This page is written using syllabics. Some screen reading applications may have difficulties reading it. / Cette page est rédigée en syllabique. Certaines applications de lecture d'écran peuvent avoir des difficultés à la lire.

ᒪᑐᐃᖓᔪᖅ ᐅᖃᖃᑎᒌᓐᓂᐅᔪᑦ ᓄᓇᖃᖅᑳᖅᓯᒪᔪᓂᑦ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᕐᒧᑦ: ᓇᓗᓇᐃᔭᖅᓯᒪᓂᖏᑦ ᐅᓂᒃᑳᑦ

ᐅᑎᖅᑎᑕᐅᓂᖓ ᐊᔾᔨᒌᑦᑎᑦᑎᓂᕐᒥᑦ ᐅᐱᒋᔭᖃᓂᕐᒥᑦ ᐊᑕᖏᖅᑐᒋᑦ ᐃᓄᓕᒫᑦ.

ᐃᓗᓕᖏᑦ

ᖃᐅᔨᔭᐅᑎᑦᓯᒍᑎ
ᑐᑭᒧᐊᕈᑏᑦ ᐊᑐᐊᒐᐃᑦ ᐅᖃᖃᑎᒌᓐᓂᐅᔪᒧᑦ
ᐊᑕᖏᓕᒫᖅᑐᒍ ᐊᔾᔨᓐᖑᐊᖓ ᓇᓗᓇᐃᔭᖅᓯᒪᓂᖏᑦ
ᓇᓗᓇᐃᔭᖅᓯᒪᓂᖏᑦ ᐅᖃᐅᔾᔨᒋᐊᕈᑏᑦ ᑐᓂᔭᐅᔪᑦ
- ᐅᖃᐅᔾᔨᒋᐊᕈᑏᑦ ᐊᑦᑐᐊᓂᓖᑦ ᐃᓗᓕᖏᓐᓄᑦ ᒪᓕᒐᕐᒧᑦ
- ᐅᖃᐅᔾᔨᒋᐊᕈᑏᑦ ᐊᑦᑐᐊᓂᓖᑦ ᐱᕙᓪᓕᐊᓂᖓᓄ ᐊᒻᒪ ᐊᑐᖅᑕᐅᓂᖓ ᓴᖅᑭᑎᑕᐅᓂᖓᓄᑦ ᒪᓕᒐᖅ

ᖃᐅᔨᔭᐅᑎᑦᓯᒍᑎ

ᑐᑭᒧᐊᖅᑎᑕᐅᔪᑦ ᐃᓐᓇᑐᖃᐃᑦ ᐅᖃᐅᔾᔨᒋᐊᖅᑏᑦ ᑲᑎᓐᖓᔪᓂᑦ, ᕕᕝᕗᐊᕆ 23, 2022, ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᓇᑕᒥ ᑲᑎᒪᑎᑦᑎᓚᐅᖅᑐᑦ ᐊᑕᐅᓯᕐᒥ ᐅᓪᓗᒥᑦ ᐃᕐᖏᓐᓈᕈᑎᒃᑯᑦ. "ᒪᑐᐃᖓᔪᖅ ᐅᖃᖃᑎᒌᓐᓂᐅᔪᑦ ᓄᓇᖃᖅᑳᖅᓯᒪᔪᓂᑦ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᕐᒧᑦ: ᐅᑎᖅᑎᑕᐅᓂᖓ ᐊᔾᔨᒌᑦᑎᑦᑎᓂᕐᒥᑦ ᐅᐱᒋᔭᖃᓂᕐᒥᑦ ᐊᑕᖏᖅᑐᒋᑦ ᐃᓄᓕᒫᑦ". ᑲᑎᒪᓂᐅᔪᖅ ᑐᕋᒐᖃᓚᐅᖅᑐᖅ ᑐᓴᕐᕕᖃᕐᓗᑎ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᓂᓕᕆᓂᕐᒥᑦ, ᐱᖅᑯᓯᓄᑦ ᖃᐅᔨᒪᔭᐅᔪᓂᑦ ᐱᓯᒪᑦᑎᔩᑦ, ᐃᓕᓐᓂᐊᖅᑏᑦ ᐊᒻᒪ ᐊᓯᖏᑦ ᐱᓕᕆᖃᑎᒋᔭᐅᔪᑦ ᑲᔪᖏᖅᓯᒪᔪᑦ ᐱᐅᓯᑎᑦᑎᒋᐊᕐᕐᓗᑎ ᓄᓇᖃᖅᑳᖅᓯᒪᔪᑦ ᖃᓄᐃᖏᑎᐊᖏᓐᓂᖏᓐᓄᑦ ᐊᒻᒪ ᐃᓚᒋᔭᐅᖃᑕᐅᔪᑦ ᐱᕕᔅᓴᖃᖅᑎᑕᐅᓪᓗᑎ ᑐᓂᓯᓗᑎ ᓯᓚᑐᓂᕐᒥᑦ ᖃᐅᔨᒍᑎᐅᓗᑎ ᓄᓇᖃᖅᑳᖅᓯᒪᔪᓂᑦ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᕐᒧᑦ. ᐊᑕᐅᓯᐅᓚᐅᖅᑐᖅ ᐃᓚᖓ ᐊᖏᓂᖅᓴᒧᑦ ᐃᓚᒋᔭᐅᑎᑦᑎᓂᕐᒥᑦ ᐱᕙᓪᓕᐊᓂᖓ ᐱᓕᕆᐊᖑᕙᓪᓕᐊᓕᖅᑐᖅ ᐊᑕᖏᖅᑐᒋᑦ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᑦ ᑲᓇᑕᒥ ᐊᐱᕆᓗᑎ ᑐᓴᕐᕕᖃᕐᓗᑎ ᓄᓇᖃᖅᑳᖅᓯᒪᔪᑦ ᐃᓄᖏᓐᓂ, ᐋᓐᓂᐊᖃᕐᓇᖏᑦᑐᓕᕆᔩᑦ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᖃᑎᖏᑦ ᐊᒻᒪ ᑲᓇᑕᒥ ᐊᕕᑦᑐᖅᓯᒪᔪᑦ ᐊᒻᒪ ᐅᑭᐅᑕᖅᑐᒥ ᖃᐅᔨᑎᑦᑎᓗᑎ ᒪᓕᒐᕐᒧᑦ ᓇᓖᕌᕋᔅᓴᐃᑦ. ᓯᕗᓂᐊᒍᑦ ᑲᑎᒪᑎᑦᑎᓂᐅᔪᒥᑦ, ᓱᐴᖅᑑᒻᒧᑦ ᖁᕕᐊᓱᒍᑎᖃᓚᐅᖅᑐᑦ ᐃᓐᓇᑐᖃᐃᑦ ᐅᖃᐅᔾᔨᒋᐊᖅᑏᑦ ᑲᑎᓐᖓᔪᓂᑦ ᒪᑐᐃᖅᑕᐅᓪᓗᓂ ᐊᖅᑯᑎᖓ ᐅᖃᖃᑎᒌᓐᓂᐅᔪᒧᑦ ᐱᐅᔪᑎᒍᑦ.

ᑕᓪᓕᒪᐅᓚᐅᖅᑐᑦ 5 ᐅᖃᖃᑎᒌᓐᓂᐅᔪᑦ ᑲᑎᒪᓂᖏᑦ ᐅᓪᓗᖓᓂ, ᐊᑐᓂ ᑐᑭᒧᐊᖅᑎᑕᐅᔪᑦ ᐃᓐᓇᑐᖃᕐᓄᑦ:

ᑐᓂᓯᒪᔭᕗᑦ ᐅᐊᑦᑎᐊᕈᕗᑦ ᐊᒻᒪ ᐊᑐᖅᑕᐅᖃᑦᑕᖅᓯᒪᔪᑦ ᖃᓪᓗᓈᓄᑦ
ᐅᐱᒋᔭᖃᕐᓂᖅ ᐊᑦᑐᐊᓂᓕᓐᓄᑦ ᐋᓐᓂᐊᖅᑐᓕᕆᓂᕐᒥᑦ
ᐱᒋᐊᖅᑎᑦᑎᓂᖅ ᐃᑯᐊᓚᒥᑦ ᑲᑐᑎᓪᓗᑕ
ᒪᒃᑯᑦᑐᓂᑦ ᐃᓱᒪᒋᔭᐅᔪᑦ
ᐃᑯᐊᓚᒥ ᐱᓯᒪᑦᑎᓂᖅ ᑲᑐᑎᓪᓗᑕ

ᐃᓐᓇᑐᖃᖅ ᓕᕈᐃ ᓕᑐ ᐱᐅ ᑐᓴᕋᔅᓴᖃᖅᑎᑦᑎᓚᐅᖅᑐᖅ ᑕᐃᔭᐃᔪᖅ "ᐸᕕᓴᐃᓂᖃᓂᖅ ᐱᐅᖏᑦᑐᓂ ᐊᔅᓱᕈᓐᓇᖅᑐᓂᑦ", ᐅᖃᐅᓯᖃᓚᐅᖅᑐᖅ ᓇᓗᓇᐃᔭᖅᓯᒪᔪᓂᑦ ᐊᑦᑐᖅᑕᐅᔪᓂᑦ ᖃᓪᓗᓈᑦ ᑎᑭᓯᒪᓂᖏᓐᓄᑦ ᑎᒥᒃᑯᑦ ᐊᒻᒪ ᐃᓱᒪᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓄᑦ.

ᖁᔭᓐᓇᒦᖅᑕᐃᓐᓇᕆᔪᒪᔭᕗᑦ ᐊᑕᖏᖅᑐᒋᑦ ᑐᓂᓯᓚᐅᖅᑐᑦ ᐅᖃᑎᑎᒋᓐᓂᐅᔪᒧᑦ, ᐱᖃᓯᐅᑎᓪᓗᑎ ᑭᓯᐊᓂ ᑭᓪᓕᒋᖏᑕᖏᑦ ᐅᖃᓪᓚᑦᑎᓄᑦ, ᐃᓚᒋᔭᐅᖃᑕᐅᔪᓄᑦ, ᑲᑎᒪᑎᑦᑎᔪᓄᑦ, ᐊᔾᔨᓐᖑᐊᓂ ᓂᐱᓕᐅᕆᔨ, ᐋᖅᑭᔅᓱᐃᔩᑦ ᐊᒻᒪ ᐃᓐᓇᑐᖃᐃᑦ ᐅᖃᐅᔾᔨᒋᐊᖅᑏᑦ ᑲᑎᓐᖓᔪᑦ. ᖁᔭᓐᓇᒦᒃ ᑐᓂᓯᒍᓐᓇᕋᕕᑦ ᐃᕝᕕᑦ ᖃᐅᔨᒪᔭᖓᓂᑦ ᐊᒻᒪ ᓯᓚᑐᓂᕐᓂᑦ ᐅᕙᑦᑎᓐᓄᑦ, ᖓᐊᒻᒪ ᐅᕙᑦᑎᓐᓂ ᑲᑎᖃᑎᖃᖅᑐᓯ ᐱᔾᔪᑎᒋᓪᓗᒍ ᐋᓐᓂᐊᖅᑐᓕᕆᓂᖅ.

ᖁᕕᐊᓱᑦᑐᒍᑦ ᑐᓂᓯᓗᑕ ᓇᓗᓇᐃᔭᖅᓯᒪᓂᖏᑦ ᐅᖃᖃᑎᒌᓐᒥᓂᐅᔪᒥᑦ, ᑭᒡᒐᖅᑐᐃᓂᖃᖅᑐᑦ ᑐᓴᖅᑕᐅᓚᐅᖅᑐᓂᑦ ᐃᓚᒋᔭᐅᖃᑕᐅᔪᓂᑦ ᒪᑐᐃᖓᔪᒥᑦ ᐅᖃᖃᑎᒌᓐᓂᖃᖅᑎᓪᓗᒋᑦ. ᐊᑐᐃᓐᓇᐅᔪᑦ ᖃᓪᓗᓈᑎᑐᑦ, ᐅᐃᕕᑎᑐᑦ, ᐅᔨᑉᕙᐃ, ᒥᒃᒫᒃ, ᑯᕇᑎᑐᑦ, ᐃᓄᒃᑎᑐᑦ ᐊᒻᒪ ᒥᓯᕝ, ᐊᒻᒪ ᐋᖅᑭᓱᖅᓯᒪᔪᑦ ᐃᒪᐃᓕᖓᓪᓗᑎ:

ᐊᑕᖏᓕᒫᖅᑐᒍ ᐊᔾᔨᓐᖑᐊᖅ ᓇᓗᓇᐃᔭᖅᓯᒪᓂᖓ ᐅᖃᖃᑎᒌᓐᓂᐅᔪᒥᑦ
ᓇᓗᓇᐃᔭᖅᓯᒪᓂᖏᑦ ᐅᖃᐅᔾᔨᒋᐊᕈᑏᑦ ᑐᓂᔭᐅᔪᑦ ᖃᐅᔨᕝᔪᑎᐅᓪᓗᑎ ᒪᓕᒐᓕᕆᓂᕐᒧᑦ ᓇᓖᕌᕋᔅᓴᓂᑦ ᐊᒻᒪ ᐊᑐᖅᑕᐅᓂᖓ

ᑐᔅᓯᕋᕈᓐᓇᖅᑐᑎᑦ ᐊᔾᔨᖏᓐᓂ ᐅᓂᒃᑳᓂᑦ, ᐱᖃᓯᐅᑎᓪᓗᑎ ᐊᔾᔨᓐᖑᐊᑦ ᓂᐱᓕᐅᖅᑕᐅᓂᖏᑦ ᑎᑎᖅᑐᒐᖅᑕᐅᔪᑦ ᑕᕝᕙᑦᑕᐅᑎᒋ ᑲᑎᒪᓂᖃᖅᑎᓪᓗᒋᑦ, ᖃᕋᓴᐅᔭᒃᑯᑦ lsa-ihl@sac-isc.gc.ca. ᖃᐅᔨᒪᔭᐅᔭᕆᐊᓕᒃ ᑲᑎᒪᓂᕐᒧᑦ ᓇᓗᓇᐃᖅᓯᒪᔪᑦ ᐊᔾᔨᓐᖑᐊᑦ ᓇᓗᓇᐃᔭᖅᓯᒪᓂᖏᑦ ᐊᑐᐃᓐᓇᑐᐊᖑᔪᑦ ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ.

ᑐᑭᒧᐊᕈᑏᑦ ᐊᑐᐊᒐᐃᑦ ᐅᖃᖃᑎᒌᓐᓂᐅᔪᒧᑦ

ᑖᓐᓇ ᐆᒻᒪᑎᒧᑦ ᐃᑉᐱᓂᕐᓇᖅᑐᖅ ᐅᖃᖃᑎᒌᓐᓂᐅᔪᖅ
ᓯᕗᓪᓕᖅᐹᖅ ᖃᐅᔨᔭᔅᓴᐅᓂᖓ ᓇᓪᓕᒍᓱᓐᓂᕐᒧᑦ ᓈᓚᑦᑕᐅᔭᕆᐊᓕ
ᑲᓱᖅᓯᒪᓂᖅ ᓄᓇᒧᑦ ᐊᒻᒪ ᑕᕐᓂᒃᑯᑦ ᓯᓚᕐᔪᐊᒧᑦ
ᐱᐅᔪᒥᑦ ᖃᓄᐃᓘᕈᒪᒍᕕᑦ, ᐊᐃᒃᑭᒃ ᐃᒧᓗᒋ
ᐅᓕᑉᐸᓪᓕᐊᓂᖓ ᖁᕝᕙᕆᐊᖅᑎᑦᑎᔪᖅ ᐅᒥᐊᓕᒫᒥᓂᑦ
ᐃᓚᒌᓐᓂᖃᖅᑐᐃᓐᓇᐅᔪᒍᑦ
ᓇᓗᓇᐃᖅᑕᐅᓚᐅᖅᑐᖅ ᐅᕙᓃᒃᑲᔭᕋᑦᑕ ᐅᓪᓗᒥ
ᖃᐃᖅᑲᓐᓂᖁᔭᕗᑦ ᐊᔾᔨᒌᑦᑎᑦᑎᓂᖅ
ᐅᐱᒋᔭᕗᑦ ᑭᒃᑯᓕᒫᑦ ᐃᓚᒋᔭᐅᓕᖅᑐᓄᑦ

ᐊᑕᖏᓕᒫᖅᑐᒍ ᐊᔾᔨᓐᖑᐊᖅ ᓇᓗᓇᐃᔭᖅᓯᒪᓂᖓ ᐅᖃᖃᑎᒌᓐᓂᐅᔪᒥᑦ

ᒪᑐᐃᖓᔪᖅ ᐅᖃᖃᑎᒌᓐᓂᖅ ᒪᑐᐃᖓᔪᖅ ᐅᖃᖃᑎᒌᓐᓂᕐᒥᑦ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᕐᓂᑦ

ᓇᓗᓇᐃᔭᖅᓯᒪᓂᖏᑦ ᐅᖃᐅᔾᔨᒋᐊᕈᑏᑦ ᑐᓂᔭᐅᔪᑦ ᖃᐅᔨᕝᔪᑎᐅᓪᓗᑎ ᒪᓕᒐᓕᕆᓂᕐᒧᑦ ᓇᓖᕌᕋᔅᓴᓂᑦ ᐊᒻᒪ ᐊᑐᖅᑕᐅᓂᖓ

ᐱᔭᐅᓯᒪᔪᑦ ᐃᓐᓇᑐᖃᕐᓂᑦ ᐊᒻᒪ ᐅᖃᓪᓚᑦᑐᓂᑦ ᑲᑎᒪᓂᐅᔪᒥᑦ. ᐅᖃᖅᑕᐅᓯᒪᔪᑦ ᐱᔭᐅᓚᐅᖅᑐᑦ ᐊᒻᒪ ᐅᖃᐅᓯᖏᑦ ᐋᖅᑭᑦᑕᐅᑲᓐᓂᖅᑐᑎᑦ ᐱᑦᑎᐊᖅᓯᒪᓇᓛᖏᓐᓄᑦ.

ᐅᖃᐅᔾᔨᒋᐊᕈᑏᑦ ᐊᑦᑐᐊᓂᓖᑦ ᐃᓗᓕᖏᓐᓄᑦ ᒪᓕᒐᕐᒧᑦ

ᐃᓅᓪᓗᓂ ᑎᒥᖓ ᖃᓄᐃᖏᑎᐊᕐᓂᖓ: ᐊᑕᖐᔪᓂᑦ, ᐱᖅᑯᓯᓄᑦ ᑐᓐᐊᓂᖃᖅᑐᓂᑦ ᐊᑐᖅᑕᐅᓂᖓ ᐱᖃᓯᐅᔾᔨᔪᑦ ᐃᓅᖃᑎᒌᓐᓂᕐᒧᑦ ᐱᔾᔪᑎᖃᖅᑎᑦᑎᔪᑦ ᖃᓄᐃᖏᑎᐊᓂᕐᒧᑦ ᓇᓗᓇᐃᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓄᑦ

ᐸᕐᓇᐃᓂᖃᖅᑎᓪᓗᑕ ᐃᓱᒪᒋᔭᖃᐃᓐᓇᖅᑐᒍᑦ ᖃᑦᑎᓂᑦ ᐊᔾᔨᒌᖏᑦᑐᓂᑦ ᑕᑯᔅᓴᐅᔪᓂᑦ ᐃᕐᕈᑎᓗᑎ ᐊᑕᐅᑎᒃᑯᑦ ᐊᒻᒪ ᐊᑦᑐᐊᓂᖃᖅᑐᐃᓇᐅᓪᓗᑎ, ᐱᓕᕆᖃᑎᒌᓐᓂᖅ ᐊᒻᒪ ᓴᖅᑭᑎᑦᑎᓗᑎ ᖃᓄᐃᖏᑎᐊᖅᑐᓂᑦ ᐊᒻᒪ ᐊᐅᓚᓂᖃᑦᑎᐊᖅᑐᓂᑦ ᓄᓇᓕᓐᓂᑦ.
ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᖅ ᐊᑐᕐᓂᖃᕆᐊᓕᒃ ᐊᑕᖐᔪᓂᑦ ᐃᓱᒪᒋᔭᐅᔪᓂᑦ… ᐋᓐᓂᐊᖅᑐᓕᕆᓂᖅ ᐱᖃᓯᐅᔾᔨᔪᖅ ᑎᒥᒥᑦ (ᐊᖏᓂᖅᓴᐅᔪᖅ ᓴᓂᐊᓂ ᖃᓪᓗᓈᓄᑦ ᐃᓱᒪᒋᔭᐅᔪᓂᑦ), ᓂᐊᖁᒃᑯᑦ ᐊᒻᒪ ᐃᑉᐱᓐᓂᐊᓂᒃᑯᑦ. ᑭᓯᐊᓂ ᑕᕐᓂᒃᑰᖓᓂᕐᒧᓪᓕᑭᐊᖅ? ᑖᓐᓇ ᒪᓕᒐᖅ ᐱᖃᓯᐅᔾᔨᔭᕆᐊᓕᒃ ᑕᕐᓂᒃᑰᖓᒧᓂ ᐃᓱᒪᒋᔭᐅᔪᓂᑦ. ᒪᓕᒐᓕᐅᖅᑏᑦ ᕿᓂᖅᑎᓪᓗᒋᑦ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᕐᒥ ᓄᓇᖃᖅᑳᖅᓯᒪᔪᓄᑦ ᓯᓚᕐᔪᐊᒥ ᑕᑯᓐᖅᑕᖏᓐᓂ, ᓂᐊᖁᒃᑯᑦ, ᐃᑉᐱᓐᓂᐊᓂᒃᑯᑦ, ᑎᒥᒃᑯᑦ ᐊᒻᒪ ᐊᑦᑐᐊᓂᖃᕐᓂᖏᑦ, ᐃᑎᔪᒥᑦ, ᐊᔾᔨᒌᓐᓂᖃᖅᑐᓂᑦ ᐅᖃᖃᑎᒌᓐᓂᐅᔪᑦ ᑲᑎᑦᑎᑕᐅᓗᑎ ᑕᒪᒃᑭ ᓯᓚᕐᔪᐊᒥ ᑕᑯᓐᓇᖅᑕᐅᔪᑦ.
ᐃᓕᓴᖅᓯᔭᕆᐊᖃᖅᑐᒍᒍᑦ ᓄᓇᖃᖅᑳᖅᓯᒪᔪᓄᑦ ᐃᓅᖃᑎᒌᓐᓂᕐᒧᑦ ᐱᔾᔪᑎᖃᖅᑎᑦᑎᔪᑦ: ᐃᖅᑲᓇᐃᔭᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ, ᑮᓇᐅᔭᓕᐅᓂᕐᒧᑦ. ᑭᓯᐊᓂ ᐃᓕᓴᖅᓯᒻᒥᔪᑦ ᐊᖏᓂᖅᓴᐅᒻᒪᑦ ᐅᑯᓇᓂᓕᒫᖅ: ᓄᓇᐃᑦ, ᐅᖃᐅᓯᖅ, ᐊᕙᑎᖓᓂ ᐱᓯᒪᑦᑎᓂᕐᒧᑦ, ᐱᖅᑯᓰᑦ, ᐊᑐᖅᑕᐅᖃᑦᑕᖅᓯᒪᔪᑦ ᐃᓚᐃᓐᓈᖅᑕᐅᓂᕐᒧᑦ ᐅᕕᓂᐅᖃᑎᒋᖏᓐᓂᖓᓄᑦ.
ᐅᑭᐅᑕᖅᑐᒥ, ᑕᑯᔭᒃᑲ ᓄᓇᖃᖅᑳᖅᓯᒪᔪᑦ ᐃᓄᖏᑦ ᐅᖃᐅᓯᖏᓐᓅᖃᑦᑕᖅᑐᑦ ᖃᓄᐃᖏᑎᐊᓂᕐᒧᑦ ᐊᒻᒪ ᓇᓂᓯᓪᓗᑎ ᓴᖏᓂᕐᒥᑦ ᑖᔅᓱᒧᖓ.
ᐊᑕᖐᓂᖃᖅᑐᓂᑦ ᐊᑐᖅᑕᐅᔪᓐᓇᖅᑐᑦ ᑲᒪᒋᔭᖃᓂᕐᒧᑦ ᓴᓂᐊᓂ ᐋᓐᓂᐊᖅᑐᓕᕆᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᑲᒪᒋᔭᖃᓂᕐᒧᑦ, ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᖅ ᐱᖃᓯᐅᔾᔨᔭᕆᐊᓖᑦ ᓄᓇᖃᖅᑳᖅᓯᒪᔪᑦ ᐃᓅᓯᕆᖃᑦᑕᖅᑕᖏᓐᓂ (ᐱᖅᑯᓯᖏᑦ, ᒪᒥᓴᐅᑏᑦ, ᓄᓇᓕᒻᒧᑦ ᐊᐅᓚᑕᐅᔪᑦ ᐊᑐᖅᑕᐅᓂᖏᑦ ᑲᒪᒋᔭᖃᓂᕐᒧᑦ, ᐊᓯᖏᓪᓗ).
ᐃᓕᓴᖅᓯᔭᕆᐊᓕᒃ ᑖᒃᑯᐊ ᓄᓇᖃᖅᑳᖅᓯᒪᔪᑦ ᐃᓄᖏᑦ ᓇᒻᒥᓂᖅ ᐋᓐᓂᐊᖅᑐᓕᕆᓂᖃᕐᓗᑎ, ᓇᒻᒥᓂᖅ ᓯᓚᕐᔪᐊᒧᑦ ᑕᑯᓐᓇᖅᑕᖏᑦ, ᐱᖅᑯᓯᑐᖃᕐᓄᑦ ᐃᓅᓰᑦ. ᐃᑲᔪᖅᓱᕆᐊᓕᒃ ᐆᒪᖅᑎᑕᐅᒃᑲᓂᕐᓂᖓᓄᑦ ᖃᓄᑐᐃᓐᓇᖅ ᐱᔪᒪᔭᖏᓐᓂ. ᐆᑦᑑᑎᒋᓗᒍ, ᐃᑲᔪᕐᓗᒋᑦ ᐊᖏᕋᒥ ᐃᕐᓂᓱᒃᓰᔩᑦ, ᐊᕐᓇᐃᑦ ᐊᒻᒪ ᓄᓇᖃᖅᑳᖅᓯ ᒪᔪᑦᑲᐃᓄᐃᑦ… ᐱᓕᕆᐊᖑᒋᐊᖃᖅᑐᑦ ᐱᑕᖃᕆᐊᖃᖅᑐᑦ.
ᐃᓕᓴᖅᓯᓂᖅ ᐱᖅᑯᓯᑎᒍᑦ ᐊᑦᑕᓇᐃᖅᓯᒪᓂᕐᒧᑦ, ᐊᑕᖐᓂᖃᖅᑐᓂᑦ ᖃᓄᐃᖏᑎᐊᓂᕐᒧᑦ. ᐊᔾᔨᒋᑎᓐᖑᐊᕐᓗᒍ ᒪᒥᓴᐅᑎᓄᑦ ᐊᑐᖅᑕᐅᔪᓐᓇᖅᑐᑦ ᐊᒻᒪ ᕿᓂᕐᓗᑕ ᐱᕈᖅᑎᓪᓗᒍ ᐃᑲᔪᖅᑕᐅᓂᕗᑦ ᐊᒻᒪ ᐱᒻᒪᕆᒋᔭᕗᑦ.
ᐅᕙᖓ ᖃᐅᔨᓴᕐᓂᖏᓐᓄᑦ, ᐃᓕᓴᖅᓯᕙᓪᓕᐊᓚᐅᖅᑐᖓ ᐃᓅᖃᑎᒌᓐᓂᕐᒧᑦ ᐱᔾᔪᑎᖃᖅᑎᑦᑎᔪᓂᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐱᓕᕆᐊᖃᕐᓂᕆᕙᑦᑕᖓ ᖃᓂᒃᑯᑦ ᐋᓐᓂᐊᖅᑐᓕᕆᓂᕐᒥᑦ. ᐅᖃᐅᓯᒃᑯᑦ ᐋᓐᓂᐊᖅᑐᓕᕆᓂᖅ ᐱᒋᐊᖃᑦᑕᖅᑐᖅ ᐱᒋᐊᕐᓂᖃᓚᐅᖅᑎᓐᓇᒍ ᓱᕈᓯᖅ. ᓴᖅᑭᖅᑎᑕᐅᓂᖓ ᐊᕙᑎᖓ ᓄᓇᖃᖅᑳᖅᓯᒪᔪᓄᑦ ᐃᓄᖏᓐᓄᑦ ᐱᐅᓯᑎᑦᑎᒋᐊᓂᐊᖅᑐᑦ ᖃᓂᒃᑯᑦ ᐋᓐᓂᐊᖅᑐᓕᕆᓂᕐᒥᑦ… ᖃᓂᒃᑯᑦ ᐋᓐᓂᐊᖅᑐᓕᕆᓂᕐᒥᑦ ᓈᒻᒪᒋᔾᔪᑎᑐᐊᕆᖏᑕᖏᑦ ᑭᓱᑎᓯᖑᖃᑦᑕᕐᓂᖅ ᐊᒻᒪ ᑯᒃᑮᔭᖃᑦᑕᕐᓂᖅ… ᐱᔭᕆᐊᖃᖅᑐᑦ ᐊᑕᖐᔪᓂᑦ ᐊᑐᖅᑕᐅᔪᒥᑦ ᖃᓂᒃᑯᑦ ᐋᓐᓂᐊᖅᑐᓕᕆᓂᕐᒥᑦ. ᕿᓂᕆᐊᖃᖅᑐᑦ ᐃᓅᖃᑎᒌᓐᓂᕐᒧᑦ ᐱᔾᔪᑎᖃᖅᑎᑦᑎᔪᓂᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐱᓕᕆᐊᖃᕐᓂ ᖃᓂᒃᑯᑦ ᐋᓐᓂᐊᖅᑐᓕᕆᓂᕐᒥᑦ, ᐊᒻᒪ ᖃᓄᖅ ᓄᓇᖃᖅᑳᖅᓯᒪᔪᑦ ᐃᓄᖏᑦ ᐊᑕᖏᓕᒫᖅᑐᒍ ᐊᕙᑎᖓ ᐊᒻᒪ ᐃᓅᓯᖏᓐᓄᑦ ᐊᑦᑐᖅᑕᐅᔪᑦ ᖃᓄᐃᓐᓂᕆᔭᖏᓐᓄᑦ.
ᓄᓇᕐᔪᐊᖅ ᖃᓄᐃᖏᑦᑎᐊᕆᐊᖃᖅᑐᖅ ᐊᒻᒪ ᑕᒪᓐᓇ ᑕᑯᔅᓴᐅᑎᑕᐅᔭᕆᐊᓕᒃ ᒪᓕᒐᕐᒥᑦ. ᑖᓐᓇ ᐱᖃᓯᐅᔾᔨᔪᓐᓇᖅᑐᖅ ᐃᓅᑉ ᖃᓄᐃᓐᓂᕆᔭᖓᓄᑦ ᐱᔪᓐᓇᐅᑏᑦ ᓇᐹᖅᑐᓄᑦ, ᐃᖃᓗᐃᑦ, ᑎᒻᒥᐊᑦ, ᖁᐱᕐᕈᐃᑦ. ᑕᐃᒪᐃᖏᑯᑦᑕ ᑲᒪᒋᔭᖃᑦᑎᐊᖏᑦᑐᒍᑦ ᐅᕙᒍᑦ ᐱᓕᕆᓂᖓᓄᑦ ᓴᐳᒻᒥᑦᑎᓂᕐᒥᑦ ᑎᓴᒪᐅᔪᓐᖏᒑᖅᑐᓂᑦ ᑭᖑᕚᕇᓂᑦ ᓯᕗᒧᑦ.
ᐃᖅᑲᓇᐃᔮᖑᔪᖅ ᑕᒫᓂ ᓅᒋᐊᖃᖅᑐᖅ ᐃᓱᒪᓕᕆᓂᕐᒧᑦ, ᑮᓇᐅᔭᓕᕆᓂᕐᒧᑦ, ᐃᓅᖃᑎᒌᓐᓂᕐᒧᑦ, ᐱᖅᑯᓯᓄᑦ ᐃᓱᒫᓘᑕᐅᔪᑦ ᐊᑦᑐᐃᓂᖃᖅᑐᑦ ᐃᓄᑦᑎᓐᓂᑦ.
ᓄᓇᖃᖅᑳᖅᓯᒪᔪᑦ ᐃᓄᖏᑦ ᐅᖃᐅᓯᖏᓐᓅᕈᓐᓇᖅᑐᑦ ᓴᐳᒻᒥᑦᑎᓂᕐᒧᑦ ᐱᔾᔪᑎᖃᖅᑎᑦᑎᓗᓂ ᐊᒻᒪ ᓴᓇᓂᖃᒃᑲᓂᖅᑐᑦ ᐊᒻᒪ ᐆᒻᒪᑎᑦᑎᑲᓐᓂᖅᑐᑎᑦ ᐅᖃᐅᓯᕐᒥᑦ.
ᒪᒥᓴᐅᑎᖏᑦ ᓄᓇᖃᖅᑳᖅᓯᒪᔪᑦ ᐱᖅᑯᓯᖏᓐᓂ ᑐᓐᖓᕕᒋᖃᑦᑕᕐᒥᔭᕗᑦ. ᐃᓅᓯᐅᒋᐊᖃᕐᓂᖅ ᐊᒻᒪ ᐃᓅᓂᕐᒧᑦ ᐊᒻᒪ ᓄᓇᒦᓐᓂᕐᒧᑦ ᐊᒻᒪ ᐊᖏᖅᑐᒋᑦ ᐃᓕᓐᓂᐊᑎᑦᑎᓂᖏᑦ ᐃᓐᓇᑐᖃᖅᐳᑦ ᖃᓄᖅ ᓄᓇᒦᒋᐊᔅᓴᖅ.
ᐱᑕᖃᑦᑎᐊᖏᓐᓂᖓ ᐱᔭᔅᓴᐅᓂᖓᓄᑦ ᖁᕕᐊᓱᒍᑎᖃᓂᕐᒧᑦ ᐊᒻᒪ ᐱᖅᑯᓯᓄᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔪᖅᑐᑦ, ᑖᒃᑯᐊ ᐱᔭᔅᓴᐅᒍᓐᓇᐃᓪᓕᑎᑕᐅᓯᒪᔪᑦ. ᓄᓇᖃᖅᑳᖅᓯᒪᔪᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐊᒻᒪ ᓄᓇᖃᖅᑳᖅᓯᒪᖏᑦᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐊᔾᔨᒌᖑᒋᐊᓖᑦ ᖁᕝᕙᓯᓐᓂᖏᑦ ᑮᓇᐅᔭᖃᖅᑎᑕᐅᓂᕐᒧᑦ.
ᐃᓚᒋᔭᖓ ᐃᓱᒪᒋᔪᓐᓇᖅᑕᕗᑦ ᐱᕙᓪᓕᐊᑎᑕᐅᓂᖓ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᖅ ᐃᓱᒪᒋᓗᒋᑦ ᐃᖅᑲᓇᐃᔭᕐᓗᓂ ᐅᑯᑎᒍᓇ ᐊᓪᓚᐃᑦ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᔾᔨᒋᖏᑦᑐᑦ ᓴᓇᓯᒪᓂᖓ. ᓂᐊᖁᒃᑯᑦ ᖃᓄᐃᖏᑎᐊᕐᓂᖅ ᖃᓄᐃᖏᑎᐊᕐᓂᓪᓚᕆᐅᔪᖅ. ᐅᕙᓂ ᐃᓕᓚᐅᖅᑕᕗᑦ ᓇᓗᓇᕐᓂᕆᔭᖏᑦ ᖃᓄᐃᖏᑎᐊᓂᕐᒧᑦ. ᐊᒥᓲᓂᖃᖅᑎᑦᑎᔪᖅ ᐱᔾᔪᑎᖃᖅᑎᑦᑎᔪᓂᑦ ᐊᒻᒪ ᓇᓗᓇᐃᖅᓯᒍᑎᓂᑦ ᐅᕙᑦᑎᓐᓄᑦ ᐃᑲᔪᖅᑐᑦ ᑐᑭᓯᓗᒍ ᖃᓄᐃᖏᑎᐊᕐᓂᖅ ᑭᓱᓪᓚᕆᐅᒻᒪᖔᖅ. ᐅᖃᐅᓯᖅ ᐱᑕᖃᕆᐊᓕᒃ ᐊᑕᖐᔪᓂᑦ ᐋᖅᑭᔅᓯᒪᔪᓂᑦ ᐊᒻᒪ ᐊᓯᐊᓅᕐᕕᒋᖏᓪᓗᓂᐅᒃ.
ᐱᒻᒪᕆᐅᓂᖓ ᐱᖅᑯᓯᖅ ᑐᓐᖓᕕᐅᓗᓂ ᖃᓄᐃᖏᑎᐊᓂᕐᒧᑦ. ᖃᓄᖅ ᐊᑐᕈᓐᓇᖅᑲᕗᑦ ᑐᑭᒧᐊᖅᑎᓪᓗᒍ ᐊᑐᖅᐸᑦᑕᕗᑦ ᐊᒻᒪ ᐱᔨᑦᑎᖅᑕᕗᑦ? ᐃᓕᔭᐅᔭᕆᐊᓕᒃ ᓯᕗᓪᓕᐅᔾᔭᐅᓗᓂ. ᐃᓄᐃᑦ ᕿᓂᖅᑐᑦ ᐅᑎᕐᓗᑎ ᐱᖅᑯᓯᓄᑦ ᐱᒻᒪᕆᐅᔪᓄᑦ ᐅᑎᕐᓂᖃᕐᓗᑎ ᐃᑉᐱᓐᓂᐊᓗᑎ ᖃᓄᐃᖏᑎᐊᓂᕐᒥᑦ. ᑕᕐᓂᒃᑯᑦ ᐊᒻᒪ ᑕᕐᓂᒃᑰᖓᔪᑦ ᐱᒻᒪᕆᐅᒻᒥᔪᑦᑲᐅᖅ, ᑕᐃᒪᐃᓘᖅᑐᑕ ᐅᑎᖅᑐᒍᑦ ᓄᓇᒧᑦ ᓴᓇᓯᒪᔪᒧᑦ ᐊᒻᒪ ᓴᓇᔭᐅᓯᒪᓂᖓ. ᐱᖅᑯᓰᑦ ᐊᒻᒪ ᑕᕐᓂᒃᑯᑦ ᑕᐃᒪᐃᓐᓂᖓᓄᑦ ᐱᒻᒪᕆᐊᓘᔪᑦ ᐊᒻᒪ ᕿᑎᖓᓃᒋᐊᓖᑦ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᕐᒥ. ᐃᓄᕗᑦ ᕿᓂᕐᒥᔪᑦᑕᐅᖅ ᑲᓱᕐᓂᖃᒃᑲᓂᕐᓗᑎ ᑭᓇᐅᓂᖏᓐᓄᑦ. ᑭᓇᐅᓂᖏᑦ ᐃᓗᐊᓃᑦᑐᑦ ᓄᓇᓕᓐᓂᑦ ᐊᒻᒪ ᐊᓪᓚᓂᑦ ᐊᒻᒪ ᐱᑕᖃᕆᐊᖃᖅᑐᑦ ᐃᓚᒋᔭᖏᑦ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᕐᒧᑦ.
ᐱᔭᔅᓴᐅᓂᖏᓐᓄᑦ ᐃᖏᕋᓂᓕᖃᖅᑐᓂᑦ ᐊᑦᑐᖅᑕᐅᔪᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᓈᒻᒪᖏᔾᔪᑎᐅᔪᓄᑦ.
ᑕᑯᓐᓇᕆᐊᖃᖅᑕᕗᑦ ᐋᓐᓂᐊᖃᕐᓇᖏᑦᑐᓕᕆᓂᖅ ᑲᑐᑎᓗᑕ, ᐃᓅᖃᑎᒌᓐᓂᕐᒧᑦ ᐱᔾᔪᑎᖃᖅᑎᑦᑎᔪᑦ ᐋᓐᓂᐊᖅᑐᓕᕆᓂᕐᒥᑦ ᐅᖓᑖᓃᑦᑐᑦ ᐅᓪᓗᒥᐅᔪᒥᑦ ᓯᓚᕐᔪᐊᒥ ᓇᓗᓇᐃᖅᓯᒪᔭᖓ ᐋᓐᓂᐊᖃᕐᓇᖏᑦᑐᓕᕆᓂᖅ. ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᒪᓕᒐᖃᕈᒪᔪᒍᑦ ᓴᓇᓯᒪᑦᑎᐊᖅᑐᓂᑦ ᓴᓇᔭᐅᓯᒪᔪᓂᑦ, ᐱᖃᓯᐅᑎᔪᓕᒫᑦ ᐅᖃᖃᑎᒋᔾᔪᑎᒋᔭᑦᑎᓐᓂ ᐅᓪᓗᒥ. ᓄᓱᐊᖅᓯᓂᖅ ᐊᔾᔨᒌᖏᑦᑐᓂ ᐃᓱᒪᒋᔭᐅᔪᓂᑦ ᐊᒻᒪ ᐱᐅᔪᒻᒪᕆᓐᓂ ᑐᓂᓯᖃᖅᑐᑎ ᐊᑕᐅᑦᑎᒃᑯᑦ. ᑕᑯᔅᓴᐅᑎᑦᑎᑦᑐᒍ ᖃᐅᔨᒪᔭᑐᖃᖅᐳᑦ ᐊᒻᒪ ᐅᓪᓗᒥᐅᔪᒥᑦ ᐃᓕᓐᓂᐊᖅᑕᐅᔪᑦ.
ᐱᔭᕆᐊᖃᖅᑐᒍᑦ ᐊᑕᖐᔪᓂᑦ ᐊᑐᖅᑕᐅᔪᓐᓇᖅᑐᓂᑦ ᑲᒪᒋᔭᖃᓂᕐᒧᑦ, ᒪᒥᓴᐅᑎᓄᑦ ᐊᑐᖅᑕᐅᒍᓐᓇᖅᑐᒥᐅᖏᑦᑐᒥ. ᑖᓐᓇ ᐱᖃᓯᐅᔾᔨᔪᖅ ᐱᔭᔅᓴᐅᓂᖏᓐᓄᑦ ᖁᕕᐊᓱᒍᑎᖃᓂᕐᒧᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᒪᒥᓴᐅᑎᖏᑦ ᐊᓯᖏᓪᓗ.
ᐃᓕᓴᖅᓯᔭᕆᐊᖃᖅᑐᑦ ᐊᔾᔨᒌᖏᑦᑐᓂᑦ ᑕᑯᓐᓇᕐᓗᑎ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ: ᐊᑕᖐᓂᖅᓴᓂᑦ ᑕᑯᓐᓇᖅᑕᐅᔪᓂᑦ, ᓇᓕᒧᑦᑎᑦᑎᓂᖅ. ᐱᒻᒪᕆᐅᔪᖅ ᓇᒻᒥᓂᖅ ᐱᖅᑯᓯᓄᑦ ᒪᒥᓴᐅᑎᖃᕐᓗᑕ, ᑐᓐᖓᓂᖃᕆᐊᖃᖏᑦᑐᑦ ᓴᒥᓴᐅᑎᓄᑦ ᑲᒪᒋᔭᖃᓂᕐᒧᑦ. ᖃᓄᐃᖏᑎᐊᕐᓂᖃᒃᑲᓂᕐᓂᐊᖅᑐᒍᑦ ᓇᓖᕌᕋᒡᓴᖃᕐᓗᓂ ᐅᑎᕐᓗᓂ ᐱᒻᑯᓯᓄᑦ ᒪᒥᓴᓂᕐᒧᑦ.
ᐃᓚᓕᐅᔾᔨᓯᒪᓂᖅᓴᓂᑦ ᐊᑐᕆᐊᖃᖅᑐᒍᑦ ᑐᓂᓗᒋᑦ ᐊᑕᖏᕐᓗᒋᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᑎᖅᑕᓄᑦ ᐱᒋᐊᖅᑕᐅᕋᑖᓂᑦ, ᐊᑐᖅᑕᐅᕙᓪᓕᐊᓕᕐᓗᑎ ᐱᖅᑯᓯᕗᑦ ᖃᓄᐃᓘᖃᑦᑕᓂᑦᑎᓐᓄᑦ, ᓴᐃᓕᓴᐅᑎᐅᓗᓂ.
ᐃᓅᖃᑎᒌᓐᓂᕐᒧᑦ ᓇᓗᓇᐃᖅᓯᒍᑏᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᖃᓯᐅᔾᔭᐅᓚᐅᖅᓯᒪᖏᑦᑐᑦ ᖃᓪᓗᓈᑦ ᐋᓐᓂᐊᖅᑐᓕᕆᓂᕐᒧᑦ ᐊᑐᖅᑕᖏᓐᓂ. ᖃᐅᔨᒪᔭᐅᓂᖅᓴᐅᕙᓪᓕᐊᓕᖅᑑᒐᓗᐊᑦ, ᖃᓪᓗᓈᑦ ᑎᑭᓯᒪᓂᖏᓐᓄᑦ ᐃᑉᐱᒍᓱᓗᐊᖅᓯᒪᖏᑦᑐᑦ. "ᐊᑐᖅᑕᐅᓂᖓ ᖃᓪᓗᓈᑦ ᒪᒥᓴᓂᕐᒧᑦ ᐃᒪᐃᑦᑑᔮᖃᑦᑕᖅᑐᑦ ᐃᓕᓐᓃᖔᖅᑐᑦ ᐃᓚᖏᑦ ᑐᖅᑯᖅᑕᐅᔪᑦ ᐃᕝᕕᑦ ᓄᓇᓯᐅᑎᖓᓄᑦ". ᓂᕈᑭᑦᑐᒥᑦ ᓇᓗᓇᐃᖅᑕᐅᓯᒪᔪᖅ, ᐃᓱᒪᒋᔭᖃᖅᓯᒪᖏᑦᑐᖅ ᓄᓇᒥᑦ, ᑕᕐᓂᒃᑰᖓᔪᓂᑦ, ᐆᒪᔪᓂᑦ, ᐱᕈᖅᑐᓂᑦ, ᐃᒥᕐᒥᑦ, ᐱᒻᒪᕆᒋᔭᐅᔪᑦ ᓇᒦᓐᓂᖏᑦ… "ᔭᒐᑕᐃᓐᓇᕆᓪᓗᒋᑦ ᐊᑦᑐᐊᓂᖃᕐᓂᖃᕐᓂᕆᔭᕗᑦ". ᐊᒥᓲᓂᖅᓴᐃᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓄᑦ ᑎᒃᑯᐊᖅᓯᔪᑦ ᐋᓐᓂᐊᔪᓄᑦ ᐋᓐᓂᐊᖅᑐᓕᕆᓂᖃᕐᕕᒃ ᑕᐃᑲᓃᑦᑎᓐᓇᒍ. ᑲᓇᑕᒥ ᒥᕐᖑᐃᓯᕐᕕᖏᓐᓅᕈᓐᓇᖏᑦᑐᖓᓘᓐᓃᑦ, ᐃᓚᖏᑦ ᐱᒻᒪᕆᒋᔭᒃᑲ ᓇᒦᓐᓂᖏᑦ, ᐅᐸᒍᓐᓇᖏᑦᑕᑲ ᐱᖅᑯᓯᒃᑯᑦ ᖁᕕᐊᓱᒍᑎᖃᕐᓂᐅᑦ ᐅᕝᕙᓘᓐᓃᑦ ᐱᓗᒋᑦ ᐱᖅᑯᓯᑎᒍᑦ ᐱᕈᖅᑐᐃᑦ… "ᐱᔪᓐᓇᖅᑎᑕᐅᖏᑦᑐᖅ ᖃᓄᐃᓐᓂᕆᔭᕋ".
ᒪᓕᒐᖅ ᐃᓚᒋᓕᐅᔾᔨᔭᕆᐊᓕᒃ ᐃᓅᖃᑎᒌᓐᓂᕐᒧᑦ ᐱᔾᔪᑎᖃᖅᑎᑦᑎᔪᑦ, ᒫᓐᓇ ᑕᐃᒪᐃᖏᑦᑐᑦ.
ᐃᑲᔪᕐᓂᖅ/ᖁᕝᕙᕆᐊᖅᑎᑕᐅᓂᖏᑦ ᐱᔭᔅᓴᐅᓂᖏᓐᓄᑦ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᕐᒧᑦ ᐊᔪᖏᓐᓂᓖᑦ.
ᑕᑯᓪᓗᒋᑦ ᓄᓇᖃᖅᑳᖅᓯᒪᔪᑦ ᐃᓄᖏᑦ ᐱᕙᓪᓕᐊᓂᖃᑦᑎᐊᖅᑐᑦ ᖃᓄᐃᑦᑐᑐᐃᓐᓇᕐᓂ ᐃᓱᒪᒋᔭᐅᔪᓂᑦ ᓂᕈᐊᖅᑕᖏᓐᓂ [ᑐᓂᔭᖏᓐᓂ ᓯᕗᓂᔅᓴᒧᑦ], ᓲᕐᓗ, ᓄᓇᖃᖅᑳᖅᓯᒪᔪᖅ ᑭᒍᓐᓂᐊᖅᑎ ᐅᕙᓂ ᐅᓪᓗᒥ, ᑕᑯᖃᑦᑕᓂᖅᓴᐅᓕᖅᑐᒍᑦ ᓄᓇᖃᖅᑳᖅᓐᓯᒪᔪᓂᑦ ᐃᓄᖏᓐᓂ ᐋᓐᓂᐊᖅᑐᓕᕆᓂᕐᒥᑦ… ᑕᑯᔅᓴᐅᑎᑦᑎᔪᑦ ᒪᓕᒐᔅᓴᑦᑎᐊᕙᐅᓪᓗᑎ ᐋᓐᓂᐊᖅᑐᓕᕆᓂᕐᒥᑦ.
ᐊᕐᓇᐃᑦ ᐆᒻᒪᑎᒋᔭᐅᔪᑦ ᓄᓇᓕᑦᑎᓐᓂ, ᑕᐃᒪᐃᓐᓂᖓᓄ ᐃᑲᔪᖅᑐᒋᑦ ᐃᑲᔪᖅᑕᐃᓐᓇᕆᔭᕗᑦ ᐃᓄᓕᒫᕗᑦ.
ᐱᑕᖃᒃᑲᓐᓂᕆᐊᓕᒃ ᓂᐊᖁᓕᕆᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᔪᖏᓐᓂᓖᑦ, ᐱᓗᐊᖅᑐᒥᑦ ᐃᓱᒪᓕᕆᓂᕐᒧᑦ ᓄᓇᓕᑦᑎᓐ… ᓇᓗᓇᐃᖅᓯᒪᔪᖅᑕᖃᖅᑐᑦ ᐃᓂᐅᔪᑦ ᓄᓇᖃᖅᑳᖅᓯᒪᔪᓄᑦ ᐋᓐᔾᓂᐊᓯᐅᖅᑎᓄᑦ ᐊᒻᒪ ᓘᑦᑖᓄᑦ, ᑭᓯᐊᓂ ᐱᓯᒪᔭᐅᔭᕆᐊᖃᖅᑐᑦ ᓇᓗᓇᐃᖅᓯᒪᔪᑦ ᐃᓂᐊᔪᑦ ᐊᓪᓚᓄᑦ, ᐃᓄᐃᑦ ᐊᒻᒪ ᒪᐃᑏ ᐃᓱᒪᓕᕆᔨᓂᑦ.
ᐱᑕᖃᕆᐊᖃᕐᓂᖏᑦ ᑭᒍᓐᓂᐊᖅᑎᓂᑦ ᐊᔪᖏᓐᓂᓕᓐᓂ ᐃᖅᑲᓇᐃᔭᕐᓗᑎ ᓄᓇᓕᓐᓂᑦ, ᐱᐅᓯᑎᒋᐊᕐᓗᒍ ᖃᐅᔨᑎᑕᐅᓯᒪᓂᕐᒧᑦ ᐊᖏᓂᕐᒧᑦ ᐊᒻᒪ ᖁᕝᕙᕆᐊᕐᓗᒍ ᐃᒻᒥᒃᑰᕈᓐᓇᕐᓂᖅ.
ᖃᐅᔨᓴᕐᓂᖃᕆᐊᖃᖅᑐᒍᑦ ᑐᑭᒧᐊᖅᑎᑕᐅᔪᓂᑦ ᐅᕙᑦᑎᓐᓂᑦ ᐊᒻᒪ ᐅᕙᑦᑎᓐᓄᑦ. ᒫᓐᓇᐅᔪᒥᑦ ᐊᑐᖅᑕᐅᒐᔪᖃᑦᑕᖅᑐᑦ ᐊᑕᖏᖅᑐᑎᑦ ᖃᓪᓗᓈᓄᑦ ᑐᓐᖓᓂᖃᖅᑐᑦ ᑭᓪᓕᖃᖅᑎᑎᓪᓗᑎ ᐅᕙᒍᑦ ᐱᔪᓐᓇᕐᓂᖓᓄᑦ ᖃᐅᔨᓴᕐᓗᑎ.
ᑭᓯᐊᓂ ᐊᒥᓱᒐᓚᐅᔪᑦ ᐱᑕᖃᖅᑎᑦᑎᔪᑦ ᐊᑐᕆᐊᖃᓚᐅᖅᑐᑦ ᖃᕋᓴᐅᔭᒃᑯᑎᒍᑦ. ᒫᓂᑑᐸᒥ ᐱᑕᖃᖅᑎᑦᑎᔪᑦ ᑕᐃᑯᓐᖓᖃᑦᑕᖅᓯᒪᔪᑦ, ᐱᒡᑦᑎᕋᐅᑎᖃᖅᑐᑎᑦ ᐃᕐᖏᓐᓈᕈᑎᒃᑯᑦ. ᓄᓇᕗᒻᒥ, ᐱᑕᖃᖅᑎᑦᑎᔪᑦ ᐊᑐᖃᑦᑕᖅᓯᒪᔪᑦ ᐊᒥᓱᓂᑦ ᐊᐳᕈᑎᓂᑦ ᐃᑲᔪᖃᑦᑕᓂᕐᒧᑦ. ᐱᖁᑎᕐᔪᐊᑦ ᐅᑭᐅᑕᖅᑐᒥ ᐱᔪᓐᓇᑎᑦᑎᖏᑦᑐᑦ ᐅᖓᓯᑦᑐᒥ ᐃᑲᔪᖅᑕᐅᓂᕐᒧᑦ… ᖃᕋᓴᐅᔭᒃᑰᖅᑐᑦ ᐋᓐᓂᐊᖅᑐᓕᕆᓂᕐᒧᑦ ᑎᑎᕋᖅᑕᐅᓯᒪᔪᑦ ᓄᓇᕗᒻᒥ ᓂᓪᓕᐊᖃᑎᖃᕈᓐᓇᖏᑦᑐᑦ ᐊᑐᖅᑕᐅᔪᓂᑦ ᒫᓂᑑᐸᒥ ᑐᑭᖃᖅᑐᖅ ᐋᓐᓂᐊᕕᓕᐊᖅᑐᑦ ᑭᓱᖃᖅᑎᑦᑎᔪᓂᑦ ᑕᒪᒃᑭᓐᓂ ᓄᓇᕗᑦ ᐊᒻᒪ ᒫᓂᑑᐸ ᐊᔾᔨᒌᖏᑦᑐᑦ ᐋᓐᓂᐊᖅᑐᓕᕆᓂᒧᑦ ᑎᑎᕋᖅᑕᐅᓯᒪᔪᓂᑦ. ᓄᓇᕗᑦ ᐋᖅᑭᔅᓯᓇᓱᐊᖅᑐᑦ ᑖᒃᑯᓂᐊ ᐃᓱᒫᓘᑕᐅᔪᓂᑦ 3 ᐊᖏᔪᑦ ᑲᓇᑕᒥ ᐊᕕᑦᑐᖅᓯᒪᔪᑦ ᑭᒡᒐᖅᑐᐃᓪᓗᑎ ᐋᓐᓂᐊᔪᓂᑦ ᖃᑦᑏᓐᓇᐅᔪᑦ ᑕᒫᓂ ᓇᒦᓐᓂᖓᓂ.
ᐱᔾᔪᑎᖃᓗᐊᖅᑐᑦ ᐱᖅᑯᓯᓄᑦ ᐱᔪᓐᓇᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᒪᓂᓖᑦ ᒪᓕᒐᖅᑎᒍᑦ ᐊᒻᒪ ᓱᓕᑦᑎᐊᓂᒃᑯᑦ ᐱᓕᕆᐊᖃᕆᐊᖃᖅᑐᑦ, ᑐᓐᖓᕕᒋᓪᓗᒋᑦ ᖃᐅᔨᑎᑕᐅᓯᒪᓂᕐᒧᑦ ᐊᖏᓂᕐᒧᑦ, ᐃᓕᓴᕆᔭᐅᓂᖏᑦ ᓄᓇᖃᖅᑳᖅᓯᒪᔪᓃᖔᖅᑐᑦ ᐃᓅᓯᕐᓂ (ᓲᕐᓗ, ᓄᓇ, ᐱᖅᑯᓰᑦ) ᑭᓯᐊᓂ ᒥᑭᔪᒡᒍᑕᐅᖏᑦᑐᓂᑦ ᐃᓛᒃᑰᖓᔪᓂᑦ. ᐱᒻᒪᕆᐅᔪᖅ ᐅᖃᐅᓯᖃᕐᓗᓂ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᖃᐅᔨᒪᓂᓖᑦ ᐸᓯᔭᔅᓴᐅᓂᖏᓐᓄᑦ ᐃᓚᐃᓐᓈᓂᕐᒧᑦ ᐅᕕᓂᐅᖃᑎᒋᖏᓐᓂᖓᓄᑦ.
ᐃᓕᓐᓂᐊᑎᑦᑎᒍᒪᓂᖃᖅᑐᑦ ᐋᓐᓂᐊᓯᐅᖅᑎᓂᑦ ᐊᒻᒪ ᓘᑦᑖᓂᑦ. ᑲᓇᑕᒥ ᐊᕕᑦᑐᖅᓯᒪᔪᓂᑦ ᑲᑐᔾᔨᖃᑎᒌᑦ ᒪᓕᑦᑕᐅᔭᓕᐅᖅᐸᑦᑐᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᖃᐅᔨᒪᓂᓖᑦ ᓇᓗᓇᐃᖅᓯᑦᑎᐊᕆᐊᓖᑦ ᐃᓚᒋᔭᐅᔪᖁᑎᖏᑦ ᐱᖅᑯᓯᓄᑦ ᐊᑦᑕᓇᖏᓪᓗᑎ, ᐊᒻᒪ ᐃᓕᓐᓂᐊᖅᑎᑕᐅᓯᒪᑦᑎᐊᕐᓗᑎ ᓯᓚᑦᑐᓴᕐᕕᒃᔪᐊᓂᑦ ᐊᒻᒪ ᓯᓚᑦᑐᓴᕐᕕᓂᑦ. ᐱᔾᔪᑎᑕᖃᕆᐊᖃᖅᑐᑦ ᐊᒻᒪ ᐃᑲᔪᖅᑕᐅᓗᓂ ᓇᓗᓇᐃᖅᑕᐅᓗᓂ ᐃᓂᖓᓃᓐᓂᖓᓄᑦ.

