Miniiwaapinewin gewe Binoojiinig: Gikendan newen inamjiwinan, ondowaabmdan wiiba ginowenjigewin.
Binoojiinig, memdage gwa nondaaj epiitizijig naanon, ayaawog gichi woshme awii maajitaamigag, zinagag, bimaadiziwin niizaanag dnowaa owi miniiwaapinewin giishpin bwaa mashkikiikaadeg wiiba.
Eshkiime miinwaa Anishaabe binoojiinig ada ayaanaa-aa woshme niibna miniiwaapinewin, memdage onji adaangh odenwinan temigag zaam niibna yaawaad wiigwaamingh miinwaa nondesimigag mina bimaadiziwin ginowenjige misendamowin.
Miniiwaapinewin sweshkaamigad zhiwe inaamiwin apii gwaya eyaangh miniiwaapinewain osasdangh, jaachaamad, maage giigidad. Miniiwaapinewin woshme wenpanad awii sweshkaamigag apii wiijigendaadowin bebesha.
Owi aabaji naagizowaabmdaman miinwaa wiiba nda zhichigengh, gdaa ginowendaan gdo binoojiinim mina bimaadizid miinwaa mina zhayaad.
Miniiwaapinewin adaa mashkikiigaademigad miinwaa noojimochigaademigad owi gagwek ayaawongh mashkikiin. Ganoozh gdo mina bimaadiziwin ginowenjigewin maagwed miinwaa gagwedwen owi miniiwaapinewin nda-gikenjigewin, waawiinjigaadeg aakoziwin, miinwaa inaadiziwin waankiimigag ginowenjigewin.
Giishpin gdo binoojiinim ayaangh gego inamjiwinan maage agii iniwedizad owi miniiwaapinewin, gegwa baabiitoke miinwaa nda gikendan nongo giizhigad!
Naanaagidowaabmdan newen inamjiwinan gewe gdo binoojiinimag:
- epiitinigizid naazhisemigag maage gaawii majiigisig ezhi dinenjigaadeg
- zinagizid awii nesed
- osasdamiwin gaawii maajaasinag
- osasdangh zaagiji oskiigomaabo maage miskwi
- gizhizowaapine maage dibikag bweziwin
- ekozi maage mooshkaadizi
Owi woshme gikendamowin: Miniiwaapinewin zhiwe Giizhaa Agaa Yaajig odenwinan (Gaawii tesino Waabanong Ojibwemiwin)
- Agpii agaa aanjchigaadeg: