ᖃᐅᔨᓴᕈᑎᑦ ᓄᑕᖃᓂᒃ-ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ
ᖃᐅᔨᓴᕈᑎᑦ ᓄᑕᖃᓂᒃ-ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ - ᓇᐃᓈᖅᓯᒪᔪᖅ
ᓇᓗᓇᐃᖅᓯᔪᖅ
ᒫᓐᓇ, ᐅᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐃᓄᐃᑦ ᓄᑕᖃᑦ ᐱᒻᒪᕆᐅᔪᓂᒃ ᒐᕙᒪᒃᑯᓂᑦ ᑮᓇᐅᔭᒃᓴᖅᑖᕈᑕᐅᔪᓐᓇᕐᓗᑎᒃ ᐃᓘᓯᖏᓐᓄᑦ, ᐃᓕᓐᓂᐊᕈᑎᖏᓐᓄᑦ ᐊᒻᒪᓗ ᐃᓅᓯᕐᒥᖕᓂ ᐊᑐᕆᐊᖃᖅᑕᓂᒃ, ᐱᔨᑦᑎᕋᐅᑎᓂᒃ ᐊᒻᒪᓗ ᐃᑲᔫᑎᓂᒃ ᑭᓐᖒᒪᒋᔭᖏᓐᓄᑦ. ᐅᓇ ᑕᐃᔭᐅᔪᖅ ᐱᓕᕆᑎᑦᑎᔾᔪᑕᐅᔪᒥᒃ, ᑭᓯᐊᓂᓕ ᑐᒃᓯᕋᖅᑐᓄᑦ-ᐱᓯᒪᓂᖃᖅᑐᖅ ᐃᖏᕐᕋᓯᑎᑕᐅᓯᒪᔪᖅ ᐊᔾᔨᖓ ᔪᐊᑕᓐ ᐳᓕᑦᔅᐳ. ᐊᑖᒎᖓᔪᖅ ᓄᓇᖅᑲᖅᑳᖅᓯᒪᔪᑦ ᐱᔨᑦᑎᕋᖅᑏᑦ ᑲᓇᑕ 2019-ᒥ 20-ᒧᑦ ᐊᐅᓚᑦᓯᕕᖓᑦᑕ ᐋᕿᒃᓱᐃᔾᔪᓯᖏᑦ ᖃᓄᐃᓕᐅᕈᑎᒋᓪᓗᒋᑦ "ᐃᓘᓯᕐᒧᑦ ᐊᒻᒪᓗ ᐃᓄᓕᕆᔨᒃᑯᑦ ᐱᔨᑦᑎᕋᐅᑎᖏᑦᑎᒍᑦ ᐱᔭᒃᓴᖏᑦ."
ᒫᓐᓇ ᖃᓄᐃᓕᖓᕙ
ᐱᒋᐊᕈᑖᑦ ᒐᕙᒪᑐᖃᒃᑯᑎᒍᑦ ᐊᑖᒍᑦ ᓅᑕᐅᔪᖅ ᐊᑯᓂᐅᔪᒃᑯᑦ ᑕᒪᐃᓐᓂᑦ ᐱᔭᒃᓴᕆᔭᐅᔪᖅ ᐊᑐᖅᑕᐅᓂᐊᖅᑐᖅ ᐋᕿᒃᓱᖅᑕᐅᓯᒪᓪᓗᓂ.
ᐊᑯᓂᐅᓂᒃᓴᖓ
ᐅᓇ ᑐᑭᓯᓇᓱᑦᑎᐊᖅᖢᒍ ᖃᐅᔨᓴᕈᑎᒋᓗᒋᑦ 2018-ᒥᑦ 2019-ᒧᑦ ᑎᑭᓪᓗᒍ 2022-ᒥᑦ 2023-ᒧᑦ.
ᑮᓇᐅᔭᑦ
ᑮᓇᐅᔭᖅᑑᑎᒃᓴᖃᖅᑐᖅ ᐊᖏᖅᓯᒪᔪᑦ $220 ᒥᓕᐊᓐ ᑎᑭᐅᒪᔪᑦ ᑕᓪᓕᒪᑦ-ᐊᕐᕌᒍᓄᑦ.
ᑐᑭᓯᑦᑎᐊᕐᓗᒍ ᐅᑯᐊ ᐃᓂᒋᓪᓗᒋᑦ
ᒫᓐᓇᓕᓴᐅᓗᑎᒃ, ᐊᑑᑎᖃᕐᓗᑎᒃ, ᐊᒻᒪᓗ ᐱᐊᓚᓗᑎᒃ, ᐃᓚᒋᔭᐅᔪᑦ ᑭᓐᖒᒪᓇᖅᑐᑦ ᓴᕿᓯᒪᔪᑦ ᓄᕙᒡᔪᐊᕐᓇᖅ-19 ᐊᒻᒪᓗ ᓯᓚᐅᑉ ᐅᖂᓯᕙᓪᓕᐊᓂᖓᑕ ᐊᓯᖑᕐᓂᖓ.
ᑐᑭᓯᑦᑎᐊᕋᓱᒃᖢᒍ ᐅᑯᐊ ᐱᒋᐊᕈᑎᒋᓯᒪᔪᑦ
- ᐅᓄᓗᐊᕈᓐᓃᖅᑎᓯᒪᓕᖅᖢᒋᑦ ᐊᒻᒪᓗ ᐊᐅᓪᓗᑎᔭᓂᒃ ᐅᓂᒃᑳᕆᓪᓗᒋᑦ ᖃᓄᖅ ᐱᓕᕆᑦᑎᐊᕋᓗᐊᕐᓂᕐᒪᖔᑦ ᓯᕗᓪᓕᑦ ᑕᓪᓕᒪᓂ ᐊᕐᕌᒍᓂ ᐊᒻᒪᓗ ᓇᓗᓇᐃᖅᖢᒋᑦ ᐃᓕᑦᑎᔾᔪᑕᐅᔪᑦ ᑕᒪᑐᒪᖓᑦ.
- ᐱᓕᕆᔭᑦ ᑲᔪᓰᓐᓇᖅᓯᒪᔪᑦ ᓴᕿᑦᑎᖃᑎᒌᒍᑎᒋᓯᒪᔭᖏᑦ ᐃᓄᐃᑦ ᐱᓇᓱᐊᖃᑎᒋᓪᓗᒋᑦ ᓄᑖᓂᒃ ᑕᒪᐃᓐᓂᑦ ᐱᔭᒃᓴᕆᔭᐅᓂᐊᖅᑐᓂᒃ ᐊᑐᕐᓂᐊᖅᑕᖓᑦ ᑖᔅᓱᒨᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ. ᐃᓕᑦᑎᓇᓱᓚᐅᖅᑐᑦ ᖃᐅᔨᓴᖅᖢᑎᒃ ᐱᓕᕆᖃᑎᒌᑦ ᓴᓇᖃᑦᑕᓚᐅᖅᑐᑦ ᐃᑲᔪᖅᑎᒌᒡᖢᑎᒃ ᑖᒃᑯᐊᓗ ᐊᓪᓚᐃᑦ ᐊᒻᒪᓗ ᐃᓄᐃᑦ ᐋᓐᓂᐊᕕᓕᐊᕈᓐᓇᐅᑎᖏᓐᓄᑦ ᐱᓇᓱᐊᕐᕕᖓᑦ ᐊᒻᒪᓗ ᑖᒃᑯᐊ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐋᕿᒃᓯᒪᔾᔪᑎᒃᓴᓄᑦ ᐊᑐᐊᖓᒃᓴᓄᑦ ᐱᓇᓱᐊᖃᑎᒌᑦ, ᐊᒻᒪᓗ ᐱᓕᕆᖃᑎᒋᓪᓗᒋᑦ ᐃᓄᐃᑦ ᑕᐱᕇᑦ ᑲᓇᑕᒥ ᐱᔭᕇᓚᐅᖅᑐᑦ ᓱᒃᑲᖅᑕᕐᓕᕇᑦ ᐊᔾᔨᒌᖕᓇᑎᒃ ᖃᐅᔨᓴᖅᑕᐅᔪᑦ, ᐃᓚᒋᔭᐅᓪᓗᑎᒃ ᐸᕐᓇᐃᓂᖓᑦ, ᐱᒋᐊᓕᓵᖅᖢᑎᒃ ᓇᓂᔭᖏᑦ, ᐊᒻᒪᓗ ᐅᓂᒃᑳᓕᐊᕆᓯᒪᔭᖏᑦ.
- ᐊᓪᓚᐃᑦ ᐊᒻᒪᓗ ᐃᓄᐃᑦ ᐋᓐᓂᐊᕕᓕᐊᕈᓐᓇᐅᑎᖏᓐᓄᑦ ᐱᓇᓱᐊᕐᕕᖓᑦ ᖃᓄᖅ ᐱᓕᕆᑦᑎᐊᕐᓂᕐᒪᖔᑦ ᐆᒃᑐᕋᖅᓯᒪᔪᑦ ᐃᑲᔫᑎᓚᐅᖅᑐᑦ ᐊᑐᕈᓐᓇᖅᖢᒋᑦ ᐊᑑᑎᖃᖅᑐᑦ ᐱᓕᕆᑎᑦᑎᔾᔪᑎᒃᓴᓄᑦ ᖃᐅᔨᒪᔭᐅᔭᕆᐊᓕᑦ ᐊᒻᒪᓗ ᑐᑭᓯᓇᓱᐊᖃᑎᒌᒃᑎᐅᓚᐅᖅᑐᖅ ᐊᕙᑖᓂᑦ ᖃᐅᔨᓴᖅᑐᑦ ᐃᓕᑦᑎᓇᓱᒃᑐᑦ ᐱᓇᓱᐊᖃᑎᒌᑦ ᐊᒻᒪᓗ ᐃᒻᒥᒃᑯᑦ ᐊᑐᐊᒐᓕᕆᓂᕐᒧᑦ ᐃᖅᑲᓇᐃᔭᖅᑎᑦ.
ᖃᐅᔨᓴᕈᓯᖅ
- ᑕᒪᕐᒥᒃ ᑐᑭᓯᑦᑎᐊᕋᓱᒃᖢᒋᑦ, ᑲᑎᖓᔪᓪᓗ-ᖃᐅᔨᓴᕈᓯᑦ ᐱᒋᐊᕈᑎᒋᓪᓗᒋᑦ ᐊᐅᓪᓗᑎᓪᓗᒋᑦ ᖃᐅᔨᓇᓱᑦᑎᐊᖅᖢᒋᑦ ᖃᓄᖅ ᐱᓕᕆᑦᑎᐊᓚᐅᕐᒪᖔᑦ.
- 46-ᓂᑦ ᑐᓴᖅᑎᑕᐅᓚᐅᖅᐳᒍᑦ ᐊᐱᖅᓱᓚᐅᕋᑦᑕ ᑖᒃᑯᐊᓗ 62 ᐃᓚᐅᓚᐅᖅᐳᑦ, ᐃᓚᓕᐅᑎᓪᓗᒋᑦ 33-ᖑᔪᑦ ᓯᓚᑎᑦᑎᓂᑦ ᐊᐱᖅᓱᖅᑕᐅᔪᑦ (25 ᐱᔨᑦᑎᕋᖅᑎᑦ ᑲᒪᔨᑦ) ᐊᒻᒪᓗ 13 ᐅᕙᑦᑎᓐᓂᑦ ᐊᐱᖅᓱᖅᑕᐅᔪᑦ.