ᐱᓕᕆᐊᕆᓗᒍ ᐃᓚᐃᓐᓈᕐᓂᖅ ᐅᕕᓂᐅᖃᑎᒋᖏᑕᖓᓂ ᐊᒻᒪ ᐃᓚᐃᓐᓈᖃᑦᑕᕐᓂᖅ ᐊᑦᑕᓇᐃᖅᓯᒪᖁᓪᓗᒋᑦ ᐱᔭᔅᓴᐅᓂᖏᑦ ᑲᒪᒋᔭᖃᓂᕐᒧᑦ

ᒪᓕᒐᖅ ᐱᑕᖃᕆᐊᖃᖅᑎᑦᑎᔪᖅ ᓴᐳᒻᒥᔾᔪᑎᓂᑦ ᐱᔾᔪᑎᖃᖅᑎᑦᑎᔪᓂ ᖀᒥᓱᓐᓂᕐᒧᑦ ᐊᒻᒪ ᐃᓚᐃᓐᓈᖅᓐᑕᐅᓂᕐᒧᑦ ᐅᕕᓂᐅᖃᑎᒋᖏᑕᖓᓄ ᒫᓐᓇᐅᔪᒥᑦ ᐱᑕᖃᕇᖅᑐᑦ ᐋᓐᓂᐊᖅᑐᓕᕆᓂᕐᒥᑦ ᑲᒪᒋᔭᖃᓂᕐᒧᑦ.
ᐱᒃᑲᓐᓂᕆᐊᖃᖅᑐᒍᑦ ᐊᔾᔨᒋᖏᑕᖏᓐᓂ ᓇᓗᓇᐃᖅᓯᒪᔪᓂᑦ ᑐᓐᖓᓂᖃᖅᑐᑦ ᐊᑐᐊᒐᕐᓂᑦ, ᒪᓕᒐᕐᒥ ᐊᓯᔾᔩᔭᕆᐊᖃᖅᑐᒍᑦ ᐱᕋᔭᑦᑎᑦᑎᔪᓂᑦ ᖃᓄᐃᓐᓂᕆᓚᐅᖅᑕᖓᓂ ᔪᐃᔅ ᐃᑲᑯᐊᓐ. ᒥᑭᓛᕆᔪᓐᓇᖅᑕᖓᓂ ᑕᒪᓐᓇ ᐱᓕᕆᔭᐅᔪᓐᓇᖅᑐᖅ ᓚᐃᓴᓐᓯᖓ ᐲᖅᑕᐅᓗᓂ… ᑕᒪᓐᓇ ᑕᑯᓂᐊᖅᑕᐅᔭᕆᐊᓕᒃ ᐅᖃᐅᓯᐅᔪᓂᑦ ᐊᓯᔾᔨᓪᓚᕆᑦᑐᓂᑦ ᐱᕋᔭᓂᕐᒧᑦ ᓇᓗᓇᐃᒃᑯᑕᖏᑦ (ᐱᔾᔪᑎᖃᖅᑐᑦ ᐃᓚᐃᓐᓈᓂᕐᒧᑦ ᐅᕕᓂᐅᖃᑎᒋᖏᑕᖓᓄᑦ).
ᐱᔭᕆᐊᖃᖅᑐᒍᑦ ᓯᐊᒻᒪᖅᓯᒪᔪᓂᑦ ᐊᑐᐊᒐᕐᓂᑦ ᐱᖅᑯᓯᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᕙᑎᖏᓐᓄᑦ, ᐊᒻᒪ ᐱᒻᒪᕆᐅᔪᓂᑦ ᖃᓄᐃᓐᓂᖃᖅᑐᑦ. ᐱᒻᒪᕆᐅᔪᖅ ᐅᖃᐅᓯᕆᓗᑎᒍ ᐊᑕᐅᓯᐅᓂᕐᒧᑦ ᐊᑐᖅᑕᐅᓂᖓ ᑖᒃᑯᓄᖓ ᐊᑐᐊᒐᕐᓄᑦ.
ᕿᓃᓐᓇᓂᐊᖅᑐᒍᑦ ᑲᒪᒋᔭᖃᓂᕐᒧᑦ ᐃᓄᒋᐊᑦᑐᓂ ᑲᑎᔾᕕᐅᔪᓂᑦ ᐊᒻᒪ ᐱᓕᕆᓂᖃᓂᐊᖅᑐᒍᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐊᑐᖅᑕᐅᔪᒥᑦ ᐱᑕᖃᖅᑐᒥᑦ, ᐊᑐᐊᒐᖃᕆᐊᖃᖅᑐᒍᑦ ᓇᓗᓇᐃᖅᓯᔪᓂᑦ ᐊᑦᑕᓇᖏᑦᑐᒥ ᐊᕙᑎᖓᓂ ᓴᖅᑭᕐᕕᐅᕙᑦᑐᓂᑦ.
ᐱᔪᒪᑐᐃᓐᓇᓚᐅᖅᑐᖓ ᐱᔭᔅᓴᐅᓂᖓᓄᑦ ᐋᒻᓐᓂᐊᕕᒻᒧᑦ ᐊᑐᖅᑕᐅᔪᓂᑦ ᐅᕙᓐᓄᑦ ᐊᒻᒪ ᐅᕙᖓ ᓱᕈᓯᖏᓐᓄ ᐊᒻᒪ ᐃᕐᖑᑕᖏᓐᓄᑦ ᑕᐃᒪᐃᒍᒪᑎᓪᓗᒋᑦ.
ᐃᓄᐃᑦ ᐊᑭᓕᖅᑕᐅᕙᑦᑐᑦ ᐅᕙᑦᑎᓐᓄ ᑐᓂᓯᓪᓗᑎ ᐱᐅᖏᑦᑐᒥ ᐋᓐᓂᐊᖅᑐᓕᕆᓂᕐᒥᑦ – ᑕᒪᓐᓇ ᖃᐅᔨᓴᖅᑕᐅᔭᕆᐊᓕᒃ ᐊᒻᒪ ᕿᒥᕐᕈᔭᐅᓗᓂ. ᓴᖑᔭᕆᐊᖃᖅᑐᒍᑦ ᑖᒃᑯᐊ ᐊᐅᓚᓂᖃᑦᑎᐊᖅᑐᑦ ᐊᒻᒪ ᐃᓄᐃᑦ ᐸᓯᔭᔅᓴᐅᑎᓪᓗᒋᑦ ᓯᕗᒧᒋᐊᓂᕐᒧᑦ. ᖃᐅᔨᒪᓂᖃᑦᑎᐊᕈᕕᑦ ᐃᓄᓐᓂᑦ ᐋᓐᓂᐊᖅᑐᓕᕆᓂᕐᒥᑦ, ᓱᒻᒪᑦ ᖏᓕᓐᓂᑦ ᐊᑭᓖᕕᑕ ᑲᒪᒋᔭᐅᖏᓐᓂᖏᓐᓄᑦ ᓄᓇᖃᖅᑳᖅᓯᒪᔪᑦ ᐃᓄᖏᑦ?
ᓄᓇᓕᒻᒥ ᐋᓐᓂᐊᕕᑦᑎᓐᓂ, ᐱᓕᕆᓂᖃᖅᑐᑦ ᐱᓕᕆᖃᑎᖃᖃᑦᑕᖅᑐᑦ ᐋᓐᓂᐊᕕᓕᐊᖅᓯᒪᔪᓂᑦ, ᐊᖏᕋᕋᐃᒻᒪᑕ, ᑕᕝᕙ ᖃᓄᑐᐃᓐᓇᖅ ᖃᓄᐃᓕᓂᖃᕈᓐᓇᖅᑐᑦ. ᐱᔾᔪᑎᒋᖏᑕᖓᖓ ᑭᒃᑯᓕᒫᑦ ᐋᓐᓂᕈᓐᓇᕐᖓᑕ ᐅᕝᕙᓘᓐᓃᑦ ᐋᓐᓂᐊᓂᕐᓗᑎ ᐅᓪᓗᒃᑯᑦ ᐃᑲᕋᖏᓐᓂ. ᑐᔅᓯᕋᓚᐅᖅᑐᑦ ᐋᓐᓂᐊᕕᒻᒧᑦ 24 ᐃᑲᕋᓂᑦ ᐃᑲᔪᖅᑕᐅᓗᑎ.
ᑲᓱᕐᓂᖃᕐᓂᖏᑦ ᐊᔭᐅᖅᑕᐅᓪᓗᑎ ᓇᔾᔨᒍᓐᓇᐃᓕᑎᑕᐅᔪᑦ ᐊᒻᒪ ᖃᓪᓗᓈᑦ ᐱᖅᑯᓯᖏᑦ ᐊᑐᖅᑕᐅᓂᖏᑦ, ᑕᑯᔅᓴᐅᓂᖓ ᓯᐊᒻᒪᖅᓯᒪᓂᖅᓴᓂᑦ ᐃᓚᐃᓐᓈᖅᑕᐅᓂᕐᒧᑦ ᐅᕕᓂᐅᖃᑎᒋᖏᑕᖓᓄ ᐊᒻᒪ ᐃᓄᓐᓂᑦ ᑲᒪᒋᔭᐅᑦᑎᐊᖏᓐᓂᕐᒧᑦ ᑲᓇᑕᒥ ᐃᓅᖃᑎᒌᑦᑐᓃᑦᑐᑦ. ᑲᓱᕐᓂᖃᕐᓂᖏᑦ ᐱᑕᖃᑦᑎᐊᖏᓐᓂᖓ ᐊᖏᓂᕐᒧᑦ ᓇᔾᔨᒍᓐᓇᐃᓕᑎᑕᐅᓂᕐᒧᑦ ᐊᒻᒪᓗᑦᑕᐅᖅ ᖃᐃᓄᐅᓘᕐᓂᖃᕐᓂᕆᔭᖏᑦ ᓄᓇᖃᖅᑳᖅᓯᒪᔪᓄᑦ ᓄᓇᖏᓐᓄᑦ.
ᑕᑯᓐᓇᐃᓇᕆᐊᖃᖅᑕᕗᑦ ᓯᐊᒻᒪᖅᓯᒪᓂᖅᓴᓂᑦ ᐃᓱᒪᒋᔭᐅᔪᑦ, ᐊᒻᒪ ᐱᓕᕆᐊᖃᐃᓐᓇᕐᓗᑕ ᒐᕙᒪᒃᑯᑦ ᑕᑯᓐᓇᕈᓐᓃᖁᖏᑕᕗᑦ ᑖᔅᓱᒥᖓ. ᑕᑯᔭᐃᓇᕆᒋᐊᓕᕗᑦ ᐊᑕᖏᕐᓗᒋᑦ ᐊᑕᐅᓯᒡᒍᑏᑦ ᓯᓚᑖᓂ ᖃᓪᓗᓈᑦ ᒪᒥᓴᐅᑎᖏᓐᓂ ᐋᖅᑭᓪᓗᒋᑦ ᑖᒃᑯᐊ ᐃᓱᒫᓘᑕᐅᖃᑦᑕᖅᑐᑦ, ᐱᑕᖃᕐᒪᑕ ᐃᓗᐊᓂ ᐊᒻᒪ ᓯᓚᑖᓂ ᐋᓐᓂᐊᖅᑐᓕᕆᓂᕐᒧᑦ ᒪᓕᒐᕐᒥᑦ. ᐱᓕᕆᐊᕆᔭᔅᓴᐅᖏᑦᑐᖅ ᐃᓚᐃᓐᓈᓂᕐᒧᑦ ᐅᕕᓂᐅᖃᑎᒋᖏᑕᖓᓄᑦ ᐃᓕᓴᖅᓯᖏᓪᓗᒋᑦ ᐱᔾᔪᑎᖏᑦ ᐃᓚᐃᓐᓈᖃᑦᑕᕐᓂᖅ ᐅᕕᓂᐅᖃᑎᒋᖏᑕᖓᓄ ᐱᑕᖃᖅᑐᖅ.
ᒪᓕᒐᖅ ᐱᓕᕆᐸᖃᕆᐊᖃᖅᑐᖅ ᐊᑐᖅᑕᐅᖃᑦᑕᖅᑐᓂᑦ ᐃᓚᐃᓐᓈᓂᕐᒧᑦ ᐅᕕᓂᐅᖃᑎᒋᖏᑕᖓᓄᑦ. ᐃᒻᒪᖃ ᐅᐊᑦᑎᔩᑦ ᒪᓕᒐᕐᒧᑦ ᐃᓄᑦᑕᖃᕈᓐᓇᓂᐊᕐᖓᑦ ᑲᒪᒋᔭᖃᕈᓐᓇᖅᑐᒥᑦ ᐃᓚᐃᓐᓈᓂᕐᒧᑦ ᐅᕕᓂᐅᖃᑎᒋᖏᑕᖓᓄᑦ.

ᐃᑲᔪᕐᓗᒋᑦ ᓄᓇᖃᖅᑳᖅᓯᒪᔪᑦ ᐃᓄᖏᑦ ᐅᑎᖅᑎᑎᓂᖏᓐᓄᑦ ᐊᑕᐅᓯᐅᓂᕐᒧᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᐊᐅᓚᑕᐅᔪᑦ ᐊᑐᖅᑕᐅᔪᓐᓇᖅᑐᑦ

ᑭᓱᓂᖅ ᕿᓂᖅᑭᑕ ᓇᓗᓇᐃᖅᑕᐅᓂᖓᓄᑦ ᐊᑕᐅᓯᐅᓂᕐᒧᑦ ᑲᑉᐱᐊᓱᖏᓪᓗᑕ ᖃᓄᐃᓕᒋᐊᖅᑕᐅᓂᕐᒧᑦ, ᐱᒋᐊᖅᑕᐅᓂᕐᒧᑦ ᐅᕝᕙᓘᓐᓃᑦ ᖃᓪᓗᓈᓄᑦ ᐋᓐᓂᖅᑎᕆᓂᐅᔪᖅ.
ᑭᓪᓕᖏᑦ ᐊᓪᓚᓄᑦ ᓄᓇᓖᑦ ᐊᒻᒪ ᐃᓄᒋᐊᑦᑐᓃᑦᑐᑦ ᐃᓂᖏᑦ ᐊᑦᑐᖅᑕᐅᓂᖃᓛᖑᔪᖅ ᐃᓱᒪᒋᔭᑦᑎᓐᓂ… ᐱᔾᔪᑎᖃᕋᓱᐊᕐᓂᖓᓄ ᑕᕝᕙᓃᑦᑐᖅ ᑕᑯᓐᓇᕋᐃᒐᑦᑎᒍ ᐋᓐᓂᐊᖅᑐᓕᕆᓂᕐᒧᑦ ᐊᑦᑕᓇᐃᖅᒪᓂᕐᒧᑦ ᐊᒻᒪ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᑭᕋᑐᖅᑐᑦ ᐊᑐᖅᑕᐅᕙᑦᑐᓂᑦ ᓄᖑᑎᖅᑐᓂ ᐊᑦᑕᓇᐃᖅᓯᒪᓂᕐᒧᑦ, ᑐᕌᕐᓂᖃᖅᑭᑖ ᐱᑕᖃᕈᓐᓃᓂᐊᖅᑐᓄᑦ ᐅᕝᕙᓘᓐᓃᑦ ᑐᕌᕐᓂᖃᖅᑭᑕ ᐅᑎᖅᑎᑦᑎᓂᕐᒧᑦ ᐊᒻᒪ ᓇᓗᓇᐃᖅᑕᐅᓂᖓᓄᑦ ᐊᑦᑕᓇᐃᖅᓯᒪᓂᕐᒧᑦ? ᕿᒪᓚᐅᖏᑕᕗᑦ ᐱᔪᓐᓇᐅᑎᕗᑦ ᐅᖃᐅᔾᔭᐅᓗᓂ ᑭᓱᓂᑦ ᓂᕆᓂᐊᕐᓗᑕ, ᓱᒻᒪᑦ ᓄᖅᑲᑎᑉᖃᑦᑕᖅᖃᕗᑦ ᐃᓄᐃᑦ ᓂᕆᓗᑎ ᓂᕿᑦᑎ>ᓐᓂᑦ ᐊᒻᒪ ᐱᖅᑯᓯᓄᑦ ᓂᕿᓂᑦ? ᐊᑦᑕᓇᐃᖅᓯᒪᓂᕐᒨᖏᑦᑐᖅ ᑭᓯᐊᓂ ᓇᓗᓇᐃᖅᑕᐅᓂᖓᓄᑦ ᓇᓗᓇᐃᖅᓯᒪᔪᒥᑦ ᖃᓄᐃᑦᑐᓂᖓ ᐃᓅᓯᖓ. ᑭᓪᓕᖃᖅᑎᑕᐅᔪᑦ ᐱᔪᓐᓇᐅᑎ ᓄᓇᖃᖅᑳᖅᓯᒪᔪᑦ ᓂᕿᖏᓐᓄᑦ, ᐊᐳᕈᕈᑎᑕᖃᐅᖅᑐᑦ ᓄᓇᖃᖅᑳᖅᓯᒪᔪᑦ ᐃᓅᓯᖏᓐᓄᑦ ᐅᓄᒋᐊᑦᑐᓂᑦ ᐃᓱᒪᒋᔭᐅᔪᓂᑦ.
ᐱᔭᕆᐊᖃᖅᑐᒍᑦ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᓗᑎ ᐊᑕᖏᕈᓐᓇᖅᑕᓕᒫᖏᓐᓂ, ᐱᖃᓯᐅᑎᓪᓗᑎ ᓄᓇᖃᖅᑳᖅᓯᒪᔪᓄᑦ ᒪᒥᓴᐅᑏᑦ.
ᖃᐅᔨᓴᕐᓂᖅ ᐱᓕᕆᐊᖃᓗᐊᖅᑐᖅ ᐃᒻᒥᓂ ᓇᓗᓇᐃᖅᓯᓂᕐᒧᑦ ᐊᒻᒪ ᐃᓅᖃᑎᒌᓐᓂᕐᒧᑦ ᐋᖅᑭᑦᑕᐅᔪᑦ ᓄᓇᖃᖅᑳᖅᓯᒪᔪᓄᑦ ᐃᓄᖏᓐᓄᑦ, ᑕᕝᕙ ᓄᓇᓖᑦ ᑕᐃᒪᐃᑦᑐᒥᑦ ᐱᔪᒪᓂᖃᖅᑐᑦ ᐱᓕᕆᐊᖃᕐᓗᑎ.
ᓄᓇᖃᖅᑳᖅᓯᒪᔪᓂᑦ ᐊᖏᕋᒥ ᐃᕐᓂᓱᒃᓯᔩᑦ ᐱᒻᒪᕆᐅᔪᓐᓇᖅᑐᑦ ᐃᑲᔪᖅᑐᐃᔨᐅᓗᑎ ᐅᕙᒍᑦ ᐱᔨᑦᑎᖅᑕᖏᓐᓄᑦ, ᑲᒪᒋᔭᖃᕐᓗᑎ ᓴᖅᑭᔮᖅᑎᑦᑎᔪᓂᑦ ᐊᑦᑕᓇᐃᖅᓯᒪᓂᖏᓐᓄᑦ ᓄᓇᖃᖅᑳᖅᓯᒪᔪᑦ ᐃᓄᖏᑦ. ᐃᓅᕋᑖᖅᑎᓪᓗᒋᑦ ᐱᐊᕋᕗᑦ ᐊᕙᓗᔭᐅᓯᒪᔪᑦ ᓄᓇᖃᖅᑳᖅᓯᒪᔪᓄᑦ ᖃᐅᔨᒪᔭᖏᓐᓄᑦ ᐊᒻᒪ ᐃᓄᖏᓐᓄᑦ. ᖁᕕᐊᓱᒍᑕᐅᓂᖓ ᐃᕐᓂᒍᑎᖃᕐᓂᐅᔪᖅ ᐱᒋᐊᖅᑎᑦᑎᔪᓐᓇᖅᑐᖅ ᓄᓇᓕᑦᑎᓐᓂᑦ… ᐊᖏᕋᒥ ᐃᕐᓂᓱᒃᓰᓂᕐᒧᑦ ᐃᑲᔪᖅᑐᑦ ᐊᑦᑕᓇᐃᖅᓯᒪᓂᕐᒧᑦ, ᐃᓅᕋᑖᖅᑎᓪᓗᒋᑦ ᐊᕙᓗᔭᐅᓯᒪᔪᑦ ᐅᕙᒍᑦ ᐃᓄᖏᓐᓄᑦ, ᐃᑲᔪᖅᑐᑦ ᓴᖅᑭᔮᖅᑎᑦᑎᓗᑎ ᖃᐅᔨᒪᓂᐅᔪᓂᑦᐅᕙᒍᑦ ᐱᔪᓐᓇᐅᑎᖏᓐᓂ, ᑎᒥᑦᑎᓐᓂ, ᐊᒻᒪ ᐃᒻᒥᓂᒃ ᑲᔪᖏᖅᓯᒪᓂᕐᒧᑦ.
ᐱᔪᓐᓇᕐᓂᖃᖏᑦᑐᑦ ᒐᕙᒪᑐᖃᒃᑯᑦ ᐃᑲᔪᕐᓗᑎ ᐃᓱᒪᒋᔭᐅᓯᒪᔪᓂᑦ ᑲᒪᒋᔭᖃᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᐱᔾᔪᑎᒋᓪᓗᒍ ᐱᒡᒐᓇᕐᓂᖓ ᐋᓐᓂᐊᖅᑐᓕᕆᓂᕐᒧᑦ ᐊᑐᖅᑕᐅᔪᓐᓇᖅᑐᑦ. ᐃᖅᑲᓇᐃᔮᖑᕙᓪᓕᐊᔪᖅ ᐱᓕᕆᐊᖑᓕᖅᑐᖅ ᑭᓯᐊᓂ ᐅᑎᖃᑦᑕᖅᑐᑦ ᒐᕙᒪᑐᖃᒃᑯᓐᓄᑦ ᐊᓪᓚᕕᒻᒥ ᐃᖅᑲᓇᐃᔭᖅᑎᓄᑦ ᐊᓯᖏᓪᓗ. ᑕᑯᔪᓐᓇᖅᑕᕗᑦ ᐱᓕᕆᓇᓱᐊᖅᑕᖏᑦ ᓂᕈᐊᖅᑕᐅᓯᒪᔪᑦ ᑭᓯᐊᓂ ᑕᑯᖏᑕᕗᑦ ᑐᑭᓯᓇᖅᓯᑎᑕᐅᓯᒪᔪᑦ ᐊᓪᓚᕕᒻᒥ ᐃᖅᑲᓇᐃᔭᖅᑎᓄᑦ ᐊᓪᓚᓄᑦ ᐊᒻᒪ ᖃᓄᖅᑑᕋᔅᓴᐅᔪᑦ ᐊᑐᖅᑕᐅᔪᓐᓇᖅᑐᑦ.
ᐊᐅᓪᓛᖅᑎᑕᐅᔪᓐᓇᕐᓂᖏᑦ ᑖᒃᑯᐊ ᐱᔪᓐᓇᐅᑏᑦ – ᐱᔪᓐᓇᐅᑏᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐊᖏᕈᑎᓂᑦ ᐅᖃᖅᓯᒪᖏᑦᑐᑦ ᐃᕝᕕᑦ ᐊᓪᓚᐃᑦ ᓄᓇᓕᖓᓃᒋᐊᖃᖅᑐᑎᑦ. ᑖᒃᑯᐊ ᐱᔪᓐᓇᐅᑏᑦ ᐅᕙᓐᓃᑦᑐᑦ ᐅᕙᖓ ᓇᒧᓐᖓᕐᓂᕆᖏᑕᖓᓄᑦ. ᐊᐱᖅᑯᑎᓕᐅᓕᖅᐸᑦᑐᖅ ᐃᓚᐃᓐᓈᓂᕐᒧᑦ ᐅᕕᓂᐅᖃᑎᒋᖏᑕᖓᓄᑦ ᐅᕙᓐᓄᑦ. ᓄᓇᖃᖅᑳᖅᓯᒪᖏᑦᑐᑦ ᐃᓄᖏᑦ ᐅᖃᐅᔾᔭᐅᕙᖏᑦᑐᑦ ᐅᑎᖁᔭᐅᓗᑎ ᐃᓅᕕᒋᓚᐅᖅᑕᖏᓐᓂ ᐱᔭᔅᓴᐅᓂᖓᓄ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᑎᖅᑕᓄᑦ. ᐃᓄᐃᑦ ᐱᔭᕆᐊᓖᑦ ᐱᔭᔅᓴᐅᓂᖏᓐᓄᑦ ᐱᔨᑦᑎᖅᑕᐅᔪᑦ, ᐱᔭᕆᐊᖃᖅᑕᖏᓐᓂ, ᖃᒃᑯᑦ ᐱᔭᕆᐊᖃᖅᑕᖏᓐᓂ, ᓇᒥ ᐱᔭᕆᐊᖃᖅᑕᖏᓐᓂ. ᐊᒻᒪᓗᑦᑕᐅᖅ ᑮᓇᐅᔭᖅᑐᖏᓐᓂᖅᓴᖅ. ᓯᕗᓂᐊᒎᓂᖅᓴᖅ ᕿᑎᖑᓄᐊᖅᑎᖃᖅᑐᒍᑦ ᐊᒻᒪ ᐱᓕᕆᐊᖃᓗᐊᖅᑐᑎ ᐊᑐᖅᑕᐅᑦᑕᐃᓕᑎᑦᑎᓂᕐᒥᑦ ᐱᓕᕆᐊᖃᖏᓂᖅᓴᐅᓂᐊᕋᑦᑕ ᐊᑯᓂᐅᔪᒧᑦ ᒪᒥᓴᐃᓂᐅᔪᓂᑦ.
ᓄᓇᖃᖅᑳᖅᓯᒪᔪᓂᑦ ᑐᑭᓯᒋᐊᕈᑏᑦ ᐃᒪᒋᓕᐅᔾᔭᐅᓯᒪᔭᕆᐊᓖᑦ ᒪᓕᒐᕐᒥᑦ. ᑎᑎᕋᖅᓯᒪᒋᐊᖃᕐᒥᔪᑦ ᐅᕙᓂ ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᐱᖁᔭᖅ ᓯᕗᒧᒋᐊᖅᑎᑦᑎᓂᐊᕐᓗᑎ ᑲᓇᑕᒥ ᐊᕕᑦᑐᖅᓯᒪᔪᓂᑦ ᐊᒻᒪ ᐊᑐᖅᑕᐃᓕᑎᑦᑎᓗᑎ ᐱᓇᓱᐊᑐᐃᓐᓇᖅᑐᓂᑦ ᐱᑕᖃᖅᑎᑦᑎᓂᐊᖏᑉᐸᑕ ᐱᔨᑦᑎᖅᑕᓂᑦ.
ᓇᓗᓇᐃᖅᑕᐅᓯᒪᓂᖏᑎᒍᑦ ᑐᓐᖓᓂᖃᖅᑐᖅ ᒪᓕᒐᖅ ᐱᓕᕆᐊᖃᕐᓂᖅᓴᐅᖁᔭᕗᑦ ᒪᐃᑏ ᐊᔾᔨᐅᖏᑦᑑᓗᓂ ᑎᒥᐅᔪᖅ.
ᐅᐊᑦᑎᐊᕈᐊᓗᒃ ᐊᑐᐃᓐᓇᐅᓕᔪᔪᒍᑦ ᐊᐅᓚᑦᑎᓗᑕ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐊᑐᖅᑕᐅᔪᓂᑦ. ᖃᓄᑐᐃᓐᓇᖅ ᖃᓄᐃᓕᔪᑦ ᑐᓂᓯᔭᕆᐊᓖᑦ ᐅᕙᒍᑦ ᐊᐅᓚᑦᑎᓗᑕ. ᐱᔭᕆᐊᖃᖅᑐᒍᑦ ᐱᔪᒥᓇᖅᑐᒥ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᕐᒧᑦ ᐊᑐᖅᑕᐅᔪᓂᑦ ᐃᑉᐱᒍᓱᑦᑎᐊᖅᑐᑦ ᐊᒻᒪ ᓇᓕᒧᓐᓂᖃᖅᑎᑦᑎᔪᑦ ᐱᖅᑯᓯᓄᑦ ᒪᒥᓴᐅᑏᑦ ᐊᒻᒪ ᑎᒥᒧᑦ ᒪᒥᓴᐅᑎᑦ. ᐆᑦᑐᕋᐅᑎᖃᖅᑎᑦᑎᔪᒍᑦ ᓯᓚᕐᔪᐊᓕᒫᒧᑦ, ᐊᑕᐅᓯᖅ ᐊᓛᔅᑲᒥ ᐊᒻᒪ ᕼᐊᕙᐃᔨ.
ᒪᓕᒐᖅ ᐊᐅᓚᓂᖃᕆᐊᓕᒃ ᐱᔭᐅᔭᕆᐊᖃᖅᑐᓂᑦ ᐊᒻᒪ ᐱᐅᓛᓂᑦ ᐊᑐᖅᑕᐅᔪᓂᑦ ᑖᒃᑯᐊ ᓄᓇᖃᖅᑳᖅᓯᒪᔪᑦ ᐃᓄᖏᑦ ᓇᓗᓇᐃᖅᑕᖏᑦ. ᐊᒋᐅᑦᑎᓂᐅᒐᓗᐊᖅᑲᑦ, ᐃᓐᓇᑐᖃᐃᑦ ᐅᕝᕙᓘᓐᓃᑦ ᑭᓱᑐᐃᓐᓇᐃᑦ ᐱᖃᓯᐅᔾᔭᐅᔪᓐᓇᖅᑐᑦ ᐱᑕᖃᖅᑎᑕᐅᑎᓪᓗᒋᑦ ᐱᔨᑦᑎᕋᖅᑕᐅᔪᑦ, ᑕᐃᒪᐃᑦᑐᒥᑦ ᐱᔭᕆᐊᖃᖅᑐᒍᑦ.
ᐊᕐᓚᐅᓪᓗᓂ ᐊᒻᒪ ᐊᓈᓇᒋᔭᐅᔪᑦ, ᐃᑲᔪᖅᑕᐅᔭᕆᐊᖃᖅᑐᒍᑦ ᐃᓚᑦᑎᓐᓄᑦ, ᐊᓂᖅᓵᖅᑑᑎᒥᑦ ᐋᖅᑭᔅᓯᔭᕆᐊᖃᖅᑐᑎᑦ ᐊᓈᓇᒋᔭᐅᔪᓄᑦ ᑕᐃᑲᓃᒍᓐᓇᓂᐊᕐᖓᑕ ᐃᑲᔪᕐᓗᒋᑦ ᐊᓯᖏᑦ. ᐃᓄᐃᑦ ᐊᓂᑎᖏᖔᕐᓗᒋᑦ ᐊᒻᒪ ᐅᑎᖅᑎᓪᓗᒋᑦ, ᐃᓚᒌᓄᑦ ᐊᑐᖅᑕᐅᔪᓐᓇᖅᑐᓂᑦ ᐱᔭᕆᐊᖃᖅᑐᒍᑦ.
ᓴᖅᑭᖅᑎᑕᐅᓂᖓᓄᑦ ᓇᓗᓇᐃᖅᓯᒪᔪᓄᑦ ᑐᓐᖓᓂᖃᖅᑐᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᒐᖅ, ᕿᓂᕐᓗᑎ ᓴᓇᓯᒪᓂᖏᓐᓄᑦ ᐱᑕᖃᕇᖅᑐᓂᑦ ᐊᒻᒪ ᐃᖅᑲᓇᐃᔭᕐᓂᖃᖅᑐᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓄᑦ.
ᖃᐅᔨᒋᐊᕐᓗᑎ ᓄᓇᓕᒻᒧᑦ ᓇᓗᓇᐃᕐᓗᒍ ᑭᑦ ᐱᔭᕆᐊᖃᖅᑕᖏᓐᓂ. ᓄᓇᓕᒋᔭᕗᑦᑦ ᖃᐅᒪᔪᑦ ᐱᔭᕆᐊᖃᖅᑕᖏᓐᓂ, ᖁᑦᑎᓂᖅᐹᓂᑦ ᐊᑦᑕᓇᕈᑎᒃᑰᖃᑦᑕᖅᑐᑦ ᐃᓗᐊᓅᕋᐃᒻᒪ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐱᔨᑦᑎᖅᑕᓄᑦ, ᑖᒃᑯᐊ ᓈᓚᒋᐊᖃᖅᑕᕗᑦ.
ᑕᕝᕙᓂ ᒪᓕᒐᕐᒥ, ᐅᑎᖅᑎᒋᐊᖃᖅᑕᕗᑦ ᓄᓇᐃᑦ ᐃᓄᒋᐊᑦᑐᓃᑦᑐᑦ.
ᑲᓇᑕ ᐅᕙᑦᑎᓐᓂ ᓂᓕᒧᖃᑎᖃᕆᐊᓕᒃ ᐃᑲᔪᕐᓗᑎ ᐅᕙᑦᑎᓐᓂ ᐅᖃᐅᔾᔨᖏᖔᕐᓗᑎ ᖃᓄᐃᓘᖁᔨᓗᑎ. ᖃᓄᖅ ᐃᓄᐃᑦ ᐅᑎᕆᐊᕈᓐᓇᖅᑲᑦ ᑎᒥᖏᓐᓄᑦ ᐊᒻᒪ ᓇᒻᒥᓂᑦ ᐊᐅᓚᑦᑎᓗᑎ, ᐅᖃᐅᔾᔭᐅᒍᑦᑕ ᐱᐅᖏᓗᐊᖅᑐᑕ, ᓱᓕ ᐱᑕᖃᕈᓂ ᐱᔪᓐᓇᐅᑎᖃᓂᕐᒧᑦ ᐊᐅᓚᑦᑎᓗᑎ ᐅᕙᑦᑎᓐᓂ?
ᑖᔅᓱᒧᖓ ᒪᓕᒐᕐᒧᑦ ᐊᒻᒪ ᐅᑯᐊ ᐅᖃᖃᑎᒌᓐᓂᐅᔪᑦ ᐃᓱᒪᒋᔭᖃᕆᐊᖃᓕᖅᑐᒍᑦ ᑯᔭᓐᓂᕐᒨᖓᔪᑦ ᐊᒻᒪ ᕿᑐᓐᖓᓕᐅᓂᕐᒧᑦ ᐋᓐᓂᐊᖅᑐᓕᕆᓂᖅ ᐊᔾᔨᒋᖏᑕᖓᓂ ᐅᕙᒍᑦ ᓄᓇᓕᖅᔪᐊᖓᓂ ᑲᓇᑕ. ᐊᑐᖅᑐᒍᑦ ᐱᔭᕇᖅᓯᒪᖏᑦᑐᓂᑦ ᑐᑭᓯᒋᐊᕈᑎᓂᑦ ᐊᒻᒪ ᖃᐅᔨᓴᕐᓂᐅᔪᒧᑦ ᓄᓇᖃᖅᑳᖅᓯᒪᔪᓅᖏᑦᑐᖅ ᑐᑭᒧᐊᖅᑎᑕᐅᔪᖅ, ᑖᒃᑯᐊ ᑐᑭᓯᒋᐊᕈᑏᑦ ᐊᑐᖅᑕᕗᑦ ᐋᖅᑭᒍᑎᓄᑦ ᐊᒻᒪ ᑕᐃᒪᓐᓇ ᐱᔪᓐᓇᔮᖏᑦᑐᖅ. ᐃᓱᒪᒋᔭᕆᐊᖃᖅᑕᕗᑦ ᐊᓯᔾᔨᕐᓗᒍ ᐱᑕᖃᖅᑎᑦᑎᓂᕆᔭᕗᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᑕᕝᕙᓂ ᑲᓇᑕᒥ ᑕᑯᔅᓴᐅᑎᑦᑎᓂᐊᕋᑦᑕ ᓴᖏᓂᖏᑦ ᓄᓇᓕᑦᑎᓐᓂ ᐊᒻᒪ ᐊᓪᓚᐃᑦ ᓄᓇᓕᖏᓐᓂ.
ᐅᖃᐅᓯᖃᖅᑎᓪᓗᑕ ᒪᓕᒐᕐᒥᑦ ᐊᒻᒪ ᐱᕆᐱᑕᖃᕆᐊᖃᕐᓂᖓ ᐊᓪᓚᓄᑦ, ᒪᐃᑏ, ᐊᒻᒪ ᐃᓄᐃᑦ, ᐃᓱᒪᒋᔭᕆᐊᖃᖅᑕᕗᑦ ᑎᑭᑦᑎᓂᖏᓐᓄᑦ ᐱᔭᐅᔭᕆᐊᖃᖅᑐᓂᑦ ᓄᓇᓕᓐᓄᑦ, ᑐᓐᖓᑎᒋᐊᖃᖅᑕᕗᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑐᖅᑕᐅᔪᖅ ᓄᓇᓕᑦᑎᓐᓂ, ᑎᑭᑦᑎᓗᑎ ᐱᔭᕆᐊᖃᖅᑕᖏᓐᓂ ᐊᒻᒪ ᓴᖅᑭᔮᖅᑎᓪᓗᒋᑦ ᑎᒥᖏᓐᓄᑦ ᖃᓄᐃᓐᓂᖏᑦ ᐊᒻᒪ ᖃᓄᐃᖏᑎᐊᕐᓂᖏᑦ… ᐃᓕᔭᕆᐊᖃᖅᑕᕗᑦ ᐋᖅᑭᒍᑏᑦ ᓄᓇᓕᓐᓂᑦ ᐊᒻᒪ ᑭᐅᓕᕐᓗᒋᑦ ᑕᐃᒃᑯᐊ ᐱᔭᐅᔭᕆᐊᖃᖅᑐᑦ.
ᐊᑐᕋᐃᒐᑦᑕ ᐱᖅᑯᓯᓄᑦ ᐊᑐᖅᑕᐅᔪᓂᑦ, ᑕᑯᔭᐅᕕᔅᓴᖃᓚᐅᖅᓯᒪᖏᑦᑐᖓ ᑐᖔᓂ ᐃᑲᕋᐅᑉ ᓇᑉᐸᖓᓂ. ᐃᔅᓯᖃᑎᖃᖅᐸᑦᑐᒍᑦ ᐃᓚᑦᑎᓐᓂ ᐊᒻᒪ ᐃᓚᒋᓪᓗᑎᐳᒍ. ᓂᓕᕆᑦᑕᐃᓕᒪᒐᐃᒐᑦᑕ ᐅᕝᕙᓘᓐᓃᑦ ᐊᓇᕐᕕᒨᖅᑐᑕ, ᖃᐃᖅᑯᕙᑦᑕᕗᑦ ᐋᓐᓂᐊᔪᑦ. ᑖᓐᓇ ᑕᑯᓂᐊᕋᑦᑎᒍ ᐊᑐᖅᑕᐅᓂᖓ ᑲᒪᒋᔭᖃᓂᕐᒧᑦ, ᐊᑐᖅᑕᐅᔪᓐᓇᖅᑐᑦ ᐃᓐᓇᑐᖃᑦᑕ ᐅᕙᑦᑎᓐᓂ ᐅᖃᐅᔾᔨᓯᒪᐃᓐᓇᖅᑕᖏᑦ, ᒪᒥᓴᐅᑎᐅᔪᑎᑦ, ᖃᐅᔨᓚᐅᖅᑕᕗᑦ ᑖᓐᓇ ᓱᓕᓪᓗᓂ. ᑭᓇᓕᒫᖅ ᐃᓄᒃ ᐃᓚᒋᔭᐅᖃᑕᐅᔪᖅ ᐊᑐᖅᑕᐅᔪᓐᓇᖅᑐᒥᑦ ᑕᑯᓚᐅᖅᑐᑦ ᒪᒥᓴᖅᑕᑎᓐᓂ, ᕿᒥᕐᕈᓪᓗᑎ ᖃᓪᓗᓈᑎᑐᑦ ᐊᒻᒪ ᐱᖅᑯᓯᓄᑦ ᐊᑐᖅᑕᐅᔪᑦ ᐊᒻᒪ ᑲᑎᑦᑎᑦᑐᒋᑦ ᑕᐃᒪᓐᓇ ᑕᑯᓚᐅᖅᑐᑦ. ᑖᔅᓱᒧᖓ ᐱᔪᓐᓇᐅᑎᑖᒃᑲᓐᓂᓚᐅᖅᑐᑦ ᐊᒻᒪ ᐃᑉᐱᒍᓱᑦᑐᑎ ᖃᓄᐃᓐᓇᑎ. ᓄᓇᖃᖅᑐᒍᑦ ᓄᓇᓕᕐᔪᐊᒥᑦ ᐊᑦᑕᓇᖅᑐᓂ ᓇᔪᖅᓯᓗᓂ ᓄᓇᖃᖅᑳᖅᓯᒪᔪᒧᑦ ᑎᒥᒧᑦ. ᖃᓄᐃᒻᒪᑦ ᑕᐃᒪᐃᓘᕈᓐᓇᖅᑭᓯ ᐊᑦᑕᓇᖅᑎᓪᓗᒍ.
ᓯᕗᒧᒋᐊᕈᓐᓇᖏᑦᑐᖓ ᐅᖃᕐᓗᖓ ᖃᓄᖅ ᓇᓂᕙᑉᐱᓐᖓ ᓯᓚᑖᓂᐊᓪᓚᓄᑦ ᐊᑐᖅᑕᐅᔪᓂᑦ. ᑮᓇᐅᔭᖃᖅᑎᑕᐅᓂᖅ ᓴᐳᒻᒥᑦᑎᓂᖃᖅᑐᖅ, ᑮᓇᐅᔭᐃᑦ ᐃᒻᒥᓄᑦ ᑐᓂᔭᑎᑦ. ᐊᓪᓚᐃᑦ ᑎᒥᖏᓐᓅᕆᐊᓖᑦ ᑮᓇᐅᔭᐃᑦ ᑎᒥᖁᑎᒋᒃᑲᓂᖅᑕᖓ ᒐᕙᒪᒃᑯᓐᓄᑦ.
ᐅᕙᖓ ᐃᓄᖏᓐᓂ, ᕙᓛᒃᐳᑦ, ᐃᒪᐃᒐᔪᑦᑐᑦ, ᑭᓯᐊᓂ ᑕᐃᒪᐃᖏᓐᓇᖏᑦᑐᑦ, ᑐᓂᓯᖃᑦᑕᖅᑐᒍᑦ ᐱᔾᔪᑎᖓᓄ ᐋᓐᓂᐊᓂᕐᒧᑦ ᐊᒻᒪ ᓇᓕᒧᑦᑎᑦᑎᓂᕐᒧᑦ. ᐋᓐᓂᐊᓂᐅᔪᖅ ᐊᑦᑐᐊᓂᖃᖅᑎᑕᐅᔪᓐᓇᖅᑐᖅ ᐊᒥᓱᓄᑦ ᐱᔾᔪᑎᖃᖅᑎᑦᑎᔪᓄᑦ, ᐃᒻᒥᓂᒃ, ᓄᓇᒦᖔᖏᑦᑐᑦ ᐊᒻᒪ ᑖᐳ ᐱᔾᔪᑎᖃᖅᑎᑦᑎᔪᑦ. ᐊᔾᔨᒋᖏᑕᖓᒍᑦ ᐅᓪᓗᒥ ᒪᒥᓴᐅᑏᑦ ᐋᓐᓂᐊᓄᑦ ᑐᓐᖓᓂᖃᖅᑐᑦ ᐊᒻᒪ ᐊᑦᑐᐊᓂᖃᖅᑐᑎ ᐋᓐᓂᐊᓂᕐᒧᑦ ᐊᒻᒪ ᐊᐃᑦᑑᑕᐅᔪᓐᓇᖅᑐᓄᑦ. ᐱᔾᔪᑎᖃᖅᑎᑦᑎᓂᖓ ᐋᓐᓂᐊᓂᕐᒧᑦ ᐊᑦᑐᐊᓂᖃᖅᑐᑦ ᒪᒥᓴᓂᕐᒧᑦ. ᕙᓛᒃᐳᑦᒥ ᐱᖅᑯᓯᖏᓐᓂ, ᒪᒥᓴᐅᑎᖃᖅᑐᒍᑦ ᐊᒻᒪ ᐊᑐᖅᑕᐅᕙᑦᑐᓂᑦ, ᐃᓚᖏᑦ ᐄᔭᒐᕐᓂᒃᑯᑦ, ᑕᕐᓂᒃᑯᑦ, ᓄᓇᒦᖔᖏᑦᑐᓂᑦl. ᕙᓛᒃᐳᑦ ᐃᓄᖏᑦ ᒪᒥᓴᓂᕐᒧᑦ ᐃᓄᖃᖅᑐᑦ ᖃᐅᔨᒪᓂᖃᖅᑐᖅ ᐊᒻᒪ ᒪᒥᓴᐅᑎᓂᑦ ᒪᒥᓴᖅᑐᒍ ᐋᓐᓂᐊᔪᖅ.
ᓴᖏᓂᖅᑕᖃᖅᑐᖅ ᐅ>ᖓ ᑕᑯᔭᖏᓐᓂ ᓄᓇᓕᓐᓂᑦ ᐃᖏᕋᓯᑎᑕᐅᓂᖓ ᖃᓪᓗᓈᑦ ᐱᖅᑯᓯᖏᑦ ᐊᑐᖅᑕᐅᔪᓐᓃᕐᓂᖏᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᓲᕐᓗ, ᑐᓂᔭᐅᓂᖏᓐᓄᑦ ᐊᑐᖅᑕᐅᔪᓐᓇᖅᑐᑦ ᖃᓄᖅᑑᕋᔅᓴᐅᔪᑦ, ᑭᐅᒋᐊᕋᔅᓴᐅᔪᑦ ᓄᓇᖃᖅᑳᖅᓯᒪᔪᓄᑦ ᐃᓄᖏᓐᓄᑦ ᐱᔭᕆᖕᐊᖃᖅᑕᖏᓐᓂ ᓄᓇᓕᓐᓂᑦ, ᓲᕐᓗ, ᐅᖃᐅᓯᖅ, ᐱᖅᑯᓯᖅ, ᓄᓇᒦᓐᓂᕐᒧᑦ ᐱᔨᑦᑎᖅᑕᐅᔪᑦ.
ᑐᓂᔭᐅᔪᓂᑦ ᐊᑐᖅᑕᐅᔪᓐᓇᖅᑐᑕᖃᖅᑎᓪᓗᑕ ᓄᓇᕗᒻᒥ ᖃᓄᖅᑑᕋᔅᓴᐅᔪᑦ, ᑖᒃᑯᐊ ᑐᓂᓯᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᑭᐅᔪᓐᓇᖅᑐᑦ ᓄᓇᖃᖅᑳᖅᓯᒪᔪᑦ ᐃᓄᐃᓐᓄᑦ ᐱᔭᕆᐊᖃᖅᑕᖏᓐᓂ. ᓄᓇᒦᓐᓂᕐᒧᑦ ᐱᔨᑦᑎᖅᑕᐅᔪᑦ ᐱᑕᖃᖅᑎᑕᐅᕙᓪᓕᐊᓕᖅᑐᖅ ᐊᒥᓱᓂᑦ ᐊᔾᔨᒌᖏᑦᑐᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪ ᖃᓄᐃᖏᑎᐊᓂᕐᒧᑦ. ᑖᒃᑯᐊᓕᒫᑦ ᑲᑎᓐᖓᑎᑕᐅᔪᑦ ᐃᓗᐊᓂ ᓄᓇᖃᖅᑳᖅᓯᒪᔪᑦ ᐊᐅᓚᑕᖏᓐᓂ ᐊᒻᒪ ᐅᕙᑦᑎᓐᓂ ᐊᑲᐅᑎᑦᑎᓪᓗᓂ ᑭᐅᓗᒍ ᐃᓚᐃᓐᓈᓂᕐᒧᑦ ᐅᕕᓂᐅᖃᑎᒋᖏᑕᖓᓄ ᑕᑯᖃᑦᑕᖅᑕᕗᑦ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᐊᑐᖅᑕᐅᔪᓂᑦ.

ᓇᓗᓇᐃᕐᓗᒍ ᒐᕙᒪᑐᖃᒃᑯᑦ ᑐᓐᖓᕕᐅᔪᓐᓇᕐᓂᖏᑦ ᐊᒻᒪ ᐱᓕᕆᐊᕆᓗᒍ ᒐᕙᒪᖃᕐᕕᐅᔪᓂᑦ ᐃᓱᒫᓘᑕᐅᔪᑦ

ᒪᓕᒐᖅ ᐋᖅᑭᔅᓯᔭᕆᐊᓕᒃ ᔪᐊᑕᐅᑉ ᐊᒻᒪ ᔮᔅᓚᐅᑉ ᐊᑐᐊᒐᖏᑦ, ᐊᑯᓐᓂᖏᓐᓅᖅᑲᑐᐃᓐᓇᕋᔭᖅᑐᒍᑦ.
[ᐸᕕᓴᐃᓂᖃᖏᑦᑐᑦ ᑲᓇᑕᒥ ᐊᕕᑦᑐᖅᓯᒪᔪᑦ ᐊᒻᒪ ᐅᑭᐅᑕᖅᑐᒥ ᐱᓕᕆᒋᐊᓕᖏᑦ], ᑖᓐᓇ ᑕᑯᔅᓴᐅᑎᑦᑎᑲᓐᓂᖅᑐᖅ ᒐᕙᒪᑐᖃᒃᑯᑦ ᐅᖃᓚᐅᖅᓯᒪᖏᑦᑐᑦ ᑲᒪᒋᔭᖃᖅᑐᑎ ᐱᔾᔪᑎᒋᓪᓗᒍ ᒐᕙᒪᖃᕐᕕᐅᔪᓄᑦ ᐃᓛᒃᑰᖓᓂᖏᓐᓄᑦ, ᑕᑯᔅᓴᐅᑎᑦᑎᔪᑦ ᐊᒥᓱᒐᓚᓐᓂᑦ ᐆᑐᕋᐅᑎᐅᖃᑦᑕᖅᓯᒪᔪᓂᑦ ᐱᖃᓯᐅᑎᓪᓗᑎ ᑖᓐᓂᐅᓪᐃᓱᒪᓕᐅᕐᓂᖓ ᓄᖅᑲᑎᑦᑎᔪᑦ ᑲᒪᒋᔭᕆᐊᓕᖏᓐᓂ ᒪᐃᑏᓄᑦ. ᒪᓕᒐᖅ ᐱᓕᕆᐊᖃᕆᐊᓕᒃ ᐃᓱᒫᓘᑕᐅᔪᓂᑦ ᒐᕙᒪᖃᕐᕕᐅᔪᓂᑦ, ᐱᑕᖃᖅᑎᑦᑎᔪᑦ ᐊᔾᔨᒌᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᐱᔨᑦᑎᖅᑕᓂᑦ ᐊᒻᒪ ᐱᓕᕆᐊᖃᖅᑐᑎ ᐱᔾᔪᑎᖃᖅᑎᑦᑎᔪᓂᑦ ᐋᓐᓂᐊᖅᑐᓕᕆᓂᕐᒧᑦ. ᐃᓱᒪᒋᔭᕆᐊᖃᕐᓂᐊᖅᑕᕗᑦ ᖃᓄᖅ ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᐱᖁᔭᖅ ᖃᖓᒎᕈᔾᔨᒻᒪᖔᖅ ᖓᕙᒪᖃᕐᕕᓂᑦ ᑭᓪᓕᖏᓐᓂ ᐊᒻᒪ ᖃᓄᖅ ᓄᑖᖅ ᒪᓕᒐᖅ ᑕᐃᒪᐃᓘᕈᓐᓇᖅᑲ ᓇᓗᓇᐃᕐᓗᒍ ᑐᓐᖓᕕᐅᔪᓐᓇᕐᓂᖓ.
ᐅᑉᐱᕆᖏᑕᒃᑲ ᒐᕙᒪᕐᕕᐅᔪᓄ ᖃᓄᐃᓕᖓᓂᖓ. ᐊᑦᑐᐃᓂᖃᕈᓐᓇᖅᑐᖅ ᑲᓇᑕᒥ ᐊᕕᑦᑐᖅᓯᒪᔪᓂᑦ ᐊᒻᒪ ᑕᐃᒪᐃᒋᐊᓕᒃ.
ᐱᕕᔅᓴᖃᕐᓂᐅᔪᒥᑦ ᖃᓄᖅ ᐊᖏᔪᒥᑦ ᓄᓇᓖᑦ ᐊᑐᐊᖃᑦᑕᖅᑲᑦ ᐃᑲᔪᕐᓗᑎ ᓇᒻᒥᓂᖅ ᑭᒡᒐᑐᕐᓗᑎ? ᑕᒪᓐᓇ ᓱᕙᓕᑭᐊᑦᑎᐊᖅ ᐱᕕᔅᓴᐅᓂᖓᓄᑦ ᐊᒻᒪ ᐊᐅᓚᒐᓱᓐᓂᕐᒧᑦ, ᐱᓗᐊᖅᑐᒥᑦ ᐊᓪᓚᓄᑦ ᑲᑎᓐᖓᔪᓄᑦ ᐊᔅᓱᕈᓕᕇᖅᑐᓄᑦ. ᒪᓕᒐᖅ ᐋᖅᑭᔅᓯᔭᕆᐊᓕᒃ ᑖᒃᑯᓂᖓ ᐃᓱᒫᓘᑕᐅᔪᓂᑦ, ᓇᓗᓇᐃᕐᓗᒋᑦ ᑲᒪᒋᔭᖃᓂᕐᒧᑦ, ᐊᒻᒪ ᓄᖅᑲᑎᓪᓗᒍ ᑕᒪᐅᖓᑐᐃᓐᓈᕆᓂᖅ ᐱᕕᔅᓴᐅᔪᒥᑦ.
ᑕᓐᓇ ᒪᓕᒐᖅ ᑭᒍᑎᖃᕆᐊᓕᒃ, ᐊᔭᐅᖅᓯᒋᐊᕆᐊᕈᓐᓇᕆᐊᓕᒃ/ᐅᔭᐅᓗᒋᑦ ᒐᕙᒪᐃᑦ ᖃᓄᐃᓕᒋᐊᕐᓂᖃᕐᓗᑎ ᖃᓄᐃᓘᕈᒪᑎᓐᓇᒋᑦ ᐊᒻᒪ ᐱᓕᕆᐊᕆᓗᒍ ᒐᕙᒪᖃᕐᕕᓄᑦ ᐊᑯᓐᓂᖏᓐᓃᑦᑐᑦ ᐱᔭᐅᔭᕆᐊᖃᖅᑎᓪᓗᒋᑦ.
ᒪᓕᒐᖅ ᐅᕙᓐᓄ ᑐᓂᓯᒍᓐᓇᕐᒥᔪᖅ ᖃᓄᐃᑦᑑᓂᖓᓄ ᑲᔪᓯᑎᑕᐅᓂᖓ ᐱᔭᕆᖃᖅᑕᕗᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᒻᒪᒪ ᑭᓱᓕᕆᔾᔪᑎᓄᑦ.
ᑲᓇᑕᒥ ᐊᑐᐊᒐᐃᑦ. ᐊᑐᓕᖅᑎᑕᐅᓂᖓ ᔪᐊᑕᐅᑉ ᐊᒻᒪ ᔮᐃᔅ ᐊᑐᐊᒐᖏᑦ. ᐱᔭᕿᐊᖃᖅᑐᑦ ᐊᖏᔪᒥᑦ ᐊᔾᔨᒌᑦᑎᑦᑎᓂᕐᒥᑦ ᐱᓕᕆᐊᕆᓗᒍ ᑮᓇᐅᔭᖃᖅᑎᑕᐅᑦᑎᐊᖃᑦᑕᖏᓐᓂᖅ ᑭᓯᐊᓂᑦᑕᐅᖅ ᒐᕙᒪᖃᕐᕕᐅᔪᑦ ᐅᑎᖅᑕᖃᑦᑕᕐᓂᖏᓐᓄᑦ ᐊᑯᓐᓂᖏᓐᓃᑦᑐᓄᑦ.
ᓇᓗᓇᐃᖅᓯᒪᑦᑎᐊᖅᑐᖅ ᐅᖃᐅᓯᖅ ᑮᓇᐅᔭᖃᖅᑎᑕᐅᓂᕐᒧᑦ: ᑭᓇ ᑮᓇᐅᔭᖃᖅᑎᑦᑎᕙ ᑭᓱᒥᑦ ᐊᒻᒪ ᖃᓄᖅ (C-92 ᑖᓂᓯᕐᓂᖃᖅᑐᑦ ᑖᔅᓱᒧᖓ). ᑲᓇᑕ ᐱᓕᕆᐊᕆᒪᐅᖏᑕᖓ ᐅᕙᓂ C-92, ᐊᒻᒪ ᖃᑭᐊᖅᓵᕆᔭᐅᓚᐅᖅᑐᑦ ᑯᐸᐃᒃ ᐃᖅᑲᖅᑐᐃᕕᖓᓄ ᐅᕐᓂᓗᑦᑐᓄᑦ.
ᑐᓐᖓᕕᐅᔪᓐᓇᕐᓂᖏᑦ: ᓲᕐᓗ, ᐊᖏᕐᓗᒋᑦ ᐃᓱᒪᒋᔭᐅᔪᑦ ᐃᑲᔪᖅᑐᐃᔪᓂᑦ ᐅᖃᐅᓯᐅᓯᒪᔪᑦ ᓕᑐ ᐱᐅ, ᐱᖃᓯᐅᑎᓪᓗᑎ ᑲᓇᑕᒥ ᐊᕕᑦᑐᖅᓯᒪᔪᓄᑦ, ᐱᓗᐊᖅᑐᒥᑦ ᐱᔾᔪᑎᖃᖅᑐᓂᑦ ᐃᓱᒫᓘᑕᐅᔪᓂᑦ ᐃᑉᐱᒋᔭᐅᖏᖃᑦᑕᖅᓯᒪᔪᑐᖃᐃᑦ, ᐊᐅᓚᓂᖃᕆᐊᖃᖅᑐᖅ ᑖᒃᑯᐊ ᓄᓇᖃᖅᑳᐃᓄᖏᑦ ᐱᔪᓐᓇᖅᑕᖏᓐᓂ ᒐᕙᒪᑐᖃᒃᑯᓐᓂᑦ, ᑲᓇᑕᒥ ᐊᕕᑦᑐᖅᓯᒪᔪᓂᑦ ᐊᒻᒪ ᐅᑭᐅᑕᖅᑐᒥ ᑭᒡᒐᖅᑐᐃᔩᑦ ᓴᖅᑭᑎᑦᑎᓗᑎ ᐸᓯᔭᔅᓴᐅᒋᐊᖃᓕᖅᑎᓪᓗᒋᑦ.
ᐱᖃᓯᐅᔾᔨᔭᕿᐊᓕᒃ ᐊᐅᓚᓂᖏᓐᓄᑦ ᑐᓐᖓᕕᒋᔭᐅᓂᕐᒧᑦ, ᑐᓂᔭᐅᔪᑦ ᑮᓇᐅᔭᖃᖅᑎᑕᐅᓂᕐᒧᑦ ᐅᕝᕙᓘᓐᓃᑦ ᐃᓯᕈᓐᓇᖅᑎᑕᐅᖏᑦᑐᓄᑦ… ᓂᕆᐅᑦᑐᖓ ᖁᕝᕙᓯᓐᓂᐊᖅᑐᑎᑦ ᐊᑐᐊᒐᐃᑦ, ᐊᒻᒪᓗᑦᑕᐅᖅ ᐊᐅᓚᓂᕆᔭᖏᑦ ᒪᓕᓐᓂᖃᕐᓗᑎ ᑖᒃᑯᓄᖓ ᐊᑐᐊᒐᕐᓄᑦ.
ᑖᓐᓇ ᐃᓱᒪᒋᔭᐅᔪᖅ ᐱᑕᖃᓚᐅᖅᓯᒪᖏᓐᓂᖓᓄᑦ ᐊᑐᓕᖅᑎᑕᐅᓂᖓᓄᑦ ᐸᕐᓇᐅᒻᒥᑦ [ᐱᕙᓪᓕᐊᓂᐅᖃᑦᑕᖅᓯᒪᔪᓂᑦ ᓲᕐᓗ ᕈᐃᔪ ᑲᑎᒪ ᔩᑦ ᓄᓇᖃᖅᑳᖅᓯᒪᔪᓄᑦ ᐃᓄᖏᓐᓄᑦ], ᐱᓕᕆᐊᕆᔭᕆᐊᖃᖅᑕᕗᑦ ᑕᒪᓐᓇ ᑕᕝᕙᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᒐᕐᒥ.
ᓱᓕᔪᓂᑦ ᐱᔪᓐᓇᕐᓂᖅ ᐱᒻᒪᕆᐅᔪᖅ ᑭᓯᐊᓂ ᐱᒡᒐᓇᖏᑦᑐᖅ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᒐᖅ ᐱᔾᔪᓯᐊᖅᑎᑦᑎᒋᐊᓖᑦ ᐊᒻᒪ ᐃᑲᔪᕐᓗᑎ ᑖᔅᓱᒥᖓ.
ᖁᓚᕐᓂᖃᕐᓂᐅᔪᖅ ᐃᓗᐊᓃᒋᐊᓕᒃ ᐱᕙᓪᓕᐊᓂᖓᓄᑦ ᐃᓄᐃᑦ ᑐᓐᖓᕕᒋᔭᐅᔪᓐᓇᕐᓗᑎ. ᑐᓐᖓᕕᐅᔪᓐᓇᕐᓂᖏᑦ ᐱᒻᒪᕆᐅᔪᖅ.

ᐅᖃᐅᔾᔨᒋᐊᕈᑏᑦ ᐊᑦᑐᐊᓂᓖᑦ ᐱᕙᓪᓕᐊᓂᖓᓄ ᐊᒻᒪ ᐊᑐᖅᑕᐅᓂᖓ ᓴᖅᑭᑎᑕᐅᓂᖓᓄᑦ ᒪᓕᒐᖅ

ᓄᓇᖃᖅᑳᖅᓯᒪᔪᑦ ᐃᓄᖏᑦ ᑐᑭᒧᐊᖅᑎᑦᑎᒋᐊᓖᑦ

ᒪᓕᒐᕐᒥ, ᓄᓇᖃᖅᑳᖅᓯᒪᔪᑦ ᐃᓄᖏᑦ ᑐᑭᒧᐊᖅᑎᑦᑎᒋᐊᓖᑦ ᐊᑐᖅᑕᐅᔪᒥᑦ. ᐃᑭᑎᑕᐅᓂᖓ ᐃᑯᐊᓚᒃ, ᐱᑕᖃᖅᑐᖅ ᓄᓇᖃᖅᑳᓯᒪᔪᓄᑦ ᐃᓄᖏᓐᓄᑦ ᑐᑭᒧᐊᖅᑎᑦᑎᔪᓐᓇᖅᑐᑦ ᐊᑐᖅᑕᐅᔪᓐᓇᖅᑐᓂ ᑲᒪᒋᔭᖃᓂᕐᒧᑦ ᐅᕙᑦᑎᓐᓄᑦ ᐱᔪᓐᓇᖅᑐᖅ ᐊᒻᒪ ᐋᖅᑭᔅᓯᒪᓂᖃᖅᑐᖅ ᖃᓄᖅ ᐱᔪᒪᔭᑦᑎᓐᓂ.
ᐱᑕᖃᖏᑦᑐᑦ ᐅᕙᒍᑦ ᒥᔅᓵᓄᑦ ᐱᑕᖃᖅᑎᓐᓇᑕ. ᐱᒻᒪᕆᐅᓛᖑᔪᖅ ᐃᓚᖓ ᐃᔅᓯᕙᐅᑕᖃᕐᓗᓂ ᓵᒥ, ᐊᒻᒪ ᐅᖃᐅᔾᔭᐅᖏᓪᓗᓂ ᐊᒻᒪ ᕿᒪᑦᑕᐅᓗᓂ, ᑭᓯᐊᓂ ᐃᔅᓯᕚᖅᑐᑦ ᓵᒥᑦ.
ᓱᓕᓂᐅᔪᖅ ᓂᐱᐅᔪᑦ ᐃᓐᓇᑐᖃᖅᑎᓐᓄᑦ ᐊᒻᒪ ᒪᒃᑯᑦᑐᓄᑦ ᐱᓪᓚᕿᐅᔪᒥᑦ ᐊᑐᕋᔅᓴᖃᖏᑦᑐᑦ ᐃᒪᓂᓕᐅᕐᓂᓪᓚᕆᒧᑦ… ᐱᕕᔅᓴᖃᖅᑎᑦᑎᓂᐅᔪᖅ ᖃᓄᐃᓕᔪᓂᑦ ᐅᕙᒍᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪ ᖃᓄᐃᖏᑎᐊᓂᕐᒧᑦ.
ᓄᓇᖃᖅᑳᖅᓯᒪᔪᑦ ᐃᓄᖏᑦ ᐊᖏᔪᒥᑦ ᑐᓂᓯᔭᕆᐊᖃᖅᑐᒍᑦ ᑖᔅᓱᒧᖓ ᐅᖃᖃᑎᒌᓐᓂᐅᔪᒧᑦ ᐊᒻᒪ ᑭᓲᒻᒪᖔᖅ ᐋᓐᓂᐊᖅᑐᓕᕆᓂᖅ ᐊᕕᑦᑐᖅᓯᒪᔪᓂᑦ, ᐅᑭᐅᑕᖅᑐᒥ ᐊᒻᒪ ᒐᕙᒪᑐᖃᒃᑯᓐᓂᑦ. ᐃᓕᔭᕆᐊᖃᖅᑕᕗᑦ ᖃᐅᔨᒪᓂᕆᔭᕗᑦ ᐊᔭᐅᓯᓂᖃᖅᑐᓂᑦ.
ᓂᐱᕗᑦ ᐊᒻᒪ ᐱᔪᓐᓇᕐᓂᕆᔭᕗᑦ ᑐᓂᓯᒍᓐᓇᖅᑐᑦ ᑖᔅᓱᒧᖓ ᐱᕙᓪᐊᓂᖓᓄᑦ, ᒪᓕᒐᓕᐅᖅᑏᑦ ᑕᑯᔪᓐᓇᖅᑐᑦ ᓯᓚᕐᔪᐊᒧ ᑕᑯᓐᓇᖅᑕᐅᔪᒥᑦ ᐅᕙᒍᑦ ᑕᑯᓐᓇᖅᑕᖏᑎᒍᑦ.
ᐃᑲᔪᕐᓗᒋᑦ ᒪᒃᑯᑦᑐᑦ ᖃᐅᔨᒪᑎᓪᓗᒋᑦ ᖃᓄᐃᓘᓕᕐᒪᖔᑕ, ᓴᖅᑭᔮᖅᑎᑕᐅᔪᑦ, ᒪᒃᑯᑦᑐᐃᑦ ᐊᑐᖃᑦᑕᖅᓯᒪᔪᑦ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᐊᒻᒪ ᖃᐅᔨᒪᒍᑎ, ᑐᓂᓯᒍᓐᓇᖅᑐᑦ ᐊᑐᖃᑦᑕᖅᓯᒪᔭᖏᓐᓂ ᐊᒻᒪ ᖃᐅᔨᒪᔭᖏᓐᓂ.

ᐱᓕᕆᓂᖅᓴᕆᓗᒍ ᐱᓕᕆᖃᑎᒌᓐᓂᐅᔪᑦ ᐊᒻᒪ ᐊᔾᔨᒌᖏᑦᑑᑎᑦ

ᐃᖅᑲᖅᑐᐃᔨ ᐃᐊᑦᕗᑦ ᐋᖅᑭᔅᓯᓚᐅᖅᑐᖅ ᐅᕙᑦᑎᓐᓂ ᑭᒡᒐᖅᑐᐃᓪᓗᓂ, ᐃᓅᓕᔅᓯᓚᐅᖅᑳ ᔪᐃᔅ ᐃᑲᑯᐊᓐᒥ? ᐊᓯᔾᔩᓚᐅᖅᑳ ᐊᑐᖅᑕᐅᔪᒥᑦ? ᐋᒡᒐ, ᐱᔾᔪᑎᒋᓪᓗᒍ ᒪᓕᒐᐅᒻᒪᑦ, ᐊᓯᔾᔨᕆᐊᓕᒃ ᐱᓕᕆᖃᑦᑕᐅᑎᓂᐅᔪᓂᑦ. ᑕᕝᕙᓂᔅᓴᐃᓈᖅᑐᒍᑦ ᐃᓂᖓᓂ ᐅᓪᓗᒥ, ᐊᑐᖅᑐᒋᑦ ᒪᓕᒐᐃᑦ ᐃᑉᐱᒍᓱᑦᑎᐊᓂᕐᒧᑦ ᐱᓕᕆᖃᑦᑕᐅᑎᓂᐅᔪᑦ. ᕿᓂᒃᑲᓂᖅᑐᒍᑦ ᒪᓕᒐᕐᒥᑦ ᐊᒻᒪ ᑖᒃᑯᐊ ᒪᓕᒐᖅᑎᒍᑦ ᐊᖅᑯᑕᐅᔪᑦ ᐋᖅᑭᔅᓯᓗᑎ ᐃᓄᓐᓄᑦ ᐱᓕᕆᖃᑦᑕᐅᑎᓂᖏᓐᓄᑦ ᐃᓱᒫᓘᑕᐅᔪᑦ. ᑲᒪᒋᔭᖃᕆᐊᖃᖅᑐᐃᓐᓇᐅᔪᒍᑦ ᑖᔅᓱᒧᖓ ᐱᓕᕆᕆᖃᑦᑕᐅᑎᓂᕐᒥᑦ, ᒪᓕᒐᐅᖏᑦᑐᖅ, ᒪᓕᒐᐅᖏᑦᑐᖅ.
ᐱᓕᕆᖃᑎᒌᓕᓚᐅᖅᑐᒍᑦ ᒐᕙᒪᑐᖃᒃᑯᓐᓂᑦ ᐊᒻᒪ ᓴᒃᑯᓚᐅᖏᑕᕗᑦ ᐊᑦᑕᓇᐃᖅᓯᒪᓂᕗᑦ. ᒪᓕᒐᕐᒨᕐᓗᓂ ᕿᓂᖅᑳᓚᐅᖏᓪᓗᓂ ᐱᓕᕆᖃᑎᒌᓐᓂᑎᓐᓄᑦ ᐊᖏᕈᑎᑎᒍᑦ, ᒪᓕᒐᕐᒥᑦ ᐱᖃᓯᐅᔾᔨᔪᓐᓇᖅᑕᖃᔾᔮᖏᑦᑐᖅ ᑖᒃᑯᓂᖓᓕᒫᖅ ᐊᔾᔨᐅᖏᑦᑐᓂᑦ ᐱᓕᕆᖃᑎᒌᓐᓂᐅᔪᓂᑦ ᑲᓇᑕᓕᒫᒥᑦ. ᐱᓕᕆᐊᖃᓂᖅᓴᐅᒋᐊᖃᖅᑐᒍᑦ ᐱᓕᕆᖃᑎᒋᓐᓂᐅᔪᒥᑦ ᕿᑎᐊᓃᑦᑐᖅ ᐊᒻᒪ ᓴᖅᑭᖅᑎᑕᐅᓚᐅᖅᓯᒪᖏᑦᑐ.
ᑕᕐᓂᕋ ᐊᒻᒪ ᐆᒻᒪᑎᒐ ᑕᑕᑦᑐᑦ ᐱᔾᔪᑎᒋᓪᓗᒍ ᐅᖃᐅᓯᖃᕋᑦᑕ ᐱᕈᖅᑎᑦᑎᓂᕐᒥᑦ ᐱᓕᕆᖃᑎᒌᓐᓂᕐᒥᑦ, ᐅᕙᑦᑎᓐᓄᑦ, ᑭᖑᓕᑦᑎᓐᓄᑦ ᐊᒻᒪ ᐱᓕᕆᓂᕆᔭᕗᑦ. ᐅᓂᒃᑳᖅᑐᖃᖃᑦᑕᖅᑐᖅ ᓯᕗᒧᒋᐊᕐᓗᑕ. ᒪᓕᒐᕗᑦ ᑕᑯᔅᓴᐅᑎᑦᑎᔭᕆᐊᓕᒃ ᐅᓂᒃᑳᓂᑦ ᐊᒻᒪ ᑕᕐᓂᖃᓗᑕ.
ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᒐᖅ ᑐᑭᒧᐊᖅᑎᑕᐅᔭᕆᐊᓖᑦ ᐊᓪᓚᓄᑦ ᐊᑐᖅᑕᐅᕙᑦᑐᑦ ᑲᑎᓐᓂᕐᒧᑦ, ᑐᓴᖃᑦᑕᐅᑎᓂᖅ.
ᒪᓕᒐᖅᓐ ᐱᑕᖃᕆᐊᖃᖅᑎᑦᑎᔪᖅ ᓱᓕᔪᒥᑦ ᐊᒻᒪ ᐊᔾᔨᒌᓐᓂᖃᖅᑐᓂᑦ ᑐᓴᐅᒪᔾᔪᑎᓕᕆᓂᕐᒥᑦ.
ᐅᖃᐅᓯᕆᓪᓗᒋᑦ ᐊᕐᓇᐃᑦ ᓂᐱᖏᑦ, ᓱᕈᓰᑦ, 2-ᑕᕐᓂᖅ, ᑖᒃᑯᐊ ᓂᐄᑦ ᑐᓴᖅᑕᐅᑎᒋᐊᖃᖅᑕᕗᑦ. ᐅᖃᐅᓯᖃᖅᑎᓪᓗᑕ ᓇᓗᓇᐃᖅᓯᒪᔪᓄᑦ ᑐᓐᖓᓂᖃᖅᑐᑦ ᒪᓕᒐᕐᒥ, ᐅᖃᐅᓯᖃᖅᑐᒍᑦ ᐊᖑᑕᐅᓂᖏᓐᓄᑦ ᐊᕐᓇᐅᓂᖏᓐᓄᑦ ᓇᓗᓇᐃᖅᑕᐅᓯᒪᔪᑦ, ᐊᕐᕌᒍᒍᖏᑦ ᓇᓗᓇᐃᖅᑕᐅᓯᒪᔪᑦ, ᐊᓯᖏᓪᓗ.
ᑕᒪᓐᓇ ᓱᑦᑲᐃᓂᖅᓴᐅᒋᐊᓕᒃ ᐱᕙᓪᓕᐊᓂᖓ.
ᑲᑎᑦᑎᑕᐃᓐᓇᕆᓗᒋᑦ ᑭᒃᑯᓕᒫᑦ, ᐃᓄᐃᑦ ᑲᑎᑦᑎᓪᓗᒋᑦ, ᓈᓚᓪᓗᒋᑦ ᒪᒃᑯᑦᑐᑦ, ᑲᑎᑦᑎᓪᓗᒋᑦ ᐃᓱᒪᒋᔭᐅᔪᑦ ᐊᑕᐅᓯᐅᓕᕐᓗᑎ ᓯᕗᒧᒋᐊᕐᓗᓂ ᐱᐅᔪᑎᒍᑦ, ᑭᒃᑯᓕᒫᑦ ᐱᐅᔪᓂ ᑭᓱᓕᕆᔪᓐᓇᖅᑐᑦ ᐊᒻᒪ ᑐᓂᓯᒍᓐᓇᖅᑐᑦ ᐊᒻᒪ ᐃᑲᔪᕐᓗᑎ ᑐᓂᓯᓗᑎ.
ᓇᒧᖓᕐᓗᓂ ᒪᒃᑯᑦᑐᐃᑦ ᓇᒦᕝᕕᒋᔭᖏᓐᓂ, ᓯᓚᑦᑐᓴᕐᕕᒃᔪᐊᑦ ᐊᒻᒪ ᓯᓚᑦᑐᓴᕐᕕᑦ, ᑕᖅᑲᐅᖓ ᑐᓴᖅᓴᐅᑎᓪᓗᒍ.
ᓂᓪᓕᐊᖃᑎᖃᑐᐃᓐᓇᕈᓐᓇᖏᑦᑐᒍᑦ ᐊᖏᔪᓄᑦ ᑲᑐᔾᔨᖃᑎᒌᓂᑦ, ᐅᕝᕙᓘᓐᓃᑦ ᐊᕕᑦᑐᖅᓯᒪᔪᒥᑦ ᑲᑐᔾᔨᖃᑎᒋᓂᑦ. ᑐᕌᑦᑕᐅᑎᒋᒋᐊᖃᖅᑕᕗᑦ ᓄᓇᓖᑦ/ᓄᓇᐃᑦ ᐱᓕᕆᐊᖃᕈᒪᓂᖃᖅᑐᑦ, ᓄᓇᓖᑦ ᐋᑐᕚᒨᖏᖔᖅᑎᑕᐅᖏᓪᓗᑎ. ᓄᓇᖃᖅᑳᖅᓯᒪᔪᑦ ᐃᓄᖏᑦ ᕿᒪᐃᔭᕆᐊᖃᖏᑦᑑᖓᒐᓗᐊᑦ ᓄᓇᖓᓂ, ᒐᕙᒪᒃᑯᑦ ᐅᕙᑦᑎᓐᓅᖃᑦᑕᕆᐊᓖᑦ.
ᐊᓪᓚᓄᑦ ᓄᓇᓕᓐᓂᑦ ᐊᓪᓚᓄᑦ ᓄᓇᓕᓐᓄᑦ ᐊᒻᒪᓗ: ᓇᐅᑕᐃᒪ ᓂᐱᖏᑦ ᑕᐃᒃᑯᐊ ᓄᓇᒦᑦᑐᑦ, ᐃᖅᑲᓇᐃᔭᕐᓂᖃᖅᑐᑦ?
ᑐᓴᖏᓗᐊᖅᓯᒪᒧᖓ ᓄᓴᒻᒥᑦ, ᐊᔾᔨᐸᓗᒋᔭᖓ ᐊᒥᖏᓐᓄᑦ ᒐᕙᒪᒃᑯᓐᓄᑦ ᐅᖃᐅᔾᔨᒋᐊᓂᕐᒧᑦ. ᐃᑭᑎᒋᐊᓕᒃ ᑕᐃᓐᓇ ᐃᑯᐊᓚᔪᖅ ᑲᓇᑕᓕᒫᒥᑦ. ᑭᓯᐊᓂ ᑐᓴᒃᑲᓐᓂᕆᐊᖃᖅᑐᒍᑦ ᐃᓄᒋᐊᑦᑐᓂᑦ ᐊᒻᒪ ᓗᓇᓕᒻᒧᑦ ᓂᐱᖏᓐᓂ. ᒪᒃᑯᑦᑑᒐᓗᐊᕈᕕᑦ ᐅᕝᕙᓘᓐᓃᑦ ᐃᓐᓇᐅᒐᓗᐊᕈᕕᑦ, ᐃᓐᓇᑐᖃᐅᒐᓗᐊᕈᑯᓪᓘᓐᓃᑦ, ᐃᓐᓇᖅ, ᖃᐅᔨᒪᓂᐅᔪᓂᑦ ᐱᓯᒪᑦᑎᔨ, ᐃᓄᒋᐊᑦᑐᓃᒃᑲᓗᐊᕈᕕᑦ ᐅᕝᕙᓘᓐᓃᑦ ᓄᓇᓕᒻᒥ ᐊᓪᓚᓄᑦ, ᐃᓕᓴᖅᓯᓂᖅ ᐊᔾᔨᒌᖏᑦᑑᑎᑦ ᓂᐱᐅᔪᓂᑦ ᓄᓇᓕᓐᓂᑦ. ᐃᓚᐃᓐᓇᕆᔪᓐᓇᖏᑕᖏᑦ ᐃᓚᒋᔭᐅᔪᑦ ᐅᕝᕙᓘᓐᓃᑦ ᑭᒡᒐᖅᑐᐃᔪᑦ. ᑕᐃᒪᐃᒃᑯᑦᑕ ᑮᓇᐅᔭᓕᐅᕋᓱᐊᖅᑐᒍ ᓄᓇᖃᖅᑳᖅᓯᒪᓪᓗᑕ; ᐅᕙᑦᑎᓐᓂ ᐋᓐᓂᖅᓯᑲᓐᓂᓂᐊᖅᑐᑦ ᐃᑲᔪᖏᖔᕐᓗᑎ.
ᐅᖃᐅᓯᖅ ᐃᓕᓐᓂᐊᑎᑦᑎᔪᖅ ᐅᕙᒍᑦ ᒥᔅᓵᓄᑦ ᑕᐅᓴᖏᓐᓃᑦᑐᓂᑦ ᐊᕐᕌᒍᓂᑦ ᐊᒻᒪ ᑕᐃᒪᓐᓇ ᐃᓄᐃᑦ ᖃᐅᔨᒪᖃᑦᑕᐅᑎᔪᑦ ᓇᓈᓴᕋᔅᓴᐅᖏᑦᑐᓂᑦ ᑭᖑᕚᕇᑦᑐᓂᑦ ᐊᒻᒪ ᑕᐃᒪᐃᑦᑐᒥᑦ ᑐᓂᓯᔪᒪᔪᒍᑦ ᐊᓯᖏᓐᓄᑦ.

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ:: 2022-06-30

ᐅᖃᐅᓯᕐᒥᒃ ᓂᕈᐊᕐᕕᒃ

ᑐᑭᓯᒋᐊᕐᕕᐅᑉ ᓱᔾᔪᑎᖏᑦ