ᐅᖃᖅᑕᐅᔪᖅ ᒥᓂᔅᑕ ᕼᐋᔾᑐ-ᒧᑦ ᐅᐃᒍᒋᐊᖅᑕᐅᓂᖓ ᐃᓄᐃᑦ ᓱᕈᓰᑦ ᓯᕗᓪᓕᐅᑎᓗᒋᑦ ᐱᓕᕆᐊᒃᓴᖅ

ᐅᖃᖅᑕᐅᔪᖅ

ᐋᑐᕚ, ᐋᓐᑎᐅᕆᐅ (ᓇᑦᑎᐊᑦ 21,2025) - ᒥᓂᔅᑕ ᓄᓇᖃᖅᖄᖅᑐᓄᑦ ᐱᔨᑦᑎᕋᐃᔨᒃᑯᓐᓄᑦ, ᐹᑎ ᕼᐋᔾᑐ, ᑐᓂᓯᓚᐅᖅᑐᖅ ᐅᑯᓂᙵᑦ ᐅᖃᖅᑕᐅᔪᓂᑦ ᐅᑉᓗᒥ:

"ᖁᕕᐊᓱᒃᑐᖓ ᓇᓗᓇᐃᕈᖕᓇᕋᒪ ᑲᓇᑕᒥᑦ ᒐᕙᒪᒃᑯᑦ ᓄᑖᙳᖅᑎᓚᐅᕐᒪᒍ ᑮᓇᐅᔭᖃᖅᑎᑦᑎᓂᖅ ᐃᓄᐃᑦ ᓱᕈᓰᑦ ᓯᕗᓪᓕᐅᑎᓗᒋᑦ ᐱᓕᕆᐊᒃᓴᖅ, ᐃᓕᓯᑉᓗᑎᒃ $121.7 ᒥᓕᔭᓐᓂᒃ ᐅᐃᒍᒋᐊᖅᑕᐅᓂᐊᕐᓗᓂ ᐃᓄᐃᑦ ᓱᕈᓰᑦ ᓯᕗᓪᓕᐅᑎᓗᒋᑦ ᐱᓕᕆᐊᒃᓴᖅ ᓇᑦᑎᐊᑦ 31, 2026-ᒧᑦ ᑎᑭᓪᓗᒍ. ᐃᑲᔪᕐᓂᐊᖅᑐᖅ ᐱᔨᑦᑎᕋᐃᓂᕐᒧᑦ ᑲᓇᑕ ᐊᒻᒪᓗ ᐃᓄᐃᑦ ᐱᓕᕆᖃᑎᒋᔭᐅᔪᑦ ᓯᕗᒻᒧᒃᑎᓪᓗᒋᑦ ᐱᕙᓪᓕᐊᖃᑕᐅᓂᕆᔭᖓᑦ ᐊᑯᐅᓂᔪᒧᑦ ᐊᑐᖅᑕᐅᔪᒥᒃ ᐃᓄᐃᑦ ᓱᕈᓯᓄᑦ.

ᑲᓇᑕᒥᑦ ᒐᕙᒪᒃᑯᑦ ᐊᑐᖅᑕᐅᓂᐊᖅᑐᓂᒃ ᐃᓕᓯᖃᑦᑕᖅᑐᑦ $509.2 ᒥᓕᔭᓐᓂᑦ ᑕᐃᒪᙵᓂᑦ 2019 ᐃᓄᐃᑦ ᓱᕈᓰᑦ ᓯᕗᓪᓕᐅᑎᓗᒋᑦ ᐱᓕᕆᐊᒃᓴᖅ-ᒧᑦ.

• $220 ᒥᓕᔭᓐ ᐅᖓᑖᓅᖅᑐᑦ ᑕᓪᓕᒪᐃᑦ ᐅᑭᐅᓄᑦ ᑐᓴᖅᑎᑦᑎᔾᔪᑕᐅᖅᖃᐅᑕᐅᓚᐅᖅᑐᖅ, ᐱᒋᐊᖅᖢᓂ 2019-ᒥᑦ, ᐱᓕᕆᐊᕆᓂᐊᕐᓗᒋᑦ ᐱᔭᐅᔭᕆᐊᓖᑦ ᐃᓄᐃᑦ ᓱᕈᓱᕐᓄᑦ ᐊᒻᒪᓗ ᐱᓕᕆᖃᑎᒌᓐᓇᕐᓗᒋᑦ ᐃᓄᐃᑦ ᐱᓕᕆᖃᑎᒋᔭᐅᔪᑦ ᐱᐅᓯᒋᐊᕐᓂᐊᕐᓗᒍ ᓄᓇᓕᖕᒥᑦ ᐃᓂᖃᕐᓂᖅ ᐱᓕᕆᐊᕆᔭᐅᓂᐊᕐᓗᑎᒃ ᐱᔨᑦᑎᕋᐅᑏᑦ.
• ᐃᓚᓯᓚᓂᖅ $167.5 ᒥᓕᔭᓐᓂᒃ ᒪᕐᕉᒃ ᐅᑭᐅᓄᑦ, ᐱᒋᐊᕐᓗᓂ 2023-2024-ᒥᑦ, ᑐᓴᖅᑎᑦᑎᔾᔪᑕᐅᓚᐅᖅᑐᖅ 2024-ᒥᑦ.
• ᐃᓚᔭᐅᒃᑲᓐᓂᕐᓗᑎᒃ $121.7 ᒥᓕᔭᓐᓂᑲᓐᓃᑦ ᐅᑭᐅᓄᑦ 2025-2026-ᒧᑦ.

ᐊᑯᓂᐅᔪᒧᑦ ᐱᕙᓪᓕᐊᖃᑎᖃᕐᓂᐊᖅᑐᑦ ᐃᓄᐃᑦ ᐱᓕᕆᖃᑎᒋᔭᑉᑎᖕᓂᑦ. ᑲᓇᑕᒥᑦ ᓄᓇᖃᖅᖄᖅᑐᓄᑦ ᐱᔨᑦᑎᕋᐃᔨᒃᑯᑦ (ISC) ᐊᒻᒪᓗ ᐃᓄᐃᑦ ᓯᕗᓕᖅᑎᖏᑦ ᐊᖏᔪᒥᒃ ᐱᓕᕆᓯᒪᓕᖅᑐᑦ ᐅᑉᓗᒥᒧᑦ ᑎᑭᖦᖢᒍ ᐱᕙᓪᓕᐊᖃᑕᐅᓂᕐᒥᒃ ᐊᑕᐅᑦᑎᒃᑯᑦ ᐱᔭᒃᓴᐅᑎᖃᕐᓂᐊᕐᓗᑎᒃ ᐊᒻᒪᓗ ᑲᓇᑕᒥᑦ ᐱᓕᕆᐊᖑᓂᐊᖅᑐᒥᑦ, ᐊᑕᐅᑦᑎᒃᑯᑦ ᐃᑲᔪᖃᑦᑕᖅᖢᒋᑦ ᖃᓂᑦᑐᒧᑦ ᐊᑐᖅᑕᐅᔪᒃᑯᑦ ᑲᒪᒋᔭᐅᑉᓗᓂ ᐃᓄᐃᑦ ᓯᕗᓕᖅᑎᓄᑦ ᐊᒻᒪᓗ ᑲᓇᑕᒧᑦ. ᑕᐃᒪᓐᓇ ᒫᓐᓇᐅᔪᒥᑦ ᑮᓇᐅᔭᖃᖅᑎᑦᑎᓂᕐᒥᒃ ᓇᓕᒨᖓᑎᑦᑎᔪᑦ ᐱᓕᕆᐊᕆᔭᐅᓂᖏᓐᓄᑦ ᑎᑭᐅᑎᔭᐅᓯᒪᙱᑦᑐᑦ ᐱᔭᐅᔭᕆᐊᓖᑦ ᐃᓄᐃᑦ ᓱᕈᓯᓄᑦ ᐊᑕᐅᑦᑎᒃᑯᑦ ᐱᕙᓪᓕᐊᓂᖃᖃᑎᒌᒃᖢᑎᒃ ᐊᑯᓂᐅᔪᒧᑦ ᐃᓄᖕᓅᖓᔪᒥᑦ ᐊᑐᖅᖢᑎᒃ.

ᑲᓇᑕᒥᑦ ᓄᓇᖃᖅᖄᖅᑐᓄᑦ ᐱᔨᑦᑎᕋᐃᔨᒃᑯᑦ (ISC) ᐱᖃᑦᑕᖅᑐᑦ ᓱᓕ ᓄᑖᓂᒃ ᑐᒃᓯᕋᐅᑕᐅᔪᓂᒃ ᐱᖁᑎᓄᑦ, ᐱᔨᑦᑎᕋᐅᑎᓄᑦ ᐊᒻᒪᓗ ᐃᑲᔪᕐᓂᐊᕐᓗᑎᒃ ᐃᓄᐃᑦ ᓱᕈᓰᑦ ᓯᕗᓪᓕᐅᑎᓗᒋᑦ ᐱᓕᕆᐊᒃᓴᑎᒍᑦ. ᐊᑐᓂ ᓄᑖᖅ ᑐᒃᓯᕋᐅᑕᐅᔪᖅ ᐃᓱᒪᒃᓴᖅᓯᐅᕈᑕᐅᖃᑦᑕᖅᑐᑦ ᐊᑐᓂ ᐱᔾᔪᑕᐅᔪᑎᒍᑦ, ᐃᓱᒪᒋᔭᐅᑉᓗᑎᒃ ᐊᔾᔨᐅᖏᑦᑐᑦ ᐱᔭᐅᔭᕆᐊᓖᑦ ᓱᕈᓯᕐᒧᑦ ᐊᒻᒪᓗ ᐱᑕᖃᙱᑦᑐᑦ ᐊᓯᖏᓐᓂᑦ ᑐᕌᖓᔪᓂᑦ ᐱᔨᑦᑎᕋᐅᑎᓂᓪᓘᓐᓃᑦ.

ᐱᒻᒪᕆᐅᑉᓗᓂ ᐱᒋᐊᕐᓂᐅᔪᖅ ᐱᓕᕆᐊᕆᔭᑉᑎᖕᓂᑦ ᐱᓕᕆᖃᑎᒌᖕᓂᒃᑯᑦ, ᐊᒻᒪᓗ ᑕᒪᐃᓐᓄᑦ ᓯᕗᓪᓕᖅᐸᐅᑎᔭᐅᔪᒪᔪᓄᑦ ᐃᓄᐃᑦ ᓱᕈᓯᖏᑦ ᐱᔪᖕᓇᕐᓂᐊᕐᓗᑎᒃ ᐱᖁᑎᓂᒃ, ᐱᔨᑦᑎᕋᐅᑎᓂᑦ ᐊᒻᒪᓗ ᐃᑲᔪᖅᑕᐅᓗᑎᒃ.

ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ, ᐅᕗᙵᕐᓗᑎᑦ ᐃᑲᔪᖅᓱᐃᓂᖅ ᐃᓄᖕᓂᒃ ᓄᑕᖃᓂᒃ."

ᖃᐅᔨᒋᐊᕐᕕᒃᓴᐃᑦ

ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᔪᑦ, ᑐᓴᒐᒃᓴᓕᕆᔨᐅᔪᑦ ᖃᐅᔨᒋᐊᕈᖕᓇᖅᑐᑦ:

ᔨᐊᓂᕗ ᑯᔨᐅᓪᔾ (Jennifer Kozelj)
ᑐᓴᒐᒃᓴᓄᑦ ᑎᑎᕋᖅᑎ
ᐃᓪᓚᕝᕕᖓ ᐅᐱᓐᓇᖅᑐᖅ ᐋᑎ ᕼᐋᔾᑐ
ᒥᓂᔅᑕ ᓄᓇᖃᖅᖄᖅᑐᓄᑦ ᐱᔨᑦᑎᕋᐃᔨᒃᑯᓐᓄᑦ ᐊᒻᒪᓗ ᒥᓂᔅᑕᐅᔪᖅ FedNor-ᑯᓐᓄᑦ
jennifer.kozelj@sac-isc.gc.ca

ᑐᓴᒐᒃᓴᓕᕆᔨᒃᑯᑦ
ᑲᓇᑕᒥᑦ ᓄᓇᖃᖅᖄᖅᑐᓄᑦ ᐱᔨᑦᑎᕋᐃᔨᒃᑯᑦ (ISC)
media@sac-isc.gc.ca