- ᖁᓕᑦ-ᑕᒪᐃᓐᓂᒃ ᖃᓄᐃᓕᖓᔪᕕᓂᕐᓂᒃ ᐃᓕᑦᑎᓇᓱᑦᑎᐊᖅᖢᑎᒃ ᑕᒪᐃᓐᓂ ᑎᓴᒪᓂ ᐃᓄᐃᑦ ᐊᖏᕈᑎᖃᖅᑐᑦ ᓄᓇᖏᓐᓂ ᐊᒻᒪᓗ ᖃᓪᓗᓈᑦ ᓄᓇᖏᓐᓂ ᓄᓇᓕᖅᐸᐅᔭᓂ. ᐅᑯᐊ ᖃᓄᐃᓕᖓᔪᕕᓃᑦ ᐃᓕᑕᐅᓇᓱᒃᑐᑦ ᓴᕿᑎᑕᐅᓯᒪᔪᑦ ᐱᖓᓱᐃᖅᖢᑎᒃ ᐃᓂᖏᓐᓂ ᐳᓛᖅᖢᑎᒃ ᒪᑦᓯ 2024 ᑎᑭᓪᓗᒍ ᐃᓄᐃᑦ ᓄᓇᖏᓐᓄᑦ ᓄᓇᑦᓯᐊᕗᒥ, ᓄᓇᕕᒻᒥ, ᐊᒻᒪᓗ ᓄᓇᕗᒻᒥ.
ᑭᒡᓕᖃᓚᐅᖅᑐᑦ
- ᑭᒡᓕᖃᓚᐅᖅᑐᑦ ᐱᓕᕆᐊᖑᓯᒪᔪᓂᒃ ᐆᒃᑐᕋᐅᑎᑦ ᖃᐅᔨᓴᕈᑎᑕᓂᒃ: ᖃᐅᔨᓴᕈᑎᑖᑦ ᓄᐊᑕᐅᕐᖓᓚᐅᕐᒪᑕ ᑐᒃᓯᕋᖅᓯᒪᓪᓗᑎᒃ ᑖᒃᑯᓄᖓ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐊᒻᒪᓗ ᐊᐅᓪᓗᑎᓪᓗᒋᑦ ᒫᓐᓇᒧᑦ ᐋᕿᒍᑎᔪᑦ, ᐃᓚᓕᐅᑎᔪᑦ ᑕᒪᐃᓐᓂᑦ ᖃᐅᔨᓴᕈᑎᑖᕆᓇᓱᒃᑕᑦᑎᓐᓂᑦ ᐊᐱᖅᓲᑎᓂᑦ ᐊᒻᒪᓗ ᖃᓄᐃᑦᑐᕕᓂᕐᓂᒃ ᐃᓕᑦᑎᓇᓱᒃᕕᑦᑎᓐᓂᑦ.
- ᐊᑐᕐᓂᖃᕐᓂᐊᕐᒪᖔᑕ ᑐᓴᖅᕕᐅᔪᑦ ᐊᐱᖅᓲᑎᑦᑎᒍᑦ: ᓇᓂᔭᐅᓚᐅᖅᑐᑦ ᐱᓯᒪᔪᑦ ᐊᐱᖅᓲᑎᑦ ᑭᒡᓕᐊ ᑕᒪᐃᓐᓅᖓᔪᓐᓇᓐᖏᓂᖓ ᐊᒻᒪᓗ ᐃᓱᖏᑦ, ᑕᐃᒪᓐᓇᐅᖕᒪᑦ ᐊᒥᓱᐊᓘᓪᓗᑎᒃ ᐊᐱᖅᓱᖅᑕᐅᓯᒪᔪᑦ ᐊᔾᔨᒌᓐᖏᑑᑎᑦ ᑎᒍᒥᐊᖅᑎᑦ.
- ᐱᔭᕐᓂᓐᖏᑦᑐᑦ ᐊᒃᑐᖅᑕᐅᔪᓂᑦ: ᐱᔾᔪᑎᒋᓪᓗᒋᑦ ᐊᒥᓱᑦ ᑕᐃᒪᓐᓇᐃᓕᖓᔪᑦ ᐃᓄᐃᑦ ᓄᑕᖃᑦ ᐃᓘᓯᖏᓐᓄᑦ, ᐃᓅᖃᑎᒥᖕᓂ, ᐊᒻᒪᓗ ᐃᓕᓐᓂᐊᕆᐊᖃᖅᑕᖏᓐᓄᑦ ᑭᓐᖒᒪᓇᖅᑐᑦ, ᐱᔭᕐᓂᓐᖏᑦᑐᖅ ᓴᕿᑎᑦᑎᓇᓱᑦᑎᐊᖅᖢᓂ ᐊᒃᑐᖅᑕᖏᓐᓂᒃ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᑮᓇᐅᔭᒃᓴᖓᑕ, ᑖᒃᑯᑎᒍᑦ ᑐᓴᖅᑕᐅᔭᕆᐊᖃᖅᑐᓂᒃ ᑐᓂᔭᐅᔪᑦ ᐃᓚᐃᓐᓇᖏᓐᓂᑦ ᑕᐅᑦᑐᕆᔭᐅᖕᒪᑕ.
ᓇᓂᔭᐅᔪᑦ
ᒫᓐᓇᓕᓴᐅᓗᑎᒃ
ᑭᓐᖒᒪᓇᖅᐳᑦ ᐱᐅᓯᕚᓪᓕᕐᓗᒋᑦ ᑭᖑᕙᖅᓯᒪᓐᖏᑦᑕᕆᐊᓕᑦ ᐊᑐᕐᓂᐊᖅᑕᑦ ᐃᓕᓐᓂᐊᕈᑎᓂ ᐊᒻᒪᓗ ᐃᓘᓯᕐᒧᑦ ᐊᑐᕆᐊᓕᑦ, ᐱᔨᑦᑎᕋᐅᑎᑦ ᐊᒻᒪᓗ ᐃᑲᔫᑎᑦ ᐃᓄᖕᓄᑦ ᓄᑕᖃᓄᑦ ᑲᓇᑕᒥ. ᐅᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐋᕿᒃᑕᐅᓯᒪᓂᖓ ᐊᓯᕈᖅᑕᕐᕕᖃᕈᓐᓇᖅᑐᖅ ᐱᓕᕆᓂᐊᕐᓗᒋᑦ ᖃᓄᕆᑦᑐᑐᐃᓐᓇᐃᑦ ᑭᓐᖒᒪᓇᖅᑐᑦ ᒪᓕᒃᑎᓪᓗᒋᑦ ᐊᔾᔨᒋᔭᐅᓐᖏᑦᑑᖕᒪᑕ ᑭᓐᖒᒪᓇᖅᑐᑦ ᐊᒻᒪᓗ ᖃᓄᐃᓕᖓᓕᖅᑎᑦᑎᕙᒃᑐᑦ ᐃᓄᖕᓂᒃ ᓄᑕᖃᓂᒃ.
- ᐊᑭᑐᔪᖅ ᐃᓅᓇᓱᒃᖢᓂ ᐊᒻᒪᓗ ᓂᕿᒃᓴᖃᖅᐸᒐᑎᒃ ᐊᒃᑐᐃᕗᑦ ᐃᓄᖕᓂᒃ ᐃᓚᒌᓂᒃ, ᐱᓗᐊᖅᑐᒥᒃ ᐅᖓᓯᒃᑐᒦᑦᑐᑦ ᐃᓄᑭᑦᑐᑦ ᓄᓇᓖᑦ.
- ᓯᓚᐅᑉ ᐊᓯᖑᕐᓂᖓ ᐊᒻᒪᓗ ᓄᕙᒡᔪᐊᕐᓇᖅ-19 ᐱᒋᐊᓪᓚᒃᑎᑦᑎᓯᒪᖕᒪᑕ ᑕᒪᑐᒥᐊ ᐱᔾᔪᑕᐅᔪᒥᒃ ᐊᒻᒪᓗ ᐅᓄᕐᓂᖅᓴᐅᓕᖅᖢᑎᒃ ᐃᑲᔪᕆᐊᖃᖅᑐᑦ.
- ᐅᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᒪᓕᑦᑎᐊᖅᑐᖅ ᐋᕿᒃᓯᒪᔾᔪᑎᒃᓴᓄᑦ ᓯᕗᓪᓕᐅᑎᒋᐊᓕᑦ ᐃᓄᐃᑦ ᑕᐱᕇᑦ ᑲᓇᑕᒥ, ITO-ᑯᑦ, ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᐱᐅᓯᕚᓪᓕᖅᑎᓪᓗᒋᑦ ᓄᑕᖃᑦ ᖃᓄᐃᖏᑦᑎᐊᕈᑎᒋᔪᓐᓇᖅᑕᖏᑦ.
ᐊᑑᑎᖃᕐᓗᑎᒃ
- ᑕᐃᒪᖓᓂᑦ ᐊᑐᓕᖅᑎᑕᐅᓚᐅᖅᓯᒪᖕᒪᑦ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ, ᐊᖏᔪᒥᒃ ᐱᕈᖅᓯᒪᔪᑦ ᐊᒥᓲᓕᖅᑐᑦ ᐊᖏᖅᑕᐅᓯᒪᔪᑦ ᐱᖁᑎᑦ, ᐱᔨᑦᑎᕋᐅᑎᑦ ᐊᒻᒪᓗ ᐃᑲᔫᑎᑦ ᑎᑭᐅᑎᓂᐊᕐᓗᒋᑦ ᑭᓐᖒᒪᓇᖅᑐᑦ ᐃᓄᖕᓄᑦ ᓄᑕᖃᓄᑦ. ᑮᓇᐅᔭᒃᓴᖅ ᐊᖏᖅᑕᐅᓚᐅᖅᑐᖅ ᐊᒻᒪᓗ ᑐᓂᔭᐅᓪᓗᑎᒃ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐃᓱᒪᒋᔭᐅᓂᐊᕐᒪᑕ ᑭᒡᒐᖅᑐᐃᔪᓐᓇᖅᑐᓂᒃ ᐱᐅᓯᕚᓪᓕᖁᓪᓗᒋᑦ ᐊᑐᖅᑕᐅᔪᓐᓇᖅᑐᑦ ᐱᖁᑎᑦ, ᐱᔨᑦᑎᕋᐅᑎᑦ ᐊᒻᒪᓗ ᐃᑲᔫᑎᑦ ᐃᓄᖕᓄᑦ ᓄᑕᖃᓄᑦ.
- ᐊᖏᖅᑕᐅᓯᒪᔪᑦ ᐃᑲᔫᑎᑦ ᐅᓄᕐᓂᖅᓴᐅᓕᖅᑐᑦ ᑕᒫᖓᑦ 3,380 ᑕᐃᑲᓂ 2019-ᒥᑦ 2020-ᒧᑦ ᒫᓐᓇ ᑎᑭᐅᒪᓕᖅᑐᖅ 93,996 ᑕᐃᑲᓂ 2023-ᒥᑦ 2024-ᒧᑦ, ᑲᑎᓪᓗᒋᑦ 227,126. ᒪᑭᒪᓇᓱᐊᕈᑎᑦ, ᐃᓕᓐᓂᐊᕈᑎᑦ, ᖃᖓᑦᑕᐅᑎᑦ, ᐊᒻᒪᓗ ᐱᐅᓯᑐᖃᕐᒧᑦ ᐃᑲᔫᑎᑦ ᐊᑐᖅᑕᐅᒐᔪᓛᖑᓚᐅᖅᑐᖅ ᑮᓇᐅᔭᒃᓴᕐᒥᑦ.
- ᖃᐅᔨᒪᓪᓗᓂ ᐅᓄᖅᑑᓕᕐᒪᑕ, ᑭᓯᐊᓂ ᓄᓇᓕᖕᓂ ᖃᐅᔨᒪᔭᐅᔪᖅ ᓇᖕᒥᓂᖅ ᐅᖃᐅᓯᕐᓂᑦ ᐊᒻᒪᓗ ᓄᓇᓕᖕᓂ ᐅᖃᓪᓚᒃᕕᒃᑯᑦ.
- ᐃᕐᖐᓐᓇᖅ ᐋᕿᒍᑎᓲᑦ: ᖃᐅᔨᓴᕈᑎᑦᑎᒍ ᑦ ᓇᓂᓯᓚᐅᖅᑐᒍᑦ ᐊᒃᓱᕉᑎᕕᓃᑦ ᑕᒪᐅᓐᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᑎᑭᐅᑎᓯᒪᓐᖏᑦᑐᑦ ᑐᕌᖅᑕᓄᑦ. ᐅᓇ ᑭᒡᒐᖅᑐᐃᔪᖅ ᐊᑯᓂᐅᓂᖓᓂ ᐊᑐᖅᑕᐅᔪᓐᓇᖅᑐᑦ ᐱᖁᑎᑦ, ᐱᔨᑦᑎᕋᐅᑎᑦ ᐊᒻᒪᓗ ᐃᑲᔫᑎᑦ.
- ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᑎᑭᐅᑎᓚᐅᓐᖏᑦᑐᑦ ᐱᔨᑦᑎᕋᐅᑎᑦ ᐱᐅᓯᖏᓐᓂᒃ ᑯᐊᑕᖓᓂ ᐊᕙᑖᓂ 2021-ᒥᑦ 22-ᒧᑦ ᐊᒻᒪᓗ 2023-ᒥᑦ 24-ᒧᑦ. ᑭᖑᕙᖅᓯᒪᔪᑦ ᐅᖃᐅᓯᐅᓚᐅᖅᑐᑦ ᓄᓇᕗᒻᒥ ᐊᒻᒪᓗ ᐃᓅᕕᐊᓗᒃ ᓄᓇᖏᓐᓂᑦ.
- ᑭᖑᕙᖅᓯᒪᑎᓪᓗᒋᑦ ᐱᐅᓐᖏᑦᑐᒥᒃ ᐊᒃᑐᐃᔪᖅ ᓄᑕᖃᑦ ᐊᓱᕈᓐᓇᕋᑎᒃ ᑐᐊᕕᕐᓇᖅᑐᓂᒃ ᐃᑲᔫᑎᓂᒃ ᓲᕐᓗ ᐃᒻᒧᒃ, ᓂᕿᑦ, ᐊᒻᒪᓗ ᐃᓱᒪᒧᑦ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐃᑲᔫᑎᑦ.
- ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᑮᓇᐅᔭᒃᓴᖓ ᑐᓂᐅᖃᖅᑕᐅᓯᒪᔪᓂᑦ ᖃᐅᔨᓴᖅᓯᓐᓇᐅᑎᓪᓗᒍ ᑐᓂᓯᓚᐅᖅᑐᑦ ᐊᒥᓱᓂᒃ, ᖃᓄᕆᑦᑐᑐᐃᓐᓇᓂᒃ ᐃᑲᔫᓯᐊᒃᓴᓂᒃ ᐃᓄᖕᓄᑦ ᓄᑕᖃᓄᑦ, ᐃᓚᒌᓄᑦ ᐊᒻᒪᓗ ᓄᓇᖏᓐᓄᑦ, ᑖᒃᑯᓄᖓ, 2SLGBTQIA+ ᒪᒃᑯᒃᑐᑦ.
- ᑕᒪᐃᓐᓄᑦ, ᐅᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᓇᓗᓇᐃᓚᐅᖅᑐᖅ ᐊᑑᑎᖃᒻᒪᕆᒃᑐᒥᒃ ᐃᑲᔫᑎᓚᐅᕐᒪᑦ, ᐊᑑᕐᓂᖃᓚᐅᖅᑐᖅ ᑕᒪᐃᓐᓄᑦ ᑐᐊᕕᕐᓇᖅᑐᓄᑦ ᐊᒻᒪᓗ ᒫᓐᓇ ᑭᓐᖒᒪᓇᖅᑐᓄᑦ ᖃᓄᐃᖏᑦᑎᐊᖁᓪᓗᒋᑦ ᐃᓄᐃᑦ ᓄᑕᖃᑦ.
- ᑕᒪᕐᒥᒃ, ᐅᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ
- ᐱᐅᓯᕚᓪᓕᕐᓗᒍ ᓂᕿᒃᓴᖃᖅᑎᑦᑎᓂᖅ ᐊᒻᒪᓗ ᖃᐅᑕᒫᑦ ᐊᑐᕆᐊᓕᑦ: ᐃᑲᔫᑎᑦ ᓂᕿᑖᕈᑕᐅᓪᓗᑎᒃ, ᐅᖅᓱᖅᑖᕈᑕᐅᓪᓗᑎᒃ ᐅᖂᔾᔪᑎᒃᓴᓄᑦ, ᐊᓐᓄᕌᖅᑖᕈᑕᐅᓪᓗᑎᒃ, ᐊᒻᒪᓗ ᐃᒡᓗᑉ ᐱᖁᑎᖏᓐᓂᒃ - ᐃᑲᔪᓚᐅᖅᑐᖅ ᐃᓚᒌᓂᒃ ᐱᓂᐊᕐᒪᑕ ᑐᐊᕕᕐᓇᖅᑐᒥᒃ ᐱᔭᕆᐊᖃᖅᑕᖏᑦ.
- ᖃᓄᐃᓕᖓᔪᕕᓂᕐᓂᒃ ᐃᓕᑦᑎᔾᔪᑕᐅᔪᑦ ᑕᑯᑎᑦᑎᓚᐅᖅᑐᑦ ᐱᐅᔪᒥᒃ ᑕᒪᓐᓇ ᐊᒃᑐᐃᓯᒪᔪᖅ ᐃᓕᓐᓂᐊᕈᑎᖏᓐᓄᑦ, ᐃᓘᓯᖏᓐᓄᑦ, ᐱᐅᓯᖏᓐᓄᓪᓗ ᐊᒻᒪᓗ ᑭᓇᐅᓂᕐᒥᖕᓄᑦ.
- ᐅᓇ ᐃᖏᕐᕋᓯᑎᑕᐅᓯᒪᔪᖅ ᑎᑭᐅᑎᓚᐅᖅᑐᖅ ᑭᒃᑯᑐᐃᓐᓇᕐᓅᖓᓚᐅᖅᑐᖅ, ᐃᓚᒋᔭᐅᓚᐅᖅᑐᑦ ᓄᑕᖃᑦ ᐱᒡᒐᕈᑎᖃᖅᑐᑦ ᐊᒻᒪᓗ 2SLGBTQIA+ ᒪᒃᑯᒃᑐᑦ.
ᐱᐊᓚᓗᑎᒃ
ᐅᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᑦ ᐊᑐᖅᑕᐅᔪᖅ ᐊᔾᔨᒌᓐᖏᑦᑐᓂᒃ ᑐᓂᓯᔪᓐᓇᖅᖢᑎᒃ ᐊᒻᒪᓗ ᐱᔭᕐᓂᓐᖏᑦᑐᖃᓚᐅᕐᒥᔪᑦ ᐊᑐᓕᖅᑎᑕᐅᓯᒪᓂᖓᓄ.
- ᐊᒥᓲᓗᐊᕐᓂᖏᓐᓄᑦ ᑐᒃᓯᕋᖅᑐᑦ ᐊᖏᔪᒥᒃ ᐃᖅᑲᓇᐃᔭᖅᑎᑦ ᐱᔭᒃᓴᖃᓚᐅᖅᑐᑦ ᑕᐃᑲᓂ ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ.
- ᐱᔨᑦᑎᕋᖅᑎᑦ ᑲᒪᔨᖏᑦ ᓵᑦᑎᓯᒪᓚᐅᖅᑐᖅ ᑎᑎᕋᓕᕆᔭᕆᐊᖃᖅᑐᑦ ᐱᔭᕆᑐᔪᑦ, ᐱᓗᐊᖅᑐᒥᒃ ᑲᒪᒋᓇᓱᒃᖢᒋᑦ ᐋᓐᓂᐊᕕᓕᐊᖅᑐᑦ ᖃᖓᑦᑕᐅᑎᖏᑦ.
- ᑲᒪᒋᔭᐅᓂᖓ ᑕᒪᐃᓐᓂ ᓄᓇᖃᑎᒌᓐᖏᑦᑐᓂᑦ ᐊᒻᒪᓗ ᐊᓯᖏᓐᓂᑦ ᒐᕙᒪᑐᖃᒃᑯᑦ/ᑲᓇᑕᒥ ᐊᕕᒃᑐᖅᓯᒪᔪᑦ ᐱᓕᕆᑎᑦᑎᔾᔪᑎᖏᑦ ᓱᓕ ᐊᒥᓲᓐᖏᓗᐊᕐᒪᑕ.
ᐊᑐᓕᖁᔭᐅᔪᑦ ᐊᒻᒪᓗ ᐊᐅᓚᑦᓯᔨᑦ ᑭᐅᔾᔪᑎᖏᑦ ᐊᒻᒪᓗ ᐱᓕᕆᐊᒃᓴᓄᑦ ᐸᕐᓇᐅᑎ
ᐅᓇ ᖃᐅᔨᓴᖅᓯᖁᔭᐅᔪᖅ ᑖᒃᑯᐊ ᐊᑐᓕᖁᔭᐅᔪᑦ ᐱᓯᒪᓂᖃᖅᑐᕐᒪᑕ ᒫᓐᓇᐅᔪᖅ ᐱᒋᐊᓕᓵᕈᑎᓂᒃ. ᐃᓕᓴᖅᓯᓯᒪᔪᑦ ᑖᒃᑯᐊ ᑐᓂᔭᐅᔾᔪᓯᐅᓂᐊᖅᑐᑦ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᓄᑖᖑᕆᐊᖅᑎᑕᐅᓗᓂ, ᐅᓇ ᐊᑐᓕᖁᔭᐅᔪᖅ ᐋᕿᖏᐊᕆᐊᖃᑐᐃᓐᓇᕆᐊᓕᒃ ᐅᕝᕙᓘᓐᓃᑦ ᐃᓱᒪᒋᑦᑎᐊᒃᑲᓐᓂᕐᓗᒍ ᑕᒪᐃᓐᓂᑦ ᐱᔭᒃᓴᕆᔭᐅᖕᒪᑦ ᓴᕿᑦᑎᖃᑎᒌᒡᓗᑎᒃ ᐊᒻᒪᓗ ᐊᑐᓕᖅᑕᐅᑎᑦᑎᖃᑎᒌᒡᓗᑎᒃ.
ᐊᑐᓕᖁᔭᐅᔪᖅ 1:
ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᕿᓂᓪᓗᐊᖅᑐᑦ ᐊᐅᓚᑦᑎᔾᔪᑎᒃᓴᓂᒃ ᐊᒻᒪᓗ ᐱᐊᓚᔪᓂᒃ ᑖᒃᑯᓄᖓ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐱᐅᓯᕚᓪᓕᕐᓂᐊᕐᒪᑕ ᑭᖑᕙᖅᓯᒪᓗᐊᖅᐸᒍᓐᓃᕐᓗᑎᒃ ᐊᒻᒪᓗ ᐊᑯᓂᐅᓗᐊᖅᑐᖅ ᐋᕿᒃᑕᐅᓇᓱᖃᑦᑕᕈᓐᓃᕐᓗᑎᒃ ᑐᒃᓯᕋᐅᑕᐅᔪᑦ.
ᐱᓕᕆᐊᒃᓴᖅ:
ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᐊᖏᖅᓯᒪᑦᑎᐊᖅᑐᖅ ᐱᐅᓯᕚᓪᓕᖅᑎᓪᓗᒋᑦ ᐊᑑᑎᖃᖅᑐᑦ ᐱᓕᕆᔾᔪᓯᕐᓄᑦ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᑐᒃᓯᕋᐅᑎᓂᒃ ᐊᒻᒪᓗ ᑭᖑᕙᖅᓯᒪᓗᐊᕈᓐᓃᕐᓗᑎᒃ ᐊᒻᒪᓗ ᐱᔭᒃᓴᓂᒃ ᐊᖑᒪᑎᔪᓐᓇᖅᓯᓗᑎᒃ ᐋᕿᒃᓱᖅᑕᐅᒋᐊᖃᖅᑐᓄᑦ.
- ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᕿᒥᕐᕈᐊᖅᓯᒪᔪᑦ ᐊᐅᓚᑦᑎᔾᔪᑎᖏᑦᑕ ᐱᓕᕆᔾᔪᓯᖏᓐᓂᒃ ᐊᒻᒪᓗ ᐱᐊᓚᔪᑦ ᐱᓯᒪᓂᖃᖅᑐᓂᒃ ᑖᒃᑯᓄᖓ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐱᐅᓯᕚᓪᓕᕐᓂᐊᕐᒪᑦ ᐱᔭᒃᓴᓂᒃ ᐊᖑᒪᑎᔪᓐᓇᖅᓯᓗᑎᒃ ᐊᒻᒪᓗ ᕿᖑᕙᖅᓯᒪᑎᑦᑎᔪᓐᓃᕐᓗᑎᒃ ᐋᕿᒃᓱᖅᑕᐅᖁᔭᐅᔪᓂᒃ. ᐅᖃᖅᓯᒪᔪᑦ ᐊᐅᓚᑦᑎᔾᔪᑕᐅᔪᑦ ᑐᓴᒐᒃᓴᖏᓐᓂ ᑐᓴᖅᑎᑦᑎᔾᔪᑕᐅᓚᐅᖅᑐᖅ ᕕᕗᐊᕆ 10, 2025, ᐅᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐊᑐᓕᖅᑎᑦᑎᔪᑦ ᓄᑖᓂᒃ ᐱᓕᕆᔾᔪᓯᕐᓂᒃ ᑐᒃᓯᕋᐅᑎᓄᑦ ᐃᓱᒪᓕᐊᖑᔭᕆᐊᓕᑦ ᐱᓕᕆᔭᐅᑦᑎᐊᕐᓗᑎᒃ ᐊᕕᒃᑐᖅᓯᒪᔪᑦ ᑎᑎᕋᕕᖏᓐᓂ ᐊᔾᔨᒌᓕᖅᑕᖅᑐᖃᕐᓂᐊᓐᖏᒻᒪᑦ ᐱᓕᕆᔾᔪᓯᖏᓐᓂᑦ ᐊᒻᒪᓗ ᐃᓱᒪᓕᐅᕆᔪᓐᓇᖅᓯᓗᑎᒃ ᓴᖕᖏᓂᖃᕐᓗᑎᒃ ᐊᕕᒃᑐᖅᓯᒪᔪᓂ ᐃᖅᑲᓇᐃᔭᖅᑎᑦ ᓱᒃᑲᓂᖅᓴᐅᓂᐊᕐᒪᑕ ᐱᓕᕆᔭᐅᔾᔪᓯᖏᑦ ᑐᒃᓯᕋᐅᑎᑦ.
- ᑖᒃᑯᑎᒍᑦ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᓴᕿᑦᑎᖃᑎᒌᒍᑕᐅᔪᓄᑦ ᐱᓕᕆᔾᔪᓯᖓᑦ, ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᐊᒻᒪᓗ ᐃᓄᐃᑦ ᐱᓕᕆᖃᑎᒋᔭᑦ ᕿᓂᖅᑐᑦ ᐊᐅᓚᑦᑎᔾᔪᑎᒃᓴᑦ ᐃᖏᕐᕋᑎᑦᑎᕕᒃᓴᖏᑦ ᐊᒻᒪᓗ ᐱᐊᓚᔫᓗᑎᒃ ᐱᓯᒪᔪᓂᖃᖅᑎᓪᓗᒋᑦ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ, ᑐᕌᖅᖢᒍ ᓴᕿᑦᑎᓇᓱᒃᓗᑎᒃ ᐊᑑᑎᖃᕐᓂᖅᓴᐅᔪᓂᒃ ᐱᓕᕆᔾᔪᓯᒃᓴᓂᒃ ᐃᓱᒪᓕᐊᕆᓂᐊᕐᓗᑎᒃ ᐊᒻᒪᓗ ᑭᐅᓯᓂᐊᕐᓗᑎᒃ ᑐᑭᓯᕋᖅᑕᐅᔪᓂᒃ.
ᐊᑐᓕᖁᔭᐅᔪᖅ 2:
ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᕿᒥᕐᕈᐊᓪᓗᐊᖅᑐᑦ ᐊᒻᒪᓗ ᐋᕿᒋᐊᕐᓗᒋᑦ ᖃᓄᖅ ᐱᓕᕆᑦᑎᐊᖃᑦᑕᕆᐊᖃᕈᓯᖏᓐᓄᑦ ᐋᕿᒃᓯᒪᔾᔪᑎᖏᑦ ᑖᔅᓱᒪ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᑐᑭᓯᓇᖅᓯᑎᑦᑎᐊᕐᓗᒍ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᒃᑯᑦ ᓂᕆᐅᒋᔭᐅᔪᑦ ᖃᓄᖅ ᐋᕿᒃᓯᓂᐊᕐᒪᖔᑕ ᐊᒻᒪᓗ ᐊᑐᖅᑕᐅᓗᑎᒃ ᐱᓕᕆᑦᑎᐊᕈᓐᓇᕈᓯᖏᑦ ᓇᓗᓇᐃᑦᑎᐊᖅᓯᒪᔪᑦ ᐅᑯᐊ ᐆᒃᑐᕋᑦᑎᐊᖅᓯᒪᔪᑦ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᒃᑯᑦ ᐊᒃᑐᖅᑕᖏᑦ ᐊᒻᒪᓗ ᑐᓂᓯᓗᑎᒃ ᑕᒪᐃᓐᓂᑦ ᖃᐅᔨᓴᖅᑕᐅᓯᒪᔪᓂᑦ ᑐᑭᓯᓇᖅᓯᓯᒪᔪᓂᒃ.
ᐱᓕᕆᐊᒃᓴᖅ:
ᐅᓇ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᖃᓄᖅ ᐱᓕᕆᑦᑎᐊᕐᒪᖔᑦ ᐆᒃᑐᕋᖅᑕᐅᓯᒪᓂᖓᒍᑦ ᐸᕐᓇᐅᑎᑦ ᓴᕿᑕᐅᓚᐅᖅᑐᑦ ᐃᑲᔫᑎᒃᓴᐅᓪᓗᑎᒃ ᐊᑯᓂᐅᔪᒃᑯᑦ ᐊᑐᖅᑕᐅᓂᐊᖅᑐᑦ ᐱᔭᒃᓴᕆᔭᐅᔪᑦ ᐊᑐᓂ ᐅᑯᐊᓗ ᐃᓄᖕᓂᑦ-ᐊᐅᓚᑕᐅᓗᑎᒃ. ᐅᓇ ᐸᕐᓇᐅᑎ ᐋᕿᒃᓲᑎᒃᓴᓄᑦ ᐃᓱᒪᒋᔭᐅᓯᒪᔪᖅᑕᐅᖅ ᐊᔾᔨᒋᔭᐅᓐᖏᑦᑐᖅ ᑎᓕᔭᐅᓯᒪᔾᔪᓯᖓᑦ ᐱᓕᕆᓂᐊᖅᑕᖏᓐᓄᑦ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐅᓇᓗ ᓯᓚᕐᔪᐊᓕᒫᒧᑦ ᐱᓯᒪᓂᖃᕋᓂ ᐱᓕᕆᑎᑦᑎᔾᔪᑕᐅᔪᖅ, ᑭᓯᐊᓂ ᑮᓇᐅᔭᒃᓴᖃᖅᑎᑦᑎᔪᖅ ᑐᒃᓯᕋᖅᑐᓄᑦ ᐋᕿᒃᓯᔾᔪᑕᐅᓗᓂ ᐊᔾᔨᒋᔭᐅᔪᒥᒃ ᐃᓚᐃᓐᓈᓐᖏᑦᑐᒥᒃ ᐊᑐᕈᓐᓇᕐᓂᐊᕐᒪᑕ ᐱᒻᒪᕆᐅᔪᓂᒃ ᒐᕙᒪᒃᑯᓂᑦ ᑮᓇᐅᔭᒃᓴᓄᑦ ᐃᓘᓯᕐᒧᑦ, ᐃᓅᖃᑎᒌᖕᓄᑦ ᐊᒻᒪᓗ ᐃᓕᓐᓂᐊᕈᑎᒃᓴᓄᑦ, ᐱᔨᑦᑎᕋᐅᑎᓄᑦ ᐊᒻᒪᓗ ᐃᑲᔫᑎᒃᓴᓄᑦ.
- ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᕿᒥᕐᕈᐊᖅᑐᖅ ᒫᓐᓇᐅᔪᖅ ᐋᕿᒃᓯᒪᔾᔪᑎᖓᓂᒃ ᐃᓄᖕᓄᑦ ᓄᑕᖃᖏᓐᓄᑦ ᓯᕗᓪᓕᐅᔾᔨᓯᒪᓂᕐᒧᑦ ᐃᖏᕐᕋᓯᑎᑕᐅᓯᒪᔪᖅ ᑕᐅᑦᑐᖏᑦ ᑕᒻᒪᖅᓯᒪᓐᖏᑦᑐᒥᒃ ᓇᓗᓇᐃᖅᓯᒪᑦᑎᐊᖁᓪᓗᒋᑦ ᑕᒪᐃᓐᓄᑦ ᐊᒻᒪᓗ ᐋᕿᐅᑎᔪᓐᓇᖅᑐᑦ ᐊᑯᓂᐅᔪᒃᑯᑦ ᐱᒋᐊᕈᑎᑦ ᐃᖏᕐᕋᓯᑎᑕᐅᓯᒪᔪᑎᒍᑦ, ᐊᒻᒪᓗ ᐋᕿᒋᐊᖃᑦᑕᕈᓐᓇᕐᓗᓂ ᐊᑐᖅᓯᑦᑎᐊᕐᓂᐊᕐᒪᑕ ᐃᖏᕐᕋᓯᑎᑕᐅᓯᒪᔪᖅ ᐃᕐᖐᓐᓇᒧᑦ, ᑐᕕᕐᓇᓗᐊᓐᖏᑦᑐᑦ ᐊᒻᒪᓗ ᐊᖏᓛᒥᒃ ᓂᕆᐅᒋᔭᐅᔪᑦ ᐋᕿᐅᑎᔭᕆᐊᓕᖕᓄᑦ.
- ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᕿᒥᕐᕈᐊᕐᓂᐊᖅᑐᖅ ᖃᓄᖅ ᐱᓕᕆᑦᑎᐊᕐᒪᖔᑕ ᐊᑐᖅᓯᓗᑎᒃ ᐃᓄᐃᑦ ᓄᑕᖃᓂᒃ ᓯᕗᓪᓕᐅᔾᔨᓂᖅ ᐃᖏᕐᕋᓯᑎᑕᐅᓯᒪᔪᖅ ᐊᒻᒪᓗ ᒫᓐᓇ ᐊᑕᐅᓯᐅᓐᖏᑐᑦ ᐱᓕᕆᓂᖏᑦᑕ ᐱᓕᕆᑦᑎᐊᕐᒪᖔᑕ ᓇᓗᓇᐃᕈᑎᔪᑦ ᐊᒻᒪᓗ ᐋᕿᒋᐊᖃᑦᑕᕐᓗᑎᒃ ᐅᕝᕙᓘᓐᓃᑦ ᐃᓚᒃᑲᓐᓂᖃᑦᑕᕐᓗᑎᒃ ᓇᓗᓇᐃᕈᑎᔪᑦ ᐱᐅᓯᕚᓪᓕᕆᐊᖃᕐᓂᖓᓂ ᐃᖏᕐᕋᓯᑎᑕᐅᔪᖅ ᐱᓕᕆᔪᓐᓇᒃᑲᓐᓂᖅᑕᖏᓐᓂᒃ ᓂᕆᐅᒋᔭᐅᔪᓂᒃ ᐋᕿᐅᑎᔭᕆᐊᓕᖕᓄᑦ ᐊᒻᒪᓗ ᑐᑭᓯᓇᑦᑎᐊᓗᑎᒃ ᐊᑐᖅᓯᑦᑎᐊᕐᓗᑎᒃ ᐋᕿᒃᓯᔾᔪᑎᒋᔭᕆᐊᖃᖅᑕᒥᖕᓄᑦ.
- ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᖅᑎᑦ ᑲᓇᑕ ᐊᑐᖅᓯᑦᑎᐊᕐᓂᐊᖅᑐᖅ ᐱᐅᓯᑐᖃᕐᓂᒃ ᖃᐅᔨᒪᔭᐅᑦᑎᐊᕆᐊᓕᖕᓂᒃ ᐱᔭᕆᐅᖅᓴᑎᑦᑎᕕᖃᕐᓂᐊᖅᑐᖅ.
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: