Kahnrakaióntshera tsi nonkwá:ti ne ratiksaokón:'a: Saterién:tarak tsi nikaiérha, sésak ióhstore tehonwatíhshnie'n
Ratiksaokón:'a, sénha ne kà:ron ne 5 tehonohseriiá:kon, sénha watié:sen ahotihnraká:ion'se, iotté:ron ne thénon nahotiiá:tawen (TB) káhnra tóka' iah ióhstore tha'tahonwatíhshnie'ne.
Inuit tánon ne Onkwehón:we ratiksaokón:'a sénha ronatiohkowáne rotiién:ta's ne TB, ne tkarihón:nis ne kanakerahserá:kon ratí:teron sótsi ronatiohkowá:nen ratí:teron ne raotinonhskónshon tánon kwató:ken khok tsi ní:kon ká:ien ne tahonwatíhshnie'ne.
Owerá:ke tsi tewaré:nies ne TB nónen ónhka iakó:ien ne iakó:ra's TB eniónhsa'ke, teiako'tshionste tóka ni' eniontá:ti. Sénha watié:sen tsi tewaré:nie's ne TB nónen sótsi ronatiohkowá:nen skátne ratí:teron.
Tsi enhsaten'nikón:raren tánon iohstó:re enhsatoriá:neron enwá:ton ki' enhse'nikonrárake ne sheiookón:'a ahonata'karí:teke.
Enwá:ton enhontétsen'te ne TB ne tkaié:ri onónhkwa enióntste. Ia'sheiá:tats ne ata'karitáhtshera rotiió'te asheri'wanón:tonhse tsi ní:ioht tsi ronwanatkén:se ahotitó:kenhse oh niiakoiá:tawens, tánon tsi nihotirihó:ten tsi iah teiót:teron tsi tahonwatíhshnie'ne.
Tóka' thénon ionttó:kahs ne sheién:'a tóka ni' ónhka'k iakó:ien ne TB ákta í:ienskwe, tóhsa saten'nískwat ónwa iontatátken's!
Sheiaten'nikón:raren ne sheiookón:'a tóka thénon enthónttoke:
- ahón:tiwe tóka ni' iah tehonatehiahrón:tie
- wentó:re ahontón:rie
- iah tewateríhshions tsi ronhsá:kha
- enionhsa'ke tánon oniskeróhta tóka ni' tekanekwenhsaié:ston
- iako'tonhkwahrhos tóka ni' o'karasha teion'tarihenseronkótha
- teiakohwishenhé:ion tóka ni' iah tshiehshéhes
Sénha í:si' nón:we naesató:kenhse: Kahnrakaióntshera Onkwehonwéhne (Iah teká:ien ne Kanien'kéha)
- Tsi niieskahá:wis skakwatákwen: