥᒃ ᐱᒋᐊᕈᑎᖃᓕᕆᕗᒍᑦ ᐱᐅᓯᕚᓪᓕᖅᑎᓪᖢᒋᑦ ᐊᑐᖅᑕᐅᔪᓐᓇᖅᑐᑦ ᐱᓕᑦᑎᕋᐅᑎᑦᑎᐊᕙᐃᑦ ᐊᒻᒪᓗ ᐱᑎᑕᐅᑦᑎᐊᕐᓂᐊᕐᒪᑕ ᐃᑲᔪᖅᑕᐅᑦᑎᐊᕐᓗᑎᒃ ᐃᓄᐃᑦ ᓄᑕᖅᑲᑦ ᐃᑲᔪᖅᑕᐅᔭᕆᐊᖃᓪᓚᕆᖕᒪᑕ. ᐅᑯᐊ ᐃᓄᖕᓅᖓᓪᓚᕆᒃᑐᑦ ᓄᑕᖅᑲᓂ ᓯᕗᓪᓕᐅᑎᑦᑎᓂᖅ ᐃᖏᕐᕋᓯᑎᑕᐅᔪᖅ ᐃᑲᔫᑎᓂᐊᖅᑐᖅ ᐃᓚᒌᓄᑦ ᐊᑐᕈᓐᓇᕐᓗᑎᒃ ᐱᔨᑦᑎᕋᐅᑎᓂᒃ ᑭᖑᕚᕐᓯᒪᓂᖃᖅᑐᖃᙱᓪᓗᓂ. ᐱᒋᐊᕈᑎᑦ ᐊᑐᖅᑐᖅᑕᐅᓂᐊᖅᑐᑦ ᒫᓐᓇ ᐊᑐᐃᓐᓇᐅᓕᖅᑐᑦ ᐱᔭᐅᔪᓐᓇᖅᓯᔪᑦ ᑕᐃᒪᓗ ᓴᓇᖃᑎᒋᑦᑎᐊᖏᓐᓇᕐᓂᐊᖅᑕᕗᑦ ᐃᓄᐃᑦ ᐱᓇᓱᐊᖃᑎᒋᔭᕗᑦ, ᑲᓇᑕᒥ ᐊᕕᒃᑐᖅᓯᒪᔪ ᐊᒻᒪᓗ ᑎᐅᓕᑐᐊᓕᔅ ᐱᕙᓪᓕᐊᑎᑕᐅᓂᖓᓂ ᐃᓄᖕᓅᖓᔪᖅ ᓄᑕᖃᓂᒃ ᓯᕗᓪᓕᐅᑎᑦᑎᓂᖅ ᐃᖏᕐᕋᓯᑎᑕᐅᓯᒪᔪᖅ ᐊᒻᒪᓗ ᖃᓄᐃᓕᐅᖅᑕᐅᓂᐊᖅᑐᓄᑦ ᐊᕙᓗᑦᓴᖓ."
ᒪᓕᒐᓕᐅᖅᑎᕐᔪᐊᖅ ᔭᐃᓐ ᕕᓪᐹᑦ, ᓘᑦᑖᒻᒪᕆᒃ, ᑲᑎᒪᔨᒻᒪᕆᒃ, ᒪᓕᒐᓕᐅᖅᑎᕐᔪᐊᖅ.
ᒥᓂᔅᑕ ᓄᓇᖃᖅᑳᖅᑐᓄᑦ ᐱᔨᑦᑎᕋᑦᑎᒃᑯᓐᓄ
"ᖁᕕᐊᓱᒃᑐᖓ ᐅᓇ ᑐᓴᕐᑎᑦᑎᔾᔪᑕᐅᖕᒪᑦ ᑕᐃᑲᓂ ᔫᓐᒥ ᐱᓕᕆᓯᒋᐊᓚᐅᖅᑐᑦ ᐋᕿᒃᐸᓪᓕᐊᓇᓱᒡᓗᒍ ᐃᓅᖕᓄᖔᓪᓚᕆᖕᓂᖓ ᓄᑕᖃᓂᒃ ᓯᕗᓪᓕᐅᑎᑦᑎᓂᖅ ᐃᖏᕐᕋᓯᑎᑕᐅᓯᒪᔪᖅ. ᐅᓇ ᑐᓴᖅᑎᑦᑎᔾᔪᑕᐅᔪᖅ ᐊᔪᙱᑎᑦᑎᓂᐊᖅᑐᖅ ᐃᓄᐃᑦ ᐃᓚᒌᓂᒃ ᐊᑐᕈᓐᓇᖅᓯᓗᒋᑦ ᐋᓐᓂᐊᕕᒃᓯᐅᑎᑦ, ᐃᓄᓕᕆᔨᒃᑯᑦ ᐊᒻᒪᓗ ᐃᓕᓐᓂᐊᕐᕕᖕᒥ ᐱᓯᒪᔪᑦ ᐱᔨᑦᑎᕋᐅᑎᑦ ᒫᓐᓇ, ᐊᑖᒍᑦ ᐊᑐᖅᑕᐅᔪᖅ ᓄᑕᖃᑦ ᓯᕗᓪᓕᐅᑎᓗᒋᑦ ᐃᖏᕐᕋᓯᑎᑕᐅᓯᒪᔪᖅ ᐊᕙᓗᒃᓴᖓ, ᑕᐃᒪᓗ ᐃᓄᖕᓅᖓᔪᑦ ᐊᕙᓗᒃᓴᖓ ᖃᓄᐃᓕᐅᕈᑕᐅᓂᐊᖅᑐᓄᑦ ᓴᖅᑭᑕᐅᕙᓪᓕᐊᕗᖅ. ᐃᓄᖕᓄᑦ ᐃᓚᒌᓄᑦ, ᐅᑯᐊ ᐱᔨᑦᑎᕋᐅᑎ ᐃᓅᓯᖏᓐᓂᒃ-ᐊᓯᑦᔩᓯᒪᕙᒃᑐᑦ ᐊᒻᒪᓗ ᑕᒪᓐᓇ ᑕᐃᒪᓐᓇᐅᔭᕆᐊᖃᖅᑐᑐᖃᐅᓕᖅᑐᖅ."
ᓈᑖᓐ ᐆᐱᑦ
ᐊᖓᔪᖅᑳᖅ, ᐃᓄᐃᑦ ᑕᐱᕇᑦ ᑲᓇᑕᒥ
ᑕᒪᑐᒥᖓ ᐱᓯᒪᔪᑦ ᖃᕆᓴᐅᔭᒃᑯᑦ
ᑐᑭᓯᒋᐊᑲᓐᓂᕈᓐᓇᖅᑐᑎᑦ, ᑐᓴᒐᒃᓴᓕᕆᔨᒃᑯ ᐅᑯᐊ ᐅᖃᖃᑎᒋᓗᒋᑦ:
ᐅᓚᐃᑦᓱ ᐅᓚᐸᐳᐊᑦ
ᑐᓴᒐᒃᓴᓕᕆᔨᒃᑯᑦ ᑎᑎᕋᕐᑎᖓᑦ
ᑎᑎᕋᕐᕕᖓ ᒥᓂᔅᑕ ᔭᐃᓐ ᕕᓪᐹᑦ
ᒥᓂᔅᑕ ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᐅᑎᑦ
819-934-2796
ᓄᓇᖃᖅᑳᖅᑐᓄᑦ ᐱᔨᑦᑎᕋᑦᑎᒃᑯᓐᓄᑦ ᑲᓇᑕᒥ
ᑐᓴᒐᒃᓴᓕᕆᔨᒃᑯᑦ
819-953-1160
aadnc.publicaffairsteam.aandc@canada.ca
ᐃᓄᐃᑦ ᑕᐱᕇᑦ ᑲᓇᑕᒥ ᑐᓴᒐᒃᓴᓕᕆᔨᒃᑯᑦ
media@itk.ca
613-238-8181
613-292-4482
ᖃᕆᓴᐅᔭᒃᑯᑦ ᐅᖃᓕᒫᕐᓗᒋᑦ
ᐃᓚᐅᓗᑎᑦ ᐅᖃᖃᑎᒌᒍᑕᐅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᑲᓇᑕᒥ:
ᐅᖃᓗᕋᐅᔭᕐᕕᒃ: GovCan – Indigenous
ᐱᖃᓐᓇᕇᕕᒃᑯᑦ: GovCan – Indigenous Peoples
ᐊᔾᔨᓕᐅᕈᑎᑦᑎᒍᑦ: @gcIndigenous
ᑎᑎᖅᑲᐅᓯᐊᖃᑦᑕᕈᓐᓇᖅᑐᑎᑦ ᑐᓴᒐᒃᓴᓂᒃ ᓄᑖᓂᒃ ᐊᒻᒪᓗ ᐅᖃᓪᓚᒃᑕᐅᔪᓂᒃ ᑕᒪᐅᓇ ᖃᕆᓴᐅᔭᒃᑯᑦ. ᑐᑭᓯᒋᐊᑲᓐᓂᕐᓗᑎᒃ ᐅᒡᕙᓘᓐᓃᑦ ᐊᑎᓕᐅᕐᕕᒋᓗᒍ, ᐅᓇ ᒪᑐᐃᕐᓗᒍ www.isc.gc.ca/RSS.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: