Begish Mina Maadziwin Gezhi Giig'dang'ba

Maanda Begish Mina Maadziwin Gezhi Giig'dang'ba mii'naan Anishinaaben wewiip naad'maad'win kina goji Kinadaa.

Nsaawk'sin  gwa maanda gbe'giizhig giizhgag miinwaa naawkshig, niizhwaas'we ngo namegiizhigag wii miigwet we'wiip aas'gaab'wi'taad'win miinwaa gegoo wiibwaa kitchi zhiwe'bag nji.

Zhi’giig’dan zhiwe wen’pash wii naad’maa’goo’yin 1-855-242-3310 maa’ge zhiwe mnji’menj’ga’ning www.hopeforwellness.ca (not available in Ojibway).

E'kend'gik en'na'kii'yaat miinwaa aadziwin ekend'gig ginoo'zhwe nini/kwe yaa'wag manj go pii gegoo wii dbaa'ta'man:

• gaa bi zhiweb’zii’yin, gaa ma’nen’miwg’yin, miinwaa etemgag waa miik’man getchi mchaak’ maage go egaasing
• zhe’yaa’win dekwe’endman

Giishpin kwej'mig'ooyin, giigidoo kwe/nini gdaa kwejmig giishpin wiya bkaan wii gi'noo'nad meshk'wad besha zhiwe yaa'yin.

Giig'doo'waab'koonhsing miinwaa mnji'menj'ganing go temgad giishpin zhiwe wii na'kaaz'yin Zhaag'naash'iim'win maage go wem'ti'goozhiiwin. Giigdoo'waap'koonhsing go ga'ye temgad giishpin wii nda'wendman wiya wii gnoo'nad:

• Cree
• Anishinaabemowin
• Inuktitut

Waa aas'gaab'wi taa ge'jig zhiwe Nehiyaw en'we'jig, Anishinaabe, miinwaa Kitchi Giiwe'din'ong enjbaajig gaa'wii pa'ne yaa'sii'wag, aabdig dash gdaa'zhi giigid pii miinwaa en'we'yin ji yaa'aah'pa.

Hope for Wellness gnoozh'we kwe/nini daa'aa'naa'waa noonch kendaaswin miinwaa enj'baa'aat gaa'bi'nan'kii'yaat, kend'maaw'zi'win ge daa'aah'naah'wah noonch gegoo waa zhi naad'maa'ge'yaat miinwaa aadziwin gii'kendaa'naa'waa.

Pii zhi giig'do'yin Hope for Wellness Enaabii'sing ka ginoo'naa wiya e'yang niibina ken'daas'win ge bzin'daag, ge dbajma'taag ge zhich'geng'ba, ge aas'gaab'wi'taag:

• gaawii waa dbaawk’nig
• waa mnaa’den’mig
• aad’zi’win ekendang
• kitchi zhiweb’ziwin ekendang waa zhi mii’kang