ᑲᓇᑕᒥᑦ ᒐᕙᒪᒃᑯᑦ ᐱᑖᖅᑐᕐᓂᖏᓐᓄᑦ ᐊᒻᒪᓗ ᐊᑐᖅᑐᐊᕐᓂᕐᒧᑦ ᖃᓄᐃᓕᐅᕈᑕᐅᔪᓄᑦ ᐅᓂᑉᑳᖅ ᓄᓇᕗᒻᒥᑦ ᐅᑭᐅᕆᔭᐅᔪᒧᑦ 2022-23
ᐱᓕᕆᐊᖑᔪᖅ ᑲᓇᑕᒥᑦ ᓄᓇᖃᖅᖄᖅᑐᓂᒃ ᐱᔨᑦᑎᕋᐃᔨᒃᑯᓐᓄᑦ
ᑕᕝᕙᓂ ᒪᒃᐱᒐᕐᒥ
ᐃᓱᒪᑕᐅᓂᕐᓂᑦ ᓇᐃᓈᖅᓯᒪᔪᖅ
ᑲᓇᑕᒥᑦ ᒐᕙᒪᒃᑯᑦ ᖁᕕᐊᓱᒃᑐᑦ ᓴᖅᕿᑦᑎᓂᖓᓐᓂᒃ ᐱᑖᖅᑐᕐᓂᕐᒧᑦ ᐊᒻᒪᓗ ᐊᑐᖅᑐᐊᕐᓂᕐᒧᑦ ᖃᓄᐃᓕᐅᕈᑕᐅᔪᓄᑦ ᐅᓂᑉᑳᒥᑦ ᓄᓇᕗᒻᒥᑦ. ᐱᔾᔪᑎᒋᔭᖓ ᐅᓂᑉᑳᑉ ᖃᐅᔨᒪᑎᓐᓂᐊᕐᓗᒋ ᕿᒥᕐᕈᓂᕐᒧᑦFootnote 1 ᑲᑎᒪᔨᐊᓛᒃᑯᑦ ᐊᔪᙱᓐᓂᖃᕐᓂᖓᑕ ᖃᓄᐃᓕᐅᕆᐊᖃᖅᑎᑦᑎᔪᖅ ᒐᕙᒪᒃᑯᑦ ᑳᓐᑐᕌᒃᖏᓐᓄᑦ, ᐃᓚᐅᑉᓗᑎᒃ ᐱᒋᔭᐅᔪᓂᒃ ᐊᑐᖅᑐᐊᕐᓃᑦ, ᓄᓇᕗᑦ ᐃᓗᐊᓂᑦ (ᖃᓄᐃᓕᐅᕆᐊᖃᖅᑎᑦᑎᔪᖅ) ᐊᒻᒪᓗ ᑐᑭᓯᐅᒪᔾᔪᑎᖃᖅᑎᑦᑎᓗᑎᒃ ᑲᓇᑕᒥᑦ ᒐᕙᒪᒃᑯᑦ ᑳᓐᑐᕌᒃᖏᓐᓂᑦ, ᐃᓚᐅᑉᓗᑎᒃ ᐱᒋᔭᐅᔪᓂᒃ ᐊᑐᖅᑐᐊᕐᓃᑦ, ᓄᓇᕗᒻᒥᑦ ᐅᑭᐅᕆᔭᐅᔪᒧᑦ 2022-23.
ᐱᔭᒃᓴᐅᑎᒋᔭᖓ ᑎᑎᖅᖃᖅ 24 "ᒐᕙᒪᒃᑯᑦ ᖄᓐᑐᕌᒃᖏᑦ" ᐊᖏᖃᑎᒌᒍᑎ ᐊᑯᓐᓂᖏᓐᓂᑦ ᐃᓄᐃᑦ ᓄᓇᕗᑦ ᐃᓗᐊᓃᑦᑐᓄᑦ ᐊᒻᒪᓗ ᐊᖏᔪᖅᖄᕐᔪᐊᖅ ᑭᖕ ᑲᓇᑕᒧᑦ, (ᓄᓇᕗᒻᒧᑦ ᐊᖏᖃᑎᒌᒍᑎ), ᐱᑕᖃᖅᑎᑦᑎᓂᐊᕐᓗᓂ ᐃᑲᔪᖅᑐᐃᔪᒥᒃ ᐊᒻᒪᓗ ᐃᑲᔪᕐᓗᒋᑦ ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᑦ ᐱᐊᓂᒃᑎᑦᑐᖕᓇᕐᓗᒋᑦ ᑲᕙᒪᒃᑯᓐᓂᑦ ᑳᓐᑐᕌᒃᓂᑦ. ᑮᓇᐅᔭᓕᕆᔨᒃᑯᓐᓂᑦ ᖃᓄᐃᓕᐅᕆᐊᖃᖅᑎᑦᑎᔪᖅ ᒐᕙᒪᒃᑯᑦ ᑳᓐᑐᕌᒃᖏᓐᓄᑦ, ᐃᓚᐅᑉᓗᑎᒃ ᐱᒋᔭᐅᔪᓂᒃ ᐊᑐᖅᑐᐊᕐᓃᑦ, ᓄᓇᕗᑦ ᐃᓗᐊᓂᑦ (ᖃᓄᐃᓕᐅᕆᐊᖃᖅᑎᑦᑎᔪᖅ)ᐊᑐᐊᒐᐅᔪᖅ ᐊᑐᖅᑕᐅᖃᑦᑕᖅᑐᖅ ᐃᑲᔪᕐᓂᐊᕐᓗᓂ ᐊᑐᓕᖅᑎᑦᑎᓂᕐᒥᒃ ᑲᓇᑕᒥᑦ ᒐᕙᒪᒃᑯᑦ ᐱᔭᒃᓴᐅᑎᖓᓐᓂᑦ ᒪᓕᒃᖢᒍ ᑎᑎᖅᖃᖅ 24 ᓄᓇᕗᒻᒧᑦ ᐊᖏᖃᑎᒌᒍᑎᒧᑦ.
2022-23-ᒥᑦ ᐅᓂᑉᑳᒥᑦ ᑕᑯᒃᓴᐅᔪᑦ ᓈᓴᐃᓂᕐᒧᑦ ᑐᑭᓯᐅᒪᔾᔪᑏᑦ ᐱᔾᔪᑎᖃᖅᑐᑦ ᑳᓐᑐᕌᒃᓂᑦ, ᐃᓚᐅᑉᓗᑎᒃ ᐱᒋᔭᐅᔪᓂᒃ ᐊᑐᖅᑐᐊᕐᓃᑦ ᒐᕙᒪᑐᖃᒃᑯᓐᓂᑦ ᐊᕕᒃᑐᖅᓯᒪᔪᓄᑦ ᐊᒻᒪᓗ ᐱᔾᔪᔾᔨᔨᐅᔪᓄᑦ ᐅᑭᐅᕆᔭᐅᔪᒥᑦ 2022-23-ᒥᑦ ᓄᓇᕗᑦ ᐃᓗᐊᓂᑦ. ᐃᓂᑉᑳᒥᑦ ᐃᓚᐅᔪᑦ ᓈᓴᐅᑏᑦ/ᑎᑎᖅᖃᐃᑦ ᒐᕙᒪᑐᖃᒃᑯᓐᓂᑦ ᑳᓐᑐᕌᒃᑎᑕᐅᔪᑦ (ᐃᓚᐅᑉᓗᑎᒃ ᐋᖅᕿᒋᐊᖅᑕᐅᓯᒪᔪᑦ) ᐊᑭᖃᖅᑐᑦ $10,000-ᓂᑦ ᐅᖓᑖᓄᓪᓘᓐᓃᑦ ᐱᒋᔭᐅᔪᒥᒃ ᐊᑐᖅᑐᐊᕐᓂᕐᒧᑦ (ᐃᓚᐅᑉᓗᑎᒃ ᐋᖅᕿᒋᐊᖅᑕᐅᔪᑦ) ᐊᑭᖃᖅᑐᑦ $100,000-ᓂᒃ ᐅᖓᑖᓄᓪᓘᓐᓃᑦ.
ᓯᕗᓪᓕᖅᐹᒥᑦ ᑕᐃᒪᙵᓂᑦ ᓴᖅᕿᑕᐅᖕᒪᑦ ᖃᓄᐃᓕᐅᕆᐊᖃᖅᑎᑦᑎᔪᒥᒃ, ᖃᓄᐃᓕᐅᖅᐸᓪᓕᐊᓂᖏᑦ ᖃᐅᔨᓴᐃᓂᕐᒧᑦ ᐱᖓᓱᐃᑦ ᐅᑭᐅᓂᑦ ᐊᓂᒍᖅᑐᓂᑦ ᓈᓴᐅᑏᑦ/ᑎᑎᖅᖃᐃᑦ ᐱᔭᐅᔪᓂᑦ ᐃᓚᐅᑎᑕᐅᓚᐅᖅᑐᑦ ᐊᒻᒪᓗ ᐱᔭᐅᔪᖕᓇᖅᑐᑦ ᐃᓚᒋᔭᐅᔪᖅ 20-ᒥᑦ ᐅᓂᑉᑳᒥᑦ. ᑭᓯᐊᓂ, ᐱᐅᔫᔪᖅ ᖃᐅᔨᒪᔭᐅᒃᐸᑦ, ᐱᖓᓱᐃᓐᓇᓂᑦ ᐅᑭᐅᓂᑦ ᓈᓴᐅᑏᑦ/ᑎᑎᖅᖃᐃᑦ ᐱᔭᐅᓯᒪᔪᑦ, ᖃᓄᐃᓕᐅᖅᐸᓪᓕᐊᓂᐅᔪᓂᒃ ᖃᐅᔨᓴᐃᓃᑦ ᑭᒡᓕᖃᖅᑐᑦ.
ᓇᐃᓈᖅᓯᒪᔪᑦ ᐊᑐᖅᑐᑦ ᓈᓴᐅᑏᑦ/ᑎᑎᖅᖃᐃᑦ:
- ᑲᑎᖦᖢᒋ 385 ᑳᓐᑐᕌᒃᖑᔪᑦ ᐊᒻᒪᓗ ᐋᖅᕿᒋᐊᖅᓯᓂᐅᔪᑦ ᑳᓐᑐᕌᒃᓄᑦ ᑐᓂᔭᐅᓚᐅᖅᑐᑦ ᑕᒪᐃᓐᓄᑦ ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᓄᑦ ᐊᒻᒪᓗ ᐱᓕᕆᐊᓕᖕᓄᑦ ᐊᑎᓕᐅᖅᓯᒪᙱᑦᑐᑦ IFR-ᒥᑦ ᐱᓕᕆᐊᖑᓚᐅᖅᑐᓄᑦ ᓄᓇᕗᑦ ᐃᓗᐊᓂᑦ ᑲᑎᖦᖢᒋᑦ ᐊᑭᖃᖅᖢᑎᒃ $48,098,893-ᓂᑦ. 385-ᖑᔪᑦ ᐱᓕᕆᐊᖑᓚᐅᖅᑐᓂᑦ, 318-ᖏᑦ ᓄᑖᖑᓚᐅᖅᑐᑦ ᑳᓐᑐᕌᒃ (ᐃᓚᐅᑉᓗᑎᒃ 16-ᖏᑦ ᑳᓐᑐᕌᒃᑖᖅᑎᑕᐅᔪᑦ ᐊᒻᒪᓗ ᑭᖑᓂᐊᒍᑦ ᐋᖅᕿᒋᐊᖅᑕᐅᑉᓗᑎᒃ ᐅᑭᐅᕆᔭᐅᔪᒥᑦ) ᐊᒻᒪᓗ 67-ᖑᑉᓗᑎᒃ ᐋᖅᕿᒋᐊᖅᑕᐅᔪᑦ ᑳᓐᑐᕌᒃᑖᖅᑎᑕᐅᓚᐅᖅᑐᓄᑦ ᓯᕗᓂᐊᓂᑦ ᐅᑭᐅᕆᔭᐅᓚᐅᖅᑐᒥᑦ.
- $25,265,646, 52.5%-ᖑᔪᖅᑲᑎᓗᒃᑖᖅᖢᒋᑦᐊᑭᖏᑦᑳᓐᑐᕌᒃᑎᑦᑎᓃᑦ, ᑐᓂᔭᐅᓚᐅᖅᑐᑦ - ᐃᓄᐃᑦᓇᖕᒥᓂᖅᐱᓕᕆᐊᖃᖅᑐᓄᑦ, ᐊᒥᐊᒃᑯᖓ $22,833,247 (47.5%) ᑐᓂᔭᐅᑉᓗᓂᐱᓕᕆᐊᓕᖕᓄᑦᐊᑎᓕᐅᖅᓯᒪᙱᑦᑐᓄᑦ IFR-ᒥᑦ. ᑕᑯᓗᒍ ᑎᑎᖅᖃᖅ 1 ᓇᓗᓇᐃᔭᖅᓯᒪᔪᓂᒃ ᐱᓂᐊᕐᓗᑎᑦ.
- ᐊᖏᔫᔪᖅ ᑳᓐᑐᕌᒃ, ᐊᑭᖃᖅᖢᓂ $138,770,788-ᓂᒃ ᑐᓂᔭᐅᓚᐅᖅᑐᖅ ᐃᓄᐃᑦ ᓇᖕᒥᓂᖅ ᐱᓕᕆᐊᓕᖕᒧᑦ ᐃᑲᔪᐃᓂᕐᒧᑦ ᐱᔨᑦᑎᕋᐅᑎᓄᑦ ᐅᓇᑕᖅᑐᒃᓴᓄᑦ ᐃᓂᒋᔭᐅᔪᖅ (CFS) ᐊᓘᑦ-ᒥᑦ ᐊᖏᔫᓂᖓᓄᑦ ᐊᑭᖓ ᑳᓐᑐᕌᒃᖑᔫᑉ, ᐃᓚᐅᖏᑦᑐᖅ ᓈᓴᐅᓯᕆᔾᔪᑕᐅᔪᓄᑦ ᑲᑎᓗᒃᑖᖅᖢᒋᒥᑦ ᑕᒡᕙᓂ ᐅᓂᑉᑳᒥᑦ; ᐃᓚᐅᑎᑕᐅᒃᐸᑦ ᐋᖅᕿᐅᒪᔪᖕᓃᖅᑎᑦᑎᓂᐊᖅᑐᖅ ᑕᒪᐃᓐᓄᑦ ᐱᔾᔪᑕᐅᔪᒧᑦ ᐊᒻᒪᓗ ᐱᔾᔪᑎᖃᕋᔭᙱᖦᖢᓂ ᐊᑐᖅᑕᐅᕙᒃᑐᓂᒃ ᒐᕙᒪᑐᖃᒃᑯᓐᓂᑦ ᑳᓐᑐᕌᒃᓄᑦ ᓄᓇᕗᒻᒥᑦ. ᑳᓐᑐᕌᒃ, ᐃᓚᐅᑎᑕᐅᒃᐸᑦ, 74.3%-ᖑᓇᔭᖅᑐᑦ ᑕᒪᕐᒥᓗᒃᑖᖅ ᑳᓐᑐᕌᒃᑖᖅᑎᑕᐅᔪᓂᑦ. ᑳᓐᑐᕌᒃ ᑐᑭᓯᐅᒪᔭᐅᔭᕆᐊᖃᖅᑐᖅ ᐊᖏᔫᓂᖓᓄᑦ, ᑭᓯᐊᓂ ᐊᑐᖅᑕᐅᕙᒃᑐᑑᖏᑦᑐᖅ ᐊᕐᕌᒍᑕᒫᑦ ᒐᕙᒪᑐᖃᒃᑯᓐᓂᑦ ᑳᓐᑐᕌᒃᑖᖅᑎᑕᐅᔪᓄᑦ ᓄᓇᕗᑦ ᐃᓗᐊᓂᑦ, ᑕᐃᒪᓐᓇᒧᑦ ᐱᓕᕆᐊᖑᔪᖅ ᐊᑉᓯᒪᔫᑉᓗᒍ ᑎᑎᖅᖃᖅ 1b-ᒥᑦ ᓇᐃᓈᖅᓯᒪᔪᖅ ᐊᑖᓂᑦ, ᐃᓚᒋᔭᐅᔪᖅ 12-ᒥᑦ ᐅᓂᑉᑳᒥᑦ ᐊᒻᒪᓗ ᑎᑎᖅᖃᒧᑦ ᐃᓚᓕᐅᑎᓯᒪᔪᖅ 1-ᒥᑦ.
- ᑐᒡᓕᐊ ᑳᓐᑐᕌᒃ ᐃᓚᐅᑎᑕᐅᖏᑦᑐᖅᑕᐅᖅ ᓈᓴᐅᓯᕆᔾᔪᑕᐅᔪᓄᑦ ᑲᑎᓗᒃᑖᖅᖢᒋᒥᑦ ᑕᒡᕙᓂ ᐅᓂᑉᑳᒥᑦ ᐃᓚᐅᓂᖏᓐᓄᑦ ᐱᓕᕆᓂᐅᔪᑦ ᓄᓇᕗᑦ ᐃᓗᐊᓂᑦ ᑭᓯᐊᓂᑦᑕᐅᖅ ᖃᓂᑖᓂᑦᑐᓂᑦ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ ᐃᓄᐃᑦ ᓄᓇᖓᓂᑦ ᐊᓯᖏᑦ ᐃᓗᐃᑦᑑᖓᔪᒃᑯᑦ ᓄᓇᑖᕐᓂᕐᒧᑦ ᐊᖏᖃᑎᒌᒍᑏᑦ ᐊᑐᖅᖢᑎᒃ. ᑕᐃᒪᓐᓇᒧᑦ, ᓈᒻᒪᓗᐊᖏᑦᑐᒃᑯᑦ ᐅᖃᐅᓯᐅᔪᖕᓇᖅᑐᑦ ᐊᑕᐅᓯᕐᒧᑦ ᑐᓂᔭᐅᓂᖓᓄ ᒪᓕᒃᖢᒍ ᓄᓇᕗᒻᒧᑦ ᐊᖏᖃᑎᒌᒍᑎ ᐊᒻᒪᓗ ᖃᓄᐃᓕᐅᕆᐊᖃᖅᑎᑦᑎᔪᖅ. ᑳᓐᑐᕌᒃ ᐊᑭᖃᓚᐅᖅᑐᖅ 1,092,263-ᓂᑦ ᐱᓂᐊᕐᓗᑎᒃ ᖃᐅᔨᓇᓱᒃᑐᓕᕆᓂᕐᒧᑦ ᖃᐅᔨᒋᐊᕐᕕᐅᔪᓂᑦ ᑲᓇᑕᒥᑦ ᓯᓚᓕᕆᕝᕕᖕᒧᑦ. ᑳᓐᑐᕌᒃ ᑐᓂᔭᐅᓚᐅᖅᑐᖅ ᐱᓕᕆᐊᓕᖕᒧᑦ ᐊᑎᓕᐅᖅᓯᒪᙱᑦᑐᒧᑦ IFR-ᒧᑦ.
- ᐱᔾᔪᑎᒋᑉᓗᒍ ᐱᒋᔭᐅᔪᓂᒃ ᐊᑐᖅᑐᐊᕐᓂᕐᒧᑦ ᑐᓂᔭᐅᔪᓄᑦ, ᑲᑎᖦᖢᒋᑦ 28 ᐊᑐᖅᑐᐊᖅᑕᐅᔪᑦ ᐅᖃᐅᓯᐅᓚᐅᖅᑐᑦ ᑲᑎᖦᖢᒋᑦ ᑮᓇᐅᔭᒃᑯᑦ ᐊᑭᐅᔪᒥᒃ $10,344,887-ᓂᑦ. 28-ᖑᔪᓂᑦ ᐊᑐᖅᑐᐊᖅᑕᐅᔪᓂᑦ, ᐱᖓᓱᑦ ᐊᑐᖅᑐᐊᖅᑕᐅᔪᑦ ᑐᓂᔭᐅᓚᐅᖅᑐᑦ ᐱᓕᕆᐊᓕᖕᒧᑦ ᐊᑎᓕᐅᖅᓯᒪᔪᒥᒃ IFR-ᒥᑦ. ᐱᖓᓱᐃᑦ ᐊᑐᖅᑐᐊᖅᑕᐅᔪᑦ ᐊᑭᖃᓚᐅᖅᑐᑦ $756,000-ᓂᑦ ᐅᕝᕙᓘᓐᓃᑦ 7.3%-ᖑᔪᖅ ᑲᑎᓗᒃᑖᖅᖢᒋᑦ ᐊᑭᐅᔪᖅ ᐊᑐᖅᑐᐊᖅᑕᐅᔪᓗᒃᑖᓂᑦ ᓄᓇᕗᑦ ᐃᓗᐊᓂᑦ. ᑕᑯᓗᒍ ᑎᑎᖅᖃᖅ 2 ᓇᓗᓇᐃᔭᖅᓯᒪᔪᓂᒃ ᐱᓂᐊᕐᓗᑎᑦ
| ᐱᖁᑏᑦ ᖃᓄᐃᑦᑑᓂᖏᑦ | ᐱᓕᕆᐊᖃᖅᑐᓗᒃᑖᑦ | ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᑦ | ᐳᓴᓐᑎᖏᑦ % ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᑦ | ᐱᓕᕆᐊᓕᖕᓄᑦ ᐊᑎᓕᐅᖅᓯᒪᙱᑦᑐᓄᑦ IFR-ᒥᑦ |
|---|---|---|---|---|
| ᐃᒡᓗᓕᐅᕐᓂᕐᒧᑦ | $7,336,569 | $6,523,189 | 88.9% | $813,380 |
| ᐱᖁᑏᑦ | $13,812,660 | $9,594,010 | 69.5% | $4,218,650 |
| ᐱᔨᑦᑎᕋᐅᑏᑦ | $26,949,664 | $9,148,447 | 33.9% | $17,801,217 |
| ᑲᑎᖦᖢᒋᑦ | $48,098,893 | $25,265,646 | 52.5% | $22,833,247 |
| ᐱᖁᑏᑦ ᖃᓄᐃᑦᑑᓂᖏᑦ | ᐱᓕᕆᐊᖃᖅᑐᓗᒃᑖᑦ | ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᑦ | ᐳᓴᓐᑎᖏᑦ % ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᑦ | ᐱᓕᕆᐊᓕᖕᓄᑦ ᐊᑎᓕᐅᖅᓯᒪᙱᑦᑐᓄᑦ IFR-ᒥᑦ |
|---|---|---|---|---|
| ᐃᒡᓗᓕᐅᕐᓂᕐᒧᑦ | $7,336,569 | $6,523,189 | 88.9% | $813,380 |
| ᐱᖁᑏᑦ | $13,812,660 | $9,594,010 | 69.5% | $4,218,650 |
| ᐱᔨᑦᑎᕋᐅᑏᑦ | $165,720,452 | $147,919,235 | 89.3% | $17,762,217 |
| ᑲᑎᖦᖢᒋᑦ | $186,869,681 | $164,036,434 | 87.8% | $22,794,247 |
| ᐱᖁᑏᑦ ᖃᓄᐃᑦᑑᓂᖏᑦ | ᐱᓕᕆᐊᖃᖅᑐᓗᒃᑖᑦ | ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᑦ | ᐳᓴᓐᑎᖏᑦ % ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᑦ | ᐱᓕᕆᐊᓕᖕᓄᑦ ᐊᑎᓕᐅᖅᓯᒪᙱᑦᑐᓄᑦ IFR-ᒥᑦ |
|---|---|---|---|---|
| ᐊᖏᕐᕋᕆᔭᐅᔪᓄᑦ ᐃᒡᓗᕐᔪᐊᑦ | $7,275,750 | $756,000 | 10.4% | $6,519,750 |
| ᐊᓪᓚᕝᕖᑦ ᐃᒡᓗᕐᔪᐊᑦ | $3,069,137 | $0 | 0% | $3,069,137 |
| ᑲᑎᖦᖢᒋᑦ | $10,344,887 | $756,000 | 7.3% | $9,588,887 |
1. ᖃᐅᔨᔭᐅᓯᒪᔪᑦ ᓈᓴᐅᑎᓂᑦ/ᑎᑎᖅᖃᓂᑦ
- ᐅᑭᐅᕆᔭᐅᔪᖅ 2022-23-ᒥᑦ, ᑲᑎᖦᖢᒋᑦ 385-ᖑᔪᑦ ᑳᓐᑐᕌᒃᖑᔪᑦ, ᐊᒻᒪᓗ ᐋᖅᕿᒋᐊᖅᓯᒪᔪᑦ ᑳᓐᑐᕌᒃᓄᑦ ᑐᓂᔭᐅᓚᐅᖅᑐᑦ ᑕᒪᐃᓐᓄᑦ ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᓄᑦ ᐊᒻᒪᓗ ᐱᓕᕆᐊᓕᖕᓄᑦ ᐊᑎᓕᐅᖅᓯᒪᙱᑦᑐᓄᑦ IFR-ᒥᑦ ᐱᓕᕆᐊᕆᔭᐅᓯᒪᔪᓄᑦ ᓄᓇᕗᒻᒥᑦ ᑲᑎᓗᒃᑖᖅᖢᒋᑦ ᐊᖏᖃᖅᖢᑎᒃ $48,098,893-ᓂᑦ. 385 ᐊᑕᐅᑦᑎᒃᑰᖏᑦᑐᖅ ᐊᑐᖅᑕᐅᔪᓂᑦ, 302-ᖑᔪᑦ ᓄᑖᖑᓚᐅᖅᑐᑦ ᑳᓐᑐᕌᒃᖑᔪᑦ ᐊᒻᒪᓗ 83-ᖑᔪᑦ ᐋᖅᕿᒋᐊᖅᑕᐅᓯᒪᔪᑦ (16ᑳᓐᑐᕌᒃᑖᖅᑎᑕᐅᓚᐅᖅᑐᑦ 2022-23-ᒥᑦ ᐅᑭᐅᕆᔭᐅᔪᒥᑦ ᐊᒻᒪᓗ 67-ᖑᔪᑦ ᐋᖅᕿᒋᐊᖅᑕᐅᔪᑦ ᑳᓐᑐᕌᒃᓕᐊᖑᔪᑦ ᑐᓂᔭᐅᓚᐅᖅᑐᑦ ᓯᕗᓂᐊᓂᑦ ᐅᑭᐅᕆᔭᐅᓚᐅᖅᑐᒥᑦ).
- ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᑦ ᑐᓂᔭᐅᓚᐅᖅᑐᑦ ᑲᑎᓗᒃᑖᖅᖢᒋᑦ $25,265,646-ᓂᑦ (52.5%) ᑲᑎᓗᒃᑖᖅᖢᒋᑦ ᐊᑭᒋᔭᖓ ᑳᓐᑐᕌᒃᓄᑦ ᐊᒻᒪᓗ ᐋᖅᕿᒋᐊᖅᑕᐅᔪᓄᑦ, ᐱᓕᕆᐊᓖᑦ ᐊᑎᓕᐅᖅᓯᒪᙱᑦᑐᑦ IFR-ᒧᑦ ᑐᓂᔭᐅᑉᓗᑎᒃ ᐊᒥᐊᒃᑰᔪᒥᒃ $22,833,247-ᓂᑦ (47.5%).
- ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᑦ ᑐᓂᔭᐅᓚᐅᖅᑐᑦ ᑲᑎᓗᒃᑖᖅᖢᒋᑦ 163 ᑳᓐᑐᕌᒃᓂᑦ ᐊᒻᒪᓗ ᐋᖅᕿᒋᐊᖅᑕᐅᔪᓂᑦ, (42.3%) ᑕᒡᕙᙵᑦ 142-ᖑᔪᑦ ᓄᑖᖑᔪᑦ ᑳᓐᑐᕌᒃᑕᐅᔪᑦ, 9-ᖑᔪᑦ ᐋᖅᕿᒋᐊᖅᑕᐅᓯᒪᔪᑦ ᓄᑖᖑᔪᑦ ᑳᓐᑐᕌᒃᓄᑦ ᐊᒻᒪᓗ 12-ᖑᔪᑦ ᐋᕿᒋᐊᖅᑕᐅᑉᓗᑎᒃ ᑳᓐᑐᕌᒃᖑᓚᐅᖅᑐᓄᑦ ᓯᕗᓂᐊᓂᑦ ᐅᑭᐅᕆᔭᐅᓚᐅᖅᑐᓂᑦ. ᐱᓕᕆᐊᓖᑦ ᐊᑎᓕᐅᖅᓯᒪᙱᑦᑐᑦ IFR-ᒥᑦ ᑐᓂᔭᐅᓚᐅᖅᑐᑦ ᐊᒥᐊᒃᑰᔪᓂᒃ 222-ᓂᑦ ᑳᓐᑐᕌᒃᓂᑦ ᐊᒻᒪᓗ ᐋᖅᕿᒋᐊᖅᓯᒪᔪᓂᑦ (57.7%). 163-ᖑᔪᓂᑦ ᑳᓐᑐᕌᒃᑖᖅᑎᑕᐅᔪᑦ ᐃᓄᐃᑦ ᓇᖕᒥᓂᖅ ᐱᓕᕆᐊᓕᖕᓄᑦ, ᑖᑉᑯᓇᙵᑦ 87-ᖑᔪᑦ ᑳᓐᑐᕌᒃᖑᔪᑦ ᐱᒡᒎᖕᓂᒃᑰᓚᐅᖅᑐᑦ ($23,219,826) ᐊᒻᒪᓗ 73-ᖑᔪᑦ ᐱᒡᒎᖕᓂᒃᑰᖏᖦᖢᑎᒃ ($1,744,548). ᐊᒻᒪᓗ, 8 ᑳᓐᑐᕌᒃ ($860,248) ᑐᓂᔭᐅᓚᐅᖅᑐᑦ ᓯᕗᒻᒧᒃᓯᒪᔪᑦ ᑳᓐᑐᕌᒃᑖᖅᑎᑕᐅᔪᓂᒃ ᖃᐅᔨᒃᑲᐅᑎᑎᒍᑦ, ᐱᖓᓱᐃᑦ ᑳᓐᑐᕌᒃ ($301,272) ᑐᓂᔭᐅᑉᓗᑎᒃ ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᓄᑦ.
- ᒪᓕᒃᖢᒍ ᐃᓚᒋᔭᐅᔪᖅ 6.3.1 ᖃᓄᐃᓕᐅᕆᐊᖃᖅᑎᑦᑎᔪᒥᑦ, ᑳᓐᑐᕌᒃᑎᑦᑎᓂᕐᒧᑦ ᐱᔪᖕᓇᖅᑎᑦᑎᔪᑦ ᖃᐅᔨᒋᐊᕆᐊᖃᖅᑕᖓᑦ IFR ᖃᐅᔨᓂᐊᕐᓗᑎᒃ ᐱᓕᕆᐊᖃᕈᖕᓇᕐᓂᕆᔭᖏᑦ ᐃᓄᐃᑦ ᓇᖕᒥᓂᖅ ᐱᓕᕆᐊᓖᑦ ᐱᖁᔨᓂᐊᓵᖅᑎᓪᓗᒋᑦ ᐅᕝᕙᓘᓐᓃᑦ ᐆᒃᑐᖁᓗᒋᑦ ᓄᓇᕗᑦ ᐃᓗᐊᓂᑦ. ᐱᔾᔪᑎᒋᑉᓗᒍ ᐱᔭᕆᐊᖃᕐᓂᐅᔪᖅ, IFR ᖃᐅᔨᒋᐊᕐᕕᐅᓚᐅᖅᑐᖅ 125-ᖑᔪᑦ 170-ᐅᔪᓂᑦ ᑳᓐᑐᕌᒃᓂᑦ, ᐃᓚᐅᖏᖦᖢᑎᒃ ᐋᖅᕿᒋᐊᖅᑕᐅᓯᒪᔪᑦ (73.5%).
- ᐃᓄᐃᑦ ᓇᖕᒥᓂᖅ ᐱᓕᕆᐊᓖᑦ ᖃᐅᔨᔭᐅᓚᐅᖅᑐᑦ IFR-ᒥᑦ 101 ᑳᓐᑐᕌᒃᓂᑦ 125-ᖑᔪᓂᑦ ᐱᒡᒎᖕᓂᒃᑯᑦ ᑳᓐᑐᕌᒃᑖᖅᑎᑕᐅᔪᓂᑦ (80.8%).
- 101-ᖑᔪᓂᑦ ᐃᓄᐃᑦ ᓇᖕᒥᓂᖅ ᐱᓕᕆᐊᓖᑦ ᖃᐅᔨᔭᐅᔪᓂᑦ, ᐅᖃᐅᓯᐅᓚᐅᖅᑐᑦ ᖃᐅᔨᒃᑲᐅᑏᑦ ᐊᐅᓪᓚᖅᑎᑕᐅᔪᓂᒃ 87-ᖏᖅᑕᖅᖢᒋᑦ (86.1%). ᑕᑯᓗᒍ ᐃᓚᒋᔭᐅᔪᖅ 7 ᓇᓗᓇᐃᔭᖅᓯᒪᔪᓂᒃ ᐱᓂᐊᕐᓗᑎᑦ.
- 87-ᖑᔪᓂᑦ ᖃᐅᔨᒃᑲᐅᑎᓂᒃ ᓴᖅᕿᑦᑎᖕᒪᑕ ᐱᕕᖃᖅᑎᑦᑎᓂᕐᓂᒃ ᐆᒃᑐᕈᒪᔪᓄᑦ ᐊᐅᓪᓚᖅᑎᑕᐅᓚᐅᖅᑐᑦ ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᓄᑦ, 55-ᖑᓚᐅᖅᑐᑦ ᑳᓐᑐᕌᒃᖑᔪᑦ ᖃᐅᔨᑎᑦᑎᑉᓗᑎᒃ ᐆᒃᑐᖅᑐᑦ ᐱᔭᐅᓚᐅᖅᑐᑦ ᐃᓄᐃᑦ ᓇᖕᒥᓂᖅ ᐱᓕᕆᐊᖃᖅᑐᓂᑦ.
- ᑕᒪᐃᓐᓄᑦ ᑲᑎᖦᖢᒋᑦ ᑮᓇᐅᔭᐃᑦ ᐆᒃᑐᖅᑕᐅᔪᓗᒃᑖᓄᑦ ᐱᔭᐅᓚᐅᖅᑐᓂᑦ 86-ᖑᓚᐅᖅᑐᑦ ᐊᒻᒪᓗ ᑕᐃᑲᙵᑦ, ᒪᓕᖕᓂᖃᖅᑐᑦ ᐆᒃᑐᖅᑐᓂᑦ ᐱᔭᐅᓚᐅᖅᑐᑦ 71-ᖑᔪᑦ, ᒪᓕᖕᓂᖃᖅᑐᑦ ᐆᒃᑐᖅᑐᓂᑦ 82.6%-ᖑᑉᓗᑎᒃ.
- ᐱᔨᑦᑎᕋᐅᑎᓄᑦ ᑳᓐᑐᕌᒃᑕᐅᔪᑦ 56%-ᖑᔪᑦ ($26,949,664) ᑲᑎᓗᒃᑖᖅᖢᒋᑦ ᐊᑭᐅᔪᓄᑦ ᑳᓐᑐᕌᒃᓄᑦ. ᐱᖁᑎᓄᑦ ᐊᒻᒪᓗ ᓴᓇᕙᓪᓕᐊᓂᕐᓄᑦ ᐱᔪᑦ 28.7%-ᖑᔪᑦ ($13,812,660) ᐊᒻᒪᓗ 15.3% ($7,336,569) ᑲᑎᓗᒃᑖᖅᖢᒋᑦ ᐊᑭᐅᔪᓄᑦ.
- ᑲᑎᖦᖢᒋᑦ ᑮᓇᐅᔭᒃᑯᑦ ᐊᑭᖏᑦ ᑳᓐᑐᕌᒃᑖᖅᑎᑕᐅᓚᐅᖅᑐᑦ ᐃᓄᐃᑦ ᓇᖕᒥᓂᖅ ᐱᓕᕆᐊᓖᑦ:
- ᐱᔨᑦᑎᕋᐅᑎᓄᑦ ᑳᓐᑐᕌᒃ $9,148,447-ᖑᔪᑦ (36.2% ᑲᑎᓗᒃᑖᖅᖢᒋᑦ ᐊᑭᐅᔪᑦ ᐃᓄᐃᑦ ᑳᓐᑐᕌᒃᑎᓄᑦ).
- ᐱᖁᑎᓄᑦ ᑳᓐᑐᕌᒃ $9,594,010 (38% ᑲᑎᓗᒃᑖᖅᖢᒋᑦ ᐊᑭᐅᔪᑦ ᐃᓄᐃᑦ ᑳᓐᑐᕌᒃᑎᓄᑦ).
- ᓴᓇᕙᓪᓕᐊᓂᕐᒧᑦ ᑳᓐᑐᕌᒃ $6,523,189-ᖑᔪᑦ (25.8% ᑲᑎᓗᒃᑖᖅᖢᒋᑦ ᐊᑭᐅᔪᑦ ᐃᓄᐃᑦ ᑳᓐᑐᕌᒃᑎᓄᑦ).
- 132-ᓂᒃ ᓄᑖᓂᒃ ᑳᓐᑐᕌᒃᑕᖃᓚᐅᖅᑐᖅ, ᐃᓚᐅᑉᓗᑎᒃ ᐋᖅᕿᒋᐊᖅᓯᒪᔪᑦ ᑳᓐᑐᕌᒃᑖᖅᑎᑕᐅᔪᓄᑦ ᐅᑭᐅᕆᔭᐅᔪᒥᑦ, ᑎᑭᐅᑎᓚᐅᖅᑐᓂᒃ ᑭᒡᓕᖃᖅᑎᑕᐅᔪᒥᒃ ᐆᒃᑐᕐᓂᐊᕐᓗᓂ ᑳᓐᑐᕌᒃᒧᑦ, ᐅᕝᕙᓘᓐᓃᑦ ᐱᔪᖕᓇᐅᑎᖃᕐᓂᖅ ᓯᕗᓪᓕᖅᐹᒥᒃ ᕿᐱᓗᖕᓂᐊᕐᓗᒋᑦ ᐱᔭᕆᐊᖃᖅᑎᑕᐅᔪᑦ ᖃᓄᐃᓕᐅᕆᐊᖃᖅᑎᑦᑎᔪᒥᑦ, ᑲᑎᖦᖢᒋᑦ ᑮᓇᐅᔭᒃᑯᑦ ᐊᑭᖓ $15,263,566-ᖑᔪᖅ. ᑖᑉᑯᓇᙵᑦ ᑳᓐᑐᕌᒃᓂᑦ, 60-ᖑᔪᑦ ᐆᒃᑐᓚᐅᖅᑐᑦ ᑭᒡᓕᖃᖅᑎᑕᐅᔪᒥᒃ ᐆᒃᑐᕐᓂᐊᕐᓗᓂᒧᑦ ($9,311,312), 22-ᖑᔪᑦ ᐆᒃᑐᖅᖢᑎᒃ ᐱᔪᖕᓇᐅᑎᖃᕐᓂᖅ ᓯᕗᓪᓕᖅᐹᒥᒃ ᕿᐱᓗᖕᓂᐊᕐᓗᒋᒧᑦ ($4,795,860) ᐊᒻᒪᓗ 50-ᖑᔪᑦ ($1,156,394) ᑎᑭᐅᑎᑉᓗᑎᒃ ᑭᒡᓕᖃᖅᑎᑕᐅᔪᒥᒃ ᐆᒃᑐᕐᓂᐊᕐᓗᓂ ᐱᔭᕆᐊᖃᖅᑎᑕᐅᔪᓄᑦ ᑭᓯᐊᓂ ᐅᖃᐅᓯᐅᓚᐅᖅᑐᑦ ᐊᑐᙱᑦᑐᑦ ᑭᒡᓕᖃᖅᑎᑕᐅᔪᒥᒃ ᐆᒃᑐᕐᓂᐊᕐᓗᓂᒧᑦ. ᑕᑯᓗᒍ ᐃᓚᒋᔭᐅᔪᖅ 13 ᓇᓗᓇᐃᔭᖅᓯᒪᒃᑲᓐᓂᖅᑐᓂᒃ ᐱᓂᐊᕐᓗᑎᑦ.
- ᐃᓄᖕᓄᑦ ᐊᒻᒪᓗ ᓄᓇᕗᒻᒧᑦ ᐃᑲᔫᑏᑦ ᐅᖃᐅᓯᐅᔪᑦ ᖃᐅᔨᔭᐅᓂᖏᑦᑎᑐᑦ ᐅᑭᐅᕆᔭᐅᔪᒧᑦ 2022-23 ᐃᓚᐅᔪᑦ:
- 648 ᐃᑲᕐᕋᓂᑦ ᐃᓄᐃᑦ ᐱᓕᕆᑎᑕᐅᔪᑦ ᑮᓇᐅᔭᒃᑯᑦ ᐊᑭᐅᔪᒧᑦ $321,426-ᓂᑦ.
- 40 ᐃᑲᕐᕋᓪᓗᐊᓂᑦ ᐃᓄᐃᑦ ᐊᔪᕈᖕᓃᖅᓴᖅᑕᐅᓂᖏᓐᓄᑦ ᐊᒻᒪᓗ ᐊᔪᙱᓐᓂᖅᑖᕐᓂᕐᒥᒃ ᐱᕙᓪᓕᐊᓂᕐᒧᑦ, ᑮᓇᐅᔭᒃᑯᑦ ᐊᑭᐅᔪᓂᒃ ᐱᔾᔪᑎᖃᖅᑐᑦ ᐊᔪᕈᖕᓃᖅᓴᐃᓂᕐᒧᑦ ᑐᓂᔭᐅᓚᐅᖏᑦᑐᖅ ᓱᓕ.
- ᒪᕐᕉᒡᓘᓐᓃᑦ ᐃᓄᐃᑦ ᓇᖕᒥᓂᖅ ᐱᓕᕆᐊᓕᖕᓄᑦ ᑳᓐᑐᕌᒃᖃᖃᑕᐅᔪᑦ ᑮᓇᐅᔭᒃᑯᑦ ᐊᑭᐅᔪᖅ $65,270-ᓄᑦ. ᑕᑯᓗᒍ ᐃᓚᒋᔭᐅᔪᖅ 18 ᓇᓗᓇᐃᔭᖅᓯᒪᔪᓂᒃ ᐱᓂᐊᕐᓗᑎᑦ.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